Ézódos 4
4
Osówo o/kye Músis Busa ḿbú odachi Byěm-Akat
1Ne Músis o-faa kâng Óburúkpâbí o/fu, â banet ḿbé Ézerel ba*da/fwôo atông ba-jwo mě kâng*. Me n-chi i nǎ, â ba/sét mě ba/fu, wo a*da/byí a-kâm mě*.
2Ne Óburúkpâbí o-bí Músis o/fu, wo a/níbî ebóng ké bubwô.
Músis o-faa o/fu, ochí.
3Óburúkpâbí o-sét ǎ o/fu, twóp kámú kyísí. Ké nkéré mú Músis o/twóp kámú kyísí, o/bírî efyi, ne Músis o-byí ne ochéé. 4Ne Óburúkpâbí o-sét Músis o/fu, siring kyísí a-níbî kányí ké ocî. Ne Músis o-siring kâng kyísí o-níbî kányí, ne e-chîbírî ochí. 5Óburúkpâbí o-sét ǎ o/fu, chi ńkyín a-tông banet ḿbé Ézerel eringe nyí badanyît ba/fu, Osówo Óburúkpâbí mú banchí enen ḿbé kpákpá, Osówo mú Ébarahâm ne Ázik ne Jekôp oo/byí o-kâm ǒ.
6Óburúkpâbí o-chîsét Músis o/fu, fé bubwô ké kafâ-nkyû eyên. Músis o-chi éné, ne ké nkéré mú o/zú kámbú, bu-firi ne kyibî-orwôm-enyam-byiko. 7Ne Óburúkpâbí o-sét ǎ o/fu, bwa ne bubwô eyên a-chîfé ké kafâ-nkyû. Ne o-chi éné, ne ké nkéré mú o/chîzú kámbú, orwôm ámu o/rím, bu-firi kanong wǎ enyam-byiko emen. 8Ne Óburúkpâbí o-sét ǎ kâng o/fu, â a/chi akat nyí kashú ba*da/bángê ne wo* ńnyín a/chi a-chi kámbé ba-bángê ne wo. 9Nké â a/chi akat ńnyín afee, nké ba*da/bángê ne wo* ba-jwo ńkyí a/sét kámbé* kpé omu ké kace ńké Nâl a-pwó kyísí. Omu ámu o/chi o-bírî baróng.
10Nké Músis o/raa o/fu, aa*wááng* ǎ Óburúkpâbí*. *Da mě etwóm me*. Me mm*man eraa kyiraa* ne n*da/bwom ne wǎ onet mú odaman eraa* kyi-fím ké nkéré mú a/kpet eraa ne me*.
11Óburúkpâbí o-bí ǎ o/fu, yeě mu o-kyâ onet ocím mú odaraa kyiraa. Yeě mu o-chi i onet o-waa kiǐmyímé. Yeě mu o-kyâ ǎ achi, o-sé ǎ to achi. Me Óburúkpâbí nké mu n-chi i kámbyí. 12Ca kâng. Me n/chi n-chwáp ǒ a-kûman eraa, ne n/chi n-sét ǒ ńkyí adaraa.
13Nké Músis o/chîfaa o/fu, aa*wááng* ǎ Óburúkpâbí*. Twóm onet okíri.
14Ńdyí Músis o/raa ńkyín, kafâ ka-kpet esa Óburúkpâbí ne Músis, ne o-raa o/fu, Éron mú wǎn-boné eyên mú o/fím ké kyikû ńkyí Lyíva kâng. Me mu n-nyît ng n/fu, nyǐ o-man n eraa kyiraa kanong kanong. O-kú o-bâ ké bukwóp kántîk o/fu, nyǐ o-bâ ng ǒ ekâm, ne kyi/chi kyi-nyîn ǎ â o/ri ǒ. 15A-man n epem ne nyǐ, a-sét ǎ ńkyí odasét. Me n/chi n-chwáp běn ashí amúmú ba-kûman eraa, ne n/chi n-sét běn ńkyí badachi. 16Nyǐ o/chi o-kûpem banet ké bubwô eyên. Ne wo a/chi a-kyú ǎ wǎ Osówo emen, a-kû ǎ esét ńkyí odasét. 17Kúng ochí mún a-ca ne mǔ. Mǔ nké a/chi a-kúng kámú a-kûchi byěm-akat.
Músis o/bwa Esim Éjip
18Ne Músis o-bwa esim o-kâm Jétoro mú one emen o-da-sét ǎ o/fu, mîng mě m-bwa esim n-kâm bwǎn-bané ejí ké Éjip n-da-ri â ba/tôong okpó. Jétoro o-bángê, o-sét ǎ o/fu, oca kanong.
19Ké nkéré mú Músis o/mû o/tôong ké Médyan, Óburúkpâbí o/sét ǎ o/fu, bwa esim ké Éjip, ké nǎ, kángkáng banet ḿbé ba/mû ba/fu, mbé ba-ju ng ǒ baa/kpú. 20Ne Músis o-kúng onyi emen ne bwǎn emen ḿbé banyinchéng o-twôom ké kaanyam-atû o-dim ne mbé Éjip, o-kúng ochí ámu mú Osówo o/sét ǎ o/fu, okúng.
21Óburúkpâbí o-chîraa ne Músis o/fu, kántîk mú a-kú a-bwa ng esim Éjip, nyît a/fu, wo a/chi a-chi kángkáng akat nyí me nn/kye ǒ busa n/fu, chi ké bushú-otu mú Éjip. Nké n/chi n-shwane otu ámu dyishí ne oo*ba/chi o-bángê banet ḿbé Ézerel ba-dim*. 22Wo a-man a-sét ǎ kâng a/fu, me Óburúkpâbí n/sét n/fu, Ézerel e-chi i ókpá-wǎn-onyinchéng ejí. 23Me n/sét n/fu, mîng banet ejí ba-dim ba-da-kye mě ofê, nké wo a/né. Kántîk n-kú m-bâ eju ókpá-wǎn-onyinchéng eyên.
24Ké kyikit ńkyí Músis o/rí ńdyí mu o-wâa ng Éjip, Óburúkpâbí o/kâm Músis o-kan o/fu, nyǐ o-ju ng ǎ. 25-26Ne Zipóra mú onyi-Músis o-yip buká ḿbú budanen o-két ntaam mú wǎn emen, o-kúng kámú o-ta Músis ké byiká. O-sét Músis o/fu, ké bubwô ḿbú dyicên ecên, wo a-chi i otyép ejí mú baróng. Ne ké bubwô ámbu, Óburúkpâbí o-mîng Músis eju.
27Ké nkéré ámu, Óburúkpâbí o/mû oo/sét Éron o/fu, ca ké kyikim-dyikán a-da-kwárê ne Músis. Ne Éron o-dim o-da-kâm ǎ ké kaku ńké ka/já Osówo, ne ké nkéré mú o/kâm ǎ, o/rwâm ǎ. 28Ne Músis o-sét Éron kángkáng byěm ḿbyí Óburúkpâbí o/sét ǎ ké nkéré mú o/sét ǎ o/fu, obwa esim Éjip. O/sét ǎ to kyi-kim ne byěm-akat ḿbyí Óburúkpâbí o/sét ǎ o/fu, ochi. 29Ne Músis ne Éron kâng ba-dim Éjip ba-da-kó kángkáng banet-ashí-Ézerel kyikit kyibónge. 30Éron o-sét kámbé kángkáng byěm ḿbyí Óburúkpâbí o/sét Músis, ne Músis o-chi kángkáng akat ányi o-tông kámbé. 31Mbé ba-bángê, ne ké nkéré mú ba/jwo ba/fu, Óburúkpâbí oo/bê o-kâm kámbé, ne oo/ri eringe nyí ba*fí ba-man n kámbé etî* mbé ba/tíngê kyísí ba-kye ǎ ofê.
Currently Selected:
Ézódos 4: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Ézódos 4
4
Osówo o/kye Músis Busa ḿbú odachi Byěm-Akat
1Ne Músis o-faa kâng Óburúkpâbí o/fu, â banet ḿbé Ézerel ba*da/fwôo atông ba-jwo mě kâng*. Me n-chi i nǎ, â ba/sét mě ba/fu, wo a*da/byí a-kâm mě*.
2Ne Óburúkpâbí o-bí Músis o/fu, wo a/níbî ebóng ké bubwô.
Músis o-faa o/fu, ochí.
3Óburúkpâbí o-sét ǎ o/fu, twóp kámú kyísí. Ké nkéré mú Músis o/twóp kámú kyísí, o/bírî efyi, ne Músis o-byí ne ochéé. 4Ne Óburúkpâbí o-sét Músis o/fu, siring kyísí a-níbî kányí ké ocî. Ne Músis o-siring kâng kyísí o-níbî kányí, ne e-chîbírî ochí. 5Óburúkpâbí o-sét ǎ o/fu, chi ńkyín a-tông banet ḿbé Ézerel eringe nyí badanyît ba/fu, Osówo Óburúkpâbí mú banchí enen ḿbé kpákpá, Osówo mú Ébarahâm ne Ázik ne Jekôp oo/byí o-kâm ǒ.
6Óburúkpâbí o-chîsét Músis o/fu, fé bubwô ké kafâ-nkyû eyên. Músis o-chi éné, ne ké nkéré mú o/zú kámbú, bu-firi ne kyibî-orwôm-enyam-byiko. 7Ne Óburúkpâbí o-sét ǎ o/fu, bwa ne bubwô eyên a-chîfé ké kafâ-nkyû. Ne o-chi éné, ne ké nkéré mú o/chîzú kámbú, orwôm ámu o/rím, bu-firi kanong wǎ enyam-byiko emen. 8Ne Óburúkpâbí o-sét ǎ kâng o/fu, â a/chi akat nyí kashú ba*da/bángê ne wo* ńnyín a/chi a-chi kámbé ba-bángê ne wo. 9Nké â a/chi akat ńnyín afee, nké ba*da/bángê ne wo* ba-jwo ńkyí a/sét kámbé* kpé omu ké kace ńké Nâl a-pwó kyísí. Omu ámu o/chi o-bírî baróng.
10Nké Músis o/raa o/fu, aa*wááng* ǎ Óburúkpâbí*. *Da mě etwóm me*. Me mm*man eraa kyiraa* ne n*da/bwom ne wǎ onet mú odaman eraa* kyi-fím ké nkéré mú a/kpet eraa ne me*.
11Óburúkpâbí o-bí ǎ o/fu, yeě mu o-kyâ onet ocím mú odaraa kyiraa. Yeě mu o-chi i onet o-waa kiǐmyímé. Yeě mu o-kyâ ǎ achi, o-sé ǎ to achi. Me Óburúkpâbí nké mu n-chi i kámbyí. 12Ca kâng. Me n/chi n-chwáp ǒ a-kûman eraa, ne n/chi n-sét ǒ ńkyí adaraa.
13Nké Músis o/chîfaa o/fu, aa*wááng* ǎ Óburúkpâbí*. Twóm onet okíri.
14Ńdyí Músis o/raa ńkyín, kafâ ka-kpet esa Óburúkpâbí ne Músis, ne o-raa o/fu, Éron mú wǎn-boné eyên mú o/fím ké kyikû ńkyí Lyíva kâng. Me mu n-nyît ng n/fu, nyǐ o-man n eraa kyiraa kanong kanong. O-kú o-bâ ké bukwóp kántîk o/fu, nyǐ o-bâ ng ǒ ekâm, ne kyi/chi kyi-nyîn ǎ â o/ri ǒ. 15A-man n epem ne nyǐ, a-sét ǎ ńkyí odasét. Me n/chi n-chwáp běn ashí amúmú ba-kûman eraa, ne n/chi n-sét běn ńkyí badachi. 16Nyǐ o/chi o-kûpem banet ké bubwô eyên. Ne wo a/chi a-kyú ǎ wǎ Osówo emen, a-kû ǎ esét ńkyí odasét. 17Kúng ochí mún a-ca ne mǔ. Mǔ nké a/chi a-kúng kámú a-kûchi byěm-akat.
Músis o/bwa Esim Éjip
18Ne Músis o-bwa esim o-kâm Jétoro mú one emen o-da-sét ǎ o/fu, mîng mě m-bwa esim n-kâm bwǎn-bané ejí ké Éjip n-da-ri â ba/tôong okpó. Jétoro o-bángê, o-sét ǎ o/fu, oca kanong.
19Ké nkéré mú Músis o/mû o/tôong ké Médyan, Óburúkpâbí o/sét ǎ o/fu, bwa esim ké Éjip, ké nǎ, kángkáng banet ḿbé ba/mû ba/fu, mbé ba-ju ng ǒ baa/kpú. 20Ne Músis o-kúng onyi emen ne bwǎn emen ḿbé banyinchéng o-twôom ké kaanyam-atû o-dim ne mbé Éjip, o-kúng ochí ámu mú Osówo o/sét ǎ o/fu, okúng.
21Óburúkpâbí o-chîraa ne Músis o/fu, kántîk mú a-kú a-bwa ng esim Éjip, nyît a/fu, wo a/chi a-chi kángkáng akat nyí me nn/kye ǒ busa n/fu, chi ké bushú-otu mú Éjip. Nké n/chi n-shwane otu ámu dyishí ne oo*ba/chi o-bángê banet ḿbé Ézerel ba-dim*. 22Wo a-man a-sét ǎ kâng a/fu, me Óburúkpâbí n/sét n/fu, Ézerel e-chi i ókpá-wǎn-onyinchéng ejí. 23Me n/sét n/fu, mîng banet ejí ba-dim ba-da-kye mě ofê, nké wo a/né. Kántîk n-kú m-bâ eju ókpá-wǎn-onyinchéng eyên.
24Ké kyikit ńkyí Músis o/rí ńdyí mu o-wâa ng Éjip, Óburúkpâbí o/kâm Músis o-kan o/fu, nyǐ o-ju ng ǎ. 25-26Ne Zipóra mú onyi-Músis o-yip buká ḿbú budanen o-két ntaam mú wǎn emen, o-kúng kámú o-ta Músis ké byiká. O-sét Músis o/fu, ké bubwô ḿbú dyicên ecên, wo a-chi i otyép ejí mú baróng. Ne ké bubwô ámbu, Óburúkpâbí o-mîng Músis eju.
27Ké nkéré ámu, Óburúkpâbí o/mû oo/sét Éron o/fu, ca ké kyikim-dyikán a-da-kwárê ne Músis. Ne Éron o-dim o-da-kâm ǎ ké kaku ńké ka/já Osówo, ne ké nkéré mú o/kâm ǎ, o/rwâm ǎ. 28Ne Músis o-sét Éron kángkáng byěm ḿbyí Óburúkpâbí o/sét ǎ ké nkéré mú o/sét ǎ o/fu, obwa esim Éjip. O/sét ǎ to kyi-kim ne byěm-akat ḿbyí Óburúkpâbí o/sét ǎ o/fu, ochi. 29Ne Músis ne Éron kâng ba-dim Éjip ba-da-kó kángkáng banet-ashí-Ézerel kyikit kyibónge. 30Éron o-sét kámbé kángkáng byěm ḿbyí Óburúkpâbí o/sét Músis, ne Músis o-chi kángkáng akat ányi o-tông kámbé. 31Mbé ba-bángê, ne ké nkéré mú ba/jwo ba/fu, Óburúkpâbí oo/bê o-kâm kámbé, ne oo/ri eringe nyí ba*fí ba-man n kámbé etî* mbé ba/tíngê kyísí ba-kye ǎ ofê.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985