Máka 4
4
Bunyîn-Dyityém ḿbú Óburúkpâbí ḿbú bu/chi bu-ta Ejíí Emúmú
(Azáya 2:1-4)
1Ké ací nyí nyi a-bâ,
kaku ńké ba/bi kiǐtí-kyise-kyifen-Osówo echi
ka/chi ka-nyâam ka-shwôm kángkáng eku.
Eshê chwóó e/chi e-bâ ké kaku ánke,
2ne banet ebe ba/chi ba-raa ba/fu,
bâ n̂g byi-yú kaku ńké Óburúkpâbí
byi-wâa ké kiǐtí-kyise-kyifen echi ńkyí Osówo mú Ézerel.
Ké ebóng, nyǐ o/chi o-tángê bě ńkyí nyǐ mu o-ryuu ng bě o/fu, be byichi.
Byi/chi byi-cen ké biǐfáng ḿbyí nyǐ oo/cá.
Ké ebóng, ńkyí Óburúkpâbí mu o-tángê e nkyi kyi-fím m Jerúsélem.
Nyǐ mu o-bwom m ké Záyon o-pem m ne banet emen.
3Nyǐ o/chi o-tóbê byiraa ḿbyí mbyi byi-róng ng eshê,
biǐtí-eshê ḿbyí mbyi jwángjwáng
ne ḿbyí mbyi tíbítíbí.
Mbé ba/chi ba-pín bushwám ne byíbye ebe ḿbyí mbe ba-nwa ng byití byi-firi byěm-bǎmkpóngé-byifát.
Eshê ee*ba/chi e-chînwa byití*
ee*kpá to byiko ḿbyí byití enwa*.
4Nang yeě o/chi o-kyú ké bunyîn-dyityém ké busi-byichí emen,
ne onet o*fí mú o/chi o-chi ǎ o-shî*.
Óburúkpâbí mú o/rêe o-shwôm nké oo/ryí ocím ké ńkyín.
5Oshê nang orá mu o-fâ Osówo ebe, o-chi i ńkyí o/sét kámbé, nké be byi/chi byi-fé Osówo Óburúkpâbí eten, byi-chi ńkyí o/sét bě ne banyá ne banyá.
Banet ḿbé Ézerel ba/chi ba-fím ké Kyikit ńkyí mbe ba-kyú u wǎ Básóng ba-fyi
6Óburúkpâbí o/raa o/fu, nkéré mu o-bâ mú n/chi m-kpaa banet ḿbé n/kye kámbé busông n-tî kyikit kyibónge, banet ḿbé baa/ri busông, ba-kyú ké oshê-banet wǎ básóng. 7Mbé ba/firi bankwa ne ba*fí to fáráng ne oshê ebe*. Nké n/chi n-chi kiimkpet kyikû ńkyí kyifyîfî ne banet ḿbé ba/waa, ne mbé ba/chi ba-firi kiǐtí-oshê. Me n/chi n-kyú ké kaku ńké Záyon, n-kûtún kámbé, kyi-fím ké nkéré ámu kyi-ca kashú ne banyá ne banyá.
8Ne wo, ǎ Jerúsélem, mú Osówo mu o-tún n ǒ wǎ mbâm ebû, wo a/chi a-chîbwa a-kyú dyityém-oshê ńdyí kiǐtí-oshê ńkyí kyi/mû kyi/já ǒ. 9Ebóng amu a-tii ng kakânkakân. Ebóng amu a-ri ng afaníkong wǎ onyinyi mú bufwon mbu bu-nwa ng ǎ. Nkyi ké bubwô ḿbú wo a*fí ne otu*? ne bankye bacê enen baa/kpú? 10Ben banet ḿbé Jerúsélem, nyibi n̂g byiko [ba-byâ] wǎ onyinyi mú o-kú o-fwon n, ké nǎ, kántîk ben ba-man ba-mîng oshê ba-kpet ekyú ké dyikán. Ben ba/chi ba-dim Bábyílon, nké áku ké Bábyílon nké Óburúkpâbí o/chi o-nyii běn ké abwô nyí banet-bushwôn enen. 11Eshê chwóó ee/cibi kyikit kyibónge e/fu, nyǐ e-kyâ běn bunwa. Mbe ba-raa ng ba/fu, mbé ba-man ba-bên Jerúsélem. Ba/fu, ba-man ba-ri oshê mún o-bên kángkáng. 12Nké eshê ńnyín e*fí e-nyît ng ńkyí Óburúkpâbí mu o-kabe ng*. Mbé ba*fí ba-nyît ng ba/fu, Osówo oo/cibi kámbé kyikit kyibónge* eringe nyí ba/chi ba-kye kámbé busông* wǎ eringe nyí badacibi esang-byichí kyikit kyibónge ba-kim kányí*.
13Óburúkpâbí o/raa o/fu, banet ḿbé Jerúsélem, ca n̂g ba-da-kye banet-bushwôn enen busông. Me n/chi n-chi běn ba-kyú ne busa wǎ ḿbú kiinyinyǎm ńkyí etwóm ne abe-byiká emen nyi biǐré bííre. Ben ba/chi ba-kpógê eshê chwóó, ne ba/chi ba-yip akpuga ebe nyí mbé ba/koo ké busa, ba-kye mě me Otu mú ejíí emúmú.
Currently Selected:
Máka 4: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Máka 4
4
Bunyîn-Dyityém ḿbú Óburúkpâbí ḿbú bu/chi bu-ta Ejíí Emúmú
(Azáya 2:1-4)
1Ké ací nyí nyi a-bâ,
kaku ńké ba/bi kiǐtí-kyise-kyifen-Osówo echi
ka/chi ka-nyâam ka-shwôm kángkáng eku.
Eshê chwóó e/chi e-bâ ké kaku ánke,
2ne banet ebe ba/chi ba-raa ba/fu,
bâ n̂g byi-yú kaku ńké Óburúkpâbí
byi-wâa ké kiǐtí-kyise-kyifen echi ńkyí Osówo mú Ézerel.
Ké ebóng, nyǐ o/chi o-tángê bě ńkyí nyǐ mu o-ryuu ng bě o/fu, be byichi.
Byi/chi byi-cen ké biǐfáng ḿbyí nyǐ oo/cá.
Ké ebóng, ńkyí Óburúkpâbí mu o-tángê e nkyi kyi-fím m Jerúsélem.
Nyǐ mu o-bwom m ké Záyon o-pem m ne banet emen.
3Nyǐ o/chi o-tóbê byiraa ḿbyí mbyi byi-róng ng eshê,
biǐtí-eshê ḿbyí mbyi jwángjwáng
ne ḿbyí mbyi tíbítíbí.
Mbé ba/chi ba-pín bushwám ne byíbye ebe ḿbyí mbe ba-nwa ng byití byi-firi byěm-bǎmkpóngé-byifát.
Eshê ee*ba/chi e-chînwa byití*
ee*kpá to byiko ḿbyí byití enwa*.
4Nang yeě o/chi o-kyú ké bunyîn-dyityém ké busi-byichí emen,
ne onet o*fí mú o/chi o-chi ǎ o-shî*.
Óburúkpâbí mú o/rêe o-shwôm nké oo/ryí ocím ké ńkyín.
5Oshê nang orá mu o-fâ Osówo ebe, o-chi i ńkyí o/sét kámbé, nké be byi/chi byi-fé Osówo Óburúkpâbí eten, byi-chi ńkyí o/sét bě ne banyá ne banyá.
Banet ḿbé Ézerel ba/chi ba-fím ké Kyikit ńkyí mbe ba-kyú u wǎ Básóng ba-fyi
6Óburúkpâbí o/raa o/fu, nkéré mu o-bâ mú n/chi m-kpaa banet ḿbé n/kye kámbé busông n-tî kyikit kyibónge, banet ḿbé baa/ri busông, ba-kyú ké oshê-banet wǎ básóng. 7Mbé ba/firi bankwa ne ba*fí to fáráng ne oshê ebe*. Nké n/chi n-chi kiimkpet kyikû ńkyí kyifyîfî ne banet ḿbé ba/waa, ne mbé ba/chi ba-firi kiǐtí-oshê. Me n/chi n-kyú ké kaku ńké Záyon, n-kûtún kámbé, kyi-fím ké nkéré ámu kyi-ca kashú ne banyá ne banyá.
8Ne wo, ǎ Jerúsélem, mú Osówo mu o-tún n ǒ wǎ mbâm ebû, wo a/chi a-chîbwa a-kyú dyityém-oshê ńdyí kiǐtí-oshê ńkyí kyi/mû kyi/já ǒ. 9Ebóng amu a-tii ng kakânkakân. Ebóng amu a-ri ng afaníkong wǎ onyinyi mú bufwon mbu bu-nwa ng ǎ. Nkyi ké bubwô ḿbú wo a*fí ne otu*? ne bankye bacê enen baa/kpú? 10Ben banet ḿbé Jerúsélem, nyibi n̂g byiko [ba-byâ] wǎ onyinyi mú o-kú o-fwon n, ké nǎ, kántîk ben ba-man ba-mîng oshê ba-kpet ekyú ké dyikán. Ben ba/chi ba-dim Bábyílon, nké áku ké Bábyílon nké Óburúkpâbí o/chi o-nyii běn ké abwô nyí banet-bushwôn enen. 11Eshê chwóó ee/cibi kyikit kyibónge e/fu, nyǐ e-kyâ běn bunwa. Mbe ba-raa ng ba/fu, mbé ba-man ba-bên Jerúsélem. Ba/fu, ba-man ba-ri oshê mún o-bên kángkáng. 12Nké eshê ńnyín e*fí e-nyît ng ńkyí Óburúkpâbí mu o-kabe ng*. Mbé ba*fí ba-nyît ng ba/fu, Osówo oo/cibi kámbé kyikit kyibónge* eringe nyí ba/chi ba-kye kámbé busông* wǎ eringe nyí badacibi esang-byichí kyikit kyibónge ba-kim kányí*.
13Óburúkpâbí o/raa o/fu, banet ḿbé Jerúsélem, ca n̂g ba-da-kye banet-bushwôn enen busông. Me n/chi n-chi běn ba-kyú ne busa wǎ ḿbú kiinyinyǎm ńkyí etwóm ne abe-byiká emen nyi biǐré bííre. Ben ba/chi ba-kpógê eshê chwóó, ne ba/chi ba-yip akpuga ebe nyí mbé ba/koo ké busa, ba-kye mě me Otu mú ejíí emúmú.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985