TITUS 2
2
Bada' Luk Matu
1Iamo' do' iko mada' luk petulu dengan bada' luk matu. 2Mada' amung-amung deléi luk remerar pad ideh lutep terawé, mepiteb, idi ngimet burur; pad anudeh idi awadeh meriput, idi pad ideh tuman. 3Kudeng ineh teh do' amung-amung decur luk remerar mulun maya' baya' luk matu, ieh ineh na ngedat lemulun, na mangun ku demulun abpa' anggur, iamo' mada' anun-anun luk do', 4pad ideh mada' decur-decur luk mebaruh ratnan mawa inan awandeh, idi mawa inan anak-anakdeh, 5pad ideh lutep terawé, meligan, idi mileh ngasa' uang tetek ruma', do' niat, idi maya' bala awandeh, pad bala Allah na uen nguyo.
6Kudeng ineh teh mada' amung-amung deléi luk mebaruh ratnan ngimet bururdeh. 7Idi bang luk amung-amung, do' iko sebuleng mangun ku aceh luk pinginud amung-amung kekamen luk do'. Idi bang bada'mu do' iko mesiri idi matu. 8Makai bala luk matu luk na miak uen ngesala', pad ngigu' lemulun luk sikal metueh, ngaceku na luk inandeh ngedat netau.
9Do' amung-amung demulun maya' bala lun luk kuan nedeh idi nganau' luk piandeh bang luk amung-amung dengan na ngupat bala, 10idi dengan na mano. Iamo' do' ideh megéi' lutep idi do' niat bang luk amung-amung pad ideh ngerayeh bada' Allah, Lun Nengulun netau.
11Ngaceku Allah pangeh nengegala' katuNeh luk ngacing ulun kuan amung-amung lemulun. 12Katu ineh mada' netau, pad tau lumi ratnan kekamen luk na meligan idi amung-amung lili tana' ini, idi pad tau ngimet burur tau idi mulun bang tana' ini maya' luk mesiri, idi luk petulu dengan pinian Allah, 13kareb tau nganét Aco luk inan tau merapet ineh, ieh ineh kareb ubur Allah luk meluun rayeh idi Lun Nengulun netau Yésus Keristus miak megala' teh. 14#Nani 130.8; Pur 19.5; Bad 4.20; 7.6; 14.2; 1 Pét 2.9 Ieh nemaré bururNeh ngaceku tau, pad Ieh nguli' netau ratnan amung-amung kekamen luk dat, pad Ieh ngeligan kuan bururNeh, aceh pupu mangun ku binawehNeh sebuleng, luk mekél nganau' luk do'.
15Maré kali' ratnan amung-amung bala ini, mada' idi mebpeng dengan petap tueh. Aleg iko uen lemulun ngebeneh.
Currently Selected:
TITUS 2: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
TITUS 2
2
Bada' Luk Matu
1Iamo' do' iko mada' luk petulu dengan bada' luk matu. 2Mada' amung-amung deléi luk remerar pad ideh lutep terawé, mepiteb, idi ngimet burur; pad anudeh idi awadeh meriput, idi pad ideh tuman. 3Kudeng ineh teh do' amung-amung decur luk remerar mulun maya' baya' luk matu, ieh ineh na ngedat lemulun, na mangun ku demulun abpa' anggur, iamo' mada' anun-anun luk do', 4pad ideh mada' decur-decur luk mebaruh ratnan mawa inan awandeh, idi mawa inan anak-anakdeh, 5pad ideh lutep terawé, meligan, idi mileh ngasa' uang tetek ruma', do' niat, idi maya' bala awandeh, pad bala Allah na uen nguyo.
6Kudeng ineh teh mada' amung-amung deléi luk mebaruh ratnan ngimet bururdeh. 7Idi bang luk amung-amung, do' iko sebuleng mangun ku aceh luk pinginud amung-amung kekamen luk do'. Idi bang bada'mu do' iko mesiri idi matu. 8Makai bala luk matu luk na miak uen ngesala', pad ngigu' lemulun luk sikal metueh, ngaceku na luk inandeh ngedat netau.
9Do' amung-amung demulun maya' bala lun luk kuan nedeh idi nganau' luk piandeh bang luk amung-amung dengan na ngupat bala, 10idi dengan na mano. Iamo' do' ideh megéi' lutep idi do' niat bang luk amung-amung pad ideh ngerayeh bada' Allah, Lun Nengulun netau.
11Ngaceku Allah pangeh nengegala' katuNeh luk ngacing ulun kuan amung-amung lemulun. 12Katu ineh mada' netau, pad tau lumi ratnan kekamen luk na meligan idi amung-amung lili tana' ini, idi pad tau ngimet burur tau idi mulun bang tana' ini maya' luk mesiri, idi luk petulu dengan pinian Allah, 13kareb tau nganét Aco luk inan tau merapet ineh, ieh ineh kareb ubur Allah luk meluun rayeh idi Lun Nengulun netau Yésus Keristus miak megala' teh. 14#Nani 130.8; Pur 19.5; Bad 4.20; 7.6; 14.2; 1 Pét 2.9 Ieh nemaré bururNeh ngaceku tau, pad Ieh nguli' netau ratnan amung-amung kekamen luk dat, pad Ieh ngeligan kuan bururNeh, aceh pupu mangun ku binawehNeh sebuleng, luk mekél nganau' luk do'.
15Maré kali' ratnan amung-amung bala ini, mada' idi mebpeng dengan petap tueh. Aleg iko uen lemulun ngebeneh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.