1 Alikɔ̍rīnti 6
6
Lɛpɔ̄ ohī ɔ̍nyīnū ohōhī
1Ɔ̄chɛ ɔha̍ lipu̍ yī ala̍ ge̍ yɛ ē gblɛlā ba̍la ɔɔ̍nɛ̍ yī nū ɔha̍ nīi - ɔ̄chɛ yī Ikra̍yisi ma̍, ɔna̍ ɔpīya ge̍ hlɛ̍ɛ̄pɔ̄ la ɛbɛ yī olihiyo ɔha̍ ji nīi i̍ je̍ Ɔwɔ ni̍ ma̍? Ɔkɔkɔ ɔla̍ā, ala̍ ā pi̍ye̍mā nīi āchɛ yī Ɔwɔ ge̍ de lɛlā ogbōgbo ɔ̍lɔma̍ ka ke̍e̍. 2Kɛ̄ɛ ala̍ i̍ jo̍ōkū hīka āchɛ yī Ɔwɔ ɛ̍lɛ ge̍ē hlɛ̍ɛ̄pɔ̄ yī yɛchɛ nūma̍ a̍ni̍? Bɛ̍ɛ̄nɛ̄ nīi ala̍ ge̍ē hlɛ̍ɛ̄pɔ̄ yī yɛchɛ nūma̍ a̍nɛ ma̍, kana̍ - ohu̍ nīi ala̍ i̍ ge̍ē hlɛ̍ɛ̄pɔ̄ yī lɛlā ɔlɛpi̍nyɛ̍ i̍ngɛ̍ɛ̄nɛ̄ mɛ ni̍ ma̍? 3Ala̍ jo̍ōkū hīka alɔ āchɛ yī Ɔwɔ ge̍ē hlɛ̍ɛ̄pɔ̄ yī ayɛ̍ɛ̄chɛ̄rɔ̄ nīi - uhu ma̍ a̍nɛ? Kana̍ chī - ohu̍ nīi alɔ i̍ chī ge̍ē hlɛ̍ɛ̄pɔ̄ yī lɛlā yī ɔhɔ̄leyī nūma̍ ɔbɔbɔ ē mɛ ni̍ ma̍? 4Ma̍, o̍ re̍ka lɛlā ogbōgbo ɔha̍ ge̍ ngmɛ̍ɛchɛ mɛ̍, ala̍ ē bī gāa ɛbɛ yī āchɛ nīi i̍ ɔjɔ̄jā lā ku ogrēeyī yī ala̍ ni̍ ma̍ nīi e̍ ē de ē ka? 5Liwēyī chɔ̍ɔ! O̍ re̍ka ɔ̄chɛ̄ɛchɛ i̍ hɔ̄ abɔ̍ɔ jyɛ̍ɛ̄lā kure̍kure̍ lipu̍ yī ogrēeyī yī ala̍ lɛbɛ ode lɛlā ogbōgbo i̍ngɔ̍ɔ ka hī aɛ̍nɛ̍ ɛla̍ā ni̍ kɛ̄ɛ? 6I̍ngɔ̍ɔ nīi ala̍ ge̍ ya̍ a̍nɛ, ɔkɔkɔ yī ɔ̄chɛ ɔha̍ ɔpīya ga ikɔ̍ɔti ge̍ hlɛ̍ɛ̄pɔ̄, nīi alihiyo ɛha̍ ji nīi i̍ chɛ̄ku Ɔwɔ ni̍ de lɛpɔ̄ ka.
7Bū la lɛlā yī lɛpɔ̄ ohī iyī ala̍ ohōhī nūma̍, o̍ chabɔ̄ hīka ala̍ gwāajɛ gblɛ̍ɛgblɛ̍ɛ mɛ̍. Oji̍ - ohu̍ nīi a i̍ pi̍ye̍mā ji nīi e̍ ya̍ wɔ dwɔ̄bi̍ ni̍ ma̍? Oji̍ - ohu̍ nīi a i̍ pi̍ye̍mā ji nīi e̍ kpo̍ wɔ ɛjā la uwī ni̍ ma̍? 8Ɔla̍ā hwɔhi fi̍yɛ̍ hi̍ onūma̍ nīi ala̍ ɛlɛjā ya̍ ɔ̍nyīnū dwɔ̄bi̍, ē kpo̍ ɔ̍nyīnū ɛjā la uwī i̍ngɔ̍ɔ ma̍. Je̍ka aa̍ ala̍ - aɛ̍nɛ̍ lipu̍ bū la abɔ̄ yī Ikra̍yisi nɛ! 9Je̍ka aa̍ ala̍ jo̍ōkū hīka āchɛ nīi ē yɛ̍ɛ̄lā abi̍ ma̍ i̍ ge̍ē nāa ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ ni̍. Āchɛ ɔya̍chi yī lɛlā, kɛ̄ɛ la̍ ɔ̍bɔ̍ɔ̄nyā, kɛ̄ɛ āchɛ ɔpā ɛchi̍yɛka, kɛ̄ɛ anāngrɔ̄ɔ ke̍e̍ ba̍la anyānyā ke̍e̍ ogbo tāa ɔ̍nyīnū chikpo̍ yī ɔ̍nyīnū, 10kɛ̄ɛ āchɛ okpo̍ ɛjā yī āchɛ wɔhu̍ wɔhu̍, kɛ̄ɛ āchɛ ɔya̍ ānyānyi, kɛ̄ɛ āchɛ ɔgwɔ̍ɔ̄jā ka̍ka̍ de wɔ̄wīyā, kɛ̄ɛ āchɛ ɔbīya riyī yī āchɛ, kɛ̄ɛ āchɛ nīi ē wūwī ma̍, ɔ̄chɔ̄chɛ lipu̍ yī wā i̍ ge̍ē nāa ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ ni̍. 11Āchɛ ɛha̍ lipu̍ yī ala̍ lɛ i̍ngɔ̍ɔ o̍bū. Ɔwɔ chī de lɛlā ɔdwɔ̄bi̍ yī ala̍ nɔ̄na ngmɔ̍ɔ̄ngma̍, de ala̍ kwɔbɔ̄ de iyī nū, nīi ala̍ de lɛ kpakpa ke̍e̍ la eyī yī Ɔwɔ mɛ̍. Onūma̍ wa̍a̍ de lɛ i̍ngɔ̍ɔ bū la riyī yī Ādā Iji̍sɔ̄ɔsi Ikra̍yisi ba̍la abɔ̄ yī Uhu yī Ɔwɔ nīi - Ɔwɔ yī alɔ ma̍.
Bī ibi̍īyē yī wɔ yɛ̍ɛ̄lā nīi rīgā ge̍ - iyī Ɔwɔ
12Ɔ̄chɛ ge̍ē ka ē mɛ hīka anɔ̍lɔ i̍ trīihɔ yī ɔjɔ̄jā ni̍. Lēchi̍ nɛ. I̍ ɔjā wa̍a̍ chī hwɔhi de wɔ a̍ni̍ ma̍ bɛ̍ɛ! Ami ɔlɔjā, n ge̍ē ka ē mɛ hīka n i̍ trīihɔ yī ɔjɔ̄jā ni̍. N i̍ chī ge̍ē ya̍ ē de ē gblɛfiyɛ yī ɔjɔ̄jā ni̍. 13Ɔ̄chɛ ɔha̍ chī ge̍ē gba̍a ē ka ē mɛ hīka, ojōre̍ ɔ̍lɔ - iyī ubu nɛ; ubu ɔ̍lɔ iyī ojōre̍ nɛ. Ɔla̍ā - ichɛ̄ɛhi nɛ. Ɔwɔ chī ge̍ē de ɛjā ɛpɛpa nūma̍ ē chāajɛ we̍ ma̍ bɛ̍ɛ! Ibi̍īyē yī ɔ̄chɛ̄ɛchɛ i̍ lā de ya̍chi yī lɛlā obī yɔ̍ɔ̄ya̍ ni̍. Ibi̍īyē yī ɔ̄chɛ̄ɛchɛ hɔ̄ la obī ya̍ u̍ku̍rɔ̍ de Ādā Nīi - Ɔwɔ Ma̍, Ɔwɔ chī ya̍ u̍ku̍rɔ̍ ē de ibi̍īyē i̍ngi̍ngɔ̍ɔ. 14Ɔwɔ de Ādā Iji̍sɔ̄ɔsi hye̍ēyī la okū ma̍, anu̍ titi ge̍ē de alɔ ē hye̍ēyī la okū bū la wɔhu̍ yī nū.
15Je̍ka aa̍ ala̍ jo̍ōkū hīka ibi̍īyē yī ala̍ - ɛbɛha̍ yī ibi̍īyē yī Ikra̍yisi nɛ! Ma̍, o̍ re̍ka n ge̍ē nāa ɛbɛha̍ yī ibi̍īyē yī Ikra̍yisi ge̍ē pīya ɛbɛha̍ yī ɔ̄chɛ nīi - akpara ma̍? Īchāha̍ īchāha̍! 16Ala̍ ka̍a jo̍ōkū ni̍ oo, ɔngrɔ̄ɔ nīi ge̍ bī ibi̍īyē yī nū ge̍ de akpara mɛ̍, o̍ re̍ka ibi̍īyē yī anu̍ ba̍la akpara ɔla̍ā de pīya ūkpo̍he mɛ̍. O̍ lɛ lɔkɔ nīi Īpū yī Ɔwɔ ka ke̍e̍ ma̍: “Aa̍ āchɛ ɛpɛpa ge̍ē de ē pīya āchɛ ūkpo̍he.” 17Ɔ̄chɛ nīi ge̍ē chī de iyī nū tū tāa Ādā Iji̍sɔ̄ɔsi, ɔlɔjā ge̍ē de ē pīya ɔ̄chɛ ūkpo̍he ba̍la anu̍ la uhu.
18Ala̍ ā pi̍ye̍mā hī ya̍chi yī lɛlā ɔyɔ̍ɔ̄ya̍ yī anyā ba̍la angrɔ̄ɔ ɔla̍ā gɛ. Lɛlā ɔdwɔ̄bi̍ ɛha̍lɛha̍ wa̍a̍ nīi ɔ̄chɛ ē ya̍ ma̍ i̍ lā ku ibi̍īyē yī ɔ̄chɛ ɔlɔjā ni̍. Ɔ̄chɛ nīi ge̍ ya̍chi yī lɛlā yī anyā ba̍la angrɔ̄ɔ i̍ngɔ̍ɔ, o̍ re̍ka ɔlɔjā yɛ̍ɛ̄lā ɔdwɔ̄bi̍ ku ibi̍īyē yī anu̍ ɔlɔjā. 19Je̍ka ibi̍īyē yī wɔ ɔla̍ā re̍ka u̍nu̍ yī Uhu Ɔnɛ̄ɛhɛhi nīi Ɔwɔ de de wɔ nīi tū abɔ̍ɔ la awɔ ma̍ a̍nɛ? Awɔ u̍tu - ɔ̄chɛ yī awɔ ɔlɔjā nɛ. Je̍ka aa̍ awɔ - ɔ̄chɛ yī Ɔwɔ nɛ? 20Ɔwɔ ra̍ wɔ ɔrɔ̍ɔ̄ra̍ la ɔjā. Wu̍chē yī ɔla̍ā, ala̍ bī ibi̍īyē yī ala̍ ya̍ lɛbɛ nīi rīgā ge̍ iyī Ɔwɔ.
Currently Selected:
1 Alikɔ̍rīnti 6: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 6
6
Lɛpɔ̄ ohī ɔ̍nyīnū ohōhī
1Ɔ̄chɛ ɔha̍ lipu̍ yī ala̍ ge̍ yɛ ē gblɛlā ba̍la ɔɔ̍nɛ̍ yī nū ɔha̍ nīi - ɔ̄chɛ yī Ikra̍yisi ma̍, ɔna̍ ɔpīya ge̍ hlɛ̍ɛ̄pɔ̄ la ɛbɛ yī olihiyo ɔha̍ ji nīi i̍ je̍ Ɔwɔ ni̍ ma̍? Ɔkɔkɔ ɔla̍ā, ala̍ ā pi̍ye̍mā nīi āchɛ yī Ɔwɔ ge̍ de lɛlā ogbōgbo ɔ̍lɔma̍ ka ke̍e̍. 2Kɛ̄ɛ ala̍ i̍ jo̍ōkū hīka āchɛ yī Ɔwɔ ɛ̍lɛ ge̍ē hlɛ̍ɛ̄pɔ̄ yī yɛchɛ nūma̍ a̍ni̍? Bɛ̍ɛ̄nɛ̄ nīi ala̍ ge̍ē hlɛ̍ɛ̄pɔ̄ yī yɛchɛ nūma̍ a̍nɛ ma̍, kana̍ - ohu̍ nīi ala̍ i̍ ge̍ē hlɛ̍ɛ̄pɔ̄ yī lɛlā ɔlɛpi̍nyɛ̍ i̍ngɛ̍ɛ̄nɛ̄ mɛ ni̍ ma̍? 3Ala̍ jo̍ōkū hīka alɔ āchɛ yī Ɔwɔ ge̍ē hlɛ̍ɛ̄pɔ̄ yī ayɛ̍ɛ̄chɛ̄rɔ̄ nīi - uhu ma̍ a̍nɛ? Kana̍ chī - ohu̍ nīi alɔ i̍ chī ge̍ē hlɛ̍ɛ̄pɔ̄ yī lɛlā yī ɔhɔ̄leyī nūma̍ ɔbɔbɔ ē mɛ ni̍ ma̍? 4Ma̍, o̍ re̍ka lɛlā ogbōgbo ɔha̍ ge̍ ngmɛ̍ɛchɛ mɛ̍, ala̍ ē bī gāa ɛbɛ yī āchɛ nīi i̍ ɔjɔ̄jā lā ku ogrēeyī yī ala̍ ni̍ ma̍ nīi e̍ ē de ē ka? 5Liwēyī chɔ̍ɔ! O̍ re̍ka ɔ̄chɛ̄ɛchɛ i̍ hɔ̄ abɔ̍ɔ jyɛ̍ɛ̄lā kure̍kure̍ lipu̍ yī ogrēeyī yī ala̍ lɛbɛ ode lɛlā ogbōgbo i̍ngɔ̍ɔ ka hī aɛ̍nɛ̍ ɛla̍ā ni̍ kɛ̄ɛ? 6I̍ngɔ̍ɔ nīi ala̍ ge̍ ya̍ a̍nɛ, ɔkɔkɔ yī ɔ̄chɛ ɔha̍ ɔpīya ga ikɔ̍ɔti ge̍ hlɛ̍ɛ̄pɔ̄, nīi alihiyo ɛha̍ ji nīi i̍ chɛ̄ku Ɔwɔ ni̍ de lɛpɔ̄ ka.
7Bū la lɛlā yī lɛpɔ̄ ohī iyī ala̍ ohōhī nūma̍, o̍ chabɔ̄ hīka ala̍ gwāajɛ gblɛ̍ɛgblɛ̍ɛ mɛ̍. Oji̍ - ohu̍ nīi a i̍ pi̍ye̍mā ji nīi e̍ ya̍ wɔ dwɔ̄bi̍ ni̍ ma̍? Oji̍ - ohu̍ nīi a i̍ pi̍ye̍mā ji nīi e̍ kpo̍ wɔ ɛjā la uwī ni̍ ma̍? 8Ɔla̍ā hwɔhi fi̍yɛ̍ hi̍ onūma̍ nīi ala̍ ɛlɛjā ya̍ ɔ̍nyīnū dwɔ̄bi̍, ē kpo̍ ɔ̍nyīnū ɛjā la uwī i̍ngɔ̍ɔ ma̍. Je̍ka aa̍ ala̍ - aɛ̍nɛ̍ lipu̍ bū la abɔ̄ yī Ikra̍yisi nɛ! 9Je̍ka aa̍ ala̍ jo̍ōkū hīka āchɛ nīi ē yɛ̍ɛ̄lā abi̍ ma̍ i̍ ge̍ē nāa ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ ni̍. Āchɛ ɔya̍chi yī lɛlā, kɛ̄ɛ la̍ ɔ̍bɔ̍ɔ̄nyā, kɛ̄ɛ āchɛ ɔpā ɛchi̍yɛka, kɛ̄ɛ anāngrɔ̄ɔ ke̍e̍ ba̍la anyānyā ke̍e̍ ogbo tāa ɔ̍nyīnū chikpo̍ yī ɔ̍nyīnū, 10kɛ̄ɛ āchɛ okpo̍ ɛjā yī āchɛ wɔhu̍ wɔhu̍, kɛ̄ɛ āchɛ ɔya̍ ānyānyi, kɛ̄ɛ āchɛ ɔgwɔ̍ɔ̄jā ka̍ka̍ de wɔ̄wīyā, kɛ̄ɛ āchɛ ɔbīya riyī yī āchɛ, kɛ̄ɛ āchɛ nīi ē wūwī ma̍, ɔ̄chɔ̄chɛ lipu̍ yī wā i̍ ge̍ē nāa ɔpiyɛ yī Ɔchwɔ̄lɛ̍ Oro̍ōre̍ yī Ɔwɔ ni̍. 11Āchɛ ɛha̍ lipu̍ yī ala̍ lɛ i̍ngɔ̍ɔ o̍bū. Ɔwɔ chī de lɛlā ɔdwɔ̄bi̍ yī ala̍ nɔ̄na ngmɔ̍ɔ̄ngma̍, de ala̍ kwɔbɔ̄ de iyī nū, nīi ala̍ de lɛ kpakpa ke̍e̍ la eyī yī Ɔwɔ mɛ̍. Onūma̍ wa̍a̍ de lɛ i̍ngɔ̍ɔ bū la riyī yī Ādā Iji̍sɔ̄ɔsi Ikra̍yisi ba̍la abɔ̄ yī Uhu yī Ɔwɔ nīi - Ɔwɔ yī alɔ ma̍.
Bī ibi̍īyē yī wɔ yɛ̍ɛ̄lā nīi rīgā ge̍ - iyī Ɔwɔ
12Ɔ̄chɛ ge̍ē ka ē mɛ hīka anɔ̍lɔ i̍ trīihɔ yī ɔjɔ̄jā ni̍. Lēchi̍ nɛ. I̍ ɔjā wa̍a̍ chī hwɔhi de wɔ a̍ni̍ ma̍ bɛ̍ɛ! Ami ɔlɔjā, n ge̍ē ka ē mɛ hīka n i̍ trīihɔ yī ɔjɔ̄jā ni̍. N i̍ chī ge̍ē ya̍ ē de ē gblɛfiyɛ yī ɔjɔ̄jā ni̍. 13Ɔ̄chɛ ɔha̍ chī ge̍ē gba̍a ē ka ē mɛ hīka, ojōre̍ ɔ̍lɔ - iyī ubu nɛ; ubu ɔ̍lɔ iyī ojōre̍ nɛ. Ɔla̍ā - ichɛ̄ɛhi nɛ. Ɔwɔ chī ge̍ē de ɛjā ɛpɛpa nūma̍ ē chāajɛ we̍ ma̍ bɛ̍ɛ! Ibi̍īyē yī ɔ̄chɛ̄ɛchɛ i̍ lā de ya̍chi yī lɛlā obī yɔ̍ɔ̄ya̍ ni̍. Ibi̍īyē yī ɔ̄chɛ̄ɛchɛ hɔ̄ la obī ya̍ u̍ku̍rɔ̍ de Ādā Nīi - Ɔwɔ Ma̍, Ɔwɔ chī ya̍ u̍ku̍rɔ̍ ē de ibi̍īyē i̍ngi̍ngɔ̍ɔ. 14Ɔwɔ de Ādā Iji̍sɔ̄ɔsi hye̍ēyī la okū ma̍, anu̍ titi ge̍ē de alɔ ē hye̍ēyī la okū bū la wɔhu̍ yī nū.
15Je̍ka aa̍ ala̍ jo̍ōkū hīka ibi̍īyē yī ala̍ - ɛbɛha̍ yī ibi̍īyē yī Ikra̍yisi nɛ! Ma̍, o̍ re̍ka n ge̍ē nāa ɛbɛha̍ yī ibi̍īyē yī Ikra̍yisi ge̍ē pīya ɛbɛha̍ yī ɔ̄chɛ nīi - akpara ma̍? Īchāha̍ īchāha̍! 16Ala̍ ka̍a jo̍ōkū ni̍ oo, ɔngrɔ̄ɔ nīi ge̍ bī ibi̍īyē yī nū ge̍ de akpara mɛ̍, o̍ re̍ka ibi̍īyē yī anu̍ ba̍la akpara ɔla̍ā de pīya ūkpo̍he mɛ̍. O̍ lɛ lɔkɔ nīi Īpū yī Ɔwɔ ka ke̍e̍ ma̍: “Aa̍ āchɛ ɛpɛpa ge̍ē de ē pīya āchɛ ūkpo̍he.” 17Ɔ̄chɛ nīi ge̍ē chī de iyī nū tū tāa Ādā Iji̍sɔ̄ɔsi, ɔlɔjā ge̍ē de ē pīya ɔ̄chɛ ūkpo̍he ba̍la anu̍ la uhu.
18Ala̍ ā pi̍ye̍mā hī ya̍chi yī lɛlā ɔyɔ̍ɔ̄ya̍ yī anyā ba̍la angrɔ̄ɔ ɔla̍ā gɛ. Lɛlā ɔdwɔ̄bi̍ ɛha̍lɛha̍ wa̍a̍ nīi ɔ̄chɛ ē ya̍ ma̍ i̍ lā ku ibi̍īyē yī ɔ̄chɛ ɔlɔjā ni̍. Ɔ̄chɛ nīi ge̍ ya̍chi yī lɛlā yī anyā ba̍la angrɔ̄ɔ i̍ngɔ̍ɔ, o̍ re̍ka ɔlɔjā yɛ̍ɛ̄lā ɔdwɔ̄bi̍ ku ibi̍īyē yī anu̍ ɔlɔjā. 19Je̍ka ibi̍īyē yī wɔ ɔla̍ā re̍ka u̍nu̍ yī Uhu Ɔnɛ̄ɛhɛhi nīi Ɔwɔ de de wɔ nīi tū abɔ̍ɔ la awɔ ma̍ a̍nɛ? Awɔ u̍tu - ɔ̄chɛ yī awɔ ɔlɔjā nɛ. Je̍ka aa̍ awɔ - ɔ̄chɛ yī Ɔwɔ nɛ? 20Ɔwɔ ra̍ wɔ ɔrɔ̍ɔ̄ra̍ la ɔjā. Wu̍chē yī ɔla̍ā, ala̍ bī ibi̍īyē yī ala̍ ya̍ lɛbɛ nīi rīgā ge̍ iyī Ɔwɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)