Âak 16
16
Tyímótyi o/dim ne Pôl ne Sálas ké Kyikû
1Pôl o/cen o-ribi Dyíbyi ne Lyísata. Onyinchéng mú o/bángê ké Jisos ne dyityém emen, mú odabángê Tyímótyi o/mû o-kyú u ányi. Boné emen mú o/bángê to ké Jisos ne dyityém emen o/mû onet-Jûs, nké bonchí emen o/mû onet-Girîs. 2Kángkáng barî-banet ḿbé ba/bángê ké Jisos ne atyém ebe ké Lyísata ne Ekónum ba/mû ba-kpee ng Tyímótyi. 3Pôl o/mû o-ryuu ng o/fu, nyǐ o-kpî ng Tyímótyi nyǐ o-dim ne nyǐ. Ké bubwô ámbu kâng, o-níbî Tyímótyi o-cên. Pôl o/chi éné, ké ebóng, kángkáng banet-Jûs ḿbé ba/mû ba-kyú u ké eshê ányi ba/mû ba-nyît ng ba/fu, bonchí-Tyímótyi o-chi i onet-Girîs. 4Ké nkéré mú mbe ba-shwôm m ké eshê ányi ba-câ, be Pôl ba/sét banet ḿbé ba/bángê ké Jisos ne atyém ebe byije ḿbyí banet-kyitwóm-Jisos ne ḿbé banet-ashí ḿbé mbe ké Jerúsélem ba/fé, ne ba-sét kámbé ba/fu, bakûtî byije ámbyi. 5Ne ba-chi byise-ékwâbashi nyí Karâs ḿbyí byi/mû ányi byi-firi shwaneshwane byi-shwôm ké dyityém ebe ńdyí ba/fé ne Jisos, banet-ékwâbashi nyí Karâs ba-jê ng to ba-câ kángkáng dyicí.
Pôl o/ri Chwǒm-Akat ké Tórówas
6Mbé ba-cen ba-shwôm ké esí nyí Fyíryígya ne Galísha, ké ebóng, Busun-Osówo bu*da/bángê kámbé ba-sét banet Bǎmpém ḿbé Banong ké Ésha*. 7Ké nkéré mú ba/ribi ké buti-esí ḿbú Myisáya, mbé ba/kan ba/fu, mbé ba-câ Byítyínya, nké Busun-Jisos bu*da/bángê kámbé*. 8Ne ba-cen kâng ba-nyáng esí nyí Myisáya ba-ribi ké Tórówas. 9Pôl o-ri chwǒm-akat ké buchú ámbu, ké nkéré o/ri onyinchéng mú o/fím Masedónya, ké o/bwom mu o-tîm m ǎ arông o/fu, bâ kwán ké Masedónya a-ba-chwáp bě. 10Ké nkéré mú Pôl o-ri ng chwǒm-akat ńkyín o-bâ, be byi/kpá byiko byi-dim Masedónya, ké ebóng, be byi/kabe byi/fu, Osówo oo/kó bě o/fu, byida-sét banet ḿbé ké oshê ámu Bǎmpém ḿbé Banong.
Onyinyi mú odabángê Lyídya o/bángê ké Jisos
11Byi-nung ké ńsukyíkang, fím ké Tórówas byi-cen byi-nyáng dángdáng byi-ribi Samótaras, ne ké orî-dyicí byi-ribi Nyǎpólyis. 12Fím ké oshê ámu, byi-cen kyísí byi-ribi Fyilyípa, oshê mú mbwôp kashú-oshê ké esí nyí Masedónya. Oshê ámu o/mû to ké abwô nyí banet-Rûm. Be byi/rí ací chwóó ké oshê ámu. 13Ké dyicí-ékwâbashi, byi-dim ké oshê ámu byi-ca ké bukô-kace, ké kyikit ńkyí byi/mû byi/kabe byi/fu, byi/chi byi-ri kyikit ńkyí banet-Jûs mbe ba-kyú u ba-fâ nshwam. Be byi/kyú me ányi byi-pem bǎmpém byi-sét banyinyi ḿbé ba/mû ba/bacibi ányi. 14Onyinyi obónge mú o/mû ké burwám ḿbú ba/jwo bě o/mû o-bángê e Lyídya, mú o/fím Tayatára, mú o/mû o-shee ng byídí ḿbyí mbyi byiko shíshét ḿbyí byi/mû byi-jang ng eshwane kasî. Nyǐ o/mû onyinyi mú o/mû o-fâ Osówo, ne Osówo o/bâa ǎ dyityém o/fu, ofwôo atông o-jwo ńkyí Pôl o/mû o-sét ng. 15Lyídya ne banet ḿbé ba/mû ba-kyú u ne nyǐ ké kyise ba-koo osoo mú Osówo. Ne o-kó bě kâng o/fu, bâ n̂g ba-ba-kyú ké kyise ejí, â ben ba/bángê ba/fu, me n-chi i onet mú o/fé dyityém ne Otu Kyítá. Ne o-tírîng bě o/fu, byidim ké kyise emen.
Ba/fé Pôl ne Sálas ké Mgbokobá, ké Fyilyípa
16Dyicí dyibónge, ké nkéré mú byimu byi-wâa ng ké kyikit-nshwam efé, wǎsíng-onyinyi mú o/mû ósóng, mú o/mû ne kyibî-bucí ńkyí kyi/mû kyi-chi i ǎ o-sét ng banet byěm ḿbyí byi/chi byi-chi, o/ba bě ekâm. Wǎn-onyinyi ámu o/mû o-chi i akpuga chwóó o-kyâ banet emen ḿbé ba/mû ba/já ǎ ké epé emen nyí o/mû o-sô ng. 17O-kpet ecen Pôl ne be ké kyikû, o-wonge e o/fu, banyinchéng ḿbén ba-chi i bǎmgbán-Osówo mú kyíbóng kyíbóng, mbé mbe ba-sét ng běn bukwóp-dyikpen ḿbú Osówo o/chi o-nyii běn. 18Wǎn-onyinyi ámu o/chi ńkyín ké ací chwóó tete kafâ ka-kpet esa Pôl chwóó ńké ka/chi ǎ o-pín achi, o-raa ne kyibî-bucí ánkyi o/fu, ké busa ḿbú dyizîn ńdyí Jisos Karâs, me n/nyán ǒ n/fu, byí wǎn-onyinyi mún ké byiko. Kyibî-bucí ánkyi kyi-waa ké abe ányi kyi-byí ǎ ké byiko. 19Ké nkéré banet ḿbé ba/já wǎn-onyinyi ámu ba/ri ba/fu, bukwóp ḿbú mbé ba/mû ba-já ng akpuga ké bubwô-wǎn-onyinyi ámu bu*fí to* ba-dim ba-da-kám Pôl ne Sálas, ba-tut kámbé ba-ca ne mbé kyikit-batu-ashí ké otyém-oshê. 20Ba-bâ ne mbé ké bushú ḿbú banet-ashí-bǎmkpóngé-okákárá ḿbé banet-Rûm, ba-sét kámbé ba/fu, banyinchéng ḿbén ba-chi i banet-Jûs, ne mbe ba-cen n ne byiraa ké oshê eten. 21Mbe ba-tángê e banet édúú nyí e*da/kwárê ne byije-oshê eten*. Be byi-chi i banet-Rûm ne bii*ba/chi byi-koo édúú ányi* byi-kûchi nang kányí*. 22Bujê-banet ḿbé ba/mû ányi ba-fé ejá ba-raa byibî-byiraa ba-bât be Pôl. Ḿbé banet-ashí ámbe ba-ját Pôl ne Sálas byídí ké byiko, ba-kye busa ba/fu, bamín kámbé. 23Ké nkéré mú baa/mín kámbé kanong kanong, ba-yip kámbé ba-fé ké mgbokobá, ba-kye onet mú mu o-fâ banet ké mgbokobá busa ba/fu, ofín dyifyi kanong kanong o-ciring kámbé. 24Ké nkéré onet mú mu o-fâ banet ké mgbokobá o/koo busa ḿbún, o/yip be Pôl o-fé kámbé ké kaase-mgbokobá ńké ké kafâ ké kafâ, o-fé kámbé byifóngé ké byiká.
25Kyi/ribi ké nkéré wǎ kyirê-buchú, Pôl ne Sálas ba/mû mbe ba-fâ nshwam, ba-kwán n ekwan ba-kyâ Osówo, ne banet-mgbokobá ḿbé áku ba/mû mbe ba-fwôo ng atông ba-jwo ng kámbé. 26Ké abe ányi, esí e-náng kanong kanong nyí e/náng kyibám-mgbokobá kyimúmú tete e-ribi ké byikû-ekpe-kyise. Ké abe ányi, afyi-kyibám-mgbokobá a-bâa, bamgbokobá ḿbé ba/mû ba/fé kángkáng banet-mgbokobá ba-kédê ba-róng kyísí. 27Onet mú mu o-fâ banet ké mgbokobá o-jwóbê, ne ké nkéré o/ri afyi-kyibám-mgbokobá ké a/firi fúú, o-kabe o/fu, kángkáng banet-mgbokobá baa/chêe. O-zú kâng kashwám emen o/fu, nyǐ o-ju ng byiko emen. 28Nké Pôl o/wonge kakânkakân o/fu, *dachi a-némê byiko eyên* be kángkáng byimu nyín.
29Onyinchéng ámu mú mu o-fâ banet ké mgbokobá o-kó ba-kye ǎ otyuryíkáng, o-byí ne ochéé o-nung ké kaase-mgbokobá, o-da-myii Pôl ne Sálas ké byiká, o-kpet etím banê. 30Ne o-kpî kámbé ba-byí ké kafâ-kaase, ne o-bí kámbé o/fu, banchí, me n-chi i nǎ ne Osówo o-nyii mě.
31Mbé ba-sét ǎ ba/fu, bángê ké Jisos, Otu Kyítá ne dyityém eyên, ne Osówo o/chi o-nyii ǒ wo ne kyikû-banet eyên. 32Ne ba-pem byiraa ḿbyí Otu Kyítá ba-sét ǎ ne kángkáng banet ḿbé ké kyise emen. 33Ké ochíchí-nkéré ámu mú buchú, nfê banet ké mgbokobá ámu o-kúng kámbé, o-soo kámbé byinêm ebe, ne ké abe ányi, onyinchéng ámu ne kyikû-banet emen ba-koo osoo mú Osówo. 34Onyinchéng ámu o-kúng Pôl ne Sálas o-ca ne mbé ké kyise emen, ne o-kye kámbé byiryíng ba-ryí. Onyinchéng ámu ne kyikû-banet emen ba-firi ké bunyîn-dyityém, ké ebóng, nyǐ kántîk oo/bángê ké Osówo ne dyityém emen.
35Ké orî-dyicófóróng, banet-ashí-banet-Rûm ba-twóm bapuryíshi ba-kye kámbé busa ba/fu, bada-sét onet mú mu o-fâ banet ké mgbokobá ba/fu, mîng banyinchéng ámbe abwô ba-jâ.
36Ne onyinchéng ámu o-sét Pôl kánkyí o/fu, ḿbé banet-ashí baa/kye busa bu-bâ ba/fu, me nfîm ǒ wo ne Sálas ké mgbokobá. Ben ba-man n edim kántîk, ca n̂g kanong.
37Nké Pôl o/raa ne ḿbé bapuryíshi o/fu, ḿbé banet-ashí ba*da/man etông kyibî ńkyí be byi/chi* nké ba/kye busa ba/fu, bamín bě ké otyém-ótíbingé, ne be byi-chi i banet-Rûm. Ba-yip bě kâng ba-fé ké mgbokobá. Ne kántîk, ba-kú ba-kyé ng ba/fu, mbé ba-fîm m bě ké kajii. Kii*man echi éné*. Ḿbé banet-ashí ḿbé Rûm ba-man ba-bâ nyín mbé bayén, ba-ba-fîm bě.
38Ḿbé bapuryíshi ba-kúng byiraa ḿbyín ba-da-sét banet-ashí ḿbé Rûm, ne ké nkéré ba/jwo ba/fu, Pôl ne Sálas ba-chi i banet-Rûm, bushî bu-róng kámbé. 39Ne ḿbé banet-ashí ámbe kâng ba-dim ba-da-tîm be Pôl arông. Ba-kpî kámbé ba-byí ké kyibám-mgbokobá, ba-sét kámbé ba/fu, badim ké oshê ámu. 40Pôl ne Sálas ba-byí ké kyibám-mgbokobá, ba-dim ké kyise ńkyí Lyídya. Ányi nké ba/kâm bábe ḿbé ba/bángê ké Jisos ne atyém ebe, ba-kye kámbé bacê, ba-fé kámbé busa, ne ba-dim.
Currently Selected:
Âak 16: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Âak 16
16
Tyímótyi o/dim ne Pôl ne Sálas ké Kyikû
1Pôl o/cen o-ribi Dyíbyi ne Lyísata. Onyinchéng mú o/bángê ké Jisos ne dyityém emen, mú odabángê Tyímótyi o/mû o-kyú u ányi. Boné emen mú o/bángê to ké Jisos ne dyityém emen o/mû onet-Jûs, nké bonchí emen o/mû onet-Girîs. 2Kángkáng barî-banet ḿbé ba/bángê ké Jisos ne atyém ebe ké Lyísata ne Ekónum ba/mû ba-kpee ng Tyímótyi. 3Pôl o/mû o-ryuu ng o/fu, nyǐ o-kpî ng Tyímótyi nyǐ o-dim ne nyǐ. Ké bubwô ámbu kâng, o-níbî Tyímótyi o-cên. Pôl o/chi éné, ké ebóng, kángkáng banet-Jûs ḿbé ba/mû ba-kyú u ké eshê ányi ba/mû ba-nyît ng ba/fu, bonchí-Tyímótyi o-chi i onet-Girîs. 4Ké nkéré mú mbe ba-shwôm m ké eshê ányi ba-câ, be Pôl ba/sét banet ḿbé ba/bángê ké Jisos ne atyém ebe byije ḿbyí banet-kyitwóm-Jisos ne ḿbé banet-ashí ḿbé mbe ké Jerúsélem ba/fé, ne ba-sét kámbé ba/fu, bakûtî byije ámbyi. 5Ne ba-chi byise-ékwâbashi nyí Karâs ḿbyí byi/mû ányi byi-firi shwaneshwane byi-shwôm ké dyityém ebe ńdyí ba/fé ne Jisos, banet-ékwâbashi nyí Karâs ba-jê ng to ba-câ kángkáng dyicí.
Pôl o/ri Chwǒm-Akat ké Tórówas
6Mbé ba-cen ba-shwôm ké esí nyí Fyíryígya ne Galísha, ké ebóng, Busun-Osówo bu*da/bángê kámbé ba-sét banet Bǎmpém ḿbé Banong ké Ésha*. 7Ké nkéré mú ba/ribi ké buti-esí ḿbú Myisáya, mbé ba/kan ba/fu, mbé ba-câ Byítyínya, nké Busun-Jisos bu*da/bángê kámbé*. 8Ne ba-cen kâng ba-nyáng esí nyí Myisáya ba-ribi ké Tórówas. 9Pôl o-ri chwǒm-akat ké buchú ámbu, ké nkéré o/ri onyinchéng mú o/fím Masedónya, ké o/bwom mu o-tîm m ǎ arông o/fu, bâ kwán ké Masedónya a-ba-chwáp bě. 10Ké nkéré mú Pôl o-ri ng chwǒm-akat ńkyín o-bâ, be byi/kpá byiko byi-dim Masedónya, ké ebóng, be byi/kabe byi/fu, Osówo oo/kó bě o/fu, byida-sét banet ḿbé ké oshê ámu Bǎmpém ḿbé Banong.
Onyinyi mú odabángê Lyídya o/bángê ké Jisos
11Byi-nung ké ńsukyíkang, fím ké Tórówas byi-cen byi-nyáng dángdáng byi-ribi Samótaras, ne ké orî-dyicí byi-ribi Nyǎpólyis. 12Fím ké oshê ámu, byi-cen kyísí byi-ribi Fyilyípa, oshê mú mbwôp kashú-oshê ké esí nyí Masedónya. Oshê ámu o/mû to ké abwô nyí banet-Rûm. Be byi/rí ací chwóó ké oshê ámu. 13Ké dyicí-ékwâbashi, byi-dim ké oshê ámu byi-ca ké bukô-kace, ké kyikit ńkyí byi/mû byi/kabe byi/fu, byi/chi byi-ri kyikit ńkyí banet-Jûs mbe ba-kyú u ba-fâ nshwam. Be byi/kyú me ányi byi-pem bǎmpém byi-sét banyinyi ḿbé ba/mû ba/bacibi ányi. 14Onyinyi obónge mú o/mû ké burwám ḿbú ba/jwo bě o/mû o-bángê e Lyídya, mú o/fím Tayatára, mú o/mû o-shee ng byídí ḿbyí mbyi byiko shíshét ḿbyí byi/mû byi-jang ng eshwane kasî. Nyǐ o/mû onyinyi mú o/mû o-fâ Osówo, ne Osówo o/bâa ǎ dyityém o/fu, ofwôo atông o-jwo ńkyí Pôl o/mû o-sét ng. 15Lyídya ne banet ḿbé ba/mû ba-kyú u ne nyǐ ké kyise ba-koo osoo mú Osówo. Ne o-kó bě kâng o/fu, bâ n̂g ba-ba-kyú ké kyise ejí, â ben ba/bángê ba/fu, me n-chi i onet mú o/fé dyityém ne Otu Kyítá. Ne o-tírîng bě o/fu, byidim ké kyise emen.
Ba/fé Pôl ne Sálas ké Mgbokobá, ké Fyilyípa
16Dyicí dyibónge, ké nkéré mú byimu byi-wâa ng ké kyikit-nshwam efé, wǎsíng-onyinyi mú o/mû ósóng, mú o/mû ne kyibî-bucí ńkyí kyi/mû kyi-chi i ǎ o-sét ng banet byěm ḿbyí byi/chi byi-chi, o/ba bě ekâm. Wǎn-onyinyi ámu o/mû o-chi i akpuga chwóó o-kyâ banet emen ḿbé ba/mû ba/já ǎ ké epé emen nyí o/mû o-sô ng. 17O-kpet ecen Pôl ne be ké kyikû, o-wonge e o/fu, banyinchéng ḿbén ba-chi i bǎmgbán-Osówo mú kyíbóng kyíbóng, mbé mbe ba-sét ng běn bukwóp-dyikpen ḿbú Osówo o/chi o-nyii běn. 18Wǎn-onyinyi ámu o/chi ńkyín ké ací chwóó tete kafâ ka-kpet esa Pôl chwóó ńké ka/chi ǎ o-pín achi, o-raa ne kyibî-bucí ánkyi o/fu, ké busa ḿbú dyizîn ńdyí Jisos Karâs, me n/nyán ǒ n/fu, byí wǎn-onyinyi mún ké byiko. Kyibî-bucí ánkyi kyi-waa ké abe ányi kyi-byí ǎ ké byiko. 19Ké nkéré banet ḿbé ba/já wǎn-onyinyi ámu ba/ri ba/fu, bukwóp ḿbú mbé ba/mû ba-já ng akpuga ké bubwô-wǎn-onyinyi ámu bu*fí to* ba-dim ba-da-kám Pôl ne Sálas, ba-tut kámbé ba-ca ne mbé kyikit-batu-ashí ké otyém-oshê. 20Ba-bâ ne mbé ké bushú ḿbú banet-ashí-bǎmkpóngé-okákárá ḿbé banet-Rûm, ba-sét kámbé ba/fu, banyinchéng ḿbén ba-chi i banet-Jûs, ne mbe ba-cen n ne byiraa ké oshê eten. 21Mbe ba-tángê e banet édúú nyí e*da/kwárê ne byije-oshê eten*. Be byi-chi i banet-Rûm ne bii*ba/chi byi-koo édúú ányi* byi-kûchi nang kányí*. 22Bujê-banet ḿbé ba/mû ányi ba-fé ejá ba-raa byibî-byiraa ba-bât be Pôl. Ḿbé banet-ashí ámbe ba-ját Pôl ne Sálas byídí ké byiko, ba-kye busa ba/fu, bamín kámbé. 23Ké nkéré mú baa/mín kámbé kanong kanong, ba-yip kámbé ba-fé ké mgbokobá, ba-kye onet mú mu o-fâ banet ké mgbokobá busa ba/fu, ofín dyifyi kanong kanong o-ciring kámbé. 24Ké nkéré onet mú mu o-fâ banet ké mgbokobá o/koo busa ḿbún, o/yip be Pôl o-fé kámbé ké kaase-mgbokobá ńké ké kafâ ké kafâ, o-fé kámbé byifóngé ké byiká.
25Kyi/ribi ké nkéré wǎ kyirê-buchú, Pôl ne Sálas ba/mû mbe ba-fâ nshwam, ba-kwán n ekwan ba-kyâ Osówo, ne banet-mgbokobá ḿbé áku ba/mû mbe ba-fwôo ng atông ba-jwo ng kámbé. 26Ké abe ányi, esí e-náng kanong kanong nyí e/náng kyibám-mgbokobá kyimúmú tete e-ribi ké byikû-ekpe-kyise. Ké abe ányi, afyi-kyibám-mgbokobá a-bâa, bamgbokobá ḿbé ba/mû ba/fé kángkáng banet-mgbokobá ba-kédê ba-róng kyísí. 27Onet mú mu o-fâ banet ké mgbokobá o-jwóbê, ne ké nkéré o/ri afyi-kyibám-mgbokobá ké a/firi fúú, o-kabe o/fu, kángkáng banet-mgbokobá baa/chêe. O-zú kâng kashwám emen o/fu, nyǐ o-ju ng byiko emen. 28Nké Pôl o/wonge kakânkakân o/fu, *dachi a-némê byiko eyên* be kángkáng byimu nyín.
29Onyinchéng ámu mú mu o-fâ banet ké mgbokobá o-kó ba-kye ǎ otyuryíkáng, o-byí ne ochéé o-nung ké kaase-mgbokobá, o-da-myii Pôl ne Sálas ké byiká, o-kpet etím banê. 30Ne o-kpî kámbé ba-byí ké kafâ-kaase, ne o-bí kámbé o/fu, banchí, me n-chi i nǎ ne Osówo o-nyii mě.
31Mbé ba-sét ǎ ba/fu, bángê ké Jisos, Otu Kyítá ne dyityém eyên, ne Osówo o/chi o-nyii ǒ wo ne kyikû-banet eyên. 32Ne ba-pem byiraa ḿbyí Otu Kyítá ba-sét ǎ ne kángkáng banet ḿbé ké kyise emen. 33Ké ochíchí-nkéré ámu mú buchú, nfê banet ké mgbokobá ámu o-kúng kámbé, o-soo kámbé byinêm ebe, ne ké abe ányi, onyinchéng ámu ne kyikû-banet emen ba-koo osoo mú Osówo. 34Onyinchéng ámu o-kúng Pôl ne Sálas o-ca ne mbé ké kyise emen, ne o-kye kámbé byiryíng ba-ryí. Onyinchéng ámu ne kyikû-banet emen ba-firi ké bunyîn-dyityém, ké ebóng, nyǐ kántîk oo/bángê ké Osówo ne dyityém emen.
35Ké orî-dyicófóróng, banet-ashí-banet-Rûm ba-twóm bapuryíshi ba-kye kámbé busa ba/fu, bada-sét onet mú mu o-fâ banet ké mgbokobá ba/fu, mîng banyinchéng ámbe abwô ba-jâ.
36Ne onyinchéng ámu o-sét Pôl kánkyí o/fu, ḿbé banet-ashí baa/kye busa bu-bâ ba/fu, me nfîm ǒ wo ne Sálas ké mgbokobá. Ben ba-man n edim kántîk, ca n̂g kanong.
37Nké Pôl o/raa ne ḿbé bapuryíshi o/fu, ḿbé banet-ashí ba*da/man etông kyibî ńkyí be byi/chi* nké ba/kye busa ba/fu, bamín bě ké otyém-ótíbingé, ne be byi-chi i banet-Rûm. Ba-yip bě kâng ba-fé ké mgbokobá. Ne kántîk, ba-kú ba-kyé ng ba/fu, mbé ba-fîm m bě ké kajii. Kii*man echi éné*. Ḿbé banet-ashí ḿbé Rûm ba-man ba-bâ nyín mbé bayén, ba-ba-fîm bě.
38Ḿbé bapuryíshi ba-kúng byiraa ḿbyín ba-da-sét banet-ashí ḿbé Rûm, ne ké nkéré ba/jwo ba/fu, Pôl ne Sálas ba-chi i banet-Rûm, bushî bu-róng kámbé. 39Ne ḿbé banet-ashí ámbe kâng ba-dim ba-da-tîm be Pôl arông. Ba-kpî kámbé ba-byí ké kyibám-mgbokobá, ba-sét kámbé ba/fu, badim ké oshê ámu. 40Pôl ne Sálas ba-byí ké kyibám-mgbokobá, ba-dim ké kyise ńkyí Lyídya. Ányi nké ba/kâm bábe ḿbé ba/bángê ké Jisos ne atyém ebe, ba-kye kámbé bacê, ba-fé kámbé busa, ne ba-dim.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985