Aliro̍om 3
3
1Oji̍ nīi Iju̍u bī gla Ɛchɛkɔcha ta̍ ma̍ gɛ? Kɛ̄ɛ, o̍ re̍ka wɔwu̍ ɔtɔ̍ɔ̄ta̍ yī wā - ɔjā ɔlamu ɔlamu ɔha̍ nɛ? 2Ɔjā ɔlamu ɔlamu ɔha̍ la ɔpɔ̄pū ɔha̍lɔha̍ wa̍a̍ nɛ. La ɔpɔ̄pū ɔrāarāa, āchɛ yī Iju̍u re̍ka āchɛ nīi Ɔwɔ de ɛrɔ̄ yī nū tū wā la abɔ̄ a̍nɛ. 3Āchɛ ɛha̍ yī wā i̍ ge̍ chī ngma̍ la ode ɔtū che wa̍ ni̍ ma̍ bɛ̍ɛ? Ɔla̍ā re̍ka Ɔwɔ titi i̍ ngma̍ la ode ɔtū che ɔ̍ ni̍ wu̍chē ɔla̍ā? 4Īchāha̍ īchāha̍! Āchɛ̄ɛchɛ ge̍ de kpo̍ pīya alarīmɛ̄ wa̍a̍, Ɔwɔ ma̍ - ɔlɛlā olēchi̍ lēchi̍ ke̍e̍ nɛ. O̍ lɛ lɔkɔ nīi Īpū yī Ɔwɔ ka hɔ̄ ma̍ ma̍:
“A ge̍ē kɛlā ma̍,
e̍ ge̍ē jo̍ōkū hwɔhi hwɔhi hīka aɔ̍lɔ ka ku kpakpa.
E̍ ge̍ē klɛpɔ̄ tāa awɔ ma̍,
o̍ ge̍ē de ē ngma̍ la awɔ i̍ngɔ̍ɔ ke̍e̍.”
5Lɛlā i̍ya̍ kpakpa ni̍ yī alɔ ge̍ chī de lɛlā ɔya̍ kpakpa yī Ɔwɔ hi̍yɛchɛ ke̍e̍ ma̍ bɛ̍ɛ? Kana̍ nīi alɔ ge̍ē ka ma̍? Alɔ ē ka hīka, Ɔwɔ i̍ ya̍ kpakpa ni̍ wu̍chē yī onīi o̍ ē ya̍ alɔ ichi̍ ma̍? Onūma̍ n yɛ ē ka bɔ̄ɔkɔ nīi āchɛ̄ɛchɛ ē kɛlā ma̍. 6Īchāha̍ īchāha̍! Ɔwɔ i̍ ge̍ - ɔ̄chɛ ɔnɛ̄ɛhɛhi ni̍, kana̍ nīi o̍ ge̍ē hlɛ̍ɛ̄pɔ̄ yī yɛchɛ ē mɛ ma̍?
7Lɛlā yī u ge̍ - arīmɛ̄ nīi o̍ chī ya̍ nīi lɛlā olēchi̍ lēchi̍ yī Ɔwɔ hi̍yɛchɛ gēdēgēdē ma̍ bɛ̍ɛ? Oji̍ ohu̍ nīi Ɔwɔ chī ge̍ē hɛ̍ u lɛpɔ̄ ka amɔ̍lɔ - ɔ̄chɛ ɔyɛ̍ɛ̄lā ɔdwɔ̄bi̍ nɛ ma̍? 8Oji̍ ohu̍ nīi alɔ i̍ ē ka ji bɛ̍ɛ̄nɛ̄ hīka, “Alɔ ā yɛ̍ɛ̄lā abi̍ gɛ hɛ̄ɛbɛ nīi ɔnɛ̄ɛhɛhi ge̍ bīyɛchɛ la anu̍” ni̍ ma̍? Lēchi̍, āchɛ pra̍a ami ɛcha̍ bū la ɔka ku̍ u hīka i̍ngɔ̍ɔ pi̍i̍ nīi ami ka a̍nɛ. Ɔwɔ ge̍ē hɛ̍ ɛlɛjā lɛpɔ̄ lɔkɔ nīi o̍ ngma̍ nīi o̍ ge̍ ya̍ tāa aa̍ ma̍.
Ɔ̄chɔ̄chɛ i̍ lɛ kpakpa la eyī yī Ɔwɔ ni̍
9Bɛ̍ɛ̄nɛ̄ ma̍, o̍ re̍ka iyī alɔ Iju̍u hwɔhi fi̍yɛ̍ hi̍ iyī Ɛchɛkɔcha kɛ̄ɛ? O̍ i̍ lɛ i̍ngɔ̍ɔ ni̍! Wu̍chē oji̍ nɛ, n de lā la yɛchɛ i̍ngɔ̍ɔ i̍chɛ mɛ̍ hīka Iju̍u ba̍la Ɛchɛkɔcha, aa̍ wa̍a̍ tū la abwɔ̄hu̍ yī lɛlā ɔdwɔ̄bi̍. 10O̍ lɛ lɔkɔ nīi Īpū yī Ɔwɔ ka ma̍:
“Ɔ̄chɔ̄chɛ i̍ lɛ kpakpa la eyī yī Ɔwɔ ni̍.
11Ɔ̄chɔ̄chɛ i̍ je̍ ochi̍chi̍ yī nū ni̍. Ɔ̄chɔ̄chɛ i̍ gāla̍ Ɔwɔ ni̍.
12Āchɛ̄ɛchɛ wa̍a̍ pīya okwi̍ihi ta̍ Ɔwɔ.
E̍ de pīya alya̍chi wa̍a̍ mɛ̍.
Ɔ̄chɛ ūkpo̍he ɔbɔbɔ i̍ hɔ̄ abɔ̍ɔ nīi ē yɛ̍ɛ̄lā ɔnɛ̄ɛhɛhi ni̍.
13Ūkpɔ̄tū yī wā lɛ bāa wɔ̄gɔ̄ yī u̍nwɔ̍wu̍ nīi ta̍āpāapɛ̄ ma̍.
Arīmɛ̄ ɔdwɔ̄bi̍ ē pɔ̍ɔ̄pɛ̍ ē bū la u̍blɛ̍ɛ̄nyī yī wā.
Lɛlā yī oko̍o yī wā ē ngmo̍ okū.
Lɛlā nīi lɛ bāa lɛ̍hwa yī ogbiji ma̍ ē bū la oko̍o yī wā a̍nɛ.
14Ɔhā ɔlwɔnɔnɔ ojōji tū āchɛ mu wa̍ oko̍o omōmu.
15Ɔjā ɔya̍ āchɛ ɔyɔ̍ɔ̄ya̍ ba̍la āchɛ ongmo̍ōngmo̍ ē hɛ̍ wā kpɛ̍ɛ.
16Ɛbɛha̍ ɛbɛha̍ nīi e̍ ge̍ yɛ, e̍ ē de āchɛ ē chāajɛ, e̍ ē ya̍ nīi āchɛ ē mi̍chi̍.
17E̍ i̍ ē ya̍ lɛlɛ̄lā nīi ge̍ē bī ogbodɔ̍dɔ̍ ge̍ē de āchɛ ma̍ ni̍.
18E̍ i̍ jo̍ōkū lɔkɔ nīi ɔ̄chɛ ē tūuhwi yī Ɔwɔ ma̍ je̍ ni̍.”
19U̍ma̍ama, alɔ jo̍ōkū hīka lɛlā wa̍a̍ nīi tū la Lihɔ yī Imo̍sīisi ma̍ lā ku āchɛ nīi ge̍ē ya̍ lɔkɔ nīi Lihɔ yī Imo̍sīisi chikpo̍ ma̍. Lihɔ yī Imo̍sīisi hɔ̄ hɛ̄ɛbɛ ge̍ē ya̍ nīi āchɛ̄ɛchɛ wa̍a̍ ē pi̍ye̍mā la ɔpīya la oko̍o, hɛ̄ɛbɛ nīi āchɛ̄ɛchɛ wa̍a̍ ge̍ē tū la lɛpɔ̄ nīi Ɔwɔ ge̍ē hɛ̍ wā ma̍. 20Wu̍chē oji̍ nɛ, ɔ̄chɔ̄chɛ i̍ ē de ē lɛ kpakpa la eyī yī Ɔwɔ bū la ɔya̍ lɔkɔ nīi Lihɔ yī Imo̍sīisi chikpo̍ ma̍ ē mɛ ni̍. Ɔjā nīi Lihɔ yī Imo̍sīisi ē ya̍ ma̍, o̍ ē ya̍ nīi ɔ̄chɛ ē jo̍ōkū yī lɛlā ɔdwɔ̄bi̍ ɔyɔ̍ɔ̄ya̍ yī nū.
Lɔkɔ nīi Ɔwɔ ē ya̍ nīi ɔ̄chɛ de lɛ kpakpa ma̍
21U̍ma̍ama nūma̍, ɔpɔ̄pū nīi Ɔwɔ ya̍ nīi ɔ̄chɛ de ē lɛ kpakpa ba̍la anu̍ ɔlɔjā ma̍ hi̍yɛchɛ mɛ̍. Ɔpɔ̄pū ɔ̍lɔma̍ i̍ gɔgu la lihɔ ɔha̍lɔha̍ ode gbōgbō ni̍ lachi̍lachi̍. Lihɔ yī Imo̍sīisi ba̍la lɛlā nīi āchɛ ɔkɛrɔ̄ yī Ɔwɔ ka ma̍ chī tū itɛ̍ɛhi̍yɛ̍ yī lɛlā nūma̍ pi̍i̍: 22Ɔwɔ ē ya̍ nīi āchɛ de ē lɛ kpakpa ba̍la anu̍ ɔlɔjā bū la ɔtū ode che Iji̍sɔ̄ɔsi Ikra̍yisi. Ɔwɔ ē ya̍ i̍ngɔ̍ɔ ē de ɔ̄chaha̍-ɔ̄chaha̍ wa̍a̍ nīi de ɔtū che Ikra̍yisi ma̍. Iyī ɔ̄chɔ̄chɛ i̍ hɔ̄ɔ̄hɔ̄ lɛ̍kɛ̍kɔ̍ ni̍. 23Wu̍chē oji̍ nɛ, āchɛ̄ɛchɛ wa̍a̍ yɛ̍ɛ̄lā ɔdwɔ̄bi̍. Bū la ɛbɛ ɔla̍ā, aa̍ wa̍a̍ ku̍ hɛ̍ hwɛɛ hī iyɔ̄bū yī Ɔwɔ nīi ɔhɛ̍ta̍ hɔ̄ ma̍. 24Bū la uhwa ɔnɛ̄ɛhɛhi yī Ɔwɔ nīi o̍ ē de ē kɔ̄kɔ̄ de āchɛ ma̍, Ɔwɔ ya̍ nīi āchɛ wa̍a̍ de lɛ kpakpa ba̍la anu̍ ɔlɔjā gala abɔ̄ yī Ikra̍yisi Iji̍sɔ̄ɔsi nīi de āchɛ wa̍a̍ hīya lɛfiyɛ ma̍. 25Ɔwɔ de Ikra̍yisi nāa de, hɛ̄ɛbɛ nīi ɔpīyaku̍ yī nū ge̍ē re̍ka ɔpɔ̄pū obī de lɛlā ɔdwɔ̄bi̍ yī āchɛ wa̍a̍ kɔ̄ de wa̍. Lɛlā ɔdwɔ̄bi̍ ode kɔ̄kɔ̄ nūma̍ chī ge̍ē bū la ɔtū nīi āchɛ ɛla̍ā ge̍ē de ē che Ikra̍yisi ma̍. Bū la ɔpɔ̄pū yī lɛlā nūma̍, Ɔwɔ ya̍ hɛ̄ɛbɛ ge̍ē de lɛlā ɔya̍ kpakpa yī nū chabɔ̄ tɛri̍tɛri̍. I̍gbi̍chɛ, Ɔwɔ ē mlɔtū kpɔ̍ɔ̍ ē hīdīdū hī lɛlā ɔdwɔ̄bi̍ nīi āchɛ ya̍ wa̍a̍ ma̍. 26U̍ma̍ama yɛ̄grāa nūma̍, o̍ yɛ amu ē ya̍ tāa lɛlā ɔdwɔ̄bi̍ nīi āchɛ ē ya̍ ma̍ bɛ̍ɛ̄nɛ̄. Ɔla̍ā, o̍ ē ya̍ hɛ̄ɛbɛ ge̍ē de lɛlā ɔya̍ kpakpa yī nū chabɔ̄ tɛri̍tɛri̍. Bū la ɔpɔ̄pū nūma̍, Ɔwɔ yɛ ē de ē chabɔ̄ hīka anɔ̍lɔ ē ya̍ nīi ɔ̄chɛmɔ̄chɛ nīi - ɔ̍lɔ de ɔtū che Iji̍sɔ̄ɔsi ma̍ ɔ̍lɔ de ē lɛ kpakpa la eyī yī anu̍ ke̍e̍.
27Bɛ̍ɛ̄nɛ̄ ma̍, oji̍ nīi alɔ ge̍ē bī gbogū mɛ ma̍? Ɔjɔ̄jā i̍ hɔ̄ nīi alɔ ge̍ē bī gbogū īchāha̍ īchāha̍ ni̍! Ma̍, oji̍ chī - ohu̍ ma̍? Lihɔ yī Imo̍sīisi ode gbōgbō - ohu̍ a̍nɛ? Īchāha̍ īchāha̍! Ɔtū nīi alɔ de che ma̍ nɛ. 28Wu̍chē oji̍ nɛ, alɔ de ka chlɛhu̍ mɛ̍ hīka, ɔ̄chɛ de ē lɛ kpakpa ba̍la Ɔwɔ bū la ɔtū ode Ikra̍yisi ke̍e̍; i̍ obū la ɔya̍ lɔkɔ nīi Lihɔ yī Imo̍sīisi chikpo̍ ma̍ ni̍. 29Ɔwɔ u̍tu - Ɔwɔ yī āchɛ yī Iju̍u ke̍e̍ nɛ? Je̍ka Ɔwɔ yī Ɛchɛkɔcha titi nɛ? 30Ɔwɔ lɛ ūkpo̍he i̍ngɔ̍ɔ kpo̍kpo̍. O̍ ge̍ē ya̍ nīi āchɛ yī Iju̍u ē de lɛ kpakpa ba̍la anu̍ ɔlɔjā bū la ɔtū nīi e̍ ge̍ē de ē che Ikra̍yisi ma̍. O̍ chī ge̍ē ya̍ nīi Ɛchɛkɔcha ē de lɛ kpakpa ba̍la anu̍ ɔlɔjā bū la ɔtū nīi e̍ ge̍ē de ē che Ikra̍yisi ma̍. 31Ɔtū ode chōche - ɔka̍a̍ka̍ bɛ̍ɛ̄nɛ̄ nɛ ma̍, alɔ ā de Lihɔ yī Imo̍sīisi wo̍ōkū bɛ̍ɛ̄nɛ̄ ni̍? Īchāha̍ īchāha̍! Ɔkɔkɔ ɔla̍ā, alɔ ge̍ē ta̍ābɔ̄ ku̍ ɔ̄ brii.
Currently Selected:
Aliro̍om 3: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
Aliro̍om 3
3
1Oji̍ nīi Iju̍u bī gla Ɛchɛkɔcha ta̍ ma̍ gɛ? Kɛ̄ɛ, o̍ re̍ka wɔwu̍ ɔtɔ̍ɔ̄ta̍ yī wā - ɔjā ɔlamu ɔlamu ɔha̍ nɛ? 2Ɔjā ɔlamu ɔlamu ɔha̍ la ɔpɔ̄pū ɔha̍lɔha̍ wa̍a̍ nɛ. La ɔpɔ̄pū ɔrāarāa, āchɛ yī Iju̍u re̍ka āchɛ nīi Ɔwɔ de ɛrɔ̄ yī nū tū wā la abɔ̄ a̍nɛ. 3Āchɛ ɛha̍ yī wā i̍ ge̍ chī ngma̍ la ode ɔtū che wa̍ ni̍ ma̍ bɛ̍ɛ? Ɔla̍ā re̍ka Ɔwɔ titi i̍ ngma̍ la ode ɔtū che ɔ̍ ni̍ wu̍chē ɔla̍ā? 4Īchāha̍ īchāha̍! Āchɛ̄ɛchɛ ge̍ de kpo̍ pīya alarīmɛ̄ wa̍a̍, Ɔwɔ ma̍ - ɔlɛlā olēchi̍ lēchi̍ ke̍e̍ nɛ. O̍ lɛ lɔkɔ nīi Īpū yī Ɔwɔ ka hɔ̄ ma̍ ma̍:
“A ge̍ē kɛlā ma̍,
e̍ ge̍ē jo̍ōkū hwɔhi hwɔhi hīka aɔ̍lɔ ka ku kpakpa.
E̍ ge̍ē klɛpɔ̄ tāa awɔ ma̍,
o̍ ge̍ē de ē ngma̍ la awɔ i̍ngɔ̍ɔ ke̍e̍.”
5Lɛlā i̍ya̍ kpakpa ni̍ yī alɔ ge̍ chī de lɛlā ɔya̍ kpakpa yī Ɔwɔ hi̍yɛchɛ ke̍e̍ ma̍ bɛ̍ɛ? Kana̍ nīi alɔ ge̍ē ka ma̍? Alɔ ē ka hīka, Ɔwɔ i̍ ya̍ kpakpa ni̍ wu̍chē yī onīi o̍ ē ya̍ alɔ ichi̍ ma̍? Onūma̍ n yɛ ē ka bɔ̄ɔkɔ nīi āchɛ̄ɛchɛ ē kɛlā ma̍. 6Īchāha̍ īchāha̍! Ɔwɔ i̍ ge̍ - ɔ̄chɛ ɔnɛ̄ɛhɛhi ni̍, kana̍ nīi o̍ ge̍ē hlɛ̍ɛ̄pɔ̄ yī yɛchɛ ē mɛ ma̍?
7Lɛlā yī u ge̍ - arīmɛ̄ nīi o̍ chī ya̍ nīi lɛlā olēchi̍ lēchi̍ yī Ɔwɔ hi̍yɛchɛ gēdēgēdē ma̍ bɛ̍ɛ? Oji̍ ohu̍ nīi Ɔwɔ chī ge̍ē hɛ̍ u lɛpɔ̄ ka amɔ̍lɔ - ɔ̄chɛ ɔyɛ̍ɛ̄lā ɔdwɔ̄bi̍ nɛ ma̍? 8Oji̍ ohu̍ nīi alɔ i̍ ē ka ji bɛ̍ɛ̄nɛ̄ hīka, “Alɔ ā yɛ̍ɛ̄lā abi̍ gɛ hɛ̄ɛbɛ nīi ɔnɛ̄ɛhɛhi ge̍ bīyɛchɛ la anu̍” ni̍ ma̍? Lēchi̍, āchɛ pra̍a ami ɛcha̍ bū la ɔka ku̍ u hīka i̍ngɔ̍ɔ pi̍i̍ nīi ami ka a̍nɛ. Ɔwɔ ge̍ē hɛ̍ ɛlɛjā lɛpɔ̄ lɔkɔ nīi o̍ ngma̍ nīi o̍ ge̍ ya̍ tāa aa̍ ma̍.
Ɔ̄chɔ̄chɛ i̍ lɛ kpakpa la eyī yī Ɔwɔ ni̍
9Bɛ̍ɛ̄nɛ̄ ma̍, o̍ re̍ka iyī alɔ Iju̍u hwɔhi fi̍yɛ̍ hi̍ iyī Ɛchɛkɔcha kɛ̄ɛ? O̍ i̍ lɛ i̍ngɔ̍ɔ ni̍! Wu̍chē oji̍ nɛ, n de lā la yɛchɛ i̍ngɔ̍ɔ i̍chɛ mɛ̍ hīka Iju̍u ba̍la Ɛchɛkɔcha, aa̍ wa̍a̍ tū la abwɔ̄hu̍ yī lɛlā ɔdwɔ̄bi̍. 10O̍ lɛ lɔkɔ nīi Īpū yī Ɔwɔ ka ma̍:
“Ɔ̄chɔ̄chɛ i̍ lɛ kpakpa la eyī yī Ɔwɔ ni̍.
11Ɔ̄chɔ̄chɛ i̍ je̍ ochi̍chi̍ yī nū ni̍. Ɔ̄chɔ̄chɛ i̍ gāla̍ Ɔwɔ ni̍.
12Āchɛ̄ɛchɛ wa̍a̍ pīya okwi̍ihi ta̍ Ɔwɔ.
E̍ de pīya alya̍chi wa̍a̍ mɛ̍.
Ɔ̄chɛ ūkpo̍he ɔbɔbɔ i̍ hɔ̄ abɔ̍ɔ nīi ē yɛ̍ɛ̄lā ɔnɛ̄ɛhɛhi ni̍.
13Ūkpɔ̄tū yī wā lɛ bāa wɔ̄gɔ̄ yī u̍nwɔ̍wu̍ nīi ta̍āpāapɛ̄ ma̍.
Arīmɛ̄ ɔdwɔ̄bi̍ ē pɔ̍ɔ̄pɛ̍ ē bū la u̍blɛ̍ɛ̄nyī yī wā.
Lɛlā yī oko̍o yī wā ē ngmo̍ okū.
Lɛlā nīi lɛ bāa lɛ̍hwa yī ogbiji ma̍ ē bū la oko̍o yī wā a̍nɛ.
14Ɔhā ɔlwɔnɔnɔ ojōji tū āchɛ mu wa̍ oko̍o omōmu.
15Ɔjā ɔya̍ āchɛ ɔyɔ̍ɔ̄ya̍ ba̍la āchɛ ongmo̍ōngmo̍ ē hɛ̍ wā kpɛ̍ɛ.
16Ɛbɛha̍ ɛbɛha̍ nīi e̍ ge̍ yɛ, e̍ ē de āchɛ ē chāajɛ, e̍ ē ya̍ nīi āchɛ ē mi̍chi̍.
17E̍ i̍ ē ya̍ lɛlɛ̄lā nīi ge̍ē bī ogbodɔ̍dɔ̍ ge̍ē de āchɛ ma̍ ni̍.
18E̍ i̍ jo̍ōkū lɔkɔ nīi ɔ̄chɛ ē tūuhwi yī Ɔwɔ ma̍ je̍ ni̍.”
19U̍ma̍ama, alɔ jo̍ōkū hīka lɛlā wa̍a̍ nīi tū la Lihɔ yī Imo̍sīisi ma̍ lā ku āchɛ nīi ge̍ē ya̍ lɔkɔ nīi Lihɔ yī Imo̍sīisi chikpo̍ ma̍. Lihɔ yī Imo̍sīisi hɔ̄ hɛ̄ɛbɛ ge̍ē ya̍ nīi āchɛ̄ɛchɛ wa̍a̍ ē pi̍ye̍mā la ɔpīya la oko̍o, hɛ̄ɛbɛ nīi āchɛ̄ɛchɛ wa̍a̍ ge̍ē tū la lɛpɔ̄ nīi Ɔwɔ ge̍ē hɛ̍ wā ma̍. 20Wu̍chē oji̍ nɛ, ɔ̄chɔ̄chɛ i̍ ē de ē lɛ kpakpa la eyī yī Ɔwɔ bū la ɔya̍ lɔkɔ nīi Lihɔ yī Imo̍sīisi chikpo̍ ma̍ ē mɛ ni̍. Ɔjā nīi Lihɔ yī Imo̍sīisi ē ya̍ ma̍, o̍ ē ya̍ nīi ɔ̄chɛ ē jo̍ōkū yī lɛlā ɔdwɔ̄bi̍ ɔyɔ̍ɔ̄ya̍ yī nū.
Lɔkɔ nīi Ɔwɔ ē ya̍ nīi ɔ̄chɛ de lɛ kpakpa ma̍
21U̍ma̍ama nūma̍, ɔpɔ̄pū nīi Ɔwɔ ya̍ nīi ɔ̄chɛ de ē lɛ kpakpa ba̍la anu̍ ɔlɔjā ma̍ hi̍yɛchɛ mɛ̍. Ɔpɔ̄pū ɔ̍lɔma̍ i̍ gɔgu la lihɔ ɔha̍lɔha̍ ode gbōgbō ni̍ lachi̍lachi̍. Lihɔ yī Imo̍sīisi ba̍la lɛlā nīi āchɛ ɔkɛrɔ̄ yī Ɔwɔ ka ma̍ chī tū itɛ̍ɛhi̍yɛ̍ yī lɛlā nūma̍ pi̍i̍: 22Ɔwɔ ē ya̍ nīi āchɛ de ē lɛ kpakpa ba̍la anu̍ ɔlɔjā bū la ɔtū ode che Iji̍sɔ̄ɔsi Ikra̍yisi. Ɔwɔ ē ya̍ i̍ngɔ̍ɔ ē de ɔ̄chaha̍-ɔ̄chaha̍ wa̍a̍ nīi de ɔtū che Ikra̍yisi ma̍. Iyī ɔ̄chɔ̄chɛ i̍ hɔ̄ɔ̄hɔ̄ lɛ̍kɛ̍kɔ̍ ni̍. 23Wu̍chē oji̍ nɛ, āchɛ̄ɛchɛ wa̍a̍ yɛ̍ɛ̄lā ɔdwɔ̄bi̍. Bū la ɛbɛ ɔla̍ā, aa̍ wa̍a̍ ku̍ hɛ̍ hwɛɛ hī iyɔ̄bū yī Ɔwɔ nīi ɔhɛ̍ta̍ hɔ̄ ma̍. 24Bū la uhwa ɔnɛ̄ɛhɛhi yī Ɔwɔ nīi o̍ ē de ē kɔ̄kɔ̄ de āchɛ ma̍, Ɔwɔ ya̍ nīi āchɛ wa̍a̍ de lɛ kpakpa ba̍la anu̍ ɔlɔjā gala abɔ̄ yī Ikra̍yisi Iji̍sɔ̄ɔsi nīi de āchɛ wa̍a̍ hīya lɛfiyɛ ma̍. 25Ɔwɔ de Ikra̍yisi nāa de, hɛ̄ɛbɛ nīi ɔpīyaku̍ yī nū ge̍ē re̍ka ɔpɔ̄pū obī de lɛlā ɔdwɔ̄bi̍ yī āchɛ wa̍a̍ kɔ̄ de wa̍. Lɛlā ɔdwɔ̄bi̍ ode kɔ̄kɔ̄ nūma̍ chī ge̍ē bū la ɔtū nīi āchɛ ɛla̍ā ge̍ē de ē che Ikra̍yisi ma̍. Bū la ɔpɔ̄pū yī lɛlā nūma̍, Ɔwɔ ya̍ hɛ̄ɛbɛ ge̍ē de lɛlā ɔya̍ kpakpa yī nū chabɔ̄ tɛri̍tɛri̍. I̍gbi̍chɛ, Ɔwɔ ē mlɔtū kpɔ̍ɔ̍ ē hīdīdū hī lɛlā ɔdwɔ̄bi̍ nīi āchɛ ya̍ wa̍a̍ ma̍. 26U̍ma̍ama yɛ̄grāa nūma̍, o̍ yɛ amu ē ya̍ tāa lɛlā ɔdwɔ̄bi̍ nīi āchɛ ē ya̍ ma̍ bɛ̍ɛ̄nɛ̄. Ɔla̍ā, o̍ ē ya̍ hɛ̄ɛbɛ ge̍ē de lɛlā ɔya̍ kpakpa yī nū chabɔ̄ tɛri̍tɛri̍. Bū la ɔpɔ̄pū nūma̍, Ɔwɔ yɛ ē de ē chabɔ̄ hīka anɔ̍lɔ ē ya̍ nīi ɔ̄chɛmɔ̄chɛ nīi - ɔ̍lɔ de ɔtū che Iji̍sɔ̄ɔsi ma̍ ɔ̍lɔ de ē lɛ kpakpa la eyī yī anu̍ ke̍e̍.
27Bɛ̍ɛ̄nɛ̄ ma̍, oji̍ nīi alɔ ge̍ē bī gbogū mɛ ma̍? Ɔjɔ̄jā i̍ hɔ̄ nīi alɔ ge̍ē bī gbogū īchāha̍ īchāha̍ ni̍! Ma̍, oji̍ chī - ohu̍ ma̍? Lihɔ yī Imo̍sīisi ode gbōgbō - ohu̍ a̍nɛ? Īchāha̍ īchāha̍! Ɔtū nīi alɔ de che ma̍ nɛ. 28Wu̍chē oji̍ nɛ, alɔ de ka chlɛhu̍ mɛ̍ hīka, ɔ̄chɛ de ē lɛ kpakpa ba̍la Ɔwɔ bū la ɔtū ode Ikra̍yisi ke̍e̍; i̍ obū la ɔya̍ lɔkɔ nīi Lihɔ yī Imo̍sīisi chikpo̍ ma̍ ni̍. 29Ɔwɔ u̍tu - Ɔwɔ yī āchɛ yī Iju̍u ke̍e̍ nɛ? Je̍ka Ɔwɔ yī Ɛchɛkɔcha titi nɛ? 30Ɔwɔ lɛ ūkpo̍he i̍ngɔ̍ɔ kpo̍kpo̍. O̍ ge̍ē ya̍ nīi āchɛ yī Iju̍u ē de lɛ kpakpa ba̍la anu̍ ɔlɔjā bū la ɔtū nīi e̍ ge̍ē de ē che Ikra̍yisi ma̍. O̍ chī ge̍ē ya̍ nīi Ɛchɛkɔcha ē de lɛ kpakpa ba̍la anu̍ ɔlɔjā bū la ɔtū nīi e̍ ge̍ē de ē che Ikra̍yisi ma̍. 31Ɔtū ode chōche - ɔka̍a̍ka̍ bɛ̍ɛ̄nɛ̄ nɛ ma̍, alɔ ā de Lihɔ yī Imo̍sīisi wo̍ōkū bɛ̍ɛ̄nɛ̄ ni̍? Īchāha̍ īchāha̍! Ɔkɔkɔ ɔla̍ā, alɔ ge̍ē ta̍ābɔ̄ ku̍ ɔ̄ brii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)