MATIUS 28
28
Tui Yésus
(Mrk 16.1–10; Luk 24.1–12; Yah 20.1–10)
1Idi pangeh Aco luk inan Mudeng, kareb lélé macing pekak Aco Minggu ineh teh, Mariam Magdalina idi Mariam luk baken teh iné' nier tanem ineh. 2Denak-denak tana' meruyuh; idi aceh melaikat Tuhan rat bang surga iné' ngelubid kakeb tanem ineh, idi netudo luunneh. 3Ayuneh mepad kudeng kilep, idi ayungneh mebuda' kudeng salju. 4Idi lun luk matar ineh pana' megegker ngaceku matot neneh, mepad kudeng lun naté.
5Idi kebala melaikat nan decur-decur ineh, “Aleg muyuh matot, ngaceku ui kali' muyuh nakap Yésus luk pangeh sinalib ineh. 6Na Ieh idi tungé' ngaceku Ieh pangeh netumui, kudeng luk bilaNeh atun; amé' nier su luk inandeh nengerareng Neneh atun. 7Do' muyuh amé' saget-saget idi mada' anak-anak sekola'Neh, kebala muyuh, Ieh pangeh netumui rat arang lun naté; idi Ieh nalan pa atun muyuh amé' Galilia; déi' muyuh miak nier Neneh. Ngerawé do'-do'! Pangeh ui nemada' nemuyuh.”
8Idi ideh nenalan iket-iket ratnan tanem ineh dengan matot, idi niatdeh pelaba awang idi ideh nupun nated bala ineh kuan anak-anak sekola'Neh.
9Denak-denak Yésus nepapu' nedeh, keburi'Neh, “Awang kuan muyuh.” Idi ideh iné' ngapel kukudNeh idi netekeradung sembayang Neneh. 10Idi kebala Yésus nedeh, “Aleg matot, do' muyuh amé' idi ngecuk kinanak-kinanakKu semuet bang bawang Galilia, idi napeh Ui miak sirendeh déi.”
Bala Lun Matar Tanem
11Laba' decur-decur ineh nalan, sebuang rat arang lun matar ineh nesemuet bang bawang rayeh, idi nemada' kuan lun imam-imam rayeh ratnan amung-amung luk pangeh mangun. 12Idi imam-imam pangeh netebubpun dengan lun rayeh, idi pangeh ideh nepegayam, ideh nemaré mula' usin kuan lun pebunu' ineh, 13keburi'deh, “Do' muyuh mada', ‘Anak-anak sekola'Neh nelulem kareb medacem idi nemano Neneh, laba' kai rudap.’ 14Idi kudeng Lun luk Ngimet Bawang ninger bala ini, kai miak ngubuk neneh, pad muyuh na mesusa'.”
15Idi lun matar ineh nengalap usin ineh, idi ideh nemada' mepad kudeng luk pangeh bida' nedeh. Idi bala ini inan arang lun Yahudi pad macing aco sini pana'.
Yésus Nesilagan Kuan Anak-Anak Sekola'Neh
(Mrk 16.14–18; Luk 24.36–49; Yah 20.19–23; Kek 1.6–8)
16 #
Mat 26.32; Mrk 14.28 Idi pulu' aceh anak sekola' ineh iné' luun surud déi' Galilia luk bida' Yésus kuandeh atun. 17Kareb ideh nenier Neneh, idi ideh netekeradung sembayang Neneh, iamo' sebuangdeh na manu. 18Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku. 19#Kek 1.8 Ngaceku ineh, amé' muyuh idi nganau' amung-amung pupu mangun ku anak-anak sekola'Ku, idi ngerereb nedeh bang ngadan Taman, Anak, idi Roh Meligan. 20Idi mada' nedeh pad ideh maya' amung-amung bala luk icukKu nemuyuh. Idi Ui ngedengan nemuyuh ruked-ruked pad macing kekipedneh.”
Currently Selected:
MATIUS 28: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
MATIUS 28
28
Tui Yésus
(Mrk 16.1–10; Luk 24.1–12; Yah 20.1–10)
1Idi pangeh Aco luk inan Mudeng, kareb lélé macing pekak Aco Minggu ineh teh, Mariam Magdalina idi Mariam luk baken teh iné' nier tanem ineh. 2Denak-denak tana' meruyuh; idi aceh melaikat Tuhan rat bang surga iné' ngelubid kakeb tanem ineh, idi netudo luunneh. 3Ayuneh mepad kudeng kilep, idi ayungneh mebuda' kudeng salju. 4Idi lun luk matar ineh pana' megegker ngaceku matot neneh, mepad kudeng lun naté.
5Idi kebala melaikat nan decur-decur ineh, “Aleg muyuh matot, ngaceku ui kali' muyuh nakap Yésus luk pangeh sinalib ineh. 6Na Ieh idi tungé' ngaceku Ieh pangeh netumui, kudeng luk bilaNeh atun; amé' nier su luk inandeh nengerareng Neneh atun. 7Do' muyuh amé' saget-saget idi mada' anak-anak sekola'Neh, kebala muyuh, Ieh pangeh netumui rat arang lun naté; idi Ieh nalan pa atun muyuh amé' Galilia; déi' muyuh miak nier Neneh. Ngerawé do'-do'! Pangeh ui nemada' nemuyuh.”
8Idi ideh nenalan iket-iket ratnan tanem ineh dengan matot, idi niatdeh pelaba awang idi ideh nupun nated bala ineh kuan anak-anak sekola'Neh.
9Denak-denak Yésus nepapu' nedeh, keburi'Neh, “Awang kuan muyuh.” Idi ideh iné' ngapel kukudNeh idi netekeradung sembayang Neneh. 10Idi kebala Yésus nedeh, “Aleg matot, do' muyuh amé' idi ngecuk kinanak-kinanakKu semuet bang bawang Galilia, idi napeh Ui miak sirendeh déi.”
Bala Lun Matar Tanem
11Laba' decur-decur ineh nalan, sebuang rat arang lun matar ineh nesemuet bang bawang rayeh, idi nemada' kuan lun imam-imam rayeh ratnan amung-amung luk pangeh mangun. 12Idi imam-imam pangeh netebubpun dengan lun rayeh, idi pangeh ideh nepegayam, ideh nemaré mula' usin kuan lun pebunu' ineh, 13keburi'deh, “Do' muyuh mada', ‘Anak-anak sekola'Neh nelulem kareb medacem idi nemano Neneh, laba' kai rudap.’ 14Idi kudeng Lun luk Ngimet Bawang ninger bala ini, kai miak ngubuk neneh, pad muyuh na mesusa'.”
15Idi lun matar ineh nengalap usin ineh, idi ideh nemada' mepad kudeng luk pangeh bida' nedeh. Idi bala ini inan arang lun Yahudi pad macing aco sini pana'.
Yésus Nesilagan Kuan Anak-Anak Sekola'Neh
(Mrk 16.14–18; Luk 24.36–49; Yah 20.19–23; Kek 1.6–8)
16 #
Mat 26.32; Mrk 14.28 Idi pulu' aceh anak sekola' ineh iné' luun surud déi' Galilia luk bida' Yésus kuandeh atun. 17Kareb ideh nenier Neneh, idi ideh netekeradung sembayang Neneh, iamo' sebuangdeh na manu. 18Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku. 19#Kek 1.8 Ngaceku ineh, amé' muyuh idi nganau' amung-amung pupu mangun ku anak-anak sekola'Ku, idi ngerereb nedeh bang ngadan Taman, Anak, idi Roh Meligan. 20Idi mada' nedeh pad ideh maya' amung-amung bala luk icukKu nemuyuh. Idi Ui ngedengan nemuyuh ruked-ruked pad macing kekipedneh.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.