Jóna 3
3
Jóna o/chi ńkyí Óburúkpâbí o/sét ǎ
1Óburúkpâbí o/chîraa ne Jóna 2o-sét ǎ o/fu, ca ké kiǐtí-oshê ńkyí Nyínyíve a-da-sét banet-oshê ámu kyitwóm ńkyí me [n/sét] ǒ. 3Ne Jóna kâng o-jwo ńkyí Óburúkpâbí o/sét ǎ, o-dim Nyínyíve, oshê ámu mú o/rêe kanong kanong, mú onet odakúng ací achât ne o-cen o-ribi ké dyishí emen. 4Jóna o/kpet ecen o-câ ké oshê ámu, [o-cen kyirim-dyicí kyimúmú o-sét o/fu,] ké bajam-ací bafee, Osówo o/chi o-bên oshê mún.
5Banet ḿbé Nyínyíve ba/jwo kyitwóm ńkyí Osówo o/twóm ba-sét kámbé. Ne ba-kabe kâng ba/fu, nang yeě nang yeě ocíp esong, ne kángkáng banet, kyi-fím ké ḿbé mbe kiǐtí tete kyi-ribi ké ḿbé mbe kyísí kyísí ba-fé byídí-dyikán eta, ba-tông ba/fu, byiko bii/kpú kámbé ké byibî ebe ḿbyí ba/chi.
6Ké nkéré mú otu mú Nyínyíve o/jwo kánkyí, o/bûu ké kakyúng-butu emen, o-pii byídí-butu emen o-tî kú, o-fé byídí-dyikán eta, o-bírî o-kyú ké atông. 7O-twóm kyitwóm kyi-kâm banet ḿbé Nyínyíve o/fu, nyín kyitwóm ńkyí kyi/fím ne otu ne banet-ashí-bǎmkpóngé emen, ba/fu, onet nang obónge o*dachi o-ryí nang chwǒm*. Kángkáng banet, bampong ne ebû ba*dachi ba-ryí chwǒm* ba-jwáp nang omu*. 8Kángkáng banet ne byitú ba-man ba-fé byídí-dyikán eta. Nang yeě o-man o-fé nshwam ne dyityém emen o-kye Osówo, ne nang yeě o-man o-mîng byibî-édúú emen ne byibî-byěm emen ḿbyí mu o-chi i. 9Katô Osówo o/chi o-yángê okabe emen. Katô o/chi o-mîng kafâ emen esa, ne bii*ba/chi byi-chîkpú*.
10Osówo o/ri ńkyí banet ḿbé Nyínyíve ba/chi. O/ri o/fu, mbé baa/mîng byibî-akwóp ebe. Ne o-yángê kâng okabe emen, ne o*da/chîkye kámbé busông wǎ eringe nyí o/mû o/fu*.
Currently Selected:
Jóna 3: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Jóna 3
3
Jóna o/chi ńkyí Óburúkpâbí o/sét ǎ
1Óburúkpâbí o/chîraa ne Jóna 2o-sét ǎ o/fu, ca ké kiǐtí-oshê ńkyí Nyínyíve a-da-sét banet-oshê ámu kyitwóm ńkyí me [n/sét] ǒ. 3Ne Jóna kâng o-jwo ńkyí Óburúkpâbí o/sét ǎ, o-dim Nyínyíve, oshê ámu mú o/rêe kanong kanong, mú onet odakúng ací achât ne o-cen o-ribi ké dyishí emen. 4Jóna o/kpet ecen o-câ ké oshê ámu, [o-cen kyirim-dyicí kyimúmú o-sét o/fu,] ké bajam-ací bafee, Osówo o/chi o-bên oshê mún.
5Banet ḿbé Nyínyíve ba/jwo kyitwóm ńkyí Osówo o/twóm ba-sét kámbé. Ne ba-kabe kâng ba/fu, nang yeě nang yeě ocíp esong, ne kángkáng banet, kyi-fím ké ḿbé mbe kiǐtí tete kyi-ribi ké ḿbé mbe kyísí kyísí ba-fé byídí-dyikán eta, ba-tông ba/fu, byiko bii/kpú kámbé ké byibî ebe ḿbyí ba/chi.
6Ké nkéré mú otu mú Nyínyíve o/jwo kánkyí, o/bûu ké kakyúng-butu emen, o-pii byídí-butu emen o-tî kú, o-fé byídí-dyikán eta, o-bírî o-kyú ké atông. 7O-twóm kyitwóm kyi-kâm banet ḿbé Nyínyíve o/fu, nyín kyitwóm ńkyí kyi/fím ne otu ne banet-ashí-bǎmkpóngé emen, ba/fu, onet nang obónge o*dachi o-ryí nang chwǒm*. Kángkáng banet, bampong ne ebû ba*dachi ba-ryí chwǒm* ba-jwáp nang omu*. 8Kángkáng banet ne byitú ba-man ba-fé byídí-dyikán eta. Nang yeě o-man o-fé nshwam ne dyityém emen o-kye Osówo, ne nang yeě o-man o-mîng byibî-édúú emen ne byibî-byěm emen ḿbyí mu o-chi i. 9Katô Osówo o/chi o-yángê okabe emen. Katô o/chi o-mîng kafâ emen esa, ne bii*ba/chi byi-chîkpú*.
10Osówo o/ri ńkyí banet ḿbé Nyínyíve ba/chi. O/ri o/fu, mbé baa/mîng byibî-akwóp ebe. Ne o-yángê kâng okabe emen, ne o*da/chîkye kámbé busông wǎ eringe nyí o/mû o/fu*.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985