RUM 7
7
Aweh Mangun Ku Aceh Luk Pinginud
1O kinanak-kinanakku, kali' rungen muyuh kali' luk belenku, ngaceku amung muyuh kali' ratnan ukum. Idi ukum ineh ngimet lemulun ruked ulunneh. 2Seburur decur luk inan awan inabet ratnan ukum kuan awanneh laba' ieh mulun teh, iamo' kudeng ieh maté, decur ineh mepuit ratnan ukum awanneh. 3Ngaceku ineh kudeng decur ineh ngalap deléi luk baken kareb awanneh mulun, idi ieh tetanen decur luk pasét. Iamo' kudeng awanneh ineh maté idi ieh mepuit ratnan ukum ineh, idi baken ieh decur luk pasét peh, sagan pana' ngalap awan baken. 4Kudeng ineh teh, O kinanak-kinanakku, muyuh ini pana' pinaté mepuit ratnan Ukum ineh ngaceku muyuh mangun ku sebabpat burur Keristus. Nekini muyuh mangun ku pupuNeh luk pangeh tinui rat arang lun naté, pad tau ngeruit bua'-bua' kuan Allah. 5Kareb tau mulun maya' ulun tana' ini, idi pinian burur tau luk mepanu' ku sala', luk tinui ratnan Ukum ineh, nengakem bang burur tau, pad ngeruat bua'-bua' luk macing inan até. 6Iamo' nekini tau pangeh nepuit ratnan Ukum ineh, ieh ineh tau pangeh naté idi nepuit ratnan Ukum ineh luk pangeh nengabet netau, pad na maya' dalan ukum luk mon luk inayud mo', iamo' nekini Roh Allah miak nguyut netau maya' dalan Roh luk mebaruh.
Ukum Idi Sala'
7 #
Pur 20.17; Bad 5.21 Ngaceku ineh anunké luk miak belén tau? Ukum ineh sala'ké? Na tu-tu! Iamo' ui na kali' sala', kudeng baken ratnan Ukum ineh, ngaceku na ui kali' ratnan melili, kudeng na Ukum ineh mala, “Aleg iko melili!” 8Sala' ineh tigio ratnan bebpeng, idi ieh nengacing lili bang niatku. Ngaceku kudeng na bebpeng ineh, sala' maté. 9Atun ui ini mulun dengan na kali' ukum, iamo' kareb bebpeng ineh nacing, idi sala' mulun baruh teh, 10idi ui naté, idi bebpeng luk petulu nguit ulun ineh, nguit negku maté. 11#Pud 3.13 Sala' ineh tigio ratnan bebpeng ineh, idi ieh nenaluk negku, idi ngaceku ratnan ineh sala' nengaté negku.
12Ngaceku ineh Ukum Musa ineh meligan, idi luk icukneh pana' meligan idi matu idi do' teh. 13Matuké ukum luk do' ineh ngacing até kuanku? Na tu-tu! Sala' ineh luk ngacing atéku. Dengan makai luk do' ineh, sala' ngacing até kuanku, pad ngegala' ilung sala' ineh. Ukum ineh ngegala' ratnan sala' ineh pelaba dat.
Dueh Luk Pebunu' Bang Niat Lemulun
14Ngaceku tau kali', idi Ukum ineh ratnan Roh, iamo' ui ini ratnan ulun tana' ini, pinasui pa liang sala'. 15#Gal 5.17 Ui na kali' anun luk ruenku, ngaceku baken ui nganau' luk pianku, iamo' luk inanku megateh, ieh ineh luk ruenku. 16Kareb ui nganau' luk na pianku, idi ui ngamo idi Ukum ineh do' peh. 17Ngaceku ineh, baken ui ineh luk nganau' ineh, iamo' sala' luk bang bururku. 18Ui kali' idi na luk do' bang niatku, ieh ineh bang ulun tana' ini. Sagan pana' ui pian nganau' luk do', iamo ui na miak nganau' ineh. 19Ui na nganau' luk do' ineh luk pianku, iamo' ui nganau' luk dat luk na pianku ineh. 20Kudeng ui nganau' luk na pianku, ilungneh baken ui luk nganau' ineh, iamo' sala' luk tudo bang bururku.
21Ngaceku ineh ui nier ukum ini: kareb ui sikal nganau' luk do', idi luk dat ineh muneng peh. 22Ui geregan ku ukum Allah bang niatku, 23iamo' ui nier inan ukum luk baken bang bururku, luk sikal metueh ratnan ukum luk imo terawéku, idi luk naban negku pa liang ukum sala' luk ngakem bang bururku ini. 24Adui, ui lemulun luk mebacé ini! Idéké miak muit negku remuat rat bang burur sala' ini? 25Ui ngubur Allah ratnan Yésus Keristus, Tuhan tau!
Ngaceku ineh, idi ui sebuleng dengan niatku maya' ukum Allah, iamo' dengan ulun tana' ini ui maya' ukum sala'.
Currently Selected:
RUM 7: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
RUM 7
7
Aweh Mangun Ku Aceh Luk Pinginud
1O kinanak-kinanakku, kali' rungen muyuh kali' luk belenku, ngaceku amung muyuh kali' ratnan ukum. Idi ukum ineh ngimet lemulun ruked ulunneh. 2Seburur decur luk inan awan inabet ratnan ukum kuan awanneh laba' ieh mulun teh, iamo' kudeng ieh maté, decur ineh mepuit ratnan ukum awanneh. 3Ngaceku ineh kudeng decur ineh ngalap deléi luk baken kareb awanneh mulun, idi ieh tetanen decur luk pasét. Iamo' kudeng awanneh ineh maté idi ieh mepuit ratnan ukum ineh, idi baken ieh decur luk pasét peh, sagan pana' ngalap awan baken. 4Kudeng ineh teh, O kinanak-kinanakku, muyuh ini pana' pinaté mepuit ratnan Ukum ineh ngaceku muyuh mangun ku sebabpat burur Keristus. Nekini muyuh mangun ku pupuNeh luk pangeh tinui rat arang lun naté, pad tau ngeruit bua'-bua' kuan Allah. 5Kareb tau mulun maya' ulun tana' ini, idi pinian burur tau luk mepanu' ku sala', luk tinui ratnan Ukum ineh, nengakem bang burur tau, pad ngeruat bua'-bua' luk macing inan até. 6Iamo' nekini tau pangeh nepuit ratnan Ukum ineh, ieh ineh tau pangeh naté idi nepuit ratnan Ukum ineh luk pangeh nengabet netau, pad na maya' dalan ukum luk mon luk inayud mo', iamo' nekini Roh Allah miak nguyut netau maya' dalan Roh luk mebaruh.
Ukum Idi Sala'
7 #
Pur 20.17; Bad 5.21 Ngaceku ineh anunké luk miak belén tau? Ukum ineh sala'ké? Na tu-tu! Iamo' ui na kali' sala', kudeng baken ratnan Ukum ineh, ngaceku na ui kali' ratnan melili, kudeng na Ukum ineh mala, “Aleg iko melili!” 8Sala' ineh tigio ratnan bebpeng, idi ieh nengacing lili bang niatku. Ngaceku kudeng na bebpeng ineh, sala' maté. 9Atun ui ini mulun dengan na kali' ukum, iamo' kareb bebpeng ineh nacing, idi sala' mulun baruh teh, 10idi ui naté, idi bebpeng luk petulu nguit ulun ineh, nguit negku maté. 11#Pud 3.13 Sala' ineh tigio ratnan bebpeng ineh, idi ieh nenaluk negku, idi ngaceku ratnan ineh sala' nengaté negku.
12Ngaceku ineh Ukum Musa ineh meligan, idi luk icukneh pana' meligan idi matu idi do' teh. 13Matuké ukum luk do' ineh ngacing até kuanku? Na tu-tu! Sala' ineh luk ngacing atéku. Dengan makai luk do' ineh, sala' ngacing até kuanku, pad ngegala' ilung sala' ineh. Ukum ineh ngegala' ratnan sala' ineh pelaba dat.
Dueh Luk Pebunu' Bang Niat Lemulun
14Ngaceku tau kali', idi Ukum ineh ratnan Roh, iamo' ui ini ratnan ulun tana' ini, pinasui pa liang sala'. 15#Gal 5.17 Ui na kali' anun luk ruenku, ngaceku baken ui nganau' luk pianku, iamo' luk inanku megateh, ieh ineh luk ruenku. 16Kareb ui nganau' luk na pianku, idi ui ngamo idi Ukum ineh do' peh. 17Ngaceku ineh, baken ui ineh luk nganau' ineh, iamo' sala' luk bang bururku. 18Ui kali' idi na luk do' bang niatku, ieh ineh bang ulun tana' ini. Sagan pana' ui pian nganau' luk do', iamo ui na miak nganau' ineh. 19Ui na nganau' luk do' ineh luk pianku, iamo' ui nganau' luk dat luk na pianku ineh. 20Kudeng ui nganau' luk na pianku, ilungneh baken ui luk nganau' ineh, iamo' sala' luk tudo bang bururku.
21Ngaceku ineh ui nier ukum ini: kareb ui sikal nganau' luk do', idi luk dat ineh muneng peh. 22Ui geregan ku ukum Allah bang niatku, 23iamo' ui nier inan ukum luk baken bang bururku, luk sikal metueh ratnan ukum luk imo terawéku, idi luk naban negku pa liang ukum sala' luk ngakem bang bururku ini. 24Adui, ui lemulun luk mebacé ini! Idéké miak muit negku remuat rat bang burur sala' ini? 25Ui ngubur Allah ratnan Yésus Keristus, Tuhan tau!
Ngaceku ineh, idi ui sebuleng dengan niatku maya' ukum Allah, iamo' dengan ulun tana' ini ui maya' ukum sala'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.