AMOS 9
9
Ukum-Ukum Tuhan
1Ui nenier Tuhan tuped iring bubpun. Idi kebalaNeh, “Necat luun diri ruma' sembayang, pad amung munung tanga' sigio. Mutul diri ineh pad ideh mebpeh luun uluh lun mula'. Ui ngaté lemulun luk ketecan bang bunu'. Seburur pana' nateh luk mepuit. 2Sagan pana' ideh ngukat dalan macing su luk inan até, Ui miak ngakem nedeh. Sagan pana' ideh manad macing surga, Ui miak ngerurut nedeh. 3Kudeng ideh sigapung luun buduk Pegkung Karmel, Ui nakap idi ngakem nedeh. Kudeng ideh sigapung bang ribaruh abpa' rayeh, Ui miak ngecuk galau abpa' ngatep nedeh. 4Kudeng ideh tebanen bunu'deh, Ui ngecuk ngaté nedeh ku pelapet. TerawéKu lutep pian ngaté nedeh, idi na Ui ngedengan nedeh.”
5Tuhan Allah luk Melalud ngakem tana',
pad ieh ubpa';
amung luk tudo su ineh temido.
Aput tana' medita' idi mebeneh,
mepad kudeng Abpa' Nil temubu' idi melena'.
6Tuhan mudut amung takepNeh déi' bang langit,
idi nganau' luk luun langit pa luun tana'.
Ieh nawar amung abpa' rayeh,
idi ngutang ineh luun tana'.
NgadanNeh ineh Tuhan.
7Kebala Tuhan, “O muyuh lun Israil, Ui nganau' luk mepad kuan muyuh idi kuan lun Sudan. Ui nenguit nelun Pilistin rat Kaptor, idi lun Siria rat Kir, mepad kudeng Ui nguit nemuyuh rat Masir. 8Ui nier imet Israil luk mesala' ini, idi Ui nala' neneh rat luun tana'. Iamo' na Ui ngusag neneh macing mabud.
9“Ui maré ukum idi ngagag nelun Israil mepad kudeng padé bang agag. Ui ngagag nedeh arang amung pupu pad nala' luk na ulek. 10Lun mesala' arang pupuKu pitayen bang bunu' — ieh ineh amung lemulun luk pebala, ‘Allah na nima' netau mekaneh susa'.”
Israil Uen Nuneb
11 #
Kek 15.16–18
Kebala Tuhan, “Kareb ineh Ui nuneb tetek ruma' Daud luk mepad kudeng ruma' luk netabpa. Ui ngedo' aladneh, idi nuneb neneh baruh. Ui mudut neneh baruh mepad kudeng luk atun. 12Idi lun Israil miak ngalap luk ketecan ratnan tana' Edom, idi amung bawang luk Ui kuan atun.” Kudeng ini bala Tuhan luk ngacing amung bala ini.
13“Tarekneh macing,” kebala Tuhan,
“kareb lun ngeradu perapu lun luk ngeranih;
idi lun baken temina' nganau' abpa' anggur,
kareb lun nibu anggur ineh.
Amung pegkung ngeruat abpa' anggur luk mepaci',
idi ieh manud ratnan amung surud.
14Ui nguit pupuKu muli',
idi ideh mudut amung bawangdeh baruh idi tudo su ineh.
Ideh nibu anggur idi ngirup abpa'neh.
Ideh nganau' kabun-kabun idi kuman uli'neh.
15Ui ngisak nedeh luun tana' luk biréKu nedeh,
pad ideh na miak uen mubput baruh.”
Tuhan Allah muyuh pangeh nepebala.
Currently Selected:
AMOS 9: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
AMOS 9
9
Ukum-Ukum Tuhan
1Ui nenier Tuhan tuped iring bubpun. Idi kebalaNeh, “Necat luun diri ruma' sembayang, pad amung munung tanga' sigio. Mutul diri ineh pad ideh mebpeh luun uluh lun mula'. Ui ngaté lemulun luk ketecan bang bunu'. Seburur pana' nateh luk mepuit. 2Sagan pana' ideh ngukat dalan macing su luk inan até, Ui miak ngakem nedeh. Sagan pana' ideh manad macing surga, Ui miak ngerurut nedeh. 3Kudeng ideh sigapung luun buduk Pegkung Karmel, Ui nakap idi ngakem nedeh. Kudeng ideh sigapung bang ribaruh abpa' rayeh, Ui miak ngecuk galau abpa' ngatep nedeh. 4Kudeng ideh tebanen bunu'deh, Ui ngecuk ngaté nedeh ku pelapet. TerawéKu lutep pian ngaté nedeh, idi na Ui ngedengan nedeh.”
5Tuhan Allah luk Melalud ngakem tana',
pad ieh ubpa';
amung luk tudo su ineh temido.
Aput tana' medita' idi mebeneh,
mepad kudeng Abpa' Nil temubu' idi melena'.
6Tuhan mudut amung takepNeh déi' bang langit,
idi nganau' luk luun langit pa luun tana'.
Ieh nawar amung abpa' rayeh,
idi ngutang ineh luun tana'.
NgadanNeh ineh Tuhan.
7Kebala Tuhan, “O muyuh lun Israil, Ui nganau' luk mepad kuan muyuh idi kuan lun Sudan. Ui nenguit nelun Pilistin rat Kaptor, idi lun Siria rat Kir, mepad kudeng Ui nguit nemuyuh rat Masir. 8Ui nier imet Israil luk mesala' ini, idi Ui nala' neneh rat luun tana'. Iamo' na Ui ngusag neneh macing mabud.
9“Ui maré ukum idi ngagag nelun Israil mepad kudeng padé bang agag. Ui ngagag nedeh arang amung pupu pad nala' luk na ulek. 10Lun mesala' arang pupuKu pitayen bang bunu' — ieh ineh amung lemulun luk pebala, ‘Allah na nima' netau mekaneh susa'.”
Israil Uen Nuneb
11 #
Kek 15.16–18
Kebala Tuhan, “Kareb ineh Ui nuneb tetek ruma' Daud luk mepad kudeng ruma' luk netabpa. Ui ngedo' aladneh, idi nuneb neneh baruh. Ui mudut neneh baruh mepad kudeng luk atun. 12Idi lun Israil miak ngalap luk ketecan ratnan tana' Edom, idi amung bawang luk Ui kuan atun.” Kudeng ini bala Tuhan luk ngacing amung bala ini.
13“Tarekneh macing,” kebala Tuhan,
“kareb lun ngeradu perapu lun luk ngeranih;
idi lun baken temina' nganau' abpa' anggur,
kareb lun nibu anggur ineh.
Amung pegkung ngeruat abpa' anggur luk mepaci',
idi ieh manud ratnan amung surud.
14Ui nguit pupuKu muli',
idi ideh mudut amung bawangdeh baruh idi tudo su ineh.
Ideh nibu anggur idi ngirup abpa'neh.
Ideh nganau' kabun-kabun idi kuman uli'neh.
15Ui ngisak nedeh luun tana' luk biréKu nedeh,
pad ideh na miak uen mubput baruh.”
Tuhan Allah muyuh pangeh nepebala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.