1 Alikɔ̍rīnti 8
8
Lɛlā yī ojōre̍ nīi e̍ de pā ɛchi̍yɛka ma̍
1U̍ma̍ama, lɛlā yī ojōre̍ nīi e̍ de pā ɛchi̍yɛka ma̍ bɛ̍ɛ̄nɛ̄ nɛ: Lēchi̍ nɛ, “Alɔ wa̍a̍ jo̍ōkū yī lɛlā,” lɔkɔ nīi āchɛ ka ma̍. Ita yī lɛlā ojo̍ōje̍ nūma̍ chī bī ɔ̄chɛ ē jɛ̄ ɛba̍achɛ. Ɔhɔtū, anu̍ ē bī ɔ̄chɛ ē jɔ̄jɛ̄ la ɔgɔ̄grāa a̍nɛ. 2Ɔ̄chɛ nīi ē gbɛri̍ya̍ ka anɔ̍lɔ jo̍ōkū yī lɛlā ma̍; lēchi̍, ɔ̄chɛ oli̍ngɔ̍ɔ i̍ je̍ gbajɛ la ɛbɛ nīi ngma̍ nīi o̍ ge̍ je̍ gbajɛ ma̍ ni̍. 3Ɔ̄chɛ nīi ē yɔ̍ɔhɔtū yī Ɔwɔ ma̍, o̍ ē je̍ ɔlɔjā.
4Lɛlā yī ojōre̍ nīi e̍ de pā ɛchi̍yɛka ma̍ oro̍ōre̍ bɛ̍ɛ̄nɛ̄ nɛ: Alɔ jo̍ōkū hīka ɔjā nīi re̍ka ɛchi̍yɛka ma̍ i̍ ɔjɔ̄jā hɔ̄ abɔ̍ɔ i̍ngɔ̍ɔ lēchi̍ a̍ni̍. Alɔ jo̍ōkū hīka Ɔwɔ lɛ ūkpo̍he kpo̍kpo̍. 5Ɔwɔ ɛha̍ ge̍ hɔ̄ɔ̄hɔ̄ abɔ̍ɔ la ichō kɛ̄ɛ amu la ajɛ, ɔwɔ ɛ̍lɛma̍ kɛ̄ɛ ādādā ɛ̍lɛma̍ ge̍ lɔ̄lyɛ̄mɛ̄mɛ̄ oo, 6alɔ ma̍, Ɔwɔ lɛ ūkpo̍he kpo̍kpo̍ de alɔ. Anu̍ - Ādā yī ɛjā wa̍a̍ a̍nɛ. Anu̍ ya̍ ɔjāha̍ ɔjāha̍ wa̍a̍ nīi hɔ̄ ma̍ a̍nɛ. Anu̍ nīi alɔ hɔ̄ de ɔ̍ a̍nɛ. Ādādā ɔlɔjā ɔlɔjā chī lɛ ūkpo̍he kpo̍kpo̍ Iji̍sɔ̄ɔsi Ikra̍yisi nɛ. Bū la abɔ̄ yī nū nīi Ɔwɔ ya̍ ɛjā wa̍a̍ a̍nɛ. Bū la abɔ̄ yī nū nīi alɔ hɔ̄leyī a̍nɛ.
7I̍ āchɛ wa̍a̍ chī jo̍ōkū yī lɛlā olēchi̍ lēchi̍ nūma̍ i̍ngɔ̍ɔ a̍ni̍. Āchɛ ɛha̍, lɛlā yī ɛchi̍yɛka de ba̍ wā eyī gba̍a̍ mɛ̍. Kpɛɛ ku i̍chɛ nūma̍, āchɛ eli̍ngɔ̍ɔ ge̍ yɛ ē re̍ ojōre̍ nīi āchɛ ɛha̍ de pā ɛchi̍yɛka ma̍, e̍ ē gbɛri̍ya̍ tū ɔ̄ bāa ojōre̍ yī ɛchi̍yɛka ma̍. Ɛri̍ya̍ yī ūkpɔ̄tū yī wā lɛ kwīkwī ma̍, e̍ ē gbɛri̍ya̍ ka ojōre̍ yī ɛchi̍yɛka ɔ̍lɔ de aa̍ bīya mɛ̍. 8Ojōre̍ i̍ ɔjā nīi ge̍ē bī alɔ rɛ̍ɛya ē tū Ɔwɔ ni̍. A i̍ ge̍ ro̍ōre̍ ni̍, ɔjɔ̄jā i̍ bi̍ la awɔ ni̍. A ge̍ chī ro̍ōre̍, ɛpiyabuna ɔha̍lɔha̍ i̍ hɔ̄ la anu̍ de wɔ ni̍.
9Ala̍ ā du̍mɔ̍ du̍mɔ̍, hɛ̄ɛbɛ nīi lɛlā ɔya̍ ji tɛ̍bɛ̍lɛ̍ yī ala̍ ge̍ e̍e ya̍ nīi āchɛ nīi lɛ kwīkwī la ɔtū ode che Ɔwɔ ma̍ ge̍ ngma̍ ta̍tū lɛlā ɔdwɔ̄bi̍ ɔyɔ̍ɔ̄ya̍ ni̍. 10Ɔ̄chɛ ɔha̍ nīi ɛri̍ya̍ yī ūkpɔ̄tū yī nū i̍ lɛ brii ni̍ ma̍ ge̍ ma̍ awɔ ɔ̄chɛ ojo̍ōkū yī lɛlā oli̍ngɔ̍ɔ nīi yɛ ē re̍ ɔjā la u̍nu̍ yī ɛchi̍yɛka ma̍ bɛ̍ɛ? Ɔla̍ā ge̍ē mla anu̍ ɔtū ya̍ nīi o̍ ē gāa ge̍ē re̍ ɔjā nīi e̍ de pā ɛchi̍yɛka ma̍ bɛ̍ɛ̄nɛ̄. 11Bū la ɛbɛ ɔla̍ā, anu̍ nīi i̍ lɛ brii ni̍ ma̍, ɔɔ̍nɛ̍ yī wɔ ɔla̍ā nīi Ikra̍yisi pīyaku̍ de ɔ̍ titi ma̍ ge̍ē de chāajɛ wu̍chē yī lɛlā ojo̍ōkū yī wɔ. 12Ɔla̍ā re̍ka a yɛ ē ya̍ ɔdwɔ̄bi̍ yī Ikra̍yisi bū la ɔdwɔ̄bi̍ nīi a ya̍ tāa aɛ̍nɛ̍, ya̍ nīi ɛri̍ya̍ yī ūkpɔ̄tū yī wā nīi lɛ kwīkwī ma̍ ē bīya ma̍. 13Wu̍chē yī ɔla̍ā, ojōre̍ ge̍ yɛ ge̍ē ya̍ nīi ɔɔ̍nɛ̍ yī u ɔha̍ ē yɛ̍ɛ̄lā ɔdwɔ̄bi̍, ɔ̍lɔma̍ n i̍ ge̍ē re̍ ɛbɛ̍ ge̍ē gbo̍ ē gɛ ni̍, hɛ̄ɛbɛ nīi n i̍ ē ya̍ nīi ɔɔ̍nɛ̍ yī u ē ngma̍ ta̍tū la lɛlā ɔdwɔ̄bi̍ ɔyɔ̍ɔ̄ya̍ ni̍.
Currently Selected:
1 Alikɔ̍rīnti 8: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 8
8
Lɛlā yī ojōre̍ nīi e̍ de pā ɛchi̍yɛka ma̍
1U̍ma̍ama, lɛlā yī ojōre̍ nīi e̍ de pā ɛchi̍yɛka ma̍ bɛ̍ɛ̄nɛ̄ nɛ: Lēchi̍ nɛ, “Alɔ wa̍a̍ jo̍ōkū yī lɛlā,” lɔkɔ nīi āchɛ ka ma̍. Ita yī lɛlā ojo̍ōje̍ nūma̍ chī bī ɔ̄chɛ ē jɛ̄ ɛba̍achɛ. Ɔhɔtū, anu̍ ē bī ɔ̄chɛ ē jɔ̄jɛ̄ la ɔgɔ̄grāa a̍nɛ. 2Ɔ̄chɛ nīi ē gbɛri̍ya̍ ka anɔ̍lɔ jo̍ōkū yī lɛlā ma̍; lēchi̍, ɔ̄chɛ oli̍ngɔ̍ɔ i̍ je̍ gbajɛ la ɛbɛ nīi ngma̍ nīi o̍ ge̍ je̍ gbajɛ ma̍ ni̍. 3Ɔ̄chɛ nīi ē yɔ̍ɔhɔtū yī Ɔwɔ ma̍, o̍ ē je̍ ɔlɔjā.
4Lɛlā yī ojōre̍ nīi e̍ de pā ɛchi̍yɛka ma̍ oro̍ōre̍ bɛ̍ɛ̄nɛ̄ nɛ: Alɔ jo̍ōkū hīka ɔjā nīi re̍ka ɛchi̍yɛka ma̍ i̍ ɔjɔ̄jā hɔ̄ abɔ̍ɔ i̍ngɔ̍ɔ lēchi̍ a̍ni̍. Alɔ jo̍ōkū hīka Ɔwɔ lɛ ūkpo̍he kpo̍kpo̍. 5Ɔwɔ ɛha̍ ge̍ hɔ̄ɔ̄hɔ̄ abɔ̍ɔ la ichō kɛ̄ɛ amu la ajɛ, ɔwɔ ɛ̍lɛma̍ kɛ̄ɛ ādādā ɛ̍lɛma̍ ge̍ lɔ̄lyɛ̄mɛ̄mɛ̄ oo, 6alɔ ma̍, Ɔwɔ lɛ ūkpo̍he kpo̍kpo̍ de alɔ. Anu̍ - Ādā yī ɛjā wa̍a̍ a̍nɛ. Anu̍ ya̍ ɔjāha̍ ɔjāha̍ wa̍a̍ nīi hɔ̄ ma̍ a̍nɛ. Anu̍ nīi alɔ hɔ̄ de ɔ̍ a̍nɛ. Ādādā ɔlɔjā ɔlɔjā chī lɛ ūkpo̍he kpo̍kpo̍ Iji̍sɔ̄ɔsi Ikra̍yisi nɛ. Bū la abɔ̄ yī nū nīi Ɔwɔ ya̍ ɛjā wa̍a̍ a̍nɛ. Bū la abɔ̄ yī nū nīi alɔ hɔ̄leyī a̍nɛ.
7I̍ āchɛ wa̍a̍ chī jo̍ōkū yī lɛlā olēchi̍ lēchi̍ nūma̍ i̍ngɔ̍ɔ a̍ni̍. Āchɛ ɛha̍, lɛlā yī ɛchi̍yɛka de ba̍ wā eyī gba̍a̍ mɛ̍. Kpɛɛ ku i̍chɛ nūma̍, āchɛ eli̍ngɔ̍ɔ ge̍ yɛ ē re̍ ojōre̍ nīi āchɛ ɛha̍ de pā ɛchi̍yɛka ma̍, e̍ ē gbɛri̍ya̍ tū ɔ̄ bāa ojōre̍ yī ɛchi̍yɛka ma̍. Ɛri̍ya̍ yī ūkpɔ̄tū yī wā lɛ kwīkwī ma̍, e̍ ē gbɛri̍ya̍ ka ojōre̍ yī ɛchi̍yɛka ɔ̍lɔ de aa̍ bīya mɛ̍. 8Ojōre̍ i̍ ɔjā nīi ge̍ē bī alɔ rɛ̍ɛya ē tū Ɔwɔ ni̍. A i̍ ge̍ ro̍ōre̍ ni̍, ɔjɔ̄jā i̍ bi̍ la awɔ ni̍. A ge̍ chī ro̍ōre̍, ɛpiyabuna ɔha̍lɔha̍ i̍ hɔ̄ la anu̍ de wɔ ni̍.
9Ala̍ ā du̍mɔ̍ du̍mɔ̍, hɛ̄ɛbɛ nīi lɛlā ɔya̍ ji tɛ̍bɛ̍lɛ̍ yī ala̍ ge̍ e̍e ya̍ nīi āchɛ nīi lɛ kwīkwī la ɔtū ode che Ɔwɔ ma̍ ge̍ ngma̍ ta̍tū lɛlā ɔdwɔ̄bi̍ ɔyɔ̍ɔ̄ya̍ ni̍. 10Ɔ̄chɛ ɔha̍ nīi ɛri̍ya̍ yī ūkpɔ̄tū yī nū i̍ lɛ brii ni̍ ma̍ ge̍ ma̍ awɔ ɔ̄chɛ ojo̍ōkū yī lɛlā oli̍ngɔ̍ɔ nīi yɛ ē re̍ ɔjā la u̍nu̍ yī ɛchi̍yɛka ma̍ bɛ̍ɛ? Ɔla̍ā ge̍ē mla anu̍ ɔtū ya̍ nīi o̍ ē gāa ge̍ē re̍ ɔjā nīi e̍ de pā ɛchi̍yɛka ma̍ bɛ̍ɛ̄nɛ̄. 11Bū la ɛbɛ ɔla̍ā, anu̍ nīi i̍ lɛ brii ni̍ ma̍, ɔɔ̍nɛ̍ yī wɔ ɔla̍ā nīi Ikra̍yisi pīyaku̍ de ɔ̍ titi ma̍ ge̍ē de chāajɛ wu̍chē yī lɛlā ojo̍ōkū yī wɔ. 12Ɔla̍ā re̍ka a yɛ ē ya̍ ɔdwɔ̄bi̍ yī Ikra̍yisi bū la ɔdwɔ̄bi̍ nīi a ya̍ tāa aɛ̍nɛ̍, ya̍ nīi ɛri̍ya̍ yī ūkpɔ̄tū yī wā nīi lɛ kwīkwī ma̍ ē bīya ma̍. 13Wu̍chē yī ɔla̍ā, ojōre̍ ge̍ yɛ ge̍ē ya̍ nīi ɔɔ̍nɛ̍ yī u ɔha̍ ē yɛ̍ɛ̄lā ɔdwɔ̄bi̍, ɔ̍lɔma̍ n i̍ ge̍ē re̍ ɛbɛ̍ ge̍ē gbo̍ ē gɛ ni̍, hɛ̄ɛbɛ nīi n i̍ ē ya̍ nīi ɔɔ̍nɛ̍ yī u ē ngma̍ ta̍tū la lɛlā ɔdwɔ̄bi̍ ɔyɔ̍ɔ̄ya̍ ni̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)