RUM 10
10
1O kinanak-kinanakku, pian niatku idi sembayangku kuan Allah, ieh ineh pad pupuku miak uen ngulun. 2Ui mangun ku lun nekali' kuandeh ratnan ideh mepicet inan Allah, iamo' baya'deh baken ratnan ileh luk matu. 3Na ideh ngiti luk matu ratnan Allah, idi ideh nutun ngeletep dalan pad ideh ruen matu maya' terawédeh sebuleng. Idi na ideh nengebeneh bururdeh pad ideh ruen matu maya' pian Allah. 4Keristus ineh nengeriput Ukum, pad amung lemulun luk manu miak ruen matu.
Ulun Ineh Kuan Amung Pupu
5 #
Uk 18.5
Musa nengayud, idi lemulun luk nganau' luk matu rat bang Ukum ineh miak mulun ratnan ineh. 6#Bad 30.12–14 Iamo' ini luk bila ratnan luk matu luk macing ratnan anu, “Aleg pebala bang niatmu, ‘Idéké miak semuet surga?’ (ilungneh nguit Keristus temurun), 7idi, ‘Idéké luk miak temurun bang luk inan maté?’ ” (ilungneh nguit Keristus tumui rat arang lun naté). 8Ini luk bilaneh, “Bala ineh muneng namu peh, ieh ineh bang tangmu, idi bang niatmu pana',” (ieh ineh bala manu luk badén kai). 9Kudeng iko ngamo dengan tangmu idi Yésus ineh Tuhan, idi manu bang niatmu idi Allah pangeh nenui Neneh rat arang lun naté ineh, idi iko miak uen ngulun. 10Tau manu bang niat tau pad tau ruen matu, iamo' tau ngamo dengan tang tau pad ngalap ulun luk meruked. 11#Yes 28.16 Surat Allah pebala, “Idé-idé luk manu Neneh na miak migu' peh.” 12Ilungneh, lun Yahudi idi lun pupu baken mepad mo'. Ngaceku ineh teh Tuhan kuan amung-amung, idi Ieh ngeperuan amung-amung lemulun luk nawar Neneh. 13#Yo 2.32 Ngaceku “anid-anid lemulun luk nawar ngadan Tuhan miak uen ngulun.”
14Iamo' kudeng apehké ideh miak nawar Luk nateh ideh nemanu? Idi kudeng apehké ideh miak manu Luk nateh ideh neninger? Idi kudeng apehké ideh miak ninger kudeng nateh ideh bida'? 15#Yes 52.7 Idi kudeng apehké bala ineh miak badén, kudeng lun luk mada' na icuk? Maya' kudeng luk inayud, “Kudeng apeh do' ayu lengayan amung-amung lemulun luk nguit Bala luk Do'.” 16#Yes 53.1 Iamo' baken amung-amungdeh nemaya' Bala luk Do' ineh. Kebala Yesaya, “O Tuhan, idéké luk manu inan luk bida' kai?” 17Ngaceku ineh anu ineh macing ratnan ninger bada', iamo' bada' ineh macing ratnan bala Keristus.
18 #
Nani 19.4
Iamo' ui ngitun: Naké lemulun ineh neninger teh? Mo, neninger! Ngaceku maya' kudeng luk inayud:
“Bada'deh pangeh nepiar aput tana',
Idi baladeh pana' nacing iring tana'.”
19 #
Bad 32.21
Iamo' ui ngitun: Naké pupu Israil kali'? Pun-pun Musa sebuleng pebala, “Kebala Allah:
‘Ui nganau' nemuyuh mét niat inan pupu luk baken aceh imet luk matu;
Ui nganau' nemuyuh museh nan aceh pupu luk mebacé.’ ”
20 #
Yes 65.1
Idi Yesaya meluun kuu' kareb ieh pebala, “Kebala Allah,
‘Ui ilap lemulun luk na nenakap Negku,
Ui nesilagan kuan lemulun luk na nengitun Negku.’ ”
21 #
Yes 65.2
Iamo' kebala Yesaya ratnan pupu Israil, “Kebala Allah, ‘Tebaco-tebaco Ui nengurur ticu'Ku kuan pupu luk na maya' bala idi luk pekedaluh.’ ”
Currently Selected:
RUM 10: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
RUM 10
10
1O kinanak-kinanakku, pian niatku idi sembayangku kuan Allah, ieh ineh pad pupuku miak uen ngulun. 2Ui mangun ku lun nekali' kuandeh ratnan ideh mepicet inan Allah, iamo' baya'deh baken ratnan ileh luk matu. 3Na ideh ngiti luk matu ratnan Allah, idi ideh nutun ngeletep dalan pad ideh ruen matu maya' terawédeh sebuleng. Idi na ideh nengebeneh bururdeh pad ideh ruen matu maya' pian Allah. 4Keristus ineh nengeriput Ukum, pad amung lemulun luk manu miak ruen matu.
Ulun Ineh Kuan Amung Pupu
5 #
Uk 18.5
Musa nengayud, idi lemulun luk nganau' luk matu rat bang Ukum ineh miak mulun ratnan ineh. 6#Bad 30.12–14 Iamo' ini luk bila ratnan luk matu luk macing ratnan anu, “Aleg pebala bang niatmu, ‘Idéké miak semuet surga?’ (ilungneh nguit Keristus temurun), 7idi, ‘Idéké luk miak temurun bang luk inan maté?’ ” (ilungneh nguit Keristus tumui rat arang lun naté). 8Ini luk bilaneh, “Bala ineh muneng namu peh, ieh ineh bang tangmu, idi bang niatmu pana',” (ieh ineh bala manu luk badén kai). 9Kudeng iko ngamo dengan tangmu idi Yésus ineh Tuhan, idi manu bang niatmu idi Allah pangeh nenui Neneh rat arang lun naté ineh, idi iko miak uen ngulun. 10Tau manu bang niat tau pad tau ruen matu, iamo' tau ngamo dengan tang tau pad ngalap ulun luk meruked. 11#Yes 28.16 Surat Allah pebala, “Idé-idé luk manu Neneh na miak migu' peh.” 12Ilungneh, lun Yahudi idi lun pupu baken mepad mo'. Ngaceku ineh teh Tuhan kuan amung-amung, idi Ieh ngeperuan amung-amung lemulun luk nawar Neneh. 13#Yo 2.32 Ngaceku “anid-anid lemulun luk nawar ngadan Tuhan miak uen ngulun.”
14Iamo' kudeng apehké ideh miak nawar Luk nateh ideh nemanu? Idi kudeng apehké ideh miak manu Luk nateh ideh neninger? Idi kudeng apehké ideh miak ninger kudeng nateh ideh bida'? 15#Yes 52.7 Idi kudeng apehké bala ineh miak badén, kudeng lun luk mada' na icuk? Maya' kudeng luk inayud, “Kudeng apeh do' ayu lengayan amung-amung lemulun luk nguit Bala luk Do'.” 16#Yes 53.1 Iamo' baken amung-amungdeh nemaya' Bala luk Do' ineh. Kebala Yesaya, “O Tuhan, idéké luk manu inan luk bida' kai?” 17Ngaceku ineh anu ineh macing ratnan ninger bada', iamo' bada' ineh macing ratnan bala Keristus.
18 #
Nani 19.4
Iamo' ui ngitun: Naké lemulun ineh neninger teh? Mo, neninger! Ngaceku maya' kudeng luk inayud:
“Bada'deh pangeh nepiar aput tana',
Idi baladeh pana' nacing iring tana'.”
19 #
Bad 32.21
Iamo' ui ngitun: Naké pupu Israil kali'? Pun-pun Musa sebuleng pebala, “Kebala Allah:
‘Ui nganau' nemuyuh mét niat inan pupu luk baken aceh imet luk matu;
Ui nganau' nemuyuh museh nan aceh pupu luk mebacé.’ ”
20 #
Yes 65.1
Idi Yesaya meluun kuu' kareb ieh pebala, “Kebala Allah,
‘Ui ilap lemulun luk na nenakap Negku,
Ui nesilagan kuan lemulun luk na nengitun Negku.’ ”
21 #
Yes 65.2
Iamo' kebala Yesaya ratnan pupu Israil, “Kebala Allah, ‘Tebaco-tebaco Ui nengurur ticu'Ku kuan pupu luk na maya' bala idi luk pekedaluh.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.