AMOS 7
7
Luk Sinier Ratnan Kato
1Tuhan nemaré luk sinierku ini: Kareb uduh raca' pangeh piranih, idi ieh ngimun mulun baruh, idi ui nenier Tuhan mudut pelaba ula' kato. 2Bang luk sinierku ineh, ui nekali' kato ineh kuman amung luk mebata' bang bawang ineh macing mabud. Idi kebalaku, “O Tuhan, maré do' kuan pupuMu! Kudeng apehké ideh mulun, ngaceku ideh pelaba isuut idi melaya'?”
3Idi Tuhan nenginuud, kebalaNeh, “Luk siniermu ineh na mangun.”
Luk Sinier Ratnan Apui
4Tuhan nengegala' luk sinierku ini. Ui nekali' Neneh temina' ngukum pupuNeh ku apui. Idi apui ineh nengeseb abpa' rayeh luk liang tana', idi nengimun ngeseb tana' ineh pana'. 5Idi kebalaku, “O Tuhan do' ugka'! Kudeng apehké pupuMu mulun? Ideh pelaba isuut idi melaya'.”
6Idi Tuhan nenginuud, kebalaNeh, “Luk siniermu ini pana' na mangun.”
Luk Sinier Ratnan Batu Luk Pinier Siri
7Tuhan nengegala' luk sinierku ini. Ui nekali' Neneh tuped iring aceh alad luk pangeh pinudut maya' batu luk pinier siri. Idi inan teh batu luk pinier siri bang paladNeh. 8Idi kebalaNeh, “O Amos, anunké luk sirenmu?”
Idi kebalaku, “Aceh batu luk pinier siri.”
Idi kebalaNeh, “Siruh, Ui makai ineh pad ngegala' sala' pupuKu. Ui na nginuud. Kali' rungen Ui ngukum nedeh. 9Amung su luk inan inul Isak sembayang miak uen ngusag. Amung su luk meligan déi' Israil pana' miak uen ngusag. Ui ngacing bunu' kuan tetek ruma' Raca' Yerobom.”
Amos Idi Amasia
10Amasia, imam Baitel nemada' ni Yerebom, raca' Israil, kebalaneh, “Amos pegayam nelun Israil, sikal metueh rat namu. Bada'neh ngusag bawang ini. 11Kudeng ini balaneh, ‘Yerebom miak maté bang bunu', idi lun Israil miak tebanen.’ ”
12Idi kebala Amasia ni Amos, “O nabi, lemubed amé' bawang Yahuda ngalap akanmu idi mada' luk belén Tuhan su ineh. 13Aleg mada' luk belén Tuhan déi' Baitel teh. Ini su luk inan raca' sembayang, idiruma' sembayang pupu ini.”
14Idi kebala Amos, “Ui baken nabi — baken ini kekamenku. Ui ini lun matar dumba, idi teh ui ngasa' gita'. 15Iamo' Tuhan nenawar negku ratnan kekamenku matar dumba idi nengecuk negku mada' nelun Israil kuanNeh. 16Ngaceku ineh do' ninger bala Tuhan. Iko ngecuk negku ugka' mada' bala luk biré Tuhan ratnan lun Israil, pad ui ugka' megateh inan inul Isak ineh. 17Ngaceku ineh, O Amasia, kebala Tuhan namu, ‘Awanmu mangun ku decur luk mesawa' bang bawang ini, idi anak-anakmu pitayen bang bunu'. Tana'mu uen mabpat idi barén kuan lun baken, idi iko sebuleng miak maté bang bawang pupu baken. Idi lun Israil miak tebanen.’ ”
Currently Selected:
AMOS 7: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
AMOS 7
7
Luk Sinier Ratnan Kato
1Tuhan nemaré luk sinierku ini: Kareb uduh raca' pangeh piranih, idi ieh ngimun mulun baruh, idi ui nenier Tuhan mudut pelaba ula' kato. 2Bang luk sinierku ineh, ui nekali' kato ineh kuman amung luk mebata' bang bawang ineh macing mabud. Idi kebalaku, “O Tuhan, maré do' kuan pupuMu! Kudeng apehké ideh mulun, ngaceku ideh pelaba isuut idi melaya'?”
3Idi Tuhan nenginuud, kebalaNeh, “Luk siniermu ineh na mangun.”
Luk Sinier Ratnan Apui
4Tuhan nengegala' luk sinierku ini. Ui nekali' Neneh temina' ngukum pupuNeh ku apui. Idi apui ineh nengeseb abpa' rayeh luk liang tana', idi nengimun ngeseb tana' ineh pana'. 5Idi kebalaku, “O Tuhan do' ugka'! Kudeng apehké pupuMu mulun? Ideh pelaba isuut idi melaya'.”
6Idi Tuhan nenginuud, kebalaNeh, “Luk siniermu ini pana' na mangun.”
Luk Sinier Ratnan Batu Luk Pinier Siri
7Tuhan nengegala' luk sinierku ini. Ui nekali' Neneh tuped iring aceh alad luk pangeh pinudut maya' batu luk pinier siri. Idi inan teh batu luk pinier siri bang paladNeh. 8Idi kebalaNeh, “O Amos, anunké luk sirenmu?”
Idi kebalaku, “Aceh batu luk pinier siri.”
Idi kebalaNeh, “Siruh, Ui makai ineh pad ngegala' sala' pupuKu. Ui na nginuud. Kali' rungen Ui ngukum nedeh. 9Amung su luk inan inul Isak sembayang miak uen ngusag. Amung su luk meligan déi' Israil pana' miak uen ngusag. Ui ngacing bunu' kuan tetek ruma' Raca' Yerobom.”
Amos Idi Amasia
10Amasia, imam Baitel nemada' ni Yerebom, raca' Israil, kebalaneh, “Amos pegayam nelun Israil, sikal metueh rat namu. Bada'neh ngusag bawang ini. 11Kudeng ini balaneh, ‘Yerebom miak maté bang bunu', idi lun Israil miak tebanen.’ ”
12Idi kebala Amasia ni Amos, “O nabi, lemubed amé' bawang Yahuda ngalap akanmu idi mada' luk belén Tuhan su ineh. 13Aleg mada' luk belén Tuhan déi' Baitel teh. Ini su luk inan raca' sembayang, idiruma' sembayang pupu ini.”
14Idi kebala Amos, “Ui baken nabi — baken ini kekamenku. Ui ini lun matar dumba, idi teh ui ngasa' gita'. 15Iamo' Tuhan nenawar negku ratnan kekamenku matar dumba idi nengecuk negku mada' nelun Israil kuanNeh. 16Ngaceku ineh do' ninger bala Tuhan. Iko ngecuk negku ugka' mada' bala luk biré Tuhan ratnan lun Israil, pad ui ugka' megateh inan inul Isak ineh. 17Ngaceku ineh, O Amasia, kebala Tuhan namu, ‘Awanmu mangun ku decur luk mesawa' bang bawang ini, idi anak-anakmu pitayen bang bunu'. Tana'mu uen mabpat idi barén kuan lun baken, idi iko sebuleng miak maté bang bawang pupu baken. Idi lun Israil miak tebanen.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.