DANIEL 10
10
Luk Sinier Daniel Tangeb Abpa' Tigris
1‘Bang lak luk keteluh kareb imet Kores raca' Parsi, aceh bala nacing kuan Daniel luk titen Beltesasar. Idi bala ineh matu, iamo' mikat kali' ilungneh. Idi bala ineh linio kuanneh bang aceh luk sinierneh.)
2Kareb ineh, ui ini Daniel mesusa' niat kinio teluh minggu. 3Na ui nekuman akan luk do' idi uang pung. Na ui nengirup abpa' anggur. Na ui nemabpa abpukku, pad macing teluh minggu.
4Dueh ngepulu' apat aco bulan aceh bang lak ineh, ui netuped tangeb Abpa' Tigris luk rayeh ineh. 5#Lin 1.13–15; 2.18; 19.12 Ui netengook idi nekali' Seburur Lemulun luk ngayung ku kibung luk do', idi abet awa' luk ratnan amas. 6BururNeh mesilo mepad kudeng batu luk meraga. KiungNeh merasat mepad kudeng kilep, idi matehNeh mebudung mepad kudeng apui. LangenNeh idi kukudNeh mesilo mepad kudeng tekaling, idi arodNeh mepad kudeng arod mula' lemulun.
7Ui sebuleng luk nekali' luk sinier ineh. Lemulun luk idi denganku na nenier anun-anun, iamo' ideh matot, idi upun amé' sigapung. 8Ui sebuleng mo' neketecan su ineh idi nenier luk inan mawa ineh. Idi ui melaya', idi kiungku nisu' pad seburur pana' nateh luk miak miti negku. 9Kareb ui neninger balaNeh, idi ui neluka' tekulub luun tana' idi na kali' anun-anun. 10Idi inan aceh ticu' nengakem negku luk nengiding negku, pad ui netekeradung. Idi ui megegker teh.
11Idi kebalaNeh negku, “O Daniel, Allah mawa namu. Do' tuped idi ninger do'-do' amung-amung luk belénKu. Ui luk icuk amé namu.” Kareb Ieh pangeh nepebala kudeng ini, idi ui netuped dengan megegker teh.
12Idi kebalaNeh, “O Daniel, aleg matot. Allah neninger sembayangmu bang aco luk pun-pun kareb iko nengebeneh bururmu, pad iko miak kali' ilungneh. Idi Ui luk iné' ngua' sembayangmu. 13#Lin 12.7 Iamo' melaikat luk dat luk matar imet Parsi sikal metueh rat Negku kinio dueh ngepulu' aceh aco. Pangeh ineh Mikail, seburur rat arang melaikat luk rayeh, iné' ngedengan Negku, ngaceku Ui tican buleng-buleng déi' bang imet Parsi. 14Ui iné' mada' namu pad iko kali' ratnan luk miak mangun kuan pupumu muci. Ini aceh luk sirenmu ratnan luk mangun muci.”
15Kareb Ieh nepebala, idi ui nenier i tana' idi na nepebala. 16Idi denak-denak aceh luk kudeng ayu lemulun nengakem bibirku. Idi tangku nukab idi ui petacu nepebala. Kebalaku kuan luk tuped pa kiungku, “O Tuhan, luk sinierku ini ngelaya' negku, pad ui na ugka' megegker. 17Ui mepad kudeng demulun luk tuped pa kiung tuanneh. Kudeng apehké ui pebala Namu? Na tuehku idi teh ui mabud niat.”
18Sekua' teh Ieh nengimet negku, idi ui meluun tueh. 19KebalaNeh, “Allah mawa namu, aleg megagau idi matot. Do' iko mekuu'.”
Kareb Ieh pangeh nepebala, idi ui metueh, idi kebalaku, “O Tuhan, anunké luk belénMu. Ngaceku ui do' inau'Mu.”
20-21Idi kebalaNeh, “Kali'mu, amé' ngudeh Ui namu? Ui pian mada' namu ratnan luk inayud bang Surat luk Matu. Nekini Ui lemubed amé' munu' melaikat luk dat luk matar imet Parsi. Pangeh ineh melaikat luk dat luk matar imet Grika miak macing. Idi seburur pana' nateh luk ngedengan Negku, iamo' Mikail mo' sebuleng, ieh ineh melaikat luk matar bawang Israil.
Currently Selected:
DANIEL 10: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
DANIEL 10
10
Luk Sinier Daniel Tangeb Abpa' Tigris
1‘Bang lak luk keteluh kareb imet Kores raca' Parsi, aceh bala nacing kuan Daniel luk titen Beltesasar. Idi bala ineh matu, iamo' mikat kali' ilungneh. Idi bala ineh linio kuanneh bang aceh luk sinierneh.)
2Kareb ineh, ui ini Daniel mesusa' niat kinio teluh minggu. 3Na ui nekuman akan luk do' idi uang pung. Na ui nengirup abpa' anggur. Na ui nemabpa abpukku, pad macing teluh minggu.
4Dueh ngepulu' apat aco bulan aceh bang lak ineh, ui netuped tangeb Abpa' Tigris luk rayeh ineh. 5#Lin 1.13–15; 2.18; 19.12 Ui netengook idi nekali' Seburur Lemulun luk ngayung ku kibung luk do', idi abet awa' luk ratnan amas. 6BururNeh mesilo mepad kudeng batu luk meraga. KiungNeh merasat mepad kudeng kilep, idi matehNeh mebudung mepad kudeng apui. LangenNeh idi kukudNeh mesilo mepad kudeng tekaling, idi arodNeh mepad kudeng arod mula' lemulun.
7Ui sebuleng luk nekali' luk sinier ineh. Lemulun luk idi denganku na nenier anun-anun, iamo' ideh matot, idi upun amé' sigapung. 8Ui sebuleng mo' neketecan su ineh idi nenier luk inan mawa ineh. Idi ui melaya', idi kiungku nisu' pad seburur pana' nateh luk miak miti negku. 9Kareb ui neninger balaNeh, idi ui neluka' tekulub luun tana' idi na kali' anun-anun. 10Idi inan aceh ticu' nengakem negku luk nengiding negku, pad ui netekeradung. Idi ui megegker teh.
11Idi kebalaNeh negku, “O Daniel, Allah mawa namu. Do' tuped idi ninger do'-do' amung-amung luk belénKu. Ui luk icuk amé namu.” Kareb Ieh pangeh nepebala kudeng ini, idi ui netuped dengan megegker teh.
12Idi kebalaNeh, “O Daniel, aleg matot. Allah neninger sembayangmu bang aco luk pun-pun kareb iko nengebeneh bururmu, pad iko miak kali' ilungneh. Idi Ui luk iné' ngua' sembayangmu. 13#Lin 12.7 Iamo' melaikat luk dat luk matar imet Parsi sikal metueh rat Negku kinio dueh ngepulu' aceh aco. Pangeh ineh Mikail, seburur rat arang melaikat luk rayeh, iné' ngedengan Negku, ngaceku Ui tican buleng-buleng déi' bang imet Parsi. 14Ui iné' mada' namu pad iko kali' ratnan luk miak mangun kuan pupumu muci. Ini aceh luk sirenmu ratnan luk mangun muci.”
15Kareb Ieh nepebala, idi ui nenier i tana' idi na nepebala. 16Idi denak-denak aceh luk kudeng ayu lemulun nengakem bibirku. Idi tangku nukab idi ui petacu nepebala. Kebalaku kuan luk tuped pa kiungku, “O Tuhan, luk sinierku ini ngelaya' negku, pad ui na ugka' megegker. 17Ui mepad kudeng demulun luk tuped pa kiung tuanneh. Kudeng apehké ui pebala Namu? Na tuehku idi teh ui mabud niat.”
18Sekua' teh Ieh nengimet negku, idi ui meluun tueh. 19KebalaNeh, “Allah mawa namu, aleg megagau idi matot. Do' iko mekuu'.”
Kareb Ieh pangeh nepebala, idi ui metueh, idi kebalaku, “O Tuhan, anunké luk belénMu. Ngaceku ui do' inau'Mu.”
20-21Idi kebalaNeh, “Kali'mu, amé' ngudeh Ui namu? Ui pian mada' namu ratnan luk inayud bang Surat luk Matu. Nekini Ui lemubed amé' munu' melaikat luk dat luk matar imet Parsi. Pangeh ineh melaikat luk dat luk matar imet Grika miak macing. Idi seburur pana' nateh luk ngedengan Negku, iamo' Mikail mo' sebuleng, ieh ineh melaikat luk matar bawang Israil.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.