EPESUS 2
2
Ratnan Até Macing Inan Ulun
1Atun muyuh pangeh naté ngaceku amung-amung dat idi sala' muyuh. 2Kareb ineh muyuh nemaya' ulun tana' ini luk dat; muyuh nemaya' raca' amung-amung lalud luk arang gawa', ieh ineh roh luk ngakem nekini bang niat lemulun luk ngelaba bala Allah. 3Setuneh atun amung tau mepad kudeng ideh. Tau mulun maya' pinian burur tau, idi nenganau' anun-anun luk petulu dengan terawé tau. Idi tau pangeh nekaneh useh Allah mepad kudeng lun baken ineh teh.
4Iamo' éi' Allah pelaba rayeh, idi awaNeh kuan tau pana' rayeh, 5#Kol 2.13 pad kareb tau naté ngaceku sala' tau, Ieh pangeh nengulun netau pad-pad dengan Keristus. Muyuh pangeh inulun ngaceku katu Allah, 6idi bang Keristus Yésus Ieh pangeh nenui idi nengetudo netau, pelé tau pad-pad ngimet dengan Keristus déi' surga. 7Allah nenganau' ini pelé ngegala' macing ruked-ruked, katuNeh luk pelaba rayeh, ieh ineh awaNeh luk ginala' kuan tau bang Keristus Yésus. 8Ngaceku dengan katu Allah muyuh inulun ngaceku ratnan anu, idi ini baken kekamen muyuh, iamo' baré Allah, 9baken ratnan kekamen, pad seburur na ngedita' bururneh. 10Ngaceku tau ini luk pinudut Allah, inau'Neh bang Keristus Yésus pad nganau' kekamen luk do' luk tinina' Allah kuan tau.
Sebuleng Bang Keristus
11O muyuh lun luk tinganak pupu baken luk titen lun Yahudi na sinunat, do' ngerawé kudeng apeh ulun muyuh mon. (Iamo' lun Yahudi ngamo bururdeh sebuleng sinunat. Sunat ineh aceh adat luk ruen lemulun kuan bururdeh sebuleng.) 12Kareb ineh muyuh mado ratnan Keristus. Muyuh na iniap dengan pupu Allah luk pinili'. Muyuh na nengalap babpat bang jani' luk pijani' Allah kuan pupuNeh. Muyuh mulun bang tana' ini dengan na rapet, idi na Tuhan. 13Iamo' bang Keristus Yésus, muyuh luk atun mado, nekini pangeh muneng ngaceku ratnan dara' Keristus. 14Ngaceku Keristus sebuleng mangun ku pedo' kuan tau. Ngaceku Ieh nenganau' nelun Yahudi idi lun pupu baken ineh mangun ku sebuleng pupu. Dengan bururNeh sebuleng Keristus nengusag alad luk nematad nedeh pad ideh pebunu'. 15#Kol 2.14 Ieh nenala' Ukum lun Yahudi dengan amung-amung adatdeh, idi Ieh nemudut ratnan dueh babpat ineh sebuleng pupu luk perurum Neneh. Idi dengan ineh Ieh nengacing pedo'. 16#Kol 1.20 Ratnan atéNeh luun kayuh salib Keristus nengagka' bunu' ineh. Dengan salibNeh Ieh nenguit dueh babpat ineh pedo' dengan Allah pad ideh mangun ku sebuleng burur kuan Allah. 17#Yes 57.19 Idi Keristus nacing mada' Bala luk Do' ratnan awang idi pedo' kuan muyuh luk mado ratnan Allah idi kuan lun Yahudi luk muneng Neneh. 18Ngaceku ratnan Keristus teh tau luk dueh babpat ini miak amé' matun Taman bang Roh luk sebuleng ineh.
19Ngaceku ineh baken muyuh lun pupu baken idi lun sakai teh, iamo' nekini muyuh ineh lun kuan bawang mepad dengan lun manu. Idi teh muyuh mangun ku setetek ruma' dengan Allah. 20Muyuh pana' pinudut pa luun tapin luk rireng rasul-rasul idi nabi-nabi, idi batu lidung, ieh ineh Keristus Yésus sebuleng. 21Idi bang Keristus amung-amung pudut pebuun, idi amé'-amé' rayeh mangun ku Ruma' Allah luk meligan bang Tuhan. 22Idi bang Keristus ineh teh muyuh ini pana' pinudut pad-pad mangun ku luk inan Allah tudo ngaceku ratnan RohNeh.
Currently Selected:
EPESUS 2: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
EPESUS 2
2
Ratnan Até Macing Inan Ulun
1Atun muyuh pangeh naté ngaceku amung-amung dat idi sala' muyuh. 2Kareb ineh muyuh nemaya' ulun tana' ini luk dat; muyuh nemaya' raca' amung-amung lalud luk arang gawa', ieh ineh roh luk ngakem nekini bang niat lemulun luk ngelaba bala Allah. 3Setuneh atun amung tau mepad kudeng ideh. Tau mulun maya' pinian burur tau, idi nenganau' anun-anun luk petulu dengan terawé tau. Idi tau pangeh nekaneh useh Allah mepad kudeng lun baken ineh teh.
4Iamo' éi' Allah pelaba rayeh, idi awaNeh kuan tau pana' rayeh, 5#Kol 2.13 pad kareb tau naté ngaceku sala' tau, Ieh pangeh nengulun netau pad-pad dengan Keristus. Muyuh pangeh inulun ngaceku katu Allah, 6idi bang Keristus Yésus Ieh pangeh nenui idi nengetudo netau, pelé tau pad-pad ngimet dengan Keristus déi' surga. 7Allah nenganau' ini pelé ngegala' macing ruked-ruked, katuNeh luk pelaba rayeh, ieh ineh awaNeh luk ginala' kuan tau bang Keristus Yésus. 8Ngaceku dengan katu Allah muyuh inulun ngaceku ratnan anu, idi ini baken kekamen muyuh, iamo' baré Allah, 9baken ratnan kekamen, pad seburur na ngedita' bururneh. 10Ngaceku tau ini luk pinudut Allah, inau'Neh bang Keristus Yésus pad nganau' kekamen luk do' luk tinina' Allah kuan tau.
Sebuleng Bang Keristus
11O muyuh lun luk tinganak pupu baken luk titen lun Yahudi na sinunat, do' ngerawé kudeng apeh ulun muyuh mon. (Iamo' lun Yahudi ngamo bururdeh sebuleng sinunat. Sunat ineh aceh adat luk ruen lemulun kuan bururdeh sebuleng.) 12Kareb ineh muyuh mado ratnan Keristus. Muyuh na iniap dengan pupu Allah luk pinili'. Muyuh na nengalap babpat bang jani' luk pijani' Allah kuan pupuNeh. Muyuh mulun bang tana' ini dengan na rapet, idi na Tuhan. 13Iamo' bang Keristus Yésus, muyuh luk atun mado, nekini pangeh muneng ngaceku ratnan dara' Keristus. 14Ngaceku Keristus sebuleng mangun ku pedo' kuan tau. Ngaceku Ieh nenganau' nelun Yahudi idi lun pupu baken ineh mangun ku sebuleng pupu. Dengan bururNeh sebuleng Keristus nengusag alad luk nematad nedeh pad ideh pebunu'. 15#Kol 2.14 Ieh nenala' Ukum lun Yahudi dengan amung-amung adatdeh, idi Ieh nemudut ratnan dueh babpat ineh sebuleng pupu luk perurum Neneh. Idi dengan ineh Ieh nengacing pedo'. 16#Kol 1.20 Ratnan atéNeh luun kayuh salib Keristus nengagka' bunu' ineh. Dengan salibNeh Ieh nenguit dueh babpat ineh pedo' dengan Allah pad ideh mangun ku sebuleng burur kuan Allah. 17#Yes 57.19 Idi Keristus nacing mada' Bala luk Do' ratnan awang idi pedo' kuan muyuh luk mado ratnan Allah idi kuan lun Yahudi luk muneng Neneh. 18Ngaceku ratnan Keristus teh tau luk dueh babpat ini miak amé' matun Taman bang Roh luk sebuleng ineh.
19Ngaceku ineh baken muyuh lun pupu baken idi lun sakai teh, iamo' nekini muyuh ineh lun kuan bawang mepad dengan lun manu. Idi teh muyuh mangun ku setetek ruma' dengan Allah. 20Muyuh pana' pinudut pa luun tapin luk rireng rasul-rasul idi nabi-nabi, idi batu lidung, ieh ineh Keristus Yésus sebuleng. 21Idi bang Keristus amung-amung pudut pebuun, idi amé'-amé' rayeh mangun ku Ruma' Allah luk meligan bang Tuhan. 22Idi bang Keristus ineh teh muyuh ini pana' pinudut pad-pad mangun ku luk inan Allah tudo ngaceku ratnan RohNeh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.