YOEL 2
2
Kato Ineh Mangun Ku Pinginud Aco Tuhan
1Do' nateg tawak luun pegkung Sion,
ieh ineh pegkung Allah luk meligan.
Pad lun pupu Yahuda megegker,
ngaceku aco Tuhan malé macing.
2Aco ineh medacem idi inan mesusa' niat,
idi medacem ku laput.
Kato luk pelaba ula' macing,
mepad kudeng acang luun pegkung kareb pekak.
Na luk mepad kudeng ini atun,
idi muci pana' nateh luk miak mangun kudeng ineh.
3Ideh kuman amung tibu mepad kudeng meseb ku apui.
Pa atundeh tana' ineh mepad kudeng Kabun Eden,
iamo' a puetdeh mepad kudeng bada luk na inan uduh mulun.
Sebuleng pana' nateh luk neketecan inau'deh.
4 #
Lin 9.7–9
Ideh mepad kudeng kuda;
idi apundeh mepad kudeng apun kuda luk amé' pebunu'.
5Kareb ideh uput-uput déi' luun pegkung,
unideh mepad kudeng uni keréta,
idi kudeng uni budud luk tetungen.
Ideh do' atur mepad kudeng baweh luk temina' amé' pebunu'.
6Kareb ideh amé' muneng, amung lemulun matot,
idi kiungdeh mebudi.
7Ideh munu' mepad kudeng lemulun,
idi manad alad mepad kudeng lun pebunu'.
Idi ideh nalan tacu-tacu dengan na umai,
8idi na pili teh.
Na ideh mesabeng ku abpa' idi ar luk inau'deh.
9Ideh semuet bang bawang luk rayeh;
ideh uput maya' luun alad
idi semuet maya' tabuk mepad kudeng lun mano.
10 #
Lin 8.12
Tana' idi langit megegker pa atundeh .
Aco idi bulan medacem,
idi gituen pana' na macang.
11 #
Lin 6.17
Tuhan ngecuk bawehNeh dengan rayeh arod
luk mepad kudeng uni lalam.
Idi amung baweh luk maya' balaNeh
pelaba ula' idi metueh.
Aco Tuhan ineh pelaba dereh!
Idéké luk tuman ratnan ineh?
Tuhan Ngecuk Uren
12Kebala Tuhan, “Do' uren nekini,
idi lemubed maya' Negku dengan niat luk matu,
idi nangi' dengan mawa'
13Nima' niat muyuh luk meberat ngegala' susa' muyuh,
aleg narak kuyu' muyuh sebuleng mo'.”
Lemubed amé' inan Tuhan Allah muyuh.
Ieh do' niat idi panu' ku éi'.
Ieh mulai niat idi maya' jani'Neh.
Ieh pian maré do' idi na sikal ngukum.
14Kian lek, Tuhan Allah tau miak ngisu' terawéNeh,
idi ngeperuan netau dengan uli' luk petap ratnan luk tibuen tau.
Idi tau miak maré tuda'-tuda' baré kuanNeh
ratnan padé idi abpa' anggur.
15Nateg tawak déi' luun Pegkung Sion;
do' ngecuk mawa' na kuman,
idi nganau' aceh tebubpun sembayang.
16Do' ngamung amung lun mula' ineh,
pad ideh temina' amé' ku tebubpun luk meligan.
Do' nguit lun luk mengered
idi anak-anak, idi teh anak luk niti'.
Meluun teh kuan lun luk aweh baruh,
do' necan takepdeh idi amé' tebubpun.
17Do' imam-imam luk ngakem kuan Tuhan
nangi' idi sembayang bang Ruma' Allah, arang tanga' idi bubpun,
kesembayangdeh, “Do' méi' kuan pupuMu, O Tuhan.
Aleg nima' lun pupu baken ngedat nekai idi situnga nekai,
idi pebala, ‘Iapeh Allah muyuh?’ ”
Tuhan Nganau' Tana' Mebaleng Teh
18Idi Tuhan nengegala' éi'Neh kuan bawangNeh idi pupuNeh.
19Idi Ieh nengua' sembayangdeh:
KebalaNeh, “Nekini Ui maré padé nemuyuh,
dengan abpa' anggur idi umau,
pad muyuh mebor,
idi pad lun pupu baken na situnga nemuyuh peh.
20Ui miak nala' baweh kato luk arang muyuh,
luk nacing rat pa tinueh busat aco.
Idi Ui ngusu sebuangdeh amé' déi' su luk ali-ali.
Idi ideh luk pa atun miak uen ngusu amé' Abpa' Maté#2.20 Abpa' Maté, ieh ineh Abpa' luk Mepaci'..
Idi ideh luk pa puet amé' Abpa' Rayeh.
Idi butungdeh miak mebuen.
Ui nganau' kudeng ini ngaceku maya' amung luk inay'deh kuan muyuh.
21“O amung lati', aleg matot,
do' mawang niat idi geriguen,
ngaceku Tuhan nenganau' mula' kuan muyuh.
22O amung pung, aleg matot,
ngaceku inan mula' uduh peh.
Idi amung kayuh pana' kebua';
idi bua' gita' idi bua' anggur pana' mula'.
23“O lun Sion, do; mawang niat,
ngaceku luk inau' Tuhan Allah muyuh kuan muyuh.
Ieh pangeh nemaré udan luk petap,
do' udan luk atun idi udan luk muci pana'.
24Su luk inan rumik miak panu' ku padé;
idi lubang luk iring su luk inan marek bua' anggur ineh
lubpi ku abpa' anggur idi umau.
25Ui miak ngelibal luk na ilap muyuh
bang lak luk inan kato nekuman tibu muyuh.
Ui luk nengecuk baweh ineh nengedereh nemuyuh.
26Nekini muyuh mula' luk kenen idi mebor.
Muyuh miak ngubur Tuhan Allah muyuh,
luk nenganau' luk pelaba do' kuan muyuh.
Idi pupuKu na miak inan situnga baruh peh.
27Kareb ineh, O Israil, muyuh miak kali' Ui idi arang muyuh,
idi Ui ini Tuhan luk Allah muyuh,
idi na luk baken.
Idi pupuKu na miak inan situnga baruh peh.
Ratnan Maré Roh Allah
28 #
Kek 2.17–21
“Muci Ui miak ngutang RohKu luun amung-amung lemulun:
anak muyuh luk deléi idi decur
miak mada' bala luk barénKu,
idi deléi muyuh luk mengered miak nginupi,
idi anak adi' deléi muyuh miak nier luk sirendeh.
29Idi kareb ineh teh Ui miak ngutang RohKu
luun amung demulun pana', do' deléi idi decur.
Tanu' Aco Tuhan
30“Ui miak maré tanu' bang langit idi bang tana'
kareb nateh aco ineh.
Idi inan teh dara', apui, idi rabpun.
31 #
Mat 24.29; Mrk 13.24–25; Luk 21.25; Lin 6.12–13 Aco miak medacem,
idi bulan mesia' kudeng dara',
kareb nateh aco Tuhan luk rayeh luk inan matot ineh macing.
32 #
Rum 10.13
Iamo' amung lemulun luk mutuh pedengan ratnan Tuhan miak uen ngulun.
Mepad kudeng luk bila Tuhan,
‘Inan lemulun luk miak uen ngulun,
luun Pegkung Sion idi déi' Yerusalim.
Lemulun luk pilin Tuhan miak mulun.’ ”
Currently Selected:
YOEL 2: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
YOEL 2
2
Kato Ineh Mangun Ku Pinginud Aco Tuhan
1Do' nateg tawak luun pegkung Sion,
ieh ineh pegkung Allah luk meligan.
Pad lun pupu Yahuda megegker,
ngaceku aco Tuhan malé macing.
2Aco ineh medacem idi inan mesusa' niat,
idi medacem ku laput.
Kato luk pelaba ula' macing,
mepad kudeng acang luun pegkung kareb pekak.
Na luk mepad kudeng ini atun,
idi muci pana' nateh luk miak mangun kudeng ineh.
3Ideh kuman amung tibu mepad kudeng meseb ku apui.
Pa atundeh tana' ineh mepad kudeng Kabun Eden,
iamo' a puetdeh mepad kudeng bada luk na inan uduh mulun.
Sebuleng pana' nateh luk neketecan inau'deh.
4 #
Lin 9.7–9
Ideh mepad kudeng kuda;
idi apundeh mepad kudeng apun kuda luk amé' pebunu'.
5Kareb ideh uput-uput déi' luun pegkung,
unideh mepad kudeng uni keréta,
idi kudeng uni budud luk tetungen.
Ideh do' atur mepad kudeng baweh luk temina' amé' pebunu'.
6Kareb ideh amé' muneng, amung lemulun matot,
idi kiungdeh mebudi.
7Ideh munu' mepad kudeng lemulun,
idi manad alad mepad kudeng lun pebunu'.
Idi ideh nalan tacu-tacu dengan na umai,
8idi na pili teh.
Na ideh mesabeng ku abpa' idi ar luk inau'deh.
9Ideh semuet bang bawang luk rayeh;
ideh uput maya' luun alad
idi semuet maya' tabuk mepad kudeng lun mano.
10 #
Lin 8.12
Tana' idi langit megegker pa atundeh .
Aco idi bulan medacem,
idi gituen pana' na macang.
11 #
Lin 6.17
Tuhan ngecuk bawehNeh dengan rayeh arod
luk mepad kudeng uni lalam.
Idi amung baweh luk maya' balaNeh
pelaba ula' idi metueh.
Aco Tuhan ineh pelaba dereh!
Idéké luk tuman ratnan ineh?
Tuhan Ngecuk Uren
12Kebala Tuhan, “Do' uren nekini,
idi lemubed maya' Negku dengan niat luk matu,
idi nangi' dengan mawa'
13Nima' niat muyuh luk meberat ngegala' susa' muyuh,
aleg narak kuyu' muyuh sebuleng mo'.”
Lemubed amé' inan Tuhan Allah muyuh.
Ieh do' niat idi panu' ku éi'.
Ieh mulai niat idi maya' jani'Neh.
Ieh pian maré do' idi na sikal ngukum.
14Kian lek, Tuhan Allah tau miak ngisu' terawéNeh,
idi ngeperuan netau dengan uli' luk petap ratnan luk tibuen tau.
Idi tau miak maré tuda'-tuda' baré kuanNeh
ratnan padé idi abpa' anggur.
15Nateg tawak déi' luun Pegkung Sion;
do' ngecuk mawa' na kuman,
idi nganau' aceh tebubpun sembayang.
16Do' ngamung amung lun mula' ineh,
pad ideh temina' amé' ku tebubpun luk meligan.
Do' nguit lun luk mengered
idi anak-anak, idi teh anak luk niti'.
Meluun teh kuan lun luk aweh baruh,
do' necan takepdeh idi amé' tebubpun.
17Do' imam-imam luk ngakem kuan Tuhan
nangi' idi sembayang bang Ruma' Allah, arang tanga' idi bubpun,
kesembayangdeh, “Do' méi' kuan pupuMu, O Tuhan.
Aleg nima' lun pupu baken ngedat nekai idi situnga nekai,
idi pebala, ‘Iapeh Allah muyuh?’ ”
Tuhan Nganau' Tana' Mebaleng Teh
18Idi Tuhan nengegala' éi'Neh kuan bawangNeh idi pupuNeh.
19Idi Ieh nengua' sembayangdeh:
KebalaNeh, “Nekini Ui maré padé nemuyuh,
dengan abpa' anggur idi umau,
pad muyuh mebor,
idi pad lun pupu baken na situnga nemuyuh peh.
20Ui miak nala' baweh kato luk arang muyuh,
luk nacing rat pa tinueh busat aco.
Idi Ui ngusu sebuangdeh amé' déi' su luk ali-ali.
Idi ideh luk pa atun miak uen ngusu amé' Abpa' Maté#2.20 Abpa' Maté, ieh ineh Abpa' luk Mepaci'..
Idi ideh luk pa puet amé' Abpa' Rayeh.
Idi butungdeh miak mebuen.
Ui nganau' kudeng ini ngaceku maya' amung luk inay'deh kuan muyuh.
21“O amung lati', aleg matot,
do' mawang niat idi geriguen,
ngaceku Tuhan nenganau' mula' kuan muyuh.
22O amung pung, aleg matot,
ngaceku inan mula' uduh peh.
Idi amung kayuh pana' kebua';
idi bua' gita' idi bua' anggur pana' mula'.
23“O lun Sion, do; mawang niat,
ngaceku luk inau' Tuhan Allah muyuh kuan muyuh.
Ieh pangeh nemaré udan luk petap,
do' udan luk atun idi udan luk muci pana'.
24Su luk inan rumik miak panu' ku padé;
idi lubang luk iring su luk inan marek bua' anggur ineh
lubpi ku abpa' anggur idi umau.
25Ui miak ngelibal luk na ilap muyuh
bang lak luk inan kato nekuman tibu muyuh.
Ui luk nengecuk baweh ineh nengedereh nemuyuh.
26Nekini muyuh mula' luk kenen idi mebor.
Muyuh miak ngubur Tuhan Allah muyuh,
luk nenganau' luk pelaba do' kuan muyuh.
Idi pupuKu na miak inan situnga baruh peh.
27Kareb ineh, O Israil, muyuh miak kali' Ui idi arang muyuh,
idi Ui ini Tuhan luk Allah muyuh,
idi na luk baken.
Idi pupuKu na miak inan situnga baruh peh.
Ratnan Maré Roh Allah
28 #
Kek 2.17–21
“Muci Ui miak ngutang RohKu luun amung-amung lemulun:
anak muyuh luk deléi idi decur
miak mada' bala luk barénKu,
idi deléi muyuh luk mengered miak nginupi,
idi anak adi' deléi muyuh miak nier luk sirendeh.
29Idi kareb ineh teh Ui miak ngutang RohKu
luun amung demulun pana', do' deléi idi decur.
Tanu' Aco Tuhan
30“Ui miak maré tanu' bang langit idi bang tana'
kareb nateh aco ineh.
Idi inan teh dara', apui, idi rabpun.
31 #
Mat 24.29; Mrk 13.24–25; Luk 21.25; Lin 6.12–13 Aco miak medacem,
idi bulan mesia' kudeng dara',
kareb nateh aco Tuhan luk rayeh luk inan matot ineh macing.
32 #
Rum 10.13
Iamo' amung lemulun luk mutuh pedengan ratnan Tuhan miak uen ngulun.
Mepad kudeng luk bila Tuhan,
‘Inan lemulun luk miak uen ngulun,
luun Pegkung Sion idi déi' Yerusalim.
Lemulun luk pilin Tuhan miak mulun.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.