Ézódos 22
22
Byije kyi-kim ne Afwá eré
1Â onet o/jii mpong nang etám-ebû, nang o/shee kányí nang o/ju ojǔng, o-man o-kye bampong batánge ké dyishí-mpong obónge, o-kye ebû enyii ké dyishí-ebû ebónge. 2-4O-man o-ré dyifwá-kyitú ńkyí o/jii. Â onet ámu o*fí ne chwǒm* bakúng ǎ ba-shee wǎ ósóng, ba-yip akpuga ányi ba-ré dyifwá-chwǒm ńkyí o/jii. Â kyitú ńkyí ba/jii, nang mpong nang kaanyam-atû nang etám-ebû, kyi/waa kyikpó ké abwô emen, onet ámu okye byitú byifee ké dyishí-kyitú kyibónge.
 ba/kám onet-kajii ne buchú mu o-sé ng dyifyi, ba-ju ǎ, onet mú oda ǎ eju baa*kúng ǎ wǎ onet mú o/ju kyikyû*. Nké â ba/ju ǎ ne esû, onet ámu o/chi kyibî.
[5Â onet o/mîng byitú emen byi-ryí baryî ké kyifát nang ké kyifát-byirim-byichí byi-da-nung byi-ryí byíkwôn nang byirim-byichí] ḿbyí ké kyifát ńkyí onet okíri, o-man o-ré dyifwá o-kye byíkwôn byikíri ḿbyí byidafím ké kyifát emen.
6Â onet o/fé okwâ ké kyifát emen, nké okwâ ámu o/koo ké kyifát ńkyí onet okíri, o-da-shí ǎ byíkwôn ḿbyí byi/tôong cip, nang ḿbyí oo/zú o-tî kyikit kyibónge, onet mú o/fé okwâ ámu o-man o-ré dyifwá ńdyí kángkáng byěm ḿbyí byi/bên.
7Â onet o/bángê o/fu, nyǐ o-koo ng byěm nang akpuga nyí onet okíri o-tî ǎ, nké ba/jii ǎ kámbyí ké abwô, â ba/kám onet-kajii ámu, osó byěm ámbyi nang akpuga ányi kampén kafee. 8Nké â ba*da/ri onet mú o/jii kámbyí* babâ ne onet mú o/mû o/tî byěm ámbyi ké kyikit ńkyí mbe ba-kyâ Óburúkpâbí ofê, o-ba-sem Óburúkpâbí o/fu, *chí nyǐ nké o/jii byěm ḿbyí nyǐ o/koo o-tî*.
9Nang ebóng kyiraa ńkyí kyi/kim ne byěm eshwam, nang mbe ba-shwam m mpong nang kaanyam-atû nang etám-ebû nang byídí nang ebóng chwǒm ńkyí kyi/tánê, bakúng banet ámbe ashí afee ḿbé mbe ba-shwam m byěm ámbyi ba-ca ne mbé ké kyikit ńkyí mbe ba-kyâ Óburúkpâbí ofê. Onet mú Osówo o/chi o-sét o/fu, mpan o/bên ǎ, o/chi o-só onet mú áku byěm ámbyi kampén kafee.
10Â onet o/bángê o/fu, nyǐ o-tî ng kaanyam-atû nang mpong nang etám-ebû nang kyitú kyirá ńkyí onet okíri, nké â enyam ányi e/kpú, nang ba/némê kányí, nang ba/kám kányí ba-dim ne nyǐ, â onet o*fí mú o/ri ńkyí kyi/chi* 11onet mú o/mû mu o-tî ng kyitú ánkyi o-man o-ca ké kyikit ńkyí mbe ba-kyâ Óburúkpâbí ofê, o-da-sem o/fu, *chí nyǐ nké o/jii kyitú ánkyi ńkyí ba/kye ǎ dyitî*. Â ba*da/jii kyitú ánkyi kyijiǐng* nang kyi/kpú okpúng* oyén-kyitú o-kúng ng kyitú emen, onet mú áku oo*ré ǎ dyifwá*. 12Nké â ba/jii kyitú ánkyi kyijiǐng, onet mú o/mû o-tî ng kánkyí o-man o-ré oyén dyifwá. 13Â enyam nké e/kám kyitú ánkyi, onet mú o/mû o-tî ng kánkyí o-man o-bâ ne byipang ḿbyí enyam e/ryí byi-waa o-ba-tông, o*dachi o-ré oyén-kyitú dyifwá*.
14Â onet o/yámê kyitú ne onet okíri, nké ba/némê kánkyí, nang ba/ju kánkyí oyén o*da/ri* onet mú o/yámê kánkyí o-man o-ré dyifwá. 15Nké â kyi/chi kyikit ńkyí oyén o/ri, onet mú o/yámê oyámé kánkyí o*dachi o-ré oyén dyifwá*. Â kyitú ńkyí ba/yámê kyiyámé, akpuga nyí ba/yámê kánkyí atánê.
Byije Byikíri
16Â onet o/bam wǎn-onyinyi mú ba*da/rí ne ne nyǐ* mú o*fí ne otyép* o-rí ne nyǐ, onyinchéng ámu o-man o-kye akpuga-dyibé, o-bé wǎn ámu. 17Â bonchí o/né o/fu, nyǐ oo*táng ǎ onyinchéng ámu* onyinchéng ámu o-man o-kye bonchí-wǎn ámu akpuga nyí adakwárê ne nyí badabé wǎn-onyinyi mú ba*da/rí ne ne nyǐ*.
18Onyinyi nang orá mú mu o-sô ng epé, baju ǎ.
19Onyinchéng nang orá nké o/nwam kyitú, baju ǎ.
20Nang yeě mú o/chi kyifen o-kye osówo okíri, o-mîng mě me Óburúkpâbí, baju onet ámu.
21*Da n̂g etî ocinónet ké bukwóp ḿbú boo*nwa* ba-cít ǎ*. Zîim m̂ ba/fu, ben to ba/mû bacinbánet ké Éjip. 22*Da n̂g etî onyǐnkú nang wǎn-kyibén ké bukwóp ḿbú boo*nwa*. 23Â ba/chi kámbé kyibî, me Óburúkpâbí n/chi n-chwáp kámbé ké nkéré ba-kú ba-tii ng ba-kó ng mě ba/fu, me nchwáp kámbé. 24Ne kafâ ka/chi ka-sa mě n-ju běn ké byití. Banyi enen ba/chi ba-firi banyǐnkú, bwǎn enen baa*kyú to ne banchí*.
25Â ba/pwoo onet ejí nang orá mú mu kyikpu akpuga, *da n̂g echi ba-kúng édúú nyí bampwoo akpuga badachi* ba-sét ǎ ba/fu, onye běn akpuga kyíbóng*. 26Â onet o/sí ǒ butông ké kyídí o/fu, nyǐ o/chi o-ré ǒ dyifwá, bwa ne nkyí a-kye ǎ ne esû e-kûríbî, 27ké nǎ, kyídí ánkyi kǎnchí nké mu o-cít ng dyibyi. O-kúng ng ebóng ne o-cít ké nkéré oo/rí sáre. Â onet ámu o/tii o-kó mě o/fu, me nchwáp ǎ, me n/chi n-jwo ǎ, ké nǎ, me n-ri ng banet bafip.
28*Da n̂g echi ba-kúng [Osówo] fúú* ne *da n̂g eshú onet-dyishí-banet enen*.
29Â nkéré o/fyi mú badachi byifen ké esang-byichí enen ne bato enen ne bakút-ólif enen, chi n̂g kámbyí ba-kye mě.
Kúng n̂g bákpá-bwǎn-banyinchéng enen ba-kye mě. 30Kúng n̂g mbwôp kashú-wǎn-mpong enen ne wǎn-etám-ebû enen ba-kye mě. Mbwôp kashú-otyép-wǎn-kyitú ámu o-kyú u ne boné ké ací káchâtkányi, ne ké ací nyíryinyi, kúng n̂g kámú ba-chi kyifen ba-kye mě.
31Ben ba-chi i banet ejí, ne ké bubwô ámbu, ben baa*man ba-ryí enyam nang erá nyí óbe-enyam o/kám*. Kúng n̂g enyam ányi ba-kye bubyî.
Currently Selected:
Ézódos 22: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Ézódos 22
22
Byije kyi-kim ne Afwá eré
1Â onet o/jii mpong nang etám-ebû, nang o/shee kányí nang o/ju ojǔng, o-man o-kye bampong batánge ké dyishí-mpong obónge, o-kye ebû enyii ké dyishí-ebû ebónge. 2-4O-man o-ré dyifwá-kyitú ńkyí o/jii. Â onet ámu o*fí ne chwǒm* bakúng ǎ ba-shee wǎ ósóng, ba-yip akpuga ányi ba-ré dyifwá-chwǒm ńkyí o/jii. Â kyitú ńkyí ba/jii, nang mpong nang kaanyam-atû nang etám-ebû, kyi/waa kyikpó ké abwô emen, onet ámu okye byitú byifee ké dyishí-kyitú kyibónge.
 ba/kám onet-kajii ne buchú mu o-sé ng dyifyi, ba-ju ǎ, onet mú oda ǎ eju baa*kúng ǎ wǎ onet mú o/ju kyikyû*. Nké â ba/ju ǎ ne esû, onet ámu o/chi kyibî.
[5Â onet o/mîng byitú emen byi-ryí baryî ké kyifát nang ké kyifát-byirim-byichí byi-da-nung byi-ryí byíkwôn nang byirim-byichí] ḿbyí ké kyifát ńkyí onet okíri, o-man o-ré dyifwá o-kye byíkwôn byikíri ḿbyí byidafím ké kyifát emen.
6Â onet o/fé okwâ ké kyifát emen, nké okwâ ámu o/koo ké kyifát ńkyí onet okíri, o-da-shí ǎ byíkwôn ḿbyí byi/tôong cip, nang ḿbyí oo/zú o-tî kyikit kyibónge, onet mú o/fé okwâ ámu o-man o-ré dyifwá ńdyí kángkáng byěm ḿbyí byi/bên.
7Â onet o/bángê o/fu, nyǐ o-koo ng byěm nang akpuga nyí onet okíri o-tî ǎ, nké ba/jii ǎ kámbyí ké abwô, â ba/kám onet-kajii ámu, osó byěm ámbyi nang akpuga ányi kampén kafee. 8Nké â ba*da/ri onet mú o/jii kámbyí* babâ ne onet mú o/mû o/tî byěm ámbyi ké kyikit ńkyí mbe ba-kyâ Óburúkpâbí ofê, o-ba-sem Óburúkpâbí o/fu, *chí nyǐ nké o/jii byěm ḿbyí nyǐ o/koo o-tî*.
9Nang ebóng kyiraa ńkyí kyi/kim ne byěm eshwam, nang mbe ba-shwam m mpong nang kaanyam-atû nang etám-ebû nang byídí nang ebóng chwǒm ńkyí kyi/tánê, bakúng banet ámbe ashí afee ḿbé mbe ba-shwam m byěm ámbyi ba-ca ne mbé ké kyikit ńkyí mbe ba-kyâ Óburúkpâbí ofê. Onet mú Osówo o/chi o-sét o/fu, mpan o/bên ǎ, o/chi o-só onet mú áku byěm ámbyi kampén kafee.
10Â onet o/bángê o/fu, nyǐ o-tî ng kaanyam-atû nang mpong nang etám-ebû nang kyitú kyirá ńkyí onet okíri, nké â enyam ányi e/kpú, nang ba/némê kányí, nang ba/kám kányí ba-dim ne nyǐ, â onet o*fí mú o/ri ńkyí kyi/chi* 11onet mú o/mû mu o-tî ng kyitú ánkyi o-man o-ca ké kyikit ńkyí mbe ba-kyâ Óburúkpâbí ofê, o-da-sem o/fu, *chí nyǐ nké o/jii kyitú ánkyi ńkyí ba/kye ǎ dyitî*. Â ba*da/jii kyitú ánkyi kyijiǐng* nang kyi/kpú okpúng* oyén-kyitú o-kúng ng kyitú emen, onet mú áku oo*ré ǎ dyifwá*. 12Nké â ba/jii kyitú ánkyi kyijiǐng, onet mú o/mû o-tî ng kánkyí o-man o-ré oyén dyifwá. 13Â enyam nké e/kám kyitú ánkyi, onet mú o/mû o-tî ng kánkyí o-man o-bâ ne byipang ḿbyí enyam e/ryí byi-waa o-ba-tông, o*dachi o-ré oyén-kyitú dyifwá*.
14Â onet o/yámê kyitú ne onet okíri, nké ba/némê kánkyí, nang ba/ju kánkyí oyén o*da/ri* onet mú o/yámê kánkyí o-man o-ré dyifwá. 15Nké â kyi/chi kyikit ńkyí oyén o/ri, onet mú o/yámê oyámé kánkyí o*dachi o-ré oyén dyifwá*. Â kyitú ńkyí ba/yámê kyiyámé, akpuga nyí ba/yámê kánkyí atánê.
Byije Byikíri
16Â onet o/bam wǎn-onyinyi mú ba*da/rí ne ne nyǐ* mú o*fí ne otyép* o-rí ne nyǐ, onyinchéng ámu o-man o-kye akpuga-dyibé, o-bé wǎn ámu. 17Â bonchí o/né o/fu, nyǐ oo*táng ǎ onyinchéng ámu* onyinchéng ámu o-man o-kye bonchí-wǎn ámu akpuga nyí adakwárê ne nyí badabé wǎn-onyinyi mú ba*da/rí ne ne nyǐ*.
18Onyinyi nang orá mú mu o-sô ng epé, baju ǎ.
19Onyinchéng nang orá nké o/nwam kyitú, baju ǎ.
20Nang yeě mú o/chi kyifen o-kye osówo okíri, o-mîng mě me Óburúkpâbí, baju onet ámu.
21*Da n̂g etî ocinónet ké bukwóp ḿbú boo*nwa* ba-cít ǎ*. Zîim m̂ ba/fu, ben to ba/mû bacinbánet ké Éjip. 22*Da n̂g etî onyǐnkú nang wǎn-kyibén ké bukwóp ḿbú boo*nwa*. 23Â ba/chi kámbé kyibî, me Óburúkpâbí n/chi n-chwáp kámbé ké nkéré ba-kú ba-tii ng ba-kó ng mě ba/fu, me nchwáp kámbé. 24Ne kafâ ka/chi ka-sa mě n-ju běn ké byití. Banyi enen ba/chi ba-firi banyǐnkú, bwǎn enen baa*kyú to ne banchí*.
25Â ba/pwoo onet ejí nang orá mú mu kyikpu akpuga, *da n̂g echi ba-kúng édúú nyí bampwoo akpuga badachi* ba-sét ǎ ba/fu, onye běn akpuga kyíbóng*. 26Â onet o/sí ǒ butông ké kyídí o/fu, nyǐ o/chi o-ré ǒ dyifwá, bwa ne nkyí a-kye ǎ ne esû e-kûríbî, 27ké nǎ, kyídí ánkyi kǎnchí nké mu o-cít ng dyibyi. O-kúng ng ebóng ne o-cít ké nkéré oo/rí sáre. Â onet ámu o/tii o-kó mě o/fu, me nchwáp ǎ, me n/chi n-jwo ǎ, ké nǎ, me n-ri ng banet bafip.
28*Da n̂g echi ba-kúng [Osówo] fúú* ne *da n̂g eshú onet-dyishí-banet enen*.
29Â nkéré o/fyi mú badachi byifen ké esang-byichí enen ne bato enen ne bakút-ólif enen, chi n̂g kámbyí ba-kye mě.
Kúng n̂g bákpá-bwǎn-banyinchéng enen ba-kye mě. 30Kúng n̂g mbwôp kashú-wǎn-mpong enen ne wǎn-etám-ebû enen ba-kye mě. Mbwôp kashú-otyép-wǎn-kyitú ámu o-kyú u ne boné ké ací káchâtkányi, ne ké ací nyíryinyi, kúng n̂g kámú ba-chi kyifen ba-kye mě.
31Ben ba-chi i banet ejí, ne ké bubwô ámbu, ben baa*man ba-ryí enyam nang erá nyí óbe-enyam o/kám*. Kúng n̂g enyam ányi ba-kye bubyî.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985