IBERANI 5
5
1Anid-anid Imam Rayeh ineh pinili' rat arang lemulun, idi litep ngakem kuan Allah ngaceku lemulun, pad ideh maré luk barén idi luk kereten luun bubpun kuan Tuhan, ngaceku sala' lemulun. 2Ngaceku ieh sebuleng melaya' ieh miak mulai niat kuan lemulun luk mebacé idi neraruh. 3#Uk 9.7 Idi ratnan ineh na miak na ideh maré luk kereten ngaceku sala', baken ngaceku pupu ineh mo', iamo' ngaceku bururneh sebuleng teh. 4#Pur 28.1 Na luk idi seburur pana' luk miak ngalap dita' ineh kuan bururneh sebuleng, iamo' kudeng ieh tinawar Allah, mepad kudeng Arun, ieh miak mangun ku Imam Rayeh.
5 #
Nani 2.7
Kudeng ineh teh Keristus pana', na Ieh nengerayeh bururNeh pad Ieh mangun ku Imanm Rayeh, iamo' Allah luk nepebala Neneh,
“Iko ini AnakKu;
Aco Sini Ui mangun ku TamanMu.”
6 #
Nani 110.4
Idi teh Ieh nepebala bang ayat baken teh,
“Iko ini Imam luk ruked-ruked
maya' dalan Melkisedek.”
7 #
Mat 26.36–46; Mrk 14.32–42; Luk 22.39–46 Kareb Yésus mulun bang tana' ini, Ieh pana' nesembayang idi nemutuh dengan rayeh arod idi tangi' pa kiung Allah luk melalud ngulun Neneh ratnan até. Idi sembayang Yésus pangeh pindenger Allah ngaceku Ieh nengebeneh bururNeh pa kiung Allah. 8Sagan pana' Ieh Anak Allah, Ieh nesibada' maya' bala ngaceku amung-amung derehNeh. 9Kareb Ieh pangeh linigan, Ieh mangun ku lawa ulun luk meruked kuan amung lemulun luk maya' balaNeh, 10idi Ieh titen Allah, Imam Rayeh maya' adat Melkisedek.
Bada' Pad Na Meraruh
11Inan mula' luk miak belén tau ratnan ini, iamo' na tau miak ngegala' ineh, ngaceku muyuh na miak kali' ilungneh. 12#1 Kor 3.2 Setuneh petulu muyuh miak mangun ku guru ngaceku muyuh mio maya', iamo' na miak na muyuh badén teh ratnan bada' Allah luk pun-pun. Muyuh ineh lemulun luk na miak kuman akan luk metueh, iamo' muyuh lakat niti'. 13Ngaceku lemulun luk niti' na pekalai ku bada' luk ratnan luk matu ngaceku ieh anak. 14Iamo' akan luk metueh ineh kuan lemulun luk rayeh ulun, ieh ineh kuan lemulun luk pangeh pekalai ratnan ilehneh, pad miak mili' luk do' idi luk dat.
Currently Selected:
IBERANI 5: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
IBERANI 5
5
1Anid-anid Imam Rayeh ineh pinili' rat arang lemulun, idi litep ngakem kuan Allah ngaceku lemulun, pad ideh maré luk barén idi luk kereten luun bubpun kuan Tuhan, ngaceku sala' lemulun. 2Ngaceku ieh sebuleng melaya' ieh miak mulai niat kuan lemulun luk mebacé idi neraruh. 3#Uk 9.7 Idi ratnan ineh na miak na ideh maré luk kereten ngaceku sala', baken ngaceku pupu ineh mo', iamo' ngaceku bururneh sebuleng teh. 4#Pur 28.1 Na luk idi seburur pana' luk miak ngalap dita' ineh kuan bururneh sebuleng, iamo' kudeng ieh tinawar Allah, mepad kudeng Arun, ieh miak mangun ku Imam Rayeh.
5 #
Nani 2.7
Kudeng ineh teh Keristus pana', na Ieh nengerayeh bururNeh pad Ieh mangun ku Imanm Rayeh, iamo' Allah luk nepebala Neneh,
“Iko ini AnakKu;
Aco Sini Ui mangun ku TamanMu.”
6 #
Nani 110.4
Idi teh Ieh nepebala bang ayat baken teh,
“Iko ini Imam luk ruked-ruked
maya' dalan Melkisedek.”
7 #
Mat 26.36–46; Mrk 14.32–42; Luk 22.39–46 Kareb Yésus mulun bang tana' ini, Ieh pana' nesembayang idi nemutuh dengan rayeh arod idi tangi' pa kiung Allah luk melalud ngulun Neneh ratnan até. Idi sembayang Yésus pangeh pindenger Allah ngaceku Ieh nengebeneh bururNeh pa kiung Allah. 8Sagan pana' Ieh Anak Allah, Ieh nesibada' maya' bala ngaceku amung-amung derehNeh. 9Kareb Ieh pangeh linigan, Ieh mangun ku lawa ulun luk meruked kuan amung lemulun luk maya' balaNeh, 10idi Ieh titen Allah, Imam Rayeh maya' adat Melkisedek.
Bada' Pad Na Meraruh
11Inan mula' luk miak belén tau ratnan ini, iamo' na tau miak ngegala' ineh, ngaceku muyuh na miak kali' ilungneh. 12#1 Kor 3.2 Setuneh petulu muyuh miak mangun ku guru ngaceku muyuh mio maya', iamo' na miak na muyuh badén teh ratnan bada' Allah luk pun-pun. Muyuh ineh lemulun luk na miak kuman akan luk metueh, iamo' muyuh lakat niti'. 13Ngaceku lemulun luk niti' na pekalai ku bada' luk ratnan luk matu ngaceku ieh anak. 14Iamo' akan luk metueh ineh kuan lemulun luk rayeh ulun, ieh ineh kuan lemulun luk pangeh pekalai ratnan ilehneh, pad miak mili' luk do' idi luk dat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.