HAGAI 2
2
Ubur Ruma' Allah Luk Mebaruh
1Dueh ngepulu' aceh aco bulan tudu' bang lak ineh, Tuhan nepebala dengan tang Nabi Hagai. 2Ieh nengecuk ni Hagai nepebala kuan Serubabel, lun rayeh Yahuda, idi kuan Yosua luk Imam Rayeh, idi teh kuan lemulun bang bawang ineh. KebalaNeh nedeh, 3#Esr 3.12 “Idéké rat arang muyuh luk nekali' kudeng apeh do'neh Ruma' Allah ini atun? Kudeng apehké kido'neh nekini? Na ieh mangun ku anun-anun sirenmu nekini. 4Do' iko lutep nekini, O Serubabel, ngaceku Tuhan luk pebala. Idi do' iko mekuu', O Yosua Yosadak, luk Imam Rayeh. O lun muyuh luk bang bawang ini, do' muyuh mekuu'! Ngaceku Tuhan luk pebala. Do' muyuh ngakem! Ui idi dengan muyuh, 5#Pur 29.45–46 maya' kudeng jani'Ku nemuyuh kareb muyuh neremuat rat bang bawang Masir. Idi RohKu tudo arang muyuh. Aleg muyuh matot.
6 #
Ibr 12.26
“Na mio teh Ui miak nguyu' langit, tana', idi abpa'. 7Ui miak ngegker amung pupu, idi binawehdeh miak iten amé' bang Ruma' Allah, pad ieh mepanu' ku binaweh luk meraga. 8Amung pirak idi amas luk bang tana' ini Ui kuan. 9Kali' rungen Ruma' Allah luk mebaruh meluun do' ratnan Ruma' luk mon ineh. Idi bang bawang ini Ui miak ngeperuan pupuKu pad ideh do' udeng.” Tuhan luk Melalud pangeh nepebala.
Nabi Hagai Pegayem Nelun Imam
10Dueh ngepulu' apat aco bulan iwa' bang lak luk kedueh kareb imet Raca' Darius, Tuhan luk Melalud nepebala ni Nabi Hagai sekua' teh. 11KebalaNeh, “Ngitun amung imam ratnan ukum ini: 12Kudeng seburur lemulun nguit sesuut uang pung luk linigan ratnan aceh baré, linulun bang kayu'neh, idi kudeng kuyu' ineh mekaneh ku ruti, nuba', abpa' anggur, umau saitun, kian akan luk baken lek, miakké akan ineh mangun meligan?”
Idi amung imam nengor bala Tuhan, kebaladeh, “Na miak.”
13 #
Iap 19.11–22
Idi Hagai nengitun imam-imam ineh, kebalaneh, “Kudeng seburur lemulun melutak ngaceku ieh pangeh nengakem butung, idi kudeng ieh ngakem sesuut ratnan akan ini, miakké akan ineh mangun melutak?”
Idi imam ineh nengor balaneh, kebaladeh, “Miak.”
14Idi kebala Hagai, “Tuhan pebala, ‘Kudeng ineh teh pupu ini, idi amung-amung luk ruendeh, pad amung-amung luk baréndeh luun bubpun pana' melutak.’ ”
Tuhan Pejani' Maré Peruan
15Kebala Tuhan, “Ngerawé do'-do' ratnan luk pangeh nangun kuan muyuh. Kareb nateh muyuh nengimun mudut Ruma' Allah baruh, 16muyuh megéi' amé' lepo padé ngerawé ngalap dueh ngepulu' gatang, iamo' inan pulu' gatang mo'. Muyuh megéi' amé' ngook limeh ngepulu' gilin abpa' anggur rat bang rubi, iamo' inan dueh ngepulu' gilin mo'. 17Ui nemaré uled, luping, idi udan batu pad amung-amung luk tibuen muyuh melu. Iamo' na muyuh uren ku ineh. 18Ngerawé do'-do' ratnan luk miak mangun rat pad sini, ieh ineh dueh ngepulu' apat aco bulan iwa', ngaceku alen Ruma' Allah pangeh inau'. 19Na' luk idi padé ketecan. Anggur, gita', delima, idi saitun nateh nekebua'. Iamo' rat pad sini Ui pian ngeperuan nemuyuh.”
Jani' Tuhan Ni Serubabel
20Bang aco sineh teh, ieh ineh dueh ngepulu' apat aco bulan, Tuhan nemaré bala luk kedueh kua' ni Hagai: 21“Mada' ni Serubabel, lun rayeh Yahuda ineh, kebalamu, ‘Ui malé nguyu' langit idi tana'. 22Ui malé ngusag tuda'-tuda' imet, pad ngagka' laluddeh. Ui miak ngelupat keréta-keréta dengan lun luk ngimet ineh. Amung kuda miak maté, idi lun luk maya' kuda pana' miak pepaté. 23Bang aco sineh, Ui miak ngalap namu, O Serubabel demulunKu. Idi Ui miak nganau' namu mangun ku raca' pa luun pupuKu. Iko sebuleng luk pinili'Ku.’ ” Tuhan luk Melalud pangeh nepebala.
Currently Selected:
HAGAI 2: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
HAGAI 2
2
Ubur Ruma' Allah Luk Mebaruh
1Dueh ngepulu' aceh aco bulan tudu' bang lak ineh, Tuhan nepebala dengan tang Nabi Hagai. 2Ieh nengecuk ni Hagai nepebala kuan Serubabel, lun rayeh Yahuda, idi kuan Yosua luk Imam Rayeh, idi teh kuan lemulun bang bawang ineh. KebalaNeh nedeh, 3#Esr 3.12 “Idéké rat arang muyuh luk nekali' kudeng apeh do'neh Ruma' Allah ini atun? Kudeng apehké kido'neh nekini? Na ieh mangun ku anun-anun sirenmu nekini. 4Do' iko lutep nekini, O Serubabel, ngaceku Tuhan luk pebala. Idi do' iko mekuu', O Yosua Yosadak, luk Imam Rayeh. O lun muyuh luk bang bawang ini, do' muyuh mekuu'! Ngaceku Tuhan luk pebala. Do' muyuh ngakem! Ui idi dengan muyuh, 5#Pur 29.45–46 maya' kudeng jani'Ku nemuyuh kareb muyuh neremuat rat bang bawang Masir. Idi RohKu tudo arang muyuh. Aleg muyuh matot.
6 #
Ibr 12.26
“Na mio teh Ui miak nguyu' langit, tana', idi abpa'. 7Ui miak ngegker amung pupu, idi binawehdeh miak iten amé' bang Ruma' Allah, pad ieh mepanu' ku binaweh luk meraga. 8Amung pirak idi amas luk bang tana' ini Ui kuan. 9Kali' rungen Ruma' Allah luk mebaruh meluun do' ratnan Ruma' luk mon ineh. Idi bang bawang ini Ui miak ngeperuan pupuKu pad ideh do' udeng.” Tuhan luk Melalud pangeh nepebala.
Nabi Hagai Pegayem Nelun Imam
10Dueh ngepulu' apat aco bulan iwa' bang lak luk kedueh kareb imet Raca' Darius, Tuhan luk Melalud nepebala ni Nabi Hagai sekua' teh. 11KebalaNeh, “Ngitun amung imam ratnan ukum ini: 12Kudeng seburur lemulun nguit sesuut uang pung luk linigan ratnan aceh baré, linulun bang kayu'neh, idi kudeng kuyu' ineh mekaneh ku ruti, nuba', abpa' anggur, umau saitun, kian akan luk baken lek, miakké akan ineh mangun meligan?”
Idi amung imam nengor bala Tuhan, kebaladeh, “Na miak.”
13 #
Iap 19.11–22
Idi Hagai nengitun imam-imam ineh, kebalaneh, “Kudeng seburur lemulun melutak ngaceku ieh pangeh nengakem butung, idi kudeng ieh ngakem sesuut ratnan akan ini, miakké akan ineh mangun melutak?”
Idi imam ineh nengor balaneh, kebaladeh, “Miak.”
14Idi kebala Hagai, “Tuhan pebala, ‘Kudeng ineh teh pupu ini, idi amung-amung luk ruendeh, pad amung-amung luk baréndeh luun bubpun pana' melutak.’ ”
Tuhan Pejani' Maré Peruan
15Kebala Tuhan, “Ngerawé do'-do' ratnan luk pangeh nangun kuan muyuh. Kareb nateh muyuh nengimun mudut Ruma' Allah baruh, 16muyuh megéi' amé' lepo padé ngerawé ngalap dueh ngepulu' gatang, iamo' inan pulu' gatang mo'. Muyuh megéi' amé' ngook limeh ngepulu' gilin abpa' anggur rat bang rubi, iamo' inan dueh ngepulu' gilin mo'. 17Ui nemaré uled, luping, idi udan batu pad amung-amung luk tibuen muyuh melu. Iamo' na muyuh uren ku ineh. 18Ngerawé do'-do' ratnan luk miak mangun rat pad sini, ieh ineh dueh ngepulu' apat aco bulan iwa', ngaceku alen Ruma' Allah pangeh inau'. 19Na' luk idi padé ketecan. Anggur, gita', delima, idi saitun nateh nekebua'. Iamo' rat pad sini Ui pian ngeperuan nemuyuh.”
Jani' Tuhan Ni Serubabel
20Bang aco sineh teh, ieh ineh dueh ngepulu' apat aco bulan, Tuhan nemaré bala luk kedueh kua' ni Hagai: 21“Mada' ni Serubabel, lun rayeh Yahuda ineh, kebalamu, ‘Ui malé nguyu' langit idi tana'. 22Ui malé ngusag tuda'-tuda' imet, pad ngagka' laluddeh. Ui miak ngelupat keréta-keréta dengan lun luk ngimet ineh. Amung kuda miak maté, idi lun luk maya' kuda pana' miak pepaté. 23Bang aco sineh, Ui miak ngalap namu, O Serubabel demulunKu. Idi Ui miak nganau' namu mangun ku raca' pa luun pupuKu. Iko sebuleng luk pinili'Ku.’ ” Tuhan luk Melalud pangeh nepebala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.