11 ALITƐSALONA̍YĪKA 1
1
Owu̍tu
1Ami Ipɔ̍ɔli ba̍la Isa̍yi̍lāasi ba̍la Iti̍mōti ta̍ īpū nūma̍ tɛ̄rɔ̄ a̍nɛ. Alɔ tɛ̄rɔ̄ nūma̍ hu ala̍ alogrēeyī yī āchɛ yī Ɔwɔ nīi hɔ̄ la ajɛ yī Itɛsalona̍yīka ma̍. Ala̍ nīi - āchɛ yī Ɔwɔ A̍dā yī alɔ, gba̍a iyī Ādā Iji̍sɔ̄ɔsi Ikra̍yisi ma̍.
2Ɔwɔ A̍dā ba̍la Ādā Iji̍sɔ̄ɔsi Ikra̍yisi ge̍ de ɔpiyɛ ba̍la ogbodɔ̍dɔ̍ de ala̍ wa̍a̍.
Lɛpɔ̄ ɔhɔ̍ɔ̄hɛ̍ la ɔ̄chī ɔwɔ̄wā yī Ādā
3Aɛ̍nɛ̍ yī u! Alɔ ge̍ē da Ɔwɔ o̍be myɛ̄grāa-myɛ̄grāa ē de ala̍. O̍ ngma̍ nīi alɔ ē ya̍ i̍ngɔ̍ɔ wu̍chē oji̍ nɛ, ɔtū ode chōche yī ala̍ yɛ abɔ̍ɔ ē jɛ̄ gba̍a̍; ɔhɔtū nīi ala̍ lɛ ba̍la ɔ̍nyīnū ma̍ gba̍a yɛ abɔ̍ɔ ē lɔ̄kū gba̍a̍ ē gāa iyɔ̄bū iyɔ̄bū. 4Ɔla̍ā - ohu̍ nīi alɔ ɛlɛjā ē bī ala̍ ē gbogū la ogrēeyī yī āchɛ yī Ɔwɔ i̍ngɔ̍ɔ wa̍a̍ a̍nɛ. Ɔpɔ̄pū nīi ala̍ bī mlɔtū gba̍a de ɔtū che Ɔwɔ kpɔ̍ɔ̍ lipu̍ yī ichi̍ nīi e̍ yɛ ē ya̍ ala̍ ba̍la akanya nīi hɔ̄ de ala̍ ma̍ nīi alɔ ē bī gbogū a̍nɛ.
5Ochi̍chi̍ yī lɛlā nīi de lɛpɔ̄ ɔhɔ̍ɔ̄hɛ̍ kpakpa yī Ɔwɔ ē chabɔ̄ ma̍ hɔ̄ ma̍ a̍nɛ. Wu̍chē oji̍ nɛ, bū la lɛlā oli̍ngɛ̍ɛ̄nɛ̄ nūma̍ wa̍a̍, ala̍ ge̍ē de ē hwɔhi hwɔhi ē ngma̍ la ɛbɛ yī Ɔchwɔ̄lɛ̍ Oro̍ōre̍ yī nū nīi ala̍ yɛ ē mi̍chi̍ lɛhu̍ yī nū ma̍. 6Ɔwɔ ge̍ē ya̍ ɔjā nīi hwɔhi kpakpa ma̍: O̍ ge̍ē de ichi̍ ɔmɔ̍ɔ̄ma̍ ē de āchɛ ɛla̍ā nīi ē ya̍ nīi ala̍ ē mi̍chi̍ ma̍. 7O̍ chī ge̍ē de ibi̍īyē ɔhɛ̍ cha̍a̍ ē de ala̍ nīi yɛ ē mi̍chi̍ o̍bū ma̍, ba̍la alɔ i̍ngi̍ngɔ̍ɔ. O̍ ge̍ē ya̍ i̍ngɔ̍ɔ la yɛ̄grāa nīi Ādā Iji̍sɔ̄ɔsi ge̍ē bīyɛchɛ ē bū la ichō wā ba̍la ayɛ̍ɛ̄chɛ̄rɔ̄ ɛnɛ̄kɛ̄kū yī nū ma̍. 8O̍ ge̍ē bī ɔla̍ ɔha̍ nīi yɛ ē chɔ̄chɛ̄ ma̍ ē wā ge̍ē de ichi̍ ɔmɔ̍ɔ̄ma̍ de āchɛ nīi i̍ je̍ Ɔwɔ ni̍ ma̍ ba̍la enīi tɔ̍ɔkɔ yī Wɔ̄kā Ɔlwɔnyɛ yī Ādā Iji̍sɔ̄ɔsi ma̍. 9Āchɛ ɛla̍ā ge̍ē mi̍chi̍ gba̍a̍ lipu̍ yī ichi̍ nīi - ɔchāajɛ ku yɛ̄grāa ɔha̍lɔha̍ ma̍. E̍ ge̍ē de wa̍ ē hɛ̍ hwɛɛ ē gblāa hī iyɔ̄bū yī Ādā ba̍la rīgā ɔnɔ̄kɔ̄kū yī nū. 10I̍ngɔ̍ɔ nīi o̍ ge̍ē lɛ la ɔ̄chī ɔla̍ā nīi Ikra̍yisi ge̍ē wā ge̍ē nāa ɔkɔ̄kā bū la abɔ̄ yī āchɛ yī nū, ba̍la otūlichō bū la abɔ̄ yī āchɛ nīi de ɔtū che ɔ̍ ma̍ a̍nɛ. Ala̍ titi ge̍ē tū lipu̍ yī āchɛ nūma̍; wu̍chē oji̍ nɛ, ala̍ chɛ̄ku ɛrɔ̄ yī Ɔwɔ nīi alɔ koko̍o de ala̍ ma̍.
11Ɔla̍ā - ohu̍ nīi alɔ ē jɔhā de ala̍ myɛ̄grāa-myɛ̄grāa a̍nɛ. Alɔ yɛ ē ra̍ābɔ̄ hīka Ɔwɔ yī alɔ ge̍ ya̍ nīi ala̍ ge̍ hwɔhi hwɔhi ngma̍ la ɔhɔ̄leyī nīi o̍ hī ala̍ ɛra̍ yī nū ma̍. Bū la wɔhu̍ yī nū, o̍ ge̍ē ya̍ lɛbɛ nīi ɔhɔ̍ɔ̄hla̍ yī lɛlā ɔnɛ̄ɛhɛhi yī ala̍, ba̍la u̍ku̍rɔ̍ yī ɔtū ode chōche yī ala̍ ge̍ē gɔ̄grāa ke̍e̍. 12Bū la ɔpɔ̄pū nūma̍, riyī yī Ādādā yī alɔ, Iji̍sɔ̄ɔsi ge̍ē nāa rīgā ke̍ke̍ni̍ ē bū la abɔ̄ yī ala̍, rīgā yī ala̍ titi ge̍ē bū la abɔ̄ yī nū i̍ngi̍ngɔ̍ɔ. Onūma̍ wa̍a̍ ge̍ē ya̍ i̍ngɔ̍ɔ ē bū la ɔpiyɛ yī Ɔwɔ yī alɔ ba̍la Ādā Iji̍sɔ̄ɔsi Ikra̍yisi.
Currently Selected:
11 ALITƐSALONA̍YĪKA 1: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
11 ALITƐSALONA̍YĪKA 1
1
Owu̍tu
1Ami Ipɔ̍ɔli ba̍la Isa̍yi̍lāasi ba̍la Iti̍mōti ta̍ īpū nūma̍ tɛ̄rɔ̄ a̍nɛ. Alɔ tɛ̄rɔ̄ nūma̍ hu ala̍ alogrēeyī yī āchɛ yī Ɔwɔ nīi hɔ̄ la ajɛ yī Itɛsalona̍yīka ma̍. Ala̍ nīi - āchɛ yī Ɔwɔ A̍dā yī alɔ, gba̍a iyī Ādā Iji̍sɔ̄ɔsi Ikra̍yisi ma̍.
2Ɔwɔ A̍dā ba̍la Ādā Iji̍sɔ̄ɔsi Ikra̍yisi ge̍ de ɔpiyɛ ba̍la ogbodɔ̍dɔ̍ de ala̍ wa̍a̍.
Lɛpɔ̄ ɔhɔ̍ɔ̄hɛ̍ la ɔ̄chī ɔwɔ̄wā yī Ādā
3Aɛ̍nɛ̍ yī u! Alɔ ge̍ē da Ɔwɔ o̍be myɛ̄grāa-myɛ̄grāa ē de ala̍. O̍ ngma̍ nīi alɔ ē ya̍ i̍ngɔ̍ɔ wu̍chē oji̍ nɛ, ɔtū ode chōche yī ala̍ yɛ abɔ̍ɔ ē jɛ̄ gba̍a̍; ɔhɔtū nīi ala̍ lɛ ba̍la ɔ̍nyīnū ma̍ gba̍a yɛ abɔ̍ɔ ē lɔ̄kū gba̍a̍ ē gāa iyɔ̄bū iyɔ̄bū. 4Ɔla̍ā - ohu̍ nīi alɔ ɛlɛjā ē bī ala̍ ē gbogū la ogrēeyī yī āchɛ yī Ɔwɔ i̍ngɔ̍ɔ wa̍a̍ a̍nɛ. Ɔpɔ̄pū nīi ala̍ bī mlɔtū gba̍a de ɔtū che Ɔwɔ kpɔ̍ɔ̍ lipu̍ yī ichi̍ nīi e̍ yɛ ē ya̍ ala̍ ba̍la akanya nīi hɔ̄ de ala̍ ma̍ nīi alɔ ē bī gbogū a̍nɛ.
5Ochi̍chi̍ yī lɛlā nīi de lɛpɔ̄ ɔhɔ̍ɔ̄hɛ̍ kpakpa yī Ɔwɔ ē chabɔ̄ ma̍ hɔ̄ ma̍ a̍nɛ. Wu̍chē oji̍ nɛ, bū la lɛlā oli̍ngɛ̍ɛ̄nɛ̄ nūma̍ wa̍a̍, ala̍ ge̍ē de ē hwɔhi hwɔhi ē ngma̍ la ɛbɛ yī Ɔchwɔ̄lɛ̍ Oro̍ōre̍ yī nū nīi ala̍ yɛ ē mi̍chi̍ lɛhu̍ yī nū ma̍. 6Ɔwɔ ge̍ē ya̍ ɔjā nīi hwɔhi kpakpa ma̍: O̍ ge̍ē de ichi̍ ɔmɔ̍ɔ̄ma̍ ē de āchɛ ɛla̍ā nīi ē ya̍ nīi ala̍ ē mi̍chi̍ ma̍. 7O̍ chī ge̍ē de ibi̍īyē ɔhɛ̍ cha̍a̍ ē de ala̍ nīi yɛ ē mi̍chi̍ o̍bū ma̍, ba̍la alɔ i̍ngi̍ngɔ̍ɔ. O̍ ge̍ē ya̍ i̍ngɔ̍ɔ la yɛ̄grāa nīi Ādā Iji̍sɔ̄ɔsi ge̍ē bīyɛchɛ ē bū la ichō wā ba̍la ayɛ̍ɛ̄chɛ̄rɔ̄ ɛnɛ̄kɛ̄kū yī nū ma̍. 8O̍ ge̍ē bī ɔla̍ ɔha̍ nīi yɛ ē chɔ̄chɛ̄ ma̍ ē wā ge̍ē de ichi̍ ɔmɔ̍ɔ̄ma̍ de āchɛ nīi i̍ je̍ Ɔwɔ ni̍ ma̍ ba̍la enīi tɔ̍ɔkɔ yī Wɔ̄kā Ɔlwɔnyɛ yī Ādā Iji̍sɔ̄ɔsi ma̍. 9Āchɛ ɛla̍ā ge̍ē mi̍chi̍ gba̍a̍ lipu̍ yī ichi̍ nīi - ɔchāajɛ ku yɛ̄grāa ɔha̍lɔha̍ ma̍. E̍ ge̍ē de wa̍ ē hɛ̍ hwɛɛ ē gblāa hī iyɔ̄bū yī Ādā ba̍la rīgā ɔnɔ̄kɔ̄kū yī nū. 10I̍ngɔ̍ɔ nīi o̍ ge̍ē lɛ la ɔ̄chī ɔla̍ā nīi Ikra̍yisi ge̍ē wā ge̍ē nāa ɔkɔ̄kā bū la abɔ̄ yī āchɛ yī nū, ba̍la otūlichō bū la abɔ̄ yī āchɛ nīi de ɔtū che ɔ̍ ma̍ a̍nɛ. Ala̍ titi ge̍ē tū lipu̍ yī āchɛ nūma̍; wu̍chē oji̍ nɛ, ala̍ chɛ̄ku ɛrɔ̄ yī Ɔwɔ nīi alɔ koko̍o de ala̍ ma̍.
11Ɔla̍ā - ohu̍ nīi alɔ ē jɔhā de ala̍ myɛ̄grāa-myɛ̄grāa a̍nɛ. Alɔ yɛ ē ra̍ābɔ̄ hīka Ɔwɔ yī alɔ ge̍ ya̍ nīi ala̍ ge̍ hwɔhi hwɔhi ngma̍ la ɔhɔ̄leyī nīi o̍ hī ala̍ ɛra̍ yī nū ma̍. Bū la wɔhu̍ yī nū, o̍ ge̍ē ya̍ lɛbɛ nīi ɔhɔ̍ɔ̄hla̍ yī lɛlā ɔnɛ̄ɛhɛhi yī ala̍, ba̍la u̍ku̍rɔ̍ yī ɔtū ode chōche yī ala̍ ge̍ē gɔ̄grāa ke̍e̍. 12Bū la ɔpɔ̄pū nūma̍, riyī yī Ādādā yī alɔ, Iji̍sɔ̄ɔsi ge̍ē nāa rīgā ke̍ke̍ni̍ ē bū la abɔ̄ yī ala̍, rīgā yī ala̍ titi ge̍ē bū la abɔ̄ yī nū i̍ngi̍ngɔ̍ɔ. Onūma̍ wa̍a̍ ge̍ē ya̍ i̍ngɔ̍ɔ ē bū la ɔpiyɛ yī Ɔwɔ yī alɔ ba̍la Ādā Iji̍sɔ̄ɔsi Ikra̍yisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)