DANIEL 6
6
Daniel Bang Lubang Balang
1Idi Darius nemili' 120 pengulu luk miak ngimet aput-aput imetneh. 2Idi ieh nemili' ni Daniel dengan dueh burur lun baken mangun ku lun ngimet pa luun pengulu ineh idi teh ngedengan raca'. 3Idi megala' kekamen Daniel meluun do' ratnan kekamen lun ngimet idi pengulu luk baken ineh. Ngaceku ieh pelaba ileh idi do' niat, idi Raca' Darius pian ngeletep neneh mangun ku lun rayeh aput imet raca'. 4Idi lun ngimet idi pengulu luk baken nakap sala' Daniel bang kekamenneh. Iamo' na ideh kali' anun-anun sala' Daniel, ngaceku ieh mesiri idi na nganau' luk dat idi luk tekilu'. 5Kebaladeh, “Na tau miak ngadu' ni Daniel ratnan kekamenneh. Kian, ratnan sembayangneh lek miak tau ngadu' neneh.”
6Idi ideh iné' matun raca', kebaladeh, “O Raca' Darius, do' iko mipu ulun! 7Amung kai luk ngakem kuanmu, ieh ineh lun ngimet, pengulu, lun luk pa liang pengulu, idi lun mileh ngerawé, idi do' raca' maré aceh ukum luk meberat. Kinio teluh ngepulu' aco, do' mebpeng lemulun na miak mutuh anun-anun luk ratnan allah idi lemulun pana', iamo' miak mutuh ratnan raca' mo' sebuleng. Idé-idé luk ngelaba ukum ini miak talan bang lubang balang. 8Do' raca' nén ukum ini, pad ieh miak bén idi na miak uen ngisu' mepad kudeng amung ukum lun Midi idi lun Parsi.” 9Idi Raca' Darius nenén ukum ineh. 10Kareb Daniel nekali' idi ukum ineh pangeh pinutut, idi ieh nuli'. Idi déi' bang parung ruma'neh inan teluh tabuk luk petutup bawang Yerusalim. Idi déi' bang parung ruma'neh inan teluh tabuk luk petutup bawang Yerusalim. Idi ieh netekeradung munung tabuk luk mukab ineh idi nesembayang pa kiung Allah teluh kua' seaco mepad kudeng luk pekalai.
11Kareb bunu' Daniel nekali' neneh nesembayang inan Allah, 12idi petacu ideh iné' matun raca' pian ngadu' ni Daniel. Kebaladeh, “O raca', iko nenén aceh ukum luk mebpeng na miak mutuh anun-anun ratnan allah idi lemulun pana', kinio teluh ngepulu' aco , iamo' miak mutuh ratnan raca' sebuleng mo'. Idi lemulun luk ngelaba ukum ineh miak talan bang lubang balang.”
“Mo,” kebala raca', “Aceh ukum luk meberat mepad kudeng ukum lun Midi idi lun Parsi, luk na miak uen ngisu'.”
13Idi kebaladeh ni raca', “Seburur lun luk tiban rat Yahuda, ieh ineh Daniel, na ngerayeh raca', idi ieh ngelaba ukummu. Ieh sembayang teluh kua' seaco.”
14Kareb raca' nekali' bala ini, idi ieh mesusa' niat pad ieh nenakap dalan sikal muit ni Daniel. Idi ieh nemutuh ngerawé macing aco macep. 15Idi lemulun ineh nacing sekua' teh idi kebaladeh ni raca', “O raca', iko kali', maya' ukum lun Midi idi lun Parsi, ukum raca' na miak uen ngisu'.”
16Idi raca' nengecuk nala' ni Daniel bang lubang balang. Idi kebala raca' ni Daniel, “Do' Allah luk inanmu merapet tu-tu ngulun namu.” 17Idi ideh nenguit aceh batu ku kakeb lubang ineh. Idi raca' nenganau' aceh etuneh idi etu lun rayehneh luun batu ineh, pad Daniel na miak puatin. 18Idi raca' nuli'. Iamo' na ieh nekuman idi nemarot mepad kudeng luk pekalai. Idi dacem sineh na tupu ieh rudap.
19Idi kareb aco masat, raca' netumui idi petacu iné' matun lubang balang ineh. 20Kareb ieh muneng, idi ieh nengitang ngaceku dat niatneh, “O Daniel, demulun Allah luk mulun! Miakké Allah luk inanmu merapet ngulun namu ratnan balang ineh?”
21Idi kebala Daniel, “Do' raca' mipu ulun! 22Allah nengecuk melaikatneh neniep tang balang ineh, pad ideh na ngaté negku. Ieh nenganau' kudeng ineh ngaceku Ieh kali' negku na mesala', idi ngaceku ui na mesala' pa kiungmu. O raca'.”
23Idi raca' pelaba awang niat, idi ieh nengecuk nelun dukenneh nenginat ni Daniel rat bang lubang balang ineh. Idi ideh nenginat neneh, idi ideh kali' neneh na nurat, ngaceku ieh merapet inan Allah. 24Idi raca' nengecuk nala' nelun luk nengadu ni Daniel bang lubang balang, perapu dengan awandeh idi anakdeh. Kareb nateh ideh nacing uned lubang ineh, idi balang ineh nengakem nedeh idi nemutul amung tulangdeh.
25Idi Raca' Darius nengayud aceh surat kuan amung-amung lemulun ratnan anid-anid bawang, pupu, idi luk ratnan manid-manid buri' bang tana' ini. Kebalaneh:
“Tabi'! 26Ui ngecuk amung-amung lemulun luk bang aput imetku matot idi ngerayeh Allah Daniel.
“Ieh ineh Allah luk mulun,
idi luk ngimet macing ruked-ruked.
ImetNeh na miak uen ngusag
idi laludNeh na tu-tu miak uen ngagka'.
27Ieh ngulun idi muit;
Ieh nganau' kekamen luk melalud, idi tanu' luk inan mawa,
do' bang Surga idi bang tana' ini pana'.
Ieh nengulun ni Daniel ratnan lalud balang.”
28Idi Daniel uen ngeperuan kareb imet Darius idi kareb imet Kores, lun Parsi pana'.
Currently Selected:
DANIEL 6: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
DANIEL 6
6
Daniel Bang Lubang Balang
1Idi Darius nemili' 120 pengulu luk miak ngimet aput-aput imetneh. 2Idi ieh nemili' ni Daniel dengan dueh burur lun baken mangun ku lun ngimet pa luun pengulu ineh idi teh ngedengan raca'. 3Idi megala' kekamen Daniel meluun do' ratnan kekamen lun ngimet idi pengulu luk baken ineh. Ngaceku ieh pelaba ileh idi do' niat, idi Raca' Darius pian ngeletep neneh mangun ku lun rayeh aput imet raca'. 4Idi lun ngimet idi pengulu luk baken nakap sala' Daniel bang kekamenneh. Iamo' na ideh kali' anun-anun sala' Daniel, ngaceku ieh mesiri idi na nganau' luk dat idi luk tekilu'. 5Kebaladeh, “Na tau miak ngadu' ni Daniel ratnan kekamenneh. Kian, ratnan sembayangneh lek miak tau ngadu' neneh.”
6Idi ideh iné' matun raca', kebaladeh, “O Raca' Darius, do' iko mipu ulun! 7Amung kai luk ngakem kuanmu, ieh ineh lun ngimet, pengulu, lun luk pa liang pengulu, idi lun mileh ngerawé, idi do' raca' maré aceh ukum luk meberat. Kinio teluh ngepulu' aco, do' mebpeng lemulun na miak mutuh anun-anun luk ratnan allah idi lemulun pana', iamo' miak mutuh ratnan raca' mo' sebuleng. Idé-idé luk ngelaba ukum ini miak talan bang lubang balang. 8Do' raca' nén ukum ini, pad ieh miak bén idi na miak uen ngisu' mepad kudeng amung ukum lun Midi idi lun Parsi.” 9Idi Raca' Darius nenén ukum ineh. 10Kareb Daniel nekali' idi ukum ineh pangeh pinutut, idi ieh nuli'. Idi déi' bang parung ruma'neh inan teluh tabuk luk petutup bawang Yerusalim. Idi déi' bang parung ruma'neh inan teluh tabuk luk petutup bawang Yerusalim. Idi ieh netekeradung munung tabuk luk mukab ineh idi nesembayang pa kiung Allah teluh kua' seaco mepad kudeng luk pekalai.
11Kareb bunu' Daniel nekali' neneh nesembayang inan Allah, 12idi petacu ideh iné' matun raca' pian ngadu' ni Daniel. Kebaladeh, “O raca', iko nenén aceh ukum luk mebpeng na miak mutuh anun-anun ratnan allah idi lemulun pana', kinio teluh ngepulu' aco , iamo' miak mutuh ratnan raca' sebuleng mo'. Idi lemulun luk ngelaba ukum ineh miak talan bang lubang balang.”
“Mo,” kebala raca', “Aceh ukum luk meberat mepad kudeng ukum lun Midi idi lun Parsi, luk na miak uen ngisu'.”
13Idi kebaladeh ni raca', “Seburur lun luk tiban rat Yahuda, ieh ineh Daniel, na ngerayeh raca', idi ieh ngelaba ukummu. Ieh sembayang teluh kua' seaco.”
14Kareb raca' nekali' bala ini, idi ieh mesusa' niat pad ieh nenakap dalan sikal muit ni Daniel. Idi ieh nemutuh ngerawé macing aco macep. 15Idi lemulun ineh nacing sekua' teh idi kebaladeh ni raca', “O raca', iko kali', maya' ukum lun Midi idi lun Parsi, ukum raca' na miak uen ngisu'.”
16Idi raca' nengecuk nala' ni Daniel bang lubang balang. Idi kebala raca' ni Daniel, “Do' Allah luk inanmu merapet tu-tu ngulun namu.” 17Idi ideh nenguit aceh batu ku kakeb lubang ineh. Idi raca' nenganau' aceh etuneh idi etu lun rayehneh luun batu ineh, pad Daniel na miak puatin. 18Idi raca' nuli'. Iamo' na ieh nekuman idi nemarot mepad kudeng luk pekalai. Idi dacem sineh na tupu ieh rudap.
19Idi kareb aco masat, raca' netumui idi petacu iné' matun lubang balang ineh. 20Kareb ieh muneng, idi ieh nengitang ngaceku dat niatneh, “O Daniel, demulun Allah luk mulun! Miakké Allah luk inanmu merapet ngulun namu ratnan balang ineh?”
21Idi kebala Daniel, “Do' raca' mipu ulun! 22Allah nengecuk melaikatneh neniep tang balang ineh, pad ideh na ngaté negku. Ieh nenganau' kudeng ineh ngaceku Ieh kali' negku na mesala', idi ngaceku ui na mesala' pa kiungmu. O raca'.”
23Idi raca' pelaba awang niat, idi ieh nengecuk nelun dukenneh nenginat ni Daniel rat bang lubang balang ineh. Idi ideh nenginat neneh, idi ideh kali' neneh na nurat, ngaceku ieh merapet inan Allah. 24Idi raca' nengecuk nala' nelun luk nengadu ni Daniel bang lubang balang, perapu dengan awandeh idi anakdeh. Kareb nateh ideh nacing uned lubang ineh, idi balang ineh nengakem nedeh idi nemutul amung tulangdeh.
25Idi Raca' Darius nengayud aceh surat kuan amung-amung lemulun ratnan anid-anid bawang, pupu, idi luk ratnan manid-manid buri' bang tana' ini. Kebalaneh:
“Tabi'! 26Ui ngecuk amung-amung lemulun luk bang aput imetku matot idi ngerayeh Allah Daniel.
“Ieh ineh Allah luk mulun,
idi luk ngimet macing ruked-ruked.
ImetNeh na miak uen ngusag
idi laludNeh na tu-tu miak uen ngagka'.
27Ieh ngulun idi muit;
Ieh nganau' kekamen luk melalud, idi tanu' luk inan mawa,
do' bang Surga idi bang tana' ini pana'.
Ieh nengulun ni Daniel ratnan lalud balang.”
28Idi Daniel uen ngeperuan kareb imet Darius idi kareb imet Kores, lun Parsi pana'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.