HOSIA 5
5
1“O muyuh lun imam, ninger bala ini! O muyuh lun Israil, ninger do'-do'! O muyuh luk tetek ruma' raca', ninger! Petulu muyuh ngukum nelun baken, iamo' muyuh sebuleng miak kumin. 2Muyuh pangeh mangun ku aceh abpung déi' Mispa, idi aceh rabat luun Surud Tabor. Muyuh sikal metueh, pad muyuh ucet nganau' sala', idi Ui ngukum amung-amung muyuh. 3Ui kali' kekamen lun Israil — na ideh miak sigapung rat Negku. Israil na lutep maya Negku idi pupu ineh pangeh nengelutak bururdeh.”
Hosia Mebpeng Na Sembayang Inan Akang
4Kekamen lun Israil luk dat ngetueh niatdeh pad ideh na lumi inan Allah. Ideh mangun ku demulun akang, pad ideh na manu inan Tuhan. 5Dita' niat lun Israil luk ngadu' bururdeh sebuleng. Sala'deh nganau' nedeh metebaceng idi mebpeh, idi lun Yahuda pana' mebpeh metebaya' dengandeh. 6Sagan tu pana' ideh nguit dumba idi sapi'deh mangun ku baré kuan Tuhan, na ulekneh. Ideh na miak kali' Neneh, ngaceku Ieh pangeh nenecan nedeh. 7Ideh nemasui Tuhan, idi na lutep maya' Neneh; idi anakdeh pana' baken anak Tuhan. Ngaceku ineh tana'deh miak uen ngusag.
Bunu' Arang Lun Yahuda Dengan Lun Israil
8Nateg tawak déi' Gibia idi déi' Rama pana'! Ngitang déi' Baitel! Amé' pebunu', O lun Beniamin! 9Israil uen ngusag kareb aco ukumneh. Ui mada' arang pupu-pupu Israil ratnan luk na miak na mangun!
10Kebala Tuhan, “Ui museh ngaceku lun luk ngimet Yahuda pangeh nemano tana' kinanak-kinanakdeh, idi Ui miak ngacing ukum kuandeh mepad kudeng tubu' belen. 11Israil inan susa'. Tana'neh sebuleng pangeh inaro ngaceku ieh nemutuh pedengan ratnan akang luk na miak ngedengan neneh. 12Ngaceku ineh Ui miak ngusag Israil idi lun Yahuda pana'.
13“Kareb Israil nekali' étneh, idi Yahuda nenier uratneh, idi Israil iné' déi' Asur mutuh raca' rayeh ngedengan nedeh, iamo' na ieh miak ngedo' étdeh idi uratdeh ineh. 14Ui miak ngeramit nelun Israil idi Yahuda mepad kudeng balang luk mesangit. Ui sebuleng miak ngeramit nedeh idi necan nedeh. Ui miak naban nedeh pad seburur pana' nateh luk miak ngulun nedeh.
15“Ui miak necan pupuKu pad ideh medereh ku sala'deh, idi ideh amé' nakap Negku. Kian bang derehdeh ideh nutun nakap Negku lek.”
Currently Selected:
HOSIA 5: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
HOSIA 5
5
1“O muyuh lun imam, ninger bala ini! O muyuh lun Israil, ninger do'-do'! O muyuh luk tetek ruma' raca', ninger! Petulu muyuh ngukum nelun baken, iamo' muyuh sebuleng miak kumin. 2Muyuh pangeh mangun ku aceh abpung déi' Mispa, idi aceh rabat luun Surud Tabor. Muyuh sikal metueh, pad muyuh ucet nganau' sala', idi Ui ngukum amung-amung muyuh. 3Ui kali' kekamen lun Israil — na ideh miak sigapung rat Negku. Israil na lutep maya Negku idi pupu ineh pangeh nengelutak bururdeh.”
Hosia Mebpeng Na Sembayang Inan Akang
4Kekamen lun Israil luk dat ngetueh niatdeh pad ideh na lumi inan Allah. Ideh mangun ku demulun akang, pad ideh na manu inan Tuhan. 5Dita' niat lun Israil luk ngadu' bururdeh sebuleng. Sala'deh nganau' nedeh metebaceng idi mebpeh, idi lun Yahuda pana' mebpeh metebaya' dengandeh. 6Sagan tu pana' ideh nguit dumba idi sapi'deh mangun ku baré kuan Tuhan, na ulekneh. Ideh na miak kali' Neneh, ngaceku Ieh pangeh nenecan nedeh. 7Ideh nemasui Tuhan, idi na lutep maya' Neneh; idi anakdeh pana' baken anak Tuhan. Ngaceku ineh tana'deh miak uen ngusag.
Bunu' Arang Lun Yahuda Dengan Lun Israil
8Nateg tawak déi' Gibia idi déi' Rama pana'! Ngitang déi' Baitel! Amé' pebunu', O lun Beniamin! 9Israil uen ngusag kareb aco ukumneh. Ui mada' arang pupu-pupu Israil ratnan luk na miak na mangun!
10Kebala Tuhan, “Ui museh ngaceku lun luk ngimet Yahuda pangeh nemano tana' kinanak-kinanakdeh, idi Ui miak ngacing ukum kuandeh mepad kudeng tubu' belen. 11Israil inan susa'. Tana'neh sebuleng pangeh inaro ngaceku ieh nemutuh pedengan ratnan akang luk na miak ngedengan neneh. 12Ngaceku ineh Ui miak ngusag Israil idi lun Yahuda pana'.
13“Kareb Israil nekali' étneh, idi Yahuda nenier uratneh, idi Israil iné' déi' Asur mutuh raca' rayeh ngedengan nedeh, iamo' na ieh miak ngedo' étdeh idi uratdeh ineh. 14Ui miak ngeramit nelun Israil idi Yahuda mepad kudeng balang luk mesangit. Ui sebuleng miak ngeramit nedeh idi necan nedeh. Ui miak naban nedeh pad seburur pana' nateh luk miak ngulun nedeh.
15“Ui miak necan pupuKu pad ideh medereh ku sala'deh, idi ideh amé' nakap Negku. Kian bang derehdeh ideh nutun nakap Negku lek.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.