BALA LUK LINIO 3
3
Surat Kuan Sidang Déi' Sardis
1“Kuan melaikat sidang luk déi' Sardis, do' ngayud kudeng ini:
“Ini bala rat Neneh luk kuan tudu' Roh Allah, idi tudu' gituen ineh. Ui kali' kekamenmu. Iko inan ngadan mulun, iamo' setuneh iko maté. 2Do' kulat idi ngetueh amung-amung luk ketecan idi luk sikal maté teh. Ngaceku Ui kali' na luk idi kekamenmu luk meligan pa kiung AllahKu. 3#Mat 24.43–44; Luk 12.39–40; Lin 16.15 Ngaceku ineh, do' ngerawé kudeng apeh luk pangeh ilapmu idi pindengermu. Do' nginita ineh idi uren. Kudeng iko na kulat, Ui sikal macing kudeng lemulun luk mano, idi iko na kali' ratnan karebneh luk Ui sikal macing namu. 4Iamo' inan teh denganmu déi' Sardis ineh tuda'-tuda' lemulun luk na nengelutak ayungdeh. Ideh miak nalan pad-pad denganKu inayung ku luk mebuda', ngaceku ideh mayu. 5#Pur 32.32–33; Nani 69.28; Lin 20.12; Mat 10.32; Luk 12.8 Lemulun luk metueh miak uen ngayung ku ayung luk mebuda', idi na tu-tu Ui miak ngiu' ngadandeh rat bang surat ulun ineh. Ui miak ngamo ngadandeh pa kiung TamanKu idi pa kiung melaikat-melaikatNeh.
6“Idé luk inan lalid do' ieh ninger bala Roh luk kuan amung-amung sidang!
Surat Kuan Sidang Déi' Piladelpia
7 #
Yes 22.22; Ayub 12.14 “Kuan melaikat sidang luk déi' Piladelpia, do' ngayud kudeng ini:
“Ini bala rat Neneh luk meligan idi luk matu, luk ngimet taka Daud, luk ngukab, idi na seburur pana' miak ngitek, luk ngitek, idi seburur pana' na miak ngukab. 8Ui kali' kekamenmu. Siruh, Ui nenganau' pa kiungmu aceh tanga' luk mukab, idi seburur pana' na miak ngitek neneh; ngaceku sagan pana' laludmu sesuut, iamo' iko pangeh nemaya' balaKu dengan na ngalum ngadanKu. 9#Yes 49.23; 60.14; Yes 43.4 Siruh! Lemulun luk ratnan ruma' sembayang Sétan, lun mebalih luk mala nedeh lun Yahudi, iamo' baken, Ui nganau' nedeh macing tekeradung sembayang iring kukudmu, pad ideh kali' Ui ini mawa namu. 10Ngaceku iko pangeh nenginita bada'Ku ratnan ulai niat ineh, Ui pana' miak nginita namu ratnan tutun luk macing kuan amung uang tana' ini, idi luk nutun amung lemulun bang tana' ini. 11Ui macing dengan mesaget. Do' ngimet anun-anun luk idi bang paladmu, pad seburur na miak ngalap patamu. 12#Lin 21.2; Yes 62.2; 65.15 Ui sikal nganau' lemulun luk metueh mangun ku aceh diri bang ruma' AllahKu, idi na tu-tu ieh miak remuat rat déi'. Idi Ui ngayud luunneh ngadan AllahKu idi ngadan bawang AllahKu, ieh ineh Yerusalim luk mebaruh luk temurun rat surga ratnan AllahKu ineh, idi teh Ui ngayud luunneh ngadanKu luk mebaruh ineh.
13“Idé luk inan lalid, do' ieh ninger bala Roh luk kuan amung-amung sidang.
Surat Kuan Sidang Déi' Laudikia
14 #
Bal 8.22
“Kuan melaikat sidang luk déi' Laudikia, do' ngayud kudeng ini:
“Ini bala rat Neneh luk ngadanNeh Amin, ieh ineh Lun Nekali' luk lutep maya' jani' idi luk matu, idi Luk Pun-pun ratnan amung-amung pudut Allah. 15Ui kali' kekamenmu, iko ineh meteneb pana' na, melau' pana' na. Ui sikal kudeng iko meteneb kian melau' lek. 16Ngaceku iko kudeng ineh damé, idi melau' pana' na, idi meteneb pana' na, Ui sikal nguta' namu rat bang tangKu. 17Ngaceku iko pebala, ui lun do', idi ui pangeh nengalap mula' binaweh, sebuleng pana' nateh luk na idi negku; iamo' na iko kali' iko selemulun luk dat, luk inan méi', luk masi', mebuser, idi lubpa. 18Ngaceku ineh Ui mada' namu, do' melih rat Negku amas luk pangeh tinutun ku apui, pad iko mangun ku lun do', idi ayung luk mebuda' pad iko inan ayung, pad iko na nalan lubpa idi na migu' siren lemulun. Idi melih ubat luk miak pingubat matehmu, pad iko miak nier. 19#Bal 3.12; Ibr 12.6 Idi tuda'-tuda' lemulun luk inanKu mawa Ui mada' idi ngukum nedeh. Ngaceku ineh do' mekél idi uren. 20Siruh, Ui tuped munung tanga' idi nateg; kudeng idé luk ninger balaKu idi ngukab tanga', idi Ui miak semuet bang neneh, idi kuman denganneh, pad ieh pana' denganKu. 21Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.
22“Idé luk inan lalid, do' ieh ninger bala Roh luk kuan amung-amung sidang.”
Currently Selected:
BALA LUK LINIO 3: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
BALA LUK LINIO 3
3
Surat Kuan Sidang Déi' Sardis
1“Kuan melaikat sidang luk déi' Sardis, do' ngayud kudeng ini:
“Ini bala rat Neneh luk kuan tudu' Roh Allah, idi tudu' gituen ineh. Ui kali' kekamenmu. Iko inan ngadan mulun, iamo' setuneh iko maté. 2Do' kulat idi ngetueh amung-amung luk ketecan idi luk sikal maté teh. Ngaceku Ui kali' na luk idi kekamenmu luk meligan pa kiung AllahKu. 3#Mat 24.43–44; Luk 12.39–40; Lin 16.15 Ngaceku ineh, do' ngerawé kudeng apeh luk pangeh ilapmu idi pindengermu. Do' nginita ineh idi uren. Kudeng iko na kulat, Ui sikal macing kudeng lemulun luk mano, idi iko na kali' ratnan karebneh luk Ui sikal macing namu. 4Iamo' inan teh denganmu déi' Sardis ineh tuda'-tuda' lemulun luk na nengelutak ayungdeh. Ideh miak nalan pad-pad denganKu inayung ku luk mebuda', ngaceku ideh mayu. 5#Pur 32.32–33; Nani 69.28; Lin 20.12; Mat 10.32; Luk 12.8 Lemulun luk metueh miak uen ngayung ku ayung luk mebuda', idi na tu-tu Ui miak ngiu' ngadandeh rat bang surat ulun ineh. Ui miak ngamo ngadandeh pa kiung TamanKu idi pa kiung melaikat-melaikatNeh.
6“Idé luk inan lalid do' ieh ninger bala Roh luk kuan amung-amung sidang!
Surat Kuan Sidang Déi' Piladelpia
7 #
Yes 22.22; Ayub 12.14 “Kuan melaikat sidang luk déi' Piladelpia, do' ngayud kudeng ini:
“Ini bala rat Neneh luk meligan idi luk matu, luk ngimet taka Daud, luk ngukab, idi na seburur pana' miak ngitek, luk ngitek, idi seburur pana' na miak ngukab. 8Ui kali' kekamenmu. Siruh, Ui nenganau' pa kiungmu aceh tanga' luk mukab, idi seburur pana' na miak ngitek neneh; ngaceku sagan pana' laludmu sesuut, iamo' iko pangeh nemaya' balaKu dengan na ngalum ngadanKu. 9#Yes 49.23; 60.14; Yes 43.4 Siruh! Lemulun luk ratnan ruma' sembayang Sétan, lun mebalih luk mala nedeh lun Yahudi, iamo' baken, Ui nganau' nedeh macing tekeradung sembayang iring kukudmu, pad ideh kali' Ui ini mawa namu. 10Ngaceku iko pangeh nenginita bada'Ku ratnan ulai niat ineh, Ui pana' miak nginita namu ratnan tutun luk macing kuan amung uang tana' ini, idi luk nutun amung lemulun bang tana' ini. 11Ui macing dengan mesaget. Do' ngimet anun-anun luk idi bang paladmu, pad seburur na miak ngalap patamu. 12#Lin 21.2; Yes 62.2; 65.15 Ui sikal nganau' lemulun luk metueh mangun ku aceh diri bang ruma' AllahKu, idi na tu-tu ieh miak remuat rat déi'. Idi Ui ngayud luunneh ngadan AllahKu idi ngadan bawang AllahKu, ieh ineh Yerusalim luk mebaruh luk temurun rat surga ratnan AllahKu ineh, idi teh Ui ngayud luunneh ngadanKu luk mebaruh ineh.
13“Idé luk inan lalid, do' ieh ninger bala Roh luk kuan amung-amung sidang.
Surat Kuan Sidang Déi' Laudikia
14 #
Bal 8.22
“Kuan melaikat sidang luk déi' Laudikia, do' ngayud kudeng ini:
“Ini bala rat Neneh luk ngadanNeh Amin, ieh ineh Lun Nekali' luk lutep maya' jani' idi luk matu, idi Luk Pun-pun ratnan amung-amung pudut Allah. 15Ui kali' kekamenmu, iko ineh meteneb pana' na, melau' pana' na. Ui sikal kudeng iko meteneb kian melau' lek. 16Ngaceku iko kudeng ineh damé, idi melau' pana' na, idi meteneb pana' na, Ui sikal nguta' namu rat bang tangKu. 17Ngaceku iko pebala, ui lun do', idi ui pangeh nengalap mula' binaweh, sebuleng pana' nateh luk na idi negku; iamo' na iko kali' iko selemulun luk dat, luk inan méi', luk masi', mebuser, idi lubpa. 18Ngaceku ineh Ui mada' namu, do' melih rat Negku amas luk pangeh tinutun ku apui, pad iko mangun ku lun do', idi ayung luk mebuda' pad iko inan ayung, pad iko na nalan lubpa idi na migu' siren lemulun. Idi melih ubat luk miak pingubat matehmu, pad iko miak nier. 19#Bal 3.12; Ibr 12.6 Idi tuda'-tuda' lemulun luk inanKu mawa Ui mada' idi ngukum nedeh. Ngaceku ineh do' mekél idi uren. 20Siruh, Ui tuped munung tanga' idi nateg; kudeng idé luk ninger balaKu idi ngukab tanga', idi Ui miak semuet bang neneh, idi kuman denganneh, pad ieh pana' denganKu. 21Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.
22“Idé luk inan lalid, do' ieh ninger bala Roh luk kuan amung-amung sidang.”
BALA LUK DO' Lun Bawang Bible © The Bible Society of Malaysia 1982, Second Edition 1998.