Âak 3
3
Pyíta ne Jǒn ba/chi Nkwa-Onet o-nyange
1Dyicí dyibónge, Pyíta ne Jǒn ba/ce ké kafâ-kiǐtí-kyise-kyifen-Osówo echi ké nkéré mú nshwam efé, ké égbáng echât nyí esû. 2Onyinchéng obónge mú o/waa nkwa kyi-fím ké nkéré mú ba/fwon ǎ, o/kyú ányi me ké ocím-dyifyi mú kiǐtí-kyise ánkyi, mú badakó ocím-dyifyi mú onong onong. Kángkáng dyicí, banet mbe ba-kúng ng ǎ o-bâ ng ekyú ké ocím-dyifyi ámu o-rém m banet ḿbé mbe ba-nung ng ké kafâ-kiǐtí-kyise-kyifen-Osówo echi akpuga. 3Ké nkéré onyinchéng ámu o/ri Pyíta ne Jǒn ké ba-kú ba-wâa ng enung ké kyise ánkyi, o-rém kámbé o/fu, bakye ǎ chwǒm. 4Pyíta ne Jǒn ba-bírî achi ba-tún ǎ cápcáp, ne Pyíta o-raa ne nyǐ o/fu, bírî achi a-tún bě. 5Onyinchéng ámu o-bírî kâng achi o-tún kámbé ne dyityém ńdyí o/tî o/fu, ba/chi ba-kye ǎ chwǒm. 6Nké Pyíta o/raa ne nyǐ o/fu, me n*fí ne akpuga* nké n-kyâ ǒ ńkyí me mu ne nkyí. Me n/kye ǒ busa ké busa ḿbú dyizîn ńdyí Jisos Karâs mú o/fím Názáret n/fu, bûu nensang a-kpet ecen. 7Ne Pyíta o-níbî onyinchéng ámu ké bubwô-etyebéng emen, o-chwáp ǎ o-bûu o-bwom cip. Ké abe ányi, byiká ne bankut-byiká ḿbé onyinchéng ámu byi-kpet eshwane. 8Onyinchéng ámu o-pyiryi kyíbóng, o-cim kyísí, o-kpet ecen o-câ. Ne o-nung kâng ké kafâ-kiǐtí-kyise-kyifen-Osówo echi ne be Pyíta, o-cen n o-câ, o-pyiryi ng kyíbóng, o-kpee ng Osówo. 9Kángkáng bujê-banet ḿbé ba/mû ányi ba/ri ǎ ké mu o-cen n o-câ, o-kyâ Osówo akpee. 10Ké nkéré mú banet ba/cêe ǎ ba/fu, nyǐ nké mu nrêm banet byěm mú mu o-fwam m ekyú ké ocím-dyifyi mú onong onong, mbé kángkáng kyi/chi kámbé wǎ chwǒm-akat, ba-waa ocím ké dyishí fúú ké dyizong-chwǒm ńdyí dii/chi ǎ.
Bǎmpém ḿbé Pyíta o/pem ké Kafâ-Kiǐtí-Kyise-Kyifen-Osówo echi
11Ké nkéré banet ba/ri ba/fu, onyinchéng ámu o*fí o-mîng ng be Pyíta abwô* kángkáng banet ḿbé ba/mû ányi ba/byí ne ochéé ba-ca ké kyikit ńkyí be Pyíta ba/bwom, ké bukô-ákpamê bubónge ḿbú kiǐtí-kyise ánkyi, ḿbú badakó ákpamê nyí Otu Sólómon. 12Ké nkéré Pyíta o/ri banet ámbe, o-raa ne mbé o/fu, banet-Ézerel, ebóng chwǒm ńkyín nkyi kyi-chi i běn wǎ chwǒm-akat, ne ebóng ben bamu ba-tún n bě. Ben bamu ba-kabe ng ba/fu, nkyi ké bubwô ḿbú busa ḿbú eten nang ké ḿbú byimu byi-fâ Osówo ké bukwóp ḿbú bunong nké be byi/chi onyinchéng mún o-kpet ecen? 13Osówo mú Ébarahâm ne Ázik ne Jekôp, Osówo mú banchí eten ḿbé kpákpá oo/chi banet ba-kûri ḿgbán emen mú odabángê Jisos wǎ kiǐtí-onet. Ben ba/kám ǎ ba-kye banet-ashí-oshê enen, ne ba-né ǎ ké bushú ḿbú Pálet, nang ké Pálet o/mû oo/kabe o/fu, nyǐ o-zú ng ǎ abwô. 14Nyǐ o/fé Osówo nké nke, ne o/chi ńkyí kyi/mû kanong ké bushú ḿbú Osówo. Nké ben ba/né ǎ, ba-bwa ba-tîm Pálet arông ba/fu, ochwáp běn o-fîm nju banet ké mgbokobá. 15Ne ben kâng ba-ju onet mú mu o-tông ng banet kiǐfáng ńkyí dyikpen. Nké Osówo o/jwóbê ǎ o-bwa ké dyikpen, ne be byi/kúng achi eten byi-ri ǎ. 16Busa ḿbú dyizîn emen nké bu/chi nkwa-onyinchéng mún o-firi shwaneshwane. Be byi/chi ńkyín ńkyí ben bamu ba-ri ng, ba-nyît ng to ké bubwô ḿbú dyityém efé ké dyizîn emen. Dyityém efé ké Jisos nké dyi/chi ǎ o-firi kanong něen ké bushú enen kángkáng.
17Kántîk kâng, ǎ bwǎn-bané ejí, me mu n-nyît ng n/fu, ńkyí ben ne banet-ashí enen ba/chi Jisos, ba/chi kánkyí, ké ebóng, ba*da/nyît kyibî ńkyí nkyi ké kafâ*. 18Ké nkéré mú oo/shwôm ké esim chwóó, Osówo o/sét ké ocím mú kángkáng bamkpábé ḿbé mbe ba-sét ng byiraa emen o/fu, onet emen mú nyǐ o/kúng ǎ butu o-man o-ri busông. Nkyí nké Osówo o/bángê o/fu, kyichi wǎ eringe nyí kyi/chi něen. 19Byiko byikpú běn kâng ba-mîng byibî echi, ba-bírî ba-kâm Osówo, eringe nyí nyǐ o/chi o-soo byibî enen o-pwó. 20Eringe nyí Otu Kyítá o/chi o-kye běn nkéré mú basun enen ba/chi ba-jáng. Eringe nyí nyǐ to o/chi o-twóm Jisos, mú mu onet mú nyǐ o/kúng ǎ butu, mú nyǐ oo/fîm ǎ o-kye běn. 21Nyǐ o-man o-waa áku kyíbóng tete nkéré o-fyi mú Osówo o/chi o-chi kángkáng byěm byi-firi ḿbyí byifyîfî, wǎ eringe nyí Osówo o/sét ké ocím mú bamkpábé emen ḿbé banong ḿbé kpákpá, ḿbé ba/mû ba-sét ng byiraa emen. 22Ké ebóng, Músis o/raa o/fu, Osówo Óburúkpâbí o/chi o-twóm běn mkpábé mú odasét byiraa emen, mú o/chi o-fím ké oshê enen, wǎ eringe nyí nyǐ o/twóm mě. Ben ba-man ba-jwo kángkáng byěm ḿbyí nyǐ mu o-sét ng běn. 23Nang yeě nké o*da/jwo ńkyí mkpábé ámu mu o-sét ng* ba/chi ba-fîm ǎ ké burwám ḿbú banet-Osówo, ba-ju ǎ. 24Ne bamkpábé to ḿbé badasét byiraa-Osówo cibicibi ne Sámwel ne ḿbé ba/nye Sámwel ké kyikû, mbé ashí kángkáng ḿbé ba/mû ne kyitwóm ńkyí badasét, ba/sét to kyi-kim ne byěm ḿbyí byi/chi byi-chi ké ací nyí kántîk. 25Byěm ḿbyí Osówo o/ryí ocím, o-sét ké ocím mú bamkpábé ḿbé badasét byiraa emen, byi/já běn ben, ne ben to bamu ne abwô ké ocím mú Osówo o/ryí ne banchí enen ḿbé kpákpá ne o-sem byiko emen. Wǎ eringe nyí nyǐ o/sét Ébarahâm o/fu, ké bubwô ḿbú kyikû-banet eyên, me n/chi n-jware kángkáng banet ḿbé ké ejíí. 26Ne Osówo o-fîm kâng ḿgbán emen o-twóm ǎ kpá o-kye běn, o/fu, ojware běn, o-chi běn ashí amúmú ba-bírî esim ké byibî-akwóp enen ḿbyí bamu ba-cen n.
Currently Selected:
Âak 3: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Âak 3
3
Pyíta ne Jǒn ba/chi Nkwa-Onet o-nyange
1Dyicí dyibónge, Pyíta ne Jǒn ba/ce ké kafâ-kiǐtí-kyise-kyifen-Osówo echi ké nkéré mú nshwam efé, ké égbáng echât nyí esû. 2Onyinchéng obónge mú o/waa nkwa kyi-fím ké nkéré mú ba/fwon ǎ, o/kyú ányi me ké ocím-dyifyi mú kiǐtí-kyise ánkyi, mú badakó ocím-dyifyi mú onong onong. Kángkáng dyicí, banet mbe ba-kúng ng ǎ o-bâ ng ekyú ké ocím-dyifyi ámu o-rém m banet ḿbé mbe ba-nung ng ké kafâ-kiǐtí-kyise-kyifen-Osówo echi akpuga. 3Ké nkéré onyinchéng ámu o/ri Pyíta ne Jǒn ké ba-kú ba-wâa ng enung ké kyise ánkyi, o-rém kámbé o/fu, bakye ǎ chwǒm. 4Pyíta ne Jǒn ba-bírî achi ba-tún ǎ cápcáp, ne Pyíta o-raa ne nyǐ o/fu, bírî achi a-tún bě. 5Onyinchéng ámu o-bírî kâng achi o-tún kámbé ne dyityém ńdyí o/tî o/fu, ba/chi ba-kye ǎ chwǒm. 6Nké Pyíta o/raa ne nyǐ o/fu, me n*fí ne akpuga* nké n-kyâ ǒ ńkyí me mu ne nkyí. Me n/kye ǒ busa ké busa ḿbú dyizîn ńdyí Jisos Karâs mú o/fím Názáret n/fu, bûu nensang a-kpet ecen. 7Ne Pyíta o-níbî onyinchéng ámu ké bubwô-etyebéng emen, o-chwáp ǎ o-bûu o-bwom cip. Ké abe ányi, byiká ne bankut-byiká ḿbé onyinchéng ámu byi-kpet eshwane. 8Onyinchéng ámu o-pyiryi kyíbóng, o-cim kyísí, o-kpet ecen o-câ. Ne o-nung kâng ké kafâ-kiǐtí-kyise-kyifen-Osówo echi ne be Pyíta, o-cen n o-câ, o-pyiryi ng kyíbóng, o-kpee ng Osówo. 9Kángkáng bujê-banet ḿbé ba/mû ányi ba/ri ǎ ké mu o-cen n o-câ, o-kyâ Osówo akpee. 10Ké nkéré mú banet ba/cêe ǎ ba/fu, nyǐ nké mu nrêm banet byěm mú mu o-fwam m ekyú ké ocím-dyifyi mú onong onong, mbé kángkáng kyi/chi kámbé wǎ chwǒm-akat, ba-waa ocím ké dyishí fúú ké dyizong-chwǒm ńdyí dii/chi ǎ.
Bǎmpém ḿbé Pyíta o/pem ké Kafâ-Kiǐtí-Kyise-Kyifen-Osówo echi
11Ké nkéré banet ba/ri ba/fu, onyinchéng ámu o*fí o-mîng ng be Pyíta abwô* kángkáng banet ḿbé ba/mû ányi ba/byí ne ochéé ba-ca ké kyikit ńkyí be Pyíta ba/bwom, ké bukô-ákpamê bubónge ḿbú kiǐtí-kyise ánkyi, ḿbú badakó ákpamê nyí Otu Sólómon. 12Ké nkéré Pyíta o/ri banet ámbe, o-raa ne mbé o/fu, banet-Ézerel, ebóng chwǒm ńkyín nkyi kyi-chi i běn wǎ chwǒm-akat, ne ebóng ben bamu ba-tún n bě. Ben bamu ba-kabe ng ba/fu, nkyi ké bubwô ḿbú busa ḿbú eten nang ké ḿbú byimu byi-fâ Osówo ké bukwóp ḿbú bunong nké be byi/chi onyinchéng mún o-kpet ecen? 13Osówo mú Ébarahâm ne Ázik ne Jekôp, Osówo mú banchí eten ḿbé kpákpá oo/chi banet ba-kûri ḿgbán emen mú odabángê Jisos wǎ kiǐtí-onet. Ben ba/kám ǎ ba-kye banet-ashí-oshê enen, ne ba-né ǎ ké bushú ḿbú Pálet, nang ké Pálet o/mû oo/kabe o/fu, nyǐ o-zú ng ǎ abwô. 14Nyǐ o/fé Osówo nké nke, ne o/chi ńkyí kyi/mû kanong ké bushú ḿbú Osówo. Nké ben ba/né ǎ, ba-bwa ba-tîm Pálet arông ba/fu, ochwáp běn o-fîm nju banet ké mgbokobá. 15Ne ben kâng ba-ju onet mú mu o-tông ng banet kiǐfáng ńkyí dyikpen. Nké Osówo o/jwóbê ǎ o-bwa ké dyikpen, ne be byi/kúng achi eten byi-ri ǎ. 16Busa ḿbú dyizîn emen nké bu/chi nkwa-onyinchéng mún o-firi shwaneshwane. Be byi/chi ńkyín ńkyí ben bamu ba-ri ng, ba-nyît ng to ké bubwô ḿbú dyityém efé ké dyizîn emen. Dyityém efé ké Jisos nké dyi/chi ǎ o-firi kanong něen ké bushú enen kángkáng.
17Kántîk kâng, ǎ bwǎn-bané ejí, me mu n-nyît ng n/fu, ńkyí ben ne banet-ashí enen ba/chi Jisos, ba/chi kánkyí, ké ebóng, ba*da/nyît kyibî ńkyí nkyi ké kafâ*. 18Ké nkéré mú oo/shwôm ké esim chwóó, Osówo o/sét ké ocím mú kángkáng bamkpábé ḿbé mbe ba-sét ng byiraa emen o/fu, onet emen mú nyǐ o/kúng ǎ butu o-man o-ri busông. Nkyí nké Osówo o/bángê o/fu, kyichi wǎ eringe nyí kyi/chi něen. 19Byiko byikpú běn kâng ba-mîng byibî echi, ba-bírî ba-kâm Osówo, eringe nyí nyǐ o/chi o-soo byibî enen o-pwó. 20Eringe nyí Otu Kyítá o/chi o-kye běn nkéré mú basun enen ba/chi ba-jáng. Eringe nyí nyǐ to o/chi o-twóm Jisos, mú mu onet mú nyǐ o/kúng ǎ butu, mú nyǐ oo/fîm ǎ o-kye běn. 21Nyǐ o-man o-waa áku kyíbóng tete nkéré o-fyi mú Osówo o/chi o-chi kángkáng byěm byi-firi ḿbyí byifyîfî, wǎ eringe nyí Osówo o/sét ké ocím mú bamkpábé emen ḿbé banong ḿbé kpákpá, ḿbé ba/mû ba-sét ng byiraa emen. 22Ké ebóng, Músis o/raa o/fu, Osówo Óburúkpâbí o/chi o-twóm běn mkpábé mú odasét byiraa emen, mú o/chi o-fím ké oshê enen, wǎ eringe nyí nyǐ o/twóm mě. Ben ba-man ba-jwo kángkáng byěm ḿbyí nyǐ mu o-sét ng běn. 23Nang yeě nké o*da/jwo ńkyí mkpábé ámu mu o-sét ng* ba/chi ba-fîm ǎ ké burwám ḿbú banet-Osówo, ba-ju ǎ. 24Ne bamkpábé to ḿbé badasét byiraa-Osówo cibicibi ne Sámwel ne ḿbé ba/nye Sámwel ké kyikû, mbé ashí kángkáng ḿbé ba/mû ne kyitwóm ńkyí badasét, ba/sét to kyi-kim ne byěm ḿbyí byi/chi byi-chi ké ací nyí kántîk. 25Byěm ḿbyí Osówo o/ryí ocím, o-sét ké ocím mú bamkpábé ḿbé badasét byiraa emen, byi/já běn ben, ne ben to bamu ne abwô ké ocím mú Osówo o/ryí ne banchí enen ḿbé kpákpá ne o-sem byiko emen. Wǎ eringe nyí nyǐ o/sét Ébarahâm o/fu, ké bubwô ḿbú kyikû-banet eyên, me n/chi n-jware kángkáng banet ḿbé ké ejíí. 26Ne Osówo o-fîm kâng ḿgbán emen o-twóm ǎ kpá o-kye běn, o/fu, ojware běn, o-chi běn ashí amúmú ba-bírî esim ké byibî-akwóp enen ḿbyí bamu ba-cen n.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985