ALƐ̍FƐ̄SUSI 4
4
Otū ngmo̍tu̍chɛ̄ yī ibi̍īyē
1Ami nīi - oligbakɔbɔ wu̍chē lɔkɔ nīi n hɔ̍chɛ̍ yī Ādā ma̍ yɛ ē ra̍ābɔ̄ de ala̍ a̍nɛ; ala̍ ā hɔ̄ la ɔhɔ̄leyī nīi ge̍ē kwiko la ɔgulɛ̄lā nīi Ɔwɔ de lā nīi o̍ hī ala̍ ɛra̍ ma̍ gɛ. 2Ala̍ ā lɛ mlɛ̍ɛ̍, lɛ du̍mɔ̍ gba̍a mlɔtū kpɔ̍ɔ̍ myɛ̄grāa-myɛ̄grāa. Ala̍ ā de ɔhɔtū yī ala̍ chabɔ̄ la otū ɔ̍nyīnū wɔbɔ̄. 3Uhu yī Ɔwɔ ya̍ nīi ala̍ ngmo̍tu̍chɛ̄ ma̍; ala̍ ā chɛ̄rī gɛ hɛ̄ɛbɛ nīi ala̍ ge̍ de ongmo̍tu̍chɛ̄ ɔla̍ā gbōgbō hwɔhi hwɔhi bū la ɔgblāa la ogbodɔ̍dɔ̍. 4Ibi̍īyē wa̍a̍ lɛ ūkpo̍he; Uhu yī Ɔwɔ chī lɛ ūkpo̍he; i̍ngi̍ngɔ̍ɔ nīi ɔjā odeyīche nīi Ɔwɔ hī ala̍ ɛra̍ yī nū ma̍ lɛ ūkpo̍he a̍nɛ. 5Ādādā yī ɛjā wa̍a̍ lɛ ūkpo̍he, ɔtū ode chōche lɛ ūkpo̍he, yenyi ohōhu chī lɛ ūkpo̍he. 6Ɔwɔ lɛ ūkpo̍he kpo̍kpo̍. Anu̍ - A̍dā yī āchɛ wa̍a̍, gba̍a - Ādādā yī ɛjā wa̍a̍ a̍nɛ. Anu̍ ē ya̍ u̍ku̍rɔ̍ gala abɔ̄ yī ɛjā wa̍a̍, chī gba̍a hɔ̄ la aa̍ wa̍a̍ a̍nɛ.
7Ɔ̄chɛmɔ̄chɛ lipu̍ yī alɔ lɛ ɔjā ɔha̍ nīi Ɔwɔ kɔ̄kɔ̄ de ɔ̍ ji ke̍e̍ lɛ̍kɛ̍kɔ̍ lɔkɔ nīi Ikra̍yisi miya nīi ɔlɔjā ge̍ē nāa ma̍. 8Ɔla̍ā lɛ lɔkɔ nīi Īpū yī Ɔwɔ ka ma̍:
“Yɛ̄grāa nīi o̍ pīya ga abɔ̍ɔ
ga ichō la a̍gbo̍ri hwɛɛ ma̍,
o̍ ku̍ āchɛ yɛ̄mɛ̄mɛ̄ pīya bāa afiyɛ yī lɛwu̍ ma̍;
o̍ kɔ̄ ɔjā ɔkɔ̄kɔ̄ wa̍a̍ de āchɛ̄ɛchɛ.”
9“O̍ pīya ga abɔ̍ɔ ga ichō” nūma̍, oji̍ - ochi̍chi̍ yī nū ma̍? Ɔla̍ā re̍ka o̍ wā amu la ajɛ o̍bū. O̍ re̍ka o̍ ga lipu̍ yī ajɛ pɛtɛɛ. 10Bū la ɛbɛ ɔla̍ā, anu̍ nīi wā la ajɛ ma̍ gba̍a pīya ga ichō ga abɔ̍ɔ ga a̍gbo̍ri hwɛɛ a̍nɛ. O̍ ya̍ i̍ngɔ̍ɔ hɛ̄ɛbɛ nīi o̍ ge̍ē hɔ̄ la ɛbɛha̍ ɛbɛha̍ wa̍a̍ gbrugudu. 11Anu̍ ē kɔ̄ ɔjā ɔkɔ̄kɔ̄ ɔla̍ā de āchɛ̄ɛchɛ a̍nɛ. O̍ hu āchɛ ɛha̍ nīi e̍ ge̍ē re̍ka alɛrɔ̄ yī Ikra̍yisi, ɛha̍ ge̍ē re̍ka āchɛ ɔkɛrɔ̄ yī Ɔwɔ; ɛha̍ - āchɛ obī Wɔ̄kā Ɔlwɔnyɛ yī Ɔwɔ ka de āchɛ; ɛha̍ - āchɛ odeyīrɛ āchɛ yī Ɔwɔ; ɛha̍ chī - āchɛ ongū āchɛ yī Ɔwɔ lɛlā. 12O̍ ya̍ i̍ngɔ̍ɔ hɛ̄ɛbɛ ge̍ē ya̍ nīi āchɛ yī Ɔwɔ ē ti̍bi̍īyēchɛ̄, ya̍ u̍ku̍rɔ̍ nīi - iyī Āchɛ yī Ikra̍yisi ma̍, hɛ̄ɛbɛ ge̍ē ya̍ nīi ogrēeyī yī āchɛ yī Ɔwɔ nīi re̍ka ibi̍īyē yī Ikra̍yisi ma̍ ē jɛ̄. 13Bū la ɛbɛ ɔla̍ā, alɔ wa̍a̍ ge̍ē ngmo̍tu̍chɛ̄ de ē lɛ ūkpo̍he la ɔtū ode chōche ba̍la ochi̍chi̍ yī Ɔyi̍ yī Ɔwɔ ojo̍ōje̍. Bɛ̍ɛ̄nɛ̄ ma̍, alɔ ge̍ē de jɛ̄ angrɔ̄ɔ, ē jɛ̄ gbajɛ lɔkɔ nīi Ikra̍yisi lɛ la ɔgɔ̄grāa ma̍. 14Bū la ɛbɛ ɔla̍ā, alɔ i̍ ge̍ē lɛ bāa aɛ̍pɛ̄ ma̍ ē gɛ ni̍. Lɛlā ongōngū yī āchɛ ɛgla̍ āchɛ i̍ ge̍ē de alɔ pɛ̍ ē pīya bāa a̍kpa̍yēenyi kɛ̄ɛ u̍ju̍ja̍ ma̍ ē gɛ ni̍. Āchɛ ɛla̍ā ma̍ ē bī a̍chālā yī wā ya̍ nīi āchɛ ē bi̍yēyī. 15Ɔkɔkɔ ɔla̍ā, bū la lɛlā olēchi̍ lēchi̍ ɔkɔ̄ka la ɔhɔtū, alɔ ge̍ē jɛ̄ hwɔhi hwɔhi la ongmo̍tu̍chɛ̄ ba̍la Ikra̍yisi. Ikra̍yisi re̍ka lɛhu̍ yī alɔ a̍nɛ. 16Bū la wɔhu̍ yī nū, ɛbɛha̍-ɛbɛha̍ yī ibi̍īyē wa̍a̍ hra̍ku la ɛbɛ ūkpo̍he. Ibi̍īyē wa̍a̍ hra̍ku la ɛbɛ ūkpo̍he la iko wa̍a̍ nīi tū ɔ̄ ma̍. Bū la ɔla̍ā, ɛbɛha̍-ɛbɛha̍ yī ibi̍īyē ge̍ yɛ ē ya̍ u̍ku̍rɔ̍ kpakpa mɛ̍, ibi̍īyē wa̍a̍ ē jɛ̄, ē de iyī anu̍ ɔlɔjā ē ma ē tū ke̍e̍ bū la ɔhɔtū bɛ̍ɛ̄nɛ̄.
Ɔhɔ̄leyī onīpīpɛ̄ la abɔ̄ yī Ikra̍yisi
17Bū la riyī yī Ādā, nīi n ge̍ē kɛlā nūma̍ ē ta̍ ala̍ ɔna a̍nɛ: Ala̍ e̍e ya̍ ɔhɔ̄leyī bāa āchɛ i̍ je̍ Ɔwɔ ni̍ ma̍ gɛ ni̍. Ɛri̍ya̍ ogbōgbo yī wā - a̍kpla yī lɛlā nɛ. 18Ūkpɔ̄tū yī wā tū la ɛbɛ odobū. E̍ i̍ lɛ ɔha̍lɔha̍ abɔ̍ɔ lipu̍ yī ɔjā nīi Ɔwɔ ē de ma̍ ni̍. Wu̍chē oji̍ nɛ, e̍ i̍ je̍ ɔjɔ̄jā ni̍ lachi̍lachi̍, gba̍a darɔ̄lɛhu̍. 19Ɛri̍ya̍ yī liwēyī ɔha̍lɔha̍ i̍ hɔ̄ la lɛhu̍ yī wā gɛ ni̍. E̍ tu̍labɔ̄ hī iyī wā wa̍a̍ lā de ya̍chi yī lɛlā oliwēyī iwēyī ɔyɔ̍ɔ̄ya̍. E̍ ē ya̍ ita yī lɛlā ɔha̍lɔha̍ wa̍a̍ nīi i̍ lɛ kpakpa ni̍ ma̍. E̍ i̍ ē chɛ̄ pi̍ye̍mā la aa̍ ni̍.
20I̍ ɔjā nīi ala̍ chī jo̍ōkū ku̍ Ikra̍yisi ma̍ bī aa̍ a̍ni̍ mɛ̍! 21Je̍ka aa̍ ala̍ plɛ̍ɛ̄lā yī nū? Bāa āchɛ yī nū ma̍, je̍ka e̍ ngū ala̍ lɛlā olēchi̍ lēchi̍ nīi hɔ̄ la lɛlā yī Iji̍sɔ̄ɔsi ma̍? 22O̍ lɛ i̍ngɔ̍ɔ ma̍, ala̍ ā tu̍labɔ̄ hī lɛlā yī ɔchɔ̍ɔwɔ yī ala̍ ɛlɛjā nīi - ɔjā ɔnɛ̄chɛ̄ ma̍ gɛ. Anu̍ ē ya̍ nīi ala̍ ē hɔ̄ lɔkɔ nīi ala̍ ē hɔ̄ o̍bū ma̍ a̍nɛ. Ɔchɔ̍ɔwɔ ɔnɛ̄chɛ̄ ɔla̍ā, a̍hla̍ yī lɛlā ɔwɔ̄wīyā nīi hla̍ anu̍ ma̍ yɛ ē de ɔ̍ ē chāajɛ mɛ̍. 23Ūkpɔ̄tū ba̍la ɛri̍ya̍ yī ala̍ ge̍ re̍ka onīpīpɛ̄ ke̍e̍ la ɔgɔ̄grāa gɛ. 24Ala̍ ā nāa ɔchɔ̍ɔwɔ onīpīpɛ̄ nīi Ɔwɔ ya̍ la īgbla yī anu̍ ɔlɔjā ma̍ ru bāa aru̍ ma̍ gɛ. Anu̍ ma̍ ē de iyī nū chabɔ̄ la ɔhɔ̄leyī olēchi̍ lēchi̍ nīi grāa kpakpa gba̍a lɛ cha̍ri̍cha̍ri̍ ma̍.
25Arīmɛ̄ owōwu ge̍ e̍e hɔ̄ gɛ ni̍ gɛ. Ɔ̄chɛmɔ̄chɛ ge̍ kɛlā olēchi̍ lēchi̍ de ɔɔ̍nɛ̍ yī nū. Wu̍chē oji̍ nɛ, alɔ wa̍a̍ tū ngmo̍tu̍chɛ̄ la ibi̍īyē yī Ikra̍yisi. 26Ɔtū ngurangura ge̍ ya̍ wɔ, a ā chɛ̄ nīi o̍ ge̍ bī ɔ̄ ge̍ yɛ̍ɛ̄lā ɔdwɔ̄bi̍ ni̍; a ā chī hɔ̄ abɔ̍ɔ la ɔtū ngurangura ɔla̍ā i̍ngɔ̍ɔ kpɛɛ ni̍. 27Ala̍ e̍e kɔ̄ ɛbɛbɛ lā de Ɔngūwɛ̄gā ni̍. 28Ɔ̄chɛ nīi ge̍ obu̍ūwī o̍bū, ɔlɔjā ge̍ pi̍ye̍mā la uwī owōwī; o̍ ge̍ ya̍ u̍ku̍rɔ̍, ma̍ ɔjā bī ya̍ ɔhɔ̄leyī nīi lɛ kpakpa ma̍, hɛ̄ɛbɛ nīi o̍ ge̍ ma̍ ɔjā bī tū alyeklo̍ wɔbɔ̄. 29Ala̍ e̍e kɛlā ɔdwɔ̄bi̍ la oko̍o tāa ɔ̍nyīnū ni̍. Lɛlā nīi ge̍ē tū ɔ̍nyīnū wɔbɔ̄ ma̍ nīi ala̍ ge̍ē ka a̍nɛ; ita yī lɛlā nīi ge̍ē bī āchɛ ē jɛ̄, ē de ɔjā nīi āchɛ chikpo̍ ma̍ de wa̍ ma̍ nɛ. Ala̍ ya̍ i̍ngɔ̍ɔ hɛ̄ɛbɛ nīi ɔjā nīi ala̍ ge̍ē ka ma̍ ge̍ tū āchɛ wa̍a̍ nīi ge̍ē po̍ ma̍ wɔbɔ̄. 30Ala̍ e̍e ya̍ nīi Uhu Ɔnɛ̄ɛhɛhi yī Ɔwɔ ge̍ he̍ēyīwɔnɔ ni̍. Wu̍chē oji̍ nɛ, Uhu yī Ɔwɔ nūma̍ - anu̍ re̍ka ina̍aba nīi Ɔwɔ de ba̍ ala̍ bāa āchɛ yī nū ma̍ a̍nɛ. Anu̍ - ochi̍chi̍ olēchi̍ lēchi̍ nīi ge̍ē chabɔ̄ hīka ɔ̄chī ɔha̍ ɔ̍lɔ yɛ abɔ̍ɔ yewā nīi Ɔwɔ ɔ̍lɔ ge̍ē de ala̍ ē hīya lɛfiyɛ a̍nɛ. 31Ala̍ ā tu̍labɔ̄ hī wɔnɔnɔ ɔlɔ̄lɛ, ba̍la otōwu̍ ba̍la ɔtū ngurangura. Ohwe̍e ɔtɔ̍ɔ̄ta̍ tū āchɛ ba̍la ɛcha̍ ge̍ e̍e gba̍a hɔ̄ gɛ ni̍. Ɛri̍ya̍ yī uji otū ɔ̄chɛ ita ɔha̍lɔha̍ ge̍ e̍e hɔ̄ gɛ ni̍. 32Ɔkɔkɔ ɔla̍ā, ala̍ ā lɛ yaya, lɛ gɛnɛgɛnɛ ba̍la ɔ̍nyīnū wa̍a̍. Ala̍ ā de lɛlā ɔdwɔ̄bi̍ kɔ̄ de ɔ̍nyīnū lɔkɔ nīi Ɔwɔ ɔlɔjā de kɔ̄ de ala̍ gala abɔ̄ yī Ikra̍yisi ma̍.
Currently Selected:
ALƐ̍FƐ̄SUSI 4: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
ALƐ̍FƐ̄SUSI 4
4
Otū ngmo̍tu̍chɛ̄ yī ibi̍īyē
1Ami nīi - oligbakɔbɔ wu̍chē lɔkɔ nīi n hɔ̍chɛ̍ yī Ādā ma̍ yɛ ē ra̍ābɔ̄ de ala̍ a̍nɛ; ala̍ ā hɔ̄ la ɔhɔ̄leyī nīi ge̍ē kwiko la ɔgulɛ̄lā nīi Ɔwɔ de lā nīi o̍ hī ala̍ ɛra̍ ma̍ gɛ. 2Ala̍ ā lɛ mlɛ̍ɛ̍, lɛ du̍mɔ̍ gba̍a mlɔtū kpɔ̍ɔ̍ myɛ̄grāa-myɛ̄grāa. Ala̍ ā de ɔhɔtū yī ala̍ chabɔ̄ la otū ɔ̍nyīnū wɔbɔ̄. 3Uhu yī Ɔwɔ ya̍ nīi ala̍ ngmo̍tu̍chɛ̄ ma̍; ala̍ ā chɛ̄rī gɛ hɛ̄ɛbɛ nīi ala̍ ge̍ de ongmo̍tu̍chɛ̄ ɔla̍ā gbōgbō hwɔhi hwɔhi bū la ɔgblāa la ogbodɔ̍dɔ̍. 4Ibi̍īyē wa̍a̍ lɛ ūkpo̍he; Uhu yī Ɔwɔ chī lɛ ūkpo̍he; i̍ngi̍ngɔ̍ɔ nīi ɔjā odeyīche nīi Ɔwɔ hī ala̍ ɛra̍ yī nū ma̍ lɛ ūkpo̍he a̍nɛ. 5Ādādā yī ɛjā wa̍a̍ lɛ ūkpo̍he, ɔtū ode chōche lɛ ūkpo̍he, yenyi ohōhu chī lɛ ūkpo̍he. 6Ɔwɔ lɛ ūkpo̍he kpo̍kpo̍. Anu̍ - A̍dā yī āchɛ wa̍a̍, gba̍a - Ādādā yī ɛjā wa̍a̍ a̍nɛ. Anu̍ ē ya̍ u̍ku̍rɔ̍ gala abɔ̄ yī ɛjā wa̍a̍, chī gba̍a hɔ̄ la aa̍ wa̍a̍ a̍nɛ.
7Ɔ̄chɛmɔ̄chɛ lipu̍ yī alɔ lɛ ɔjā ɔha̍ nīi Ɔwɔ kɔ̄kɔ̄ de ɔ̍ ji ke̍e̍ lɛ̍kɛ̍kɔ̍ lɔkɔ nīi Ikra̍yisi miya nīi ɔlɔjā ge̍ē nāa ma̍. 8Ɔla̍ā lɛ lɔkɔ nīi Īpū yī Ɔwɔ ka ma̍:
“Yɛ̄grāa nīi o̍ pīya ga abɔ̍ɔ
ga ichō la a̍gbo̍ri hwɛɛ ma̍,
o̍ ku̍ āchɛ yɛ̄mɛ̄mɛ̄ pīya bāa afiyɛ yī lɛwu̍ ma̍;
o̍ kɔ̄ ɔjā ɔkɔ̄kɔ̄ wa̍a̍ de āchɛ̄ɛchɛ.”
9“O̍ pīya ga abɔ̍ɔ ga ichō” nūma̍, oji̍ - ochi̍chi̍ yī nū ma̍? Ɔla̍ā re̍ka o̍ wā amu la ajɛ o̍bū. O̍ re̍ka o̍ ga lipu̍ yī ajɛ pɛtɛɛ. 10Bū la ɛbɛ ɔla̍ā, anu̍ nīi wā la ajɛ ma̍ gba̍a pīya ga ichō ga abɔ̍ɔ ga a̍gbo̍ri hwɛɛ a̍nɛ. O̍ ya̍ i̍ngɔ̍ɔ hɛ̄ɛbɛ nīi o̍ ge̍ē hɔ̄ la ɛbɛha̍ ɛbɛha̍ wa̍a̍ gbrugudu. 11Anu̍ ē kɔ̄ ɔjā ɔkɔ̄kɔ̄ ɔla̍ā de āchɛ̄ɛchɛ a̍nɛ. O̍ hu āchɛ ɛha̍ nīi e̍ ge̍ē re̍ka alɛrɔ̄ yī Ikra̍yisi, ɛha̍ ge̍ē re̍ka āchɛ ɔkɛrɔ̄ yī Ɔwɔ; ɛha̍ - āchɛ obī Wɔ̄kā Ɔlwɔnyɛ yī Ɔwɔ ka de āchɛ; ɛha̍ - āchɛ odeyīrɛ āchɛ yī Ɔwɔ; ɛha̍ chī - āchɛ ongū āchɛ yī Ɔwɔ lɛlā. 12O̍ ya̍ i̍ngɔ̍ɔ hɛ̄ɛbɛ ge̍ē ya̍ nīi āchɛ yī Ɔwɔ ē ti̍bi̍īyēchɛ̄, ya̍ u̍ku̍rɔ̍ nīi - iyī Āchɛ yī Ikra̍yisi ma̍, hɛ̄ɛbɛ ge̍ē ya̍ nīi ogrēeyī yī āchɛ yī Ɔwɔ nīi re̍ka ibi̍īyē yī Ikra̍yisi ma̍ ē jɛ̄. 13Bū la ɛbɛ ɔla̍ā, alɔ wa̍a̍ ge̍ē ngmo̍tu̍chɛ̄ de ē lɛ ūkpo̍he la ɔtū ode chōche ba̍la ochi̍chi̍ yī Ɔyi̍ yī Ɔwɔ ojo̍ōje̍. Bɛ̍ɛ̄nɛ̄ ma̍, alɔ ge̍ē de jɛ̄ angrɔ̄ɔ, ē jɛ̄ gbajɛ lɔkɔ nīi Ikra̍yisi lɛ la ɔgɔ̄grāa ma̍. 14Bū la ɛbɛ ɔla̍ā, alɔ i̍ ge̍ē lɛ bāa aɛ̍pɛ̄ ma̍ ē gɛ ni̍. Lɛlā ongōngū yī āchɛ ɛgla̍ āchɛ i̍ ge̍ē de alɔ pɛ̍ ē pīya bāa a̍kpa̍yēenyi kɛ̄ɛ u̍ju̍ja̍ ma̍ ē gɛ ni̍. Āchɛ ɛla̍ā ma̍ ē bī a̍chālā yī wā ya̍ nīi āchɛ ē bi̍yēyī. 15Ɔkɔkɔ ɔla̍ā, bū la lɛlā olēchi̍ lēchi̍ ɔkɔ̄ka la ɔhɔtū, alɔ ge̍ē jɛ̄ hwɔhi hwɔhi la ongmo̍tu̍chɛ̄ ba̍la Ikra̍yisi. Ikra̍yisi re̍ka lɛhu̍ yī alɔ a̍nɛ. 16Bū la wɔhu̍ yī nū, ɛbɛha̍-ɛbɛha̍ yī ibi̍īyē wa̍a̍ hra̍ku la ɛbɛ ūkpo̍he. Ibi̍īyē wa̍a̍ hra̍ku la ɛbɛ ūkpo̍he la iko wa̍a̍ nīi tū ɔ̄ ma̍. Bū la ɔla̍ā, ɛbɛha̍-ɛbɛha̍ yī ibi̍īyē ge̍ yɛ ē ya̍ u̍ku̍rɔ̍ kpakpa mɛ̍, ibi̍īyē wa̍a̍ ē jɛ̄, ē de iyī anu̍ ɔlɔjā ē ma ē tū ke̍e̍ bū la ɔhɔtū bɛ̍ɛ̄nɛ̄.
Ɔhɔ̄leyī onīpīpɛ̄ la abɔ̄ yī Ikra̍yisi
17Bū la riyī yī Ādā, nīi n ge̍ē kɛlā nūma̍ ē ta̍ ala̍ ɔna a̍nɛ: Ala̍ e̍e ya̍ ɔhɔ̄leyī bāa āchɛ i̍ je̍ Ɔwɔ ni̍ ma̍ gɛ ni̍. Ɛri̍ya̍ ogbōgbo yī wā - a̍kpla yī lɛlā nɛ. 18Ūkpɔ̄tū yī wā tū la ɛbɛ odobū. E̍ i̍ lɛ ɔha̍lɔha̍ abɔ̍ɔ lipu̍ yī ɔjā nīi Ɔwɔ ē de ma̍ ni̍. Wu̍chē oji̍ nɛ, e̍ i̍ je̍ ɔjɔ̄jā ni̍ lachi̍lachi̍, gba̍a darɔ̄lɛhu̍. 19Ɛri̍ya̍ yī liwēyī ɔha̍lɔha̍ i̍ hɔ̄ la lɛhu̍ yī wā gɛ ni̍. E̍ tu̍labɔ̄ hī iyī wā wa̍a̍ lā de ya̍chi yī lɛlā oliwēyī iwēyī ɔyɔ̍ɔ̄ya̍. E̍ ē ya̍ ita yī lɛlā ɔha̍lɔha̍ wa̍a̍ nīi i̍ lɛ kpakpa ni̍ ma̍. E̍ i̍ ē chɛ̄ pi̍ye̍mā la aa̍ ni̍.
20I̍ ɔjā nīi ala̍ chī jo̍ōkū ku̍ Ikra̍yisi ma̍ bī aa̍ a̍ni̍ mɛ̍! 21Je̍ka aa̍ ala̍ plɛ̍ɛ̄lā yī nū? Bāa āchɛ yī nū ma̍, je̍ka e̍ ngū ala̍ lɛlā olēchi̍ lēchi̍ nīi hɔ̄ la lɛlā yī Iji̍sɔ̄ɔsi ma̍? 22O̍ lɛ i̍ngɔ̍ɔ ma̍, ala̍ ā tu̍labɔ̄ hī lɛlā yī ɔchɔ̍ɔwɔ yī ala̍ ɛlɛjā nīi - ɔjā ɔnɛ̄chɛ̄ ma̍ gɛ. Anu̍ ē ya̍ nīi ala̍ ē hɔ̄ lɔkɔ nīi ala̍ ē hɔ̄ o̍bū ma̍ a̍nɛ. Ɔchɔ̍ɔwɔ ɔnɛ̄chɛ̄ ɔla̍ā, a̍hla̍ yī lɛlā ɔwɔ̄wīyā nīi hla̍ anu̍ ma̍ yɛ ē de ɔ̍ ē chāajɛ mɛ̍. 23Ūkpɔ̄tū ba̍la ɛri̍ya̍ yī ala̍ ge̍ re̍ka onīpīpɛ̄ ke̍e̍ la ɔgɔ̄grāa gɛ. 24Ala̍ ā nāa ɔchɔ̍ɔwɔ onīpīpɛ̄ nīi Ɔwɔ ya̍ la īgbla yī anu̍ ɔlɔjā ma̍ ru bāa aru̍ ma̍ gɛ. Anu̍ ma̍ ē de iyī nū chabɔ̄ la ɔhɔ̄leyī olēchi̍ lēchi̍ nīi grāa kpakpa gba̍a lɛ cha̍ri̍cha̍ri̍ ma̍.
25Arīmɛ̄ owōwu ge̍ e̍e hɔ̄ gɛ ni̍ gɛ. Ɔ̄chɛmɔ̄chɛ ge̍ kɛlā olēchi̍ lēchi̍ de ɔɔ̍nɛ̍ yī nū. Wu̍chē oji̍ nɛ, alɔ wa̍a̍ tū ngmo̍tu̍chɛ̄ la ibi̍īyē yī Ikra̍yisi. 26Ɔtū ngurangura ge̍ ya̍ wɔ, a ā chɛ̄ nīi o̍ ge̍ bī ɔ̄ ge̍ yɛ̍ɛ̄lā ɔdwɔ̄bi̍ ni̍; a ā chī hɔ̄ abɔ̍ɔ la ɔtū ngurangura ɔla̍ā i̍ngɔ̍ɔ kpɛɛ ni̍. 27Ala̍ e̍e kɔ̄ ɛbɛbɛ lā de Ɔngūwɛ̄gā ni̍. 28Ɔ̄chɛ nīi ge̍ obu̍ūwī o̍bū, ɔlɔjā ge̍ pi̍ye̍mā la uwī owōwī; o̍ ge̍ ya̍ u̍ku̍rɔ̍, ma̍ ɔjā bī ya̍ ɔhɔ̄leyī nīi lɛ kpakpa ma̍, hɛ̄ɛbɛ nīi o̍ ge̍ ma̍ ɔjā bī tū alyeklo̍ wɔbɔ̄. 29Ala̍ e̍e kɛlā ɔdwɔ̄bi̍ la oko̍o tāa ɔ̍nyīnū ni̍. Lɛlā nīi ge̍ē tū ɔ̍nyīnū wɔbɔ̄ ma̍ nīi ala̍ ge̍ē ka a̍nɛ; ita yī lɛlā nīi ge̍ē bī āchɛ ē jɛ̄, ē de ɔjā nīi āchɛ chikpo̍ ma̍ de wa̍ ma̍ nɛ. Ala̍ ya̍ i̍ngɔ̍ɔ hɛ̄ɛbɛ nīi ɔjā nīi ala̍ ge̍ē ka ma̍ ge̍ tū āchɛ wa̍a̍ nīi ge̍ē po̍ ma̍ wɔbɔ̄. 30Ala̍ e̍e ya̍ nīi Uhu Ɔnɛ̄ɛhɛhi yī Ɔwɔ ge̍ he̍ēyīwɔnɔ ni̍. Wu̍chē oji̍ nɛ, Uhu yī Ɔwɔ nūma̍ - anu̍ re̍ka ina̍aba nīi Ɔwɔ de ba̍ ala̍ bāa āchɛ yī nū ma̍ a̍nɛ. Anu̍ - ochi̍chi̍ olēchi̍ lēchi̍ nīi ge̍ē chabɔ̄ hīka ɔ̄chī ɔha̍ ɔ̍lɔ yɛ abɔ̍ɔ yewā nīi Ɔwɔ ɔ̍lɔ ge̍ē de ala̍ ē hīya lɛfiyɛ a̍nɛ. 31Ala̍ ā tu̍labɔ̄ hī wɔnɔnɔ ɔlɔ̄lɛ, ba̍la otōwu̍ ba̍la ɔtū ngurangura. Ohwe̍e ɔtɔ̍ɔ̄ta̍ tū āchɛ ba̍la ɛcha̍ ge̍ e̍e gba̍a hɔ̄ gɛ ni̍. Ɛri̍ya̍ yī uji otū ɔ̄chɛ ita ɔha̍lɔha̍ ge̍ e̍e hɔ̄ gɛ ni̍. 32Ɔkɔkɔ ɔla̍ā, ala̍ ā lɛ yaya, lɛ gɛnɛgɛnɛ ba̍la ɔ̍nyīnū wa̍a̍. Ala̍ ā de lɛlā ɔdwɔ̄bi̍ kɔ̄ de ɔ̍nyīnū lɔkɔ nīi Ɔwɔ ɔlɔjā de kɔ̄ de ala̍ gala abɔ̄ yī Ikra̍yisi ma̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)