MIKA 7
7
Lun Israil Amé'-amé' Dat
1Ui pelaba susa'! Ui mepad kudeng lemulun luk melau luk nakap bua' iamo' na luk idi, idi anggur pana' nateh luk idi. Amung bua' anggur idi amung bua' gita' pana' pangeh ilap. 2Na luk idi seburur lemulun luk mesiri ketecan bang bawang ini, idi teh seburur pana' natéh luk lutep maya' Allah. Ideh pangeh naté. Amung-amung lemulun luk baken pian ngaté lemulun. Idi teh ideh ngerada' nelun luk bang bawang ineh. 3Ideh mileh nganau' luk dat. Lun rayeh-rayeh idi lun luk mutut ukum mutuh suap. Lun luk mebala mada' nedeh ratnan luk pianneh, idi ideh pamung pegayam. 4Idi lun luk meluun do' idi meluun siri rat arangdeh mepad kudeng tabpa'.
Tarekneh pangeh macing kareb Allah ngukum pupu ineh, maya' kudeng luk bida'Neh. Idi nekini ideh megagau. 5Aleg manu ku bala lun denganmu, idi aleg merapet inan lun rurummu. Matar do'-do' ratnan luk belénmu kuan awanmu pana'. 6#Mat 10.35–36; Luk 12.53 Anak deléi situnga na tamandeh, idi anak decur sikal metueh ratnan ibandeh; idi lun luk bang tetek ruma'neh mangun ku bunu'neh.
7Iamo' ui ini miak nginulat Tuhan Dengan merapet ui miak nginulat Allah luk miak ngulun negku. Allahku miak ninger sembayangku.
Tuhan Ngacing Ulun
8O bunu'ku, aleg muyuh mawang niat ku susa'ku. Ui pangeh nebpeh, iamo' ui miak tumui. Ui bang dacem nekini, iamo' Tuhan maré acang negku. 9Ui pangeh nenganau' sala' pa kiung Tuhan idi segageh mo' Ieh miak museh negku. Iamo' kekipedneh Ieh miak ngelibung negku, idi muit negku ratnan sala' luk inau' lun kuanku. 10Idi bunu'ku miak nier pad ideh migu', ieh ineh bunu' luk situnga negku, kebaladeh, “Iapehké Tuhan Allahmu?” Ui miak nier laya'deh, idi ngeradu' nedeh mepad kudeng buri.
11O lun Yerusalim, karebneh malé macing; muyuh miak mudut libung bawang muyuh baruh. Kareb ineh bawang muyuh miak amé' rayeh. 12Pupu muyuh miak lemubed amé' nemuyuh rat iapeh-iapeh — rat déi' Asur luk pa busat aco, rat déi' Masir luk pa kabing busat aco, idi teh rat abpa' rayeh idi pegkung luk mado'. 13Iamo' tana' ini miak mangun ku su luk ali-ali ngaceku amung dat lemulun luk netudo ieneh.
Ei' Tuhan Nelun Israil
14O Tuhan, do' Iko mangun ku lun matar pupu luk pinili'Mu ineh. Ideh tudo déi' su luk ali-ali. Idi libut-libutdeh inan tana' luk mebaleng. Nima' nedeh amé' kuman bang laman luk do' déi' Basan idi déi' Giliad, mepad kudeng luk inau'deh mon
15Kebala Tuhan, “Ui miak nganau' kekamen luk melalud kuandeh, mepad kudeng luk inau'Ku, kareb iko remuat rat bang bawang Masir.” 16Amung pupu miak nier ineh idi migu', sagan tu pana' ideh metueh. Ideh ungeng mo' idi na ninger anun-anun. 17Ideh miak suloi mepad kudeng menipeh; mepad kudeng pung luk remuat rat bang lubangdeh dengan megegker. Ideh miak matot pad ideh lumi inan Tuhan Allah tau.
18O Tuhan, na luk idi Allah luk mepad kudeng Iko. Iko maré do' ratnan sala' lemulun luk ketecan. Idi na Iko museh kidi-kidi, iamo' Iko lutep bang awaMu. 19Iko miak méi' nekai sekua' teh. Iko miak ngeradu' sala' kai iang daparMu, idi nala' nedeh bang abpa' rayeh! 20Iko miak ngegala' idi Iko lutep maya' jani'Mu idi lutep bang awaMu kuan pupuMu Israil luk inul Ibrahim, maya' kudeng luk pijani'Mu kuan tepun kai bang kareb luk mon.
Currently Selected:
MIKA 7: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
MIKA 7
7
Lun Israil Amé'-amé' Dat
1Ui pelaba susa'! Ui mepad kudeng lemulun luk melau luk nakap bua' iamo' na luk idi, idi anggur pana' nateh luk idi. Amung bua' anggur idi amung bua' gita' pana' pangeh ilap. 2Na luk idi seburur lemulun luk mesiri ketecan bang bawang ini, idi teh seburur pana' natéh luk lutep maya' Allah. Ideh pangeh naté. Amung-amung lemulun luk baken pian ngaté lemulun. Idi teh ideh ngerada' nelun luk bang bawang ineh. 3Ideh mileh nganau' luk dat. Lun rayeh-rayeh idi lun luk mutut ukum mutuh suap. Lun luk mebala mada' nedeh ratnan luk pianneh, idi ideh pamung pegayam. 4Idi lun luk meluun do' idi meluun siri rat arangdeh mepad kudeng tabpa'.
Tarekneh pangeh macing kareb Allah ngukum pupu ineh, maya' kudeng luk bida'Neh. Idi nekini ideh megagau. 5Aleg manu ku bala lun denganmu, idi aleg merapet inan lun rurummu. Matar do'-do' ratnan luk belénmu kuan awanmu pana'. 6#Mat 10.35–36; Luk 12.53 Anak deléi situnga na tamandeh, idi anak decur sikal metueh ratnan ibandeh; idi lun luk bang tetek ruma'neh mangun ku bunu'neh.
7Iamo' ui ini miak nginulat Tuhan Dengan merapet ui miak nginulat Allah luk miak ngulun negku. Allahku miak ninger sembayangku.
Tuhan Ngacing Ulun
8O bunu'ku, aleg muyuh mawang niat ku susa'ku. Ui pangeh nebpeh, iamo' ui miak tumui. Ui bang dacem nekini, iamo' Tuhan maré acang negku. 9Ui pangeh nenganau' sala' pa kiung Tuhan idi segageh mo' Ieh miak museh negku. Iamo' kekipedneh Ieh miak ngelibung negku, idi muit negku ratnan sala' luk inau' lun kuanku. 10Idi bunu'ku miak nier pad ideh migu', ieh ineh bunu' luk situnga negku, kebaladeh, “Iapehké Tuhan Allahmu?” Ui miak nier laya'deh, idi ngeradu' nedeh mepad kudeng buri.
11O lun Yerusalim, karebneh malé macing; muyuh miak mudut libung bawang muyuh baruh. Kareb ineh bawang muyuh miak amé' rayeh. 12Pupu muyuh miak lemubed amé' nemuyuh rat iapeh-iapeh — rat déi' Asur luk pa busat aco, rat déi' Masir luk pa kabing busat aco, idi teh rat abpa' rayeh idi pegkung luk mado'. 13Iamo' tana' ini miak mangun ku su luk ali-ali ngaceku amung dat lemulun luk netudo ieneh.
Ei' Tuhan Nelun Israil
14O Tuhan, do' Iko mangun ku lun matar pupu luk pinili'Mu ineh. Ideh tudo déi' su luk ali-ali. Idi libut-libutdeh inan tana' luk mebaleng. Nima' nedeh amé' kuman bang laman luk do' déi' Basan idi déi' Giliad, mepad kudeng luk inau'deh mon
15Kebala Tuhan, “Ui miak nganau' kekamen luk melalud kuandeh, mepad kudeng luk inau'Ku, kareb iko remuat rat bang bawang Masir.” 16Amung pupu miak nier ineh idi migu', sagan tu pana' ideh metueh. Ideh ungeng mo' idi na ninger anun-anun. 17Ideh miak suloi mepad kudeng menipeh; mepad kudeng pung luk remuat rat bang lubangdeh dengan megegker. Ideh miak matot pad ideh lumi inan Tuhan Allah tau.
18O Tuhan, na luk idi Allah luk mepad kudeng Iko. Iko maré do' ratnan sala' lemulun luk ketecan. Idi na Iko museh kidi-kidi, iamo' Iko lutep bang awaMu. 19Iko miak méi' nekai sekua' teh. Iko miak ngeradu' sala' kai iang daparMu, idi nala' nedeh bang abpa' rayeh! 20Iko miak ngegala' idi Iko lutep maya' jani'Mu idi lutep bang awaMu kuan pupuMu Israil luk inul Ibrahim, maya' kudeng luk pijani'Mu kuan tepun kai bang kareb luk mon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.