MARKUS 3
3
Yésus Ngedo' Seburur Lun Luk Naté Ticu' Selipa
(Mat 12.9–14; Luk 6.6–11)
1Yésus nelemubed iné' bang ruma' sembayang teh, idi déi' inan selemulun luk naté ticu'neh pa selipa. 2Idi inan lemulun nenier Neneh, kudeng Ieh miak ngedo' lemulun ineh bang Aco luk inan Mudeng, pelé ideh miak ngadu' Neneh. 3Idi keburi' Yésus kuan lemulun luk naté ticu' ineh, “Amé' iko pa atun.” 4Idi Ieh nengitun nelun mula', kebalaNeh, “Miakké bang Aco luk inan Mudeng nganau' luk do', kian luk dat? Ngulun burur, kian ngaté?”
Idi ideh pirud. 5Idi Yésus nenier libut-libutdeh dengan museh idi mesusa' niat, ngaceku niatdeh metueh, idi kebalaNeh kuan lemulun luk mét ineh, “Natang ticu'mu!” Idi ieh nenatang ticu'neh, idi ticu'neh pana' nedo'. 6Idi lun Parisi neremuat rat bang ruma' sembayang, idi petacu ideh nepegayam nelun Herodiani ratnan kudeng apeh ideh miak ngaté Yésus.
Mula' Lemulun Tangeb Takung
7Yésus nenalan dengan anak-anak sekola'Neh iné' Takung Galilia, idi pelaba ula' lemulun maya' Neneh. Ideh nacing rat Galilia, rat Yudia, 8rat Yérusalim, rat Idumia, rat dipar Abpa' Yarden, idi rat bawang Sur idi Sidon. Idi lun mula' ini iné' matun Yésus kareb ideh pangeh neninger ratnan amung kekamenNeh ineh. 9Idi Ieh nengecuk anak-anak sekola' nganau' temina' sebuleng alud kuanNeh, pad lun mula' na miak ngerieng Neneh. 10#Mrk 4.1; Luk 5.1–3 Mula' lemulun pangeh dino'Neh, pad tuda'-tuda' lemulun luk inan luk mét pana' nacing ngerieng Neneh idi sikal ngakem Neneh. 11Kareb lemulun luk sineut ada' nenier Yésus, idi dieh neluka' pa kiungNeh idi nengitang, keburi'deh, “Iko ineh Anak Allah.”
12Idi Yésus nemebpeng nedeh na mada' Neneh Anak Allah.
Yésus Mili' Pulu' Dueh Anak Sekola'Neh
(Mat 10.1–4; Luk 6.12–16)
13Yésus numak luun aceh surud, idi Ieh nenawar idé luk pianNeh, idi ideh iné' matun Neneh. 14Idi Ieh nenganau' lutep pulu' dueh burur, pelé ideh pad-pad denganNeh, idi pad ideh miak duken amé' mada' lemulun, 15idi teh ideh ngalap lalud nala' ada'.
16Ini ngadan pulu' dueh burur luk pinili'Neh: Simun (luk titenNeh Pétrus); 17Yakub Sabdi idi kinanakneh Yahya, (didueh ineh titen Yésus Buanergis, ilungneh, anak-anak lalam); 18Andrias, Pilipus, Bartolomius, Matius, Tomas, Yakub Alpius, Tadius, Simun lun Selot#3.18 Selot, ieh ineh aceh pati luk sikal metueh ratnan imet Rum. 19idi Yudas Iskariot, ieh ineh luk nemasui Yésus.
Ratnan Lun Parisi Nguyo Roh Meligan
(Mat 12.22–32; Luk 11.14–23; 12.10)
20Idi Yésus nuli' idi lun mula' pana' nepamung teh, pad ideh na mekatau' kuman. 21Kareb bala ineh pangeh nekali' lun bang ruma' Yésus, idi ideh pian amé' ngalap Neneh muli' ngaceku lemulun mala', “Ieh meruden!”
22 #
Mat 9.34; 10.25 Kudeng ineh teh amung guru-guru Ukum luk pangeh nacing rat Yerusalim nepebala, “Ieh sinuet Balsebul.”
Idi kebala lun baken, “Ieh nala' ada' dengan lalud lun rayeh ada'.” 23Idi Yésus nengamung nelun mula' idi nemada' nedeh dengan luk pinginud, kebalaNeh, “Kudeng apehké Sétan miak nala' Sétan? 24Kudeng aceh bawang patad-patad idi pekedaluh arangdeh sebuleng, bawang ineh na miak tuped. 25Kudeng aceh tetek ruma' patad-patad idi pekedaluh arangdeh sebuleng, idi tetek ruma' ineh na miak tuped. 26Idi kudeng imet Sétan patad-patad idi pekedaluh arangdeh sebuleng, imet ineh na miak tuped, iamo' mekusag pad na luk ketecan peh.
27“Idi na luk idi seburur pana' miak semuet bang ruma' lemulun luk metueh idi mano binawehneh kudeng na ieh ngaling lemulun luk metueh ineh atun' idi teh ieh miak mano binaweh luk bang ruma'neh ineh.
28“Ngerawé do'-do'! Lemulun miak ngalap do' ratnan amung-amung sala', kudeng ineh teh ratnan amung-amung kuyo ineh. 29#Luk 12.10 Iamo' idé-idé luk nguyo Roh Meligan na ieh miak ngalap do' ratnan sala' macing ruked-ruked, iamo' sala'neh ineh meruked peh.” (30Yésus nemada' kudeng ineh ngaceku ideh nemala Neneh sinuet ada'.)
Tinan Idi Kinanak Yésus
(Mat 12.46–50; Luk 8.19–21)
31Pangeh ineh tinan ésus idi kinanak-kinanakNeh nacing Neneh. Ideh netuped déi' liang idi nengecuk lemulun nawar Neneh. 32Idi lun mula' pana' netudo libut-libut Yésus,idi kebaladeh Neneh, “Siruh, tinan idi kinanak-kinanakMu tuped déi' liang nakap Namu!”
33Iamo' kebala Yésus, “Idéké luk tinanKu idi idéké luk kinanak-kinanakKu?” 34Idi Ieh nelumi idi nenier amung-amung lemulun luk libut-libutNeh, idi nepebala, “Siruh, ini tinanKu idi kinanak-kinanakKu! 35Ngaceku idé-idé luk nganau' pian Allah, ieh ineh luk kinanakKu deléi, idi kinanakKu luk decur, idi tinanKu teh.”
Currently Selected:
MARKUS 3: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
MARKUS 3
3
Yésus Ngedo' Seburur Lun Luk Naté Ticu' Selipa
(Mat 12.9–14; Luk 6.6–11)
1Yésus nelemubed iné' bang ruma' sembayang teh, idi déi' inan selemulun luk naté ticu'neh pa selipa. 2Idi inan lemulun nenier Neneh, kudeng Ieh miak ngedo' lemulun ineh bang Aco luk inan Mudeng, pelé ideh miak ngadu' Neneh. 3Idi keburi' Yésus kuan lemulun luk naté ticu' ineh, “Amé' iko pa atun.” 4Idi Ieh nengitun nelun mula', kebalaNeh, “Miakké bang Aco luk inan Mudeng nganau' luk do', kian luk dat? Ngulun burur, kian ngaté?”
Idi ideh pirud. 5Idi Yésus nenier libut-libutdeh dengan museh idi mesusa' niat, ngaceku niatdeh metueh, idi kebalaNeh kuan lemulun luk mét ineh, “Natang ticu'mu!” Idi ieh nenatang ticu'neh, idi ticu'neh pana' nedo'. 6Idi lun Parisi neremuat rat bang ruma' sembayang, idi petacu ideh nepegayam nelun Herodiani ratnan kudeng apeh ideh miak ngaté Yésus.
Mula' Lemulun Tangeb Takung
7Yésus nenalan dengan anak-anak sekola'Neh iné' Takung Galilia, idi pelaba ula' lemulun maya' Neneh. Ideh nacing rat Galilia, rat Yudia, 8rat Yérusalim, rat Idumia, rat dipar Abpa' Yarden, idi rat bawang Sur idi Sidon. Idi lun mula' ini iné' matun Yésus kareb ideh pangeh neninger ratnan amung kekamenNeh ineh. 9Idi Ieh nengecuk anak-anak sekola' nganau' temina' sebuleng alud kuanNeh, pad lun mula' na miak ngerieng Neneh. 10#Mrk 4.1; Luk 5.1–3 Mula' lemulun pangeh dino'Neh, pad tuda'-tuda' lemulun luk inan luk mét pana' nacing ngerieng Neneh idi sikal ngakem Neneh. 11Kareb lemulun luk sineut ada' nenier Yésus, idi dieh neluka' pa kiungNeh idi nengitang, keburi'deh, “Iko ineh Anak Allah.”
12Idi Yésus nemebpeng nedeh na mada' Neneh Anak Allah.
Yésus Mili' Pulu' Dueh Anak Sekola'Neh
(Mat 10.1–4; Luk 6.12–16)
13Yésus numak luun aceh surud, idi Ieh nenawar idé luk pianNeh, idi ideh iné' matun Neneh. 14Idi Ieh nenganau' lutep pulu' dueh burur, pelé ideh pad-pad denganNeh, idi pad ideh miak duken amé' mada' lemulun, 15idi teh ideh ngalap lalud nala' ada'.
16Ini ngadan pulu' dueh burur luk pinili'Neh: Simun (luk titenNeh Pétrus); 17Yakub Sabdi idi kinanakneh Yahya, (didueh ineh titen Yésus Buanergis, ilungneh, anak-anak lalam); 18Andrias, Pilipus, Bartolomius, Matius, Tomas, Yakub Alpius, Tadius, Simun lun Selot#3.18 Selot, ieh ineh aceh pati luk sikal metueh ratnan imet Rum. 19idi Yudas Iskariot, ieh ineh luk nemasui Yésus.
Ratnan Lun Parisi Nguyo Roh Meligan
(Mat 12.22–32; Luk 11.14–23; 12.10)
20Idi Yésus nuli' idi lun mula' pana' nepamung teh, pad ideh na mekatau' kuman. 21Kareb bala ineh pangeh nekali' lun bang ruma' Yésus, idi ideh pian amé' ngalap Neneh muli' ngaceku lemulun mala', “Ieh meruden!”
22 #
Mat 9.34; 10.25 Kudeng ineh teh amung guru-guru Ukum luk pangeh nacing rat Yerusalim nepebala, “Ieh sinuet Balsebul.”
Idi kebala lun baken, “Ieh nala' ada' dengan lalud lun rayeh ada'.” 23Idi Yésus nengamung nelun mula' idi nemada' nedeh dengan luk pinginud, kebalaNeh, “Kudeng apehké Sétan miak nala' Sétan? 24Kudeng aceh bawang patad-patad idi pekedaluh arangdeh sebuleng, bawang ineh na miak tuped. 25Kudeng aceh tetek ruma' patad-patad idi pekedaluh arangdeh sebuleng, idi tetek ruma' ineh na miak tuped. 26Idi kudeng imet Sétan patad-patad idi pekedaluh arangdeh sebuleng, imet ineh na miak tuped, iamo' mekusag pad na luk ketecan peh.
27“Idi na luk idi seburur pana' miak semuet bang ruma' lemulun luk metueh idi mano binawehneh kudeng na ieh ngaling lemulun luk metueh ineh atun' idi teh ieh miak mano binaweh luk bang ruma'neh ineh.
28“Ngerawé do'-do'! Lemulun miak ngalap do' ratnan amung-amung sala', kudeng ineh teh ratnan amung-amung kuyo ineh. 29#Luk 12.10 Iamo' idé-idé luk nguyo Roh Meligan na ieh miak ngalap do' ratnan sala' macing ruked-ruked, iamo' sala'neh ineh meruked peh.” (30Yésus nemada' kudeng ineh ngaceku ideh nemala Neneh sinuet ada'.)
Tinan Idi Kinanak Yésus
(Mat 12.46–50; Luk 8.19–21)
31Pangeh ineh tinan ésus idi kinanak-kinanakNeh nacing Neneh. Ideh netuped déi' liang idi nengecuk lemulun nawar Neneh. 32Idi lun mula' pana' netudo libut-libut Yésus,idi kebaladeh Neneh, “Siruh, tinan idi kinanak-kinanakMu tuped déi' liang nakap Namu!”
33Iamo' kebala Yésus, “Idéké luk tinanKu idi idéké luk kinanak-kinanakKu?” 34Idi Ieh nelumi idi nenier amung-amung lemulun luk libut-libutNeh, idi nepebala, “Siruh, ini tinanKu idi kinanak-kinanakKu! 35Ngaceku idé-idé luk nganau' pian Allah, ieh ineh luk kinanakKu deléi, idi kinanakKu luk decur, idi tinanKu teh.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.