YAKUB 4
4
Rurum Dengan Tana' Ini
1Rat iapehké acingneh pebunu', idi rat iapehké acingneh kedaluh luk arang muyuh? Acingdeh ratnan pian burur muyuh luk sikal metueh bang niat muyuh. 2Muyuh melili, iamo' na muyuh miak ngalap. Muyuh ngaté idi mét niat, iamo' na muyuh miak ngalap; muyuh pekedaluh idi pebunu', iamo' na muyuh miak ngalap ngaceku muyuh na mutuh ratnan Allah. 3Idi muyuh mutuh, iamo' muyuh na miak ngalap, ngaceku putuh muyuh sala'. Muyuh mutuh luk ngawang niat muyuh sebuleng. 4O muyuh luk na lutep! Naké muyuh kali' idi rurum dengan tana' ini, ieh ineh pebunu' dengan Allah? Kudeng idé-idé luk sikal perurum dengan tana' ini, ieh ineh luk mangun ku bunu' Allah. 5Idi mo'-mo'ké bang terawé muyuh luk bila bang Surat Allah, “Roh luk tinudo Allah bang netau mepanu' ku lili luk rayeh?” 6#Bal 3.34 Iamo' katu luk barén Allah meluun tueh. Maya' kudeng bala bang Surat Allah, “Allah sikal metueh ratnan lemulun luk medita' niat, iamo' Ieh maré katu kuan lemulun luk mebeneh niat.” 7Do' maré burur muyuh kuan Allah, iamo' megateh inan Iblis, idi Iblis ineh miak buro rat nemuyuh. 8Do' muneng inan Allah idi Ieh miak muneng nemuyuh. Maru' ticu' muyuh, O muyuh lun mesala'; idi ngeligan niat muyuh, O muyuh luk perapid niat. 9Do' nginuud dengan temido idi nangi', idi do' riruh muyuh mangun ku tido, idi awang muyuh mangun ku susa'. 10Ngebeneh burur muyuh pa kiung Allah, idi Ieh miak ngedita' nemuyuh teh.
Aleg Ngedat Lemulun
11O kinanak-kinanakku, aleg seburur ngedat lemulun. Lemulun luk ngedat kinanakneh idi ngesala' kinanakneh, ieh luk ngedat Ukum idi ngesala' Ukum ineh teh. Iamo' kudeng iko ngesala' Ukum ineh, na iko lemulun luk maya' Ukum ineh, iamo' mangun ku luk mutut neneh. 12Idi inan Sebuleng mo' luk maré ukum idi luk mangun ku lun luk mutut besara', ieh ineh Allah luk melalud ngulun idi ngaté, iamo' idéké iko ini luk ngesala' lun denganmu?
Aleg Pebala Dengan Medita' Niat
13O muyuh luk pebala, “Aco sini idi nebpa do' tau amé' bawang keceh idi tudo selak déi', idi pepua' idi nakap binaweh luk do'.” 14#Bal 27.1 Iamo' setuneh na muyuh kali' anun luk miak mangun nebpa. Kudeng apehké ulun muyuh ineh? Ngaceku muyuh mepad kudeng aceh non luk megala' segageh mo' idi metutu'. 15Iamo' do' muyuh pebala, “Kudeng pian Tuhan, tau miak mulun nganau' ini idi ineh.” 16Iamo' nekini muyuh ngerayeh burur muyuh ngaceku dita' niat muyuh ineh. Idi bala luk medita' ineh dat.
17Ngaceku ineh, kudeng lemulun kali' nganau' luk do', iamo' na ieh nganau' luk kudeng ineh, idi ini mangun ku sala' kuanneh.
Currently Selected:
YAKUB 4: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
YAKUB 4
4
Rurum Dengan Tana' Ini
1Rat iapehké acingneh pebunu', idi rat iapehké acingneh kedaluh luk arang muyuh? Acingdeh ratnan pian burur muyuh luk sikal metueh bang niat muyuh. 2Muyuh melili, iamo' na muyuh miak ngalap. Muyuh ngaté idi mét niat, iamo' na muyuh miak ngalap; muyuh pekedaluh idi pebunu', iamo' na muyuh miak ngalap ngaceku muyuh na mutuh ratnan Allah. 3Idi muyuh mutuh, iamo' muyuh na miak ngalap, ngaceku putuh muyuh sala'. Muyuh mutuh luk ngawang niat muyuh sebuleng. 4O muyuh luk na lutep! Naké muyuh kali' idi rurum dengan tana' ini, ieh ineh pebunu' dengan Allah? Kudeng idé-idé luk sikal perurum dengan tana' ini, ieh ineh luk mangun ku bunu' Allah. 5Idi mo'-mo'ké bang terawé muyuh luk bila bang Surat Allah, “Roh luk tinudo Allah bang netau mepanu' ku lili luk rayeh?” 6#Bal 3.34 Iamo' katu luk barén Allah meluun tueh. Maya' kudeng bala bang Surat Allah, “Allah sikal metueh ratnan lemulun luk medita' niat, iamo' Ieh maré katu kuan lemulun luk mebeneh niat.” 7Do' maré burur muyuh kuan Allah, iamo' megateh inan Iblis, idi Iblis ineh miak buro rat nemuyuh. 8Do' muneng inan Allah idi Ieh miak muneng nemuyuh. Maru' ticu' muyuh, O muyuh lun mesala'; idi ngeligan niat muyuh, O muyuh luk perapid niat. 9Do' nginuud dengan temido idi nangi', idi do' riruh muyuh mangun ku tido, idi awang muyuh mangun ku susa'. 10Ngebeneh burur muyuh pa kiung Allah, idi Ieh miak ngedita' nemuyuh teh.
Aleg Ngedat Lemulun
11O kinanak-kinanakku, aleg seburur ngedat lemulun. Lemulun luk ngedat kinanakneh idi ngesala' kinanakneh, ieh luk ngedat Ukum idi ngesala' Ukum ineh teh. Iamo' kudeng iko ngesala' Ukum ineh, na iko lemulun luk maya' Ukum ineh, iamo' mangun ku luk mutut neneh. 12Idi inan Sebuleng mo' luk maré ukum idi luk mangun ku lun luk mutut besara', ieh ineh Allah luk melalud ngulun idi ngaté, iamo' idéké iko ini luk ngesala' lun denganmu?
Aleg Pebala Dengan Medita' Niat
13O muyuh luk pebala, “Aco sini idi nebpa do' tau amé' bawang keceh idi tudo selak déi', idi pepua' idi nakap binaweh luk do'.” 14#Bal 27.1 Iamo' setuneh na muyuh kali' anun luk miak mangun nebpa. Kudeng apehké ulun muyuh ineh? Ngaceku muyuh mepad kudeng aceh non luk megala' segageh mo' idi metutu'. 15Iamo' do' muyuh pebala, “Kudeng pian Tuhan, tau miak mulun nganau' ini idi ineh.” 16Iamo' nekini muyuh ngerayeh burur muyuh ngaceku dita' niat muyuh ineh. Idi bala luk medita' ineh dat.
17Ngaceku ineh, kudeng lemulun kali' nganau' luk do', iamo' na ieh nganau' luk kudeng ineh, idi ini mangun ku sala' kuanneh.
BALA LUK DO' Lun Bawang Bible © The Bible Society of Malaysia 1982, Second Edition 1998.