2 Tesalónyan 1
1
1Me Pôl ne Sálas ne Tyímótyi nké byimu byi-sáng ng léta mún byi-kye banet-ékwâbashi nyí Karâs ḿbé mbe ké Tesalonáka, ḿbé ba/já Osówo Bonchí ne Jisos Karâs, Otu Kyítá.
2Kyi/bát Osówo Bonchí ne Jisos Karâs, Otu Kyítá bakye běn ochwâp ne bunyîn-dyityém.
Mpan mú ké Nkéré mú Karâs o/chi o-bâ
3Be byi-man byi-kó Osówo asǎma kángkáng nkéré ké bubwô enen, ǎ bwǎn-bané eten. Nkyi kanong ńkyí be byidachi éné, ké ebóng, dyityém enen ńdyí ba/fé ne Karâs ndyi dyi-kán n kanong kanong dyi-câ kashú, ne kyijé enen to ńkyí bamu ne nkyí ne barî nkyi kyi-rêe ng kyi-câ. 4Nkyí nké be bayén byimu byi-tông ng byiko kyi-kim ne ben ké burwám-banet-ncibi mú Osówo. Be byimu byi-tông ng byiko kyi-kim ne eringe nyí ben bamu ba-ryí i ofit, ba-bángê e ké Karâs ba-câ kashú ké otyém mú kángkáng busông ne afaníkong nyí bamu ba-ri ng.
5Édúú enen ńnyín nyi e-tông ng e/fu, Osówo mu o-két ng mpan mú ntûntû, ké ebóng, ké bubwô ḿbú kángkáng byěm ḿbyín, ben ba/chi ba-kwárê ké bushú ḿbú Osówo mú badanung ké Butu emen, ḿbú bamu ba-ri ng busông ké dyishí emen. 6Osówo o/chi o-chi ńkyí nkyi kanong. O/chi o-chi banet ḿbé mbe ba-chi i běn ba-ri ng afaníkong ba-kyú ké busông. 7Ne nyǐ o/chi o-chi běn ben ḿbé bamu ba-ri ng afaníkong ba-jáng cibicibi ne be to. Nyǐ o/chi o-chi ńkyín ké nkéré mú Jisos, Otu Kyítá o/chi o-fím kyíbóng o-bâ ne barím emen ḿbé banong, ḿbé mbe ne busa, 8ne okwâ mú mu o-mang ng, mú o/chi o-yip kámú o-kye banet busông ḿbé ba*fí ba-fâ Osówo* ne ḿbé ba*da/bángê ké Bǎmpém ḿbé Banong kyi-kim ne Jisos Karâs*. 9Banet ámbe ba/chi ba-ri busông ḿbú Osówo o/chi o-bên kámbé ne banyá ne banyá, o-pap kámbé ké bushú ḿbú Otu Kyítá ne ké busan emen ḿbú ragerage ḿbú mbu ne busa, 10ké nkéré mú nyǐ o/chi o-bâ ké Dyicí ándyi o-ba-koo akpee ké abwô nyí banet emen, ne ofê ké abwô nyí banet ḿbé mbe ba-bángê e ne nyǐ. Ben to ba/chi ba-kyú ké burwám ebe, ké ebóng, ben baa/bángê ké kyitwóm ńkyí be byi/sét běn.
11Ńkyín nké kyi/chi ne be byimu byi-fâ nshwam kángkáng nkéré ké bubwô enen. Byimu byi-bí ng Osówo byi/fu, ochi běn ba-kwárê ké dyikpen ńdyí o/kó běn o/fu, bakyú. Kyi/bát Osówo ké busa emen, ochi kángkáng okabe enen mú kanong echi o-byí dyishí, ba-man bǎmkpóngé enen ḿbé dyityém efé ne Karâs. 12Ké bukwóp ḿbún, dyizîn ńdyí Jisos Karâs, Otu Kyítá eten dyi/chi dyi-koo akpee ne ben, ben to ba-koo ne nyǐ ké kanong ńké Osówo eten ne Jisos, Otu Kyítá eten.
Currently Selected:
2 Tesalónyan 1: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
2 Tesalónyan 1
1
1Me Pôl ne Sálas ne Tyímótyi nké byimu byi-sáng ng léta mún byi-kye banet-ékwâbashi nyí Karâs ḿbé mbe ké Tesalonáka, ḿbé ba/já Osówo Bonchí ne Jisos Karâs, Otu Kyítá.
2Kyi/bát Osówo Bonchí ne Jisos Karâs, Otu Kyítá bakye běn ochwâp ne bunyîn-dyityém.
Mpan mú ké Nkéré mú Karâs o/chi o-bâ
3Be byi-man byi-kó Osówo asǎma kángkáng nkéré ké bubwô enen, ǎ bwǎn-bané eten. Nkyi kanong ńkyí be byidachi éné, ké ebóng, dyityém enen ńdyí ba/fé ne Karâs ndyi dyi-kán n kanong kanong dyi-câ kashú, ne kyijé enen to ńkyí bamu ne nkyí ne barî nkyi kyi-rêe ng kyi-câ. 4Nkyí nké be bayén byimu byi-tông ng byiko kyi-kim ne ben ké burwám-banet-ncibi mú Osówo. Be byimu byi-tông ng byiko kyi-kim ne eringe nyí ben bamu ba-ryí i ofit, ba-bángê e ké Karâs ba-câ kashú ké otyém mú kángkáng busông ne afaníkong nyí bamu ba-ri ng.
5Édúú enen ńnyín nyi e-tông ng e/fu, Osówo mu o-két ng mpan mú ntûntû, ké ebóng, ké bubwô ḿbú kángkáng byěm ḿbyín, ben ba/chi ba-kwárê ké bushú ḿbú Osówo mú badanung ké Butu emen, ḿbú bamu ba-ri ng busông ké dyishí emen. 6Osówo o/chi o-chi ńkyí nkyi kanong. O/chi o-chi banet ḿbé mbe ba-chi i běn ba-ri ng afaníkong ba-kyú ké busông. 7Ne nyǐ o/chi o-chi běn ben ḿbé bamu ba-ri ng afaníkong ba-jáng cibicibi ne be to. Nyǐ o/chi o-chi ńkyín ké nkéré mú Jisos, Otu Kyítá o/chi o-fím kyíbóng o-bâ ne barím emen ḿbé banong, ḿbé mbe ne busa, 8ne okwâ mú mu o-mang ng, mú o/chi o-yip kámú o-kye banet busông ḿbé ba*fí ba-fâ Osówo* ne ḿbé ba*da/bángê ké Bǎmpém ḿbé Banong kyi-kim ne Jisos Karâs*. 9Banet ámbe ba/chi ba-ri busông ḿbú Osówo o/chi o-bên kámbé ne banyá ne banyá, o-pap kámbé ké bushú ḿbú Otu Kyítá ne ké busan emen ḿbú ragerage ḿbú mbu ne busa, 10ké nkéré mú nyǐ o/chi o-bâ ké Dyicí ándyi o-ba-koo akpee ké abwô nyí banet emen, ne ofê ké abwô nyí banet ḿbé mbe ba-bángê e ne nyǐ. Ben to ba/chi ba-kyú ké burwám ebe, ké ebóng, ben baa/bángê ké kyitwóm ńkyí be byi/sét běn.
11Ńkyín nké kyi/chi ne be byimu byi-fâ nshwam kángkáng nkéré ké bubwô enen. Byimu byi-bí ng Osówo byi/fu, ochi běn ba-kwárê ké dyikpen ńdyí o/kó běn o/fu, bakyú. Kyi/bát Osówo ké busa emen, ochi kángkáng okabe enen mú kanong echi o-byí dyishí, ba-man bǎmkpóngé enen ḿbé dyityém efé ne Karâs. 12Ké bukwóp ḿbún, dyizîn ńdyí Jisos Karâs, Otu Kyítá eten dyi/chi dyi-koo akpee ne ben, ben to ba-koo ne nyǐ ké kanong ńké Osówo eten ne Jisos, Otu Kyítá eten.
Published by the Bible Society of Nigeria @ 1985