11 ALIKƆ̍RĪNTI 13
13
Ɔna yī lɛlā ogwīihi ba̍la ɔma̍kpɔɔ
1O̍mgbo̍mɛta̍ hɔ̄ ma̍ nīi n yɛ ē wā ge̍ē ma̍ ala̍ a̍nɛ. “Oko̍o yī lɛlā nīi itɛ̍ɛhi̍yɛ̍ āchɛ ɛpa kɛ̄ɛ ɛta̍ ge̍ ka mɛ̍ nīi lɛpɔ̄ nāa a̍nɛ,” i̍ngɔ̍ɔ nīi Īpū yī Ɔwɔ ka a̍nɛ. 2N chikpo̍ ge̍ē koko̍o yī lɛlā ɔha̍ ē de ala̍ āchɛ nīi yɛ̍ɛ̄lā ɔdwɔ̄bi̍ i̍ngɔ̍ɔ īchāha̍ ma̍, ba̍la āchɛ ehēhī wa̍a̍. N kɛlā ɔla̍ā i̍ngɔ̍ɔ je̍, yɛ̄grāa nīi n wā ge̍ ma̍ ala̍ o̍mgbo̍mɛpa ma̍; n chī ge̍ē gba̍a ē ka ē de ala̍ u̍ma̍ama nīi n i̍ hɔ̄ abɔ̍ɔ ba̍la ala̍ ni̍ ma̍. Ala̍ ma̍ gɛ ko̍ō! Lɛɛha̍ nīi n ge̍ē wā ma̍, ɔ̄chɔ̄chɛ lipu̍ yī ala̍ i̍ ge̍ē hɛ̍ ē ga ē hī ichi̍ ɔmɔ̍ɔ̄ma̍ wu̍chē yī lɛlā nīi ala̍ ya̍ ma̍ ni̍. 3Olo̍ ɔla̍ā nīi ala̍ ge̍ē jo̍ōkū lēchi̍ lēchi̍ hīka Ikra̍yisi ɔ̍lɔ yɛ ē kɛlā gala abɔ̄ yī amɔ̍lɔ a̍nɛ. Ikra̍yisi nūma̍ nīi yɛ ē yɛ̍ɛ̄lā ba̍la ala̍ ma̍, i̍ ɔ̄chɛ ɔlɛkwīkwī ni̍. Wɔhu̍ yī nū nīi o̍ yɛ ē de chabɔ̄ la olo̍ōlo̍ yī ala̍ a̍nɛ. 4Lēchi̍ nɛ, o̍ pīyaku̍ la ɔlɛkwīkwī la ichō yī ɔchi̍ ɔhrɛ̍ɛpa. Ɔhɔ̄leyī nīi o̍ hɔ̄ u̍ma̍ama ma̍, o̍ chī hɔ̄ bū la wɔhu̍ ɔnɔ̄kɔ̄kū yī Ɔwɔ. Wu̍chē yī ongmo̍tu̍chɛ̄ yī alɔ ba̍la anu̍, alɔ titi lɛ kwīkwī. Wu̍chē yī lɛɛ̍nɛ̍ nīi alɔ re̍ tāa anu̍ ma̍, alɔ chī ge̍ē hɔ̄leyī ba̍la anu̍ bū la wɔhu̍ ɔnɔ̄kɔ̄kū yī Ɔwɔ.
5Ala̍ ma iyī ala̍ ma̍ gɛ nīi ala̍ ge̍ jo̍ōkū yɛ̍yɛ̍, hīka ala̍ yɛ abɔ̍ɔ ē de ɔtū che Ɔwɔ brii la ɔhɔ̄leyī yī ala̍? Je̍ka aa̍ ala̍ jo̍ōkū hīka Ikra̍yisi hɔ̄ abɔ̍ɔ ba̍la ala̍; kɛ̄ɛ ala̍ ka̍a gwāajɛ ligbo̍-ligbo̍ mɛ̍ oo? 6Bū la ɔmama̍ yī ala̍ ɔla̍ā, n de ɔtū che hīka ala̍ ge̍ē jo̍ōkū hīka alɔ i̍ āchɛ ɔgwāajɛ ni̍ lachi̍lachi̍. 7Alɔ yɛ ē jɔhā de Ɔwɔ hīka ala̍ ge̍ e̍e ya̍ dwɔ̄bi̍ ni̍ kpɛkpɛ. Onūma̍, alɔ i̍ yɛ ē ya̍ hɛ̄ɛbɛ ge̍ē chabɔ̄ yī ɔya̍ yɛ̍yɛ̍ mɛ yī alɔ ni̍. Ɔya̍ hɛ̄ɛbɛ nīi ala̍ ge̍ yɛ̍ɛ̄lā kpakpa nɛ, nīi o̍ ge̍ ro̍ōre̍ka o̍ ya̍ bɔ̄ɔjā nīi alɔ ē gwāajɛ ma̍. 8Alɔ i̍ lwɔhu̍ ɔha̍lɔha̍ ge̍ē hi̍hi̍yo̍ yī lɛlā olēchi̍ lēchi̍ ē mɛ ni̍. Ɔya̍ nīi o̍ yɛ ga iyɔ̄bū iyɔ̄bū nīi alɔ ē ya̍ a̍nɛ. 9Alɔ lɛ ɔwɔ̄wīyā gba̍a̍ nīi alɔ lɛ kwīkwī ma̍, nīi ala̍ ge̍ mlɛ̍ha̍ni̍ lwɔhɔ̍hu̍ brii mɛ̍. Wu̍chē yī ɔla̍ā, alɔ yɛ ē jɔhā hīka ala̍ ge̍ de hwɔhi hwɔhi gɔ̄grāa. 10Ɔla̍ā - ohu̍ nīi ta̍ īpū nūma̍ tɛ̄rɔ̄ hu ala̍ yɛ̄grāa nūma̍ nīi n hɔ̄ abɔ̍ɔ ba̍la ala̍ we̍ ni̍ ma̍ a̍nɛ. N ya̍ i̍ngɔ̍ɔ hɛ̄ɛbɛ nīi yɛ̄grāa nīi n ge̍ē wā ma̍, n i̍ ge̍ē bī wɔhu̍ nīi Ādā de de u ma̍ ē kɛlā bu̍wabu̍wa ē tāa ala̍ ē gɛ ni̍. Wɔhu̍ nūma̍ - obī ya̍ nīi ala̍ jɛ̄ nɛ; i̍ obī ya̍ nīi ala̍ hi̍ya tāajɛ ni̍.
11Aɛ̍nɛ̍ yī u, ɔhɔ̄lɛhi bɛ̍ɛ̄nɛ̄ nɛ. Ala̍ ā nyiya hɛ̄ɛbɛ nīi ala̍ ge̍ hwɔhi hwɔhi gɔ̄grāa. Ala̍ ā darɔ̄ku lɛlā yī u. Ala̍ ā chɛ̄ku ɔ̍nyīnū. Ala̍ gblāa la ogbodɔ̍dɔ̍. Bū la ɛbɛ ɔla̍ā, Ɔwɔ nīi lɛ ɔhɔtū ba̍la ogbodɔ̍dɔ̍ ma̍ ge̍ē hɔ̄ ba̍la ala̍.
12Ala̍ ā da ɔ̍nyīnū o̍be, lɛ gɛnɛgɛnɛ tāa ɔ̍nyīnū bāa aɛ̍nɛ̍ ma̍. Āchɛ yī Ɔwɔ wa̍a̍ tɛ̄rɔ̄ ɔma̍kpɔɔ hu ala̍.
13Ɔpiyɛ nīi Ādā Iji̍sɔ̄ɔsi Ikra̍yisi ē de ma̍, ba̍la ɔhɔtū nīi Ɔwɔ lɛ de alɔ wa̍a̍ ma̍, ba̍la lɛya yī Uhu Ɔnɛ̄ɛhɛhi yī Ɔwɔ ge̍ hɔ̄ ba̍la ala̍ wa̍a̍.
Currently Selected:
11 ALIKƆ̍RĪNTI 13: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
11 ALIKƆ̍RĪNTI 13
13
Ɔna yī lɛlā ogwīihi ba̍la ɔma̍kpɔɔ
1O̍mgbo̍mɛta̍ hɔ̄ ma̍ nīi n yɛ ē wā ge̍ē ma̍ ala̍ a̍nɛ. “Oko̍o yī lɛlā nīi itɛ̍ɛhi̍yɛ̍ āchɛ ɛpa kɛ̄ɛ ɛta̍ ge̍ ka mɛ̍ nīi lɛpɔ̄ nāa a̍nɛ,” i̍ngɔ̍ɔ nīi Īpū yī Ɔwɔ ka a̍nɛ. 2N chikpo̍ ge̍ē koko̍o yī lɛlā ɔha̍ ē de ala̍ āchɛ nīi yɛ̍ɛ̄lā ɔdwɔ̄bi̍ i̍ngɔ̍ɔ īchāha̍ ma̍, ba̍la āchɛ ehēhī wa̍a̍. N kɛlā ɔla̍ā i̍ngɔ̍ɔ je̍, yɛ̄grāa nīi n wā ge̍ ma̍ ala̍ o̍mgbo̍mɛpa ma̍; n chī ge̍ē gba̍a ē ka ē de ala̍ u̍ma̍ama nīi n i̍ hɔ̄ abɔ̍ɔ ba̍la ala̍ ni̍ ma̍. Ala̍ ma̍ gɛ ko̍ō! Lɛɛha̍ nīi n ge̍ē wā ma̍, ɔ̄chɔ̄chɛ lipu̍ yī ala̍ i̍ ge̍ē hɛ̍ ē ga ē hī ichi̍ ɔmɔ̍ɔ̄ma̍ wu̍chē yī lɛlā nīi ala̍ ya̍ ma̍ ni̍. 3Olo̍ ɔla̍ā nīi ala̍ ge̍ē jo̍ōkū lēchi̍ lēchi̍ hīka Ikra̍yisi ɔ̍lɔ yɛ ē kɛlā gala abɔ̄ yī amɔ̍lɔ a̍nɛ. Ikra̍yisi nūma̍ nīi yɛ ē yɛ̍ɛ̄lā ba̍la ala̍ ma̍, i̍ ɔ̄chɛ ɔlɛkwīkwī ni̍. Wɔhu̍ yī nū nīi o̍ yɛ ē de chabɔ̄ la olo̍ōlo̍ yī ala̍ a̍nɛ. 4Lēchi̍ nɛ, o̍ pīyaku̍ la ɔlɛkwīkwī la ichō yī ɔchi̍ ɔhrɛ̍ɛpa. Ɔhɔ̄leyī nīi o̍ hɔ̄ u̍ma̍ama ma̍, o̍ chī hɔ̄ bū la wɔhu̍ ɔnɔ̄kɔ̄kū yī Ɔwɔ. Wu̍chē yī ongmo̍tu̍chɛ̄ yī alɔ ba̍la anu̍, alɔ titi lɛ kwīkwī. Wu̍chē yī lɛɛ̍nɛ̍ nīi alɔ re̍ tāa anu̍ ma̍, alɔ chī ge̍ē hɔ̄leyī ba̍la anu̍ bū la wɔhu̍ ɔnɔ̄kɔ̄kū yī Ɔwɔ.
5Ala̍ ma iyī ala̍ ma̍ gɛ nīi ala̍ ge̍ jo̍ōkū yɛ̍yɛ̍, hīka ala̍ yɛ abɔ̍ɔ ē de ɔtū che Ɔwɔ brii la ɔhɔ̄leyī yī ala̍? Je̍ka aa̍ ala̍ jo̍ōkū hīka Ikra̍yisi hɔ̄ abɔ̍ɔ ba̍la ala̍; kɛ̄ɛ ala̍ ka̍a gwāajɛ ligbo̍-ligbo̍ mɛ̍ oo? 6Bū la ɔmama̍ yī ala̍ ɔla̍ā, n de ɔtū che hīka ala̍ ge̍ē jo̍ōkū hīka alɔ i̍ āchɛ ɔgwāajɛ ni̍ lachi̍lachi̍. 7Alɔ yɛ ē jɔhā de Ɔwɔ hīka ala̍ ge̍ e̍e ya̍ dwɔ̄bi̍ ni̍ kpɛkpɛ. Onūma̍, alɔ i̍ yɛ ē ya̍ hɛ̄ɛbɛ ge̍ē chabɔ̄ yī ɔya̍ yɛ̍yɛ̍ mɛ yī alɔ ni̍. Ɔya̍ hɛ̄ɛbɛ nīi ala̍ ge̍ yɛ̍ɛ̄lā kpakpa nɛ, nīi o̍ ge̍ ro̍ōre̍ka o̍ ya̍ bɔ̄ɔjā nīi alɔ ē gwāajɛ ma̍. 8Alɔ i̍ lwɔhu̍ ɔha̍lɔha̍ ge̍ē hi̍hi̍yo̍ yī lɛlā olēchi̍ lēchi̍ ē mɛ ni̍. Ɔya̍ nīi o̍ yɛ ga iyɔ̄bū iyɔ̄bū nīi alɔ ē ya̍ a̍nɛ. 9Alɔ lɛ ɔwɔ̄wīyā gba̍a̍ nīi alɔ lɛ kwīkwī ma̍, nīi ala̍ ge̍ mlɛ̍ha̍ni̍ lwɔhɔ̍hu̍ brii mɛ̍. Wu̍chē yī ɔla̍ā, alɔ yɛ ē jɔhā hīka ala̍ ge̍ de hwɔhi hwɔhi gɔ̄grāa. 10Ɔla̍ā - ohu̍ nīi ta̍ īpū nūma̍ tɛ̄rɔ̄ hu ala̍ yɛ̄grāa nūma̍ nīi n hɔ̄ abɔ̍ɔ ba̍la ala̍ we̍ ni̍ ma̍ a̍nɛ. N ya̍ i̍ngɔ̍ɔ hɛ̄ɛbɛ nīi yɛ̄grāa nīi n ge̍ē wā ma̍, n i̍ ge̍ē bī wɔhu̍ nīi Ādā de de u ma̍ ē kɛlā bu̍wabu̍wa ē tāa ala̍ ē gɛ ni̍. Wɔhu̍ nūma̍ - obī ya̍ nīi ala̍ jɛ̄ nɛ; i̍ obī ya̍ nīi ala̍ hi̍ya tāajɛ ni̍.
11Aɛ̍nɛ̍ yī u, ɔhɔ̄lɛhi bɛ̍ɛ̄nɛ̄ nɛ. Ala̍ ā nyiya hɛ̄ɛbɛ nīi ala̍ ge̍ hwɔhi hwɔhi gɔ̄grāa. Ala̍ ā darɔ̄ku lɛlā yī u. Ala̍ ā chɛ̄ku ɔ̍nyīnū. Ala̍ gblāa la ogbodɔ̍dɔ̍. Bū la ɛbɛ ɔla̍ā, Ɔwɔ nīi lɛ ɔhɔtū ba̍la ogbodɔ̍dɔ̍ ma̍ ge̍ē hɔ̄ ba̍la ala̍.
12Ala̍ ā da ɔ̍nyīnū o̍be, lɛ gɛnɛgɛnɛ tāa ɔ̍nyīnū bāa aɛ̍nɛ̍ ma̍. Āchɛ yī Ɔwɔ wa̍a̍ tɛ̄rɔ̄ ɔma̍kpɔɔ hu ala̍.
13Ɔpiyɛ nīi Ādā Iji̍sɔ̄ɔsi Ikra̍yisi ē de ma̍, ba̍la ɔhɔtū nīi Ɔwɔ lɛ de alɔ wa̍a̍ ma̍, ba̍la lɛya yī Uhu Ɔnɛ̄ɛhɛhi yī Ɔwɔ ge̍ hɔ̄ ba̍la ala̍ wa̍a̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)