KEKAMEN RASUL-RASUL 24
24
Paulus Inadu' Lun Yahudi
1Pangeh limeh aco muci ratnan ineh, idi Imam Rayeh Ananias iné' Kaisaria dengan tuda'-tuda' lun rayeh idi seburur lun luk mileh pebala, ngadanneh Tertulus. Ideh iné' matun Pilik, idi nengadu' ni Paulus. 2Kareb Tertulus tinawar, idi ieh nengimun ngadu' ni Paulus, kebalaneh:
“O tuanku Pilik luk pelaba buren, ratnan tuan kai kali' awang niat, idi ratnan ileh tuanku tuda'-tuda' luk do' pangeh inau' kuan pupu ini. 3Idi idan-idan pana' idi iapeh-iapeh pana' kai mawang niat ku ini, pad kai ngubur namu. 4Iamo' pad ui na ngimet namu idi ui mutuh namu méi' nekai idi ninger bala kai luk sesuut ini. 5Kai pangeh nekali' idi lun ini lemulun luk dat. Ieh nengimun ria' kuan lun Yahudi aput tana' ini, idi ieh mangun ku lun rayeh babpat Nasarét. 6Ieh nenutun ngelutak Ruma' Allah; iamo' kai nengakem neneh. [Kai sikal ngukum neneh maya' Ukum kai. 7Iamo' Lisias lun rayeh baweh ineh, nengaro neneh rat bang palad kai, 8idi nengecuk nelun luk nengadu' ni Paulus amé' matun namu.] Kudeng iko ngelio kekamenneh, idi iko sebuleng miak kali' rat neneh matu amung-amung adu' kai neneh.” 9Lun Yahudi luk idi déi' nengadu' neneh, idi nengamo ratnan amung bala Tertulus ineh matu.
Paulus Maré Or Pa Kiung Pilik
10Idi Pilik, Lun luk Ngimet Ukum ineh nengayep ni Paulus ngecuk neneh pebala, idi Paulus pana' nepebala kudeng ini
“Ui kali', iko mangun ku lun luk ngimet pupu ini tuda'-tuda' lak kinioneh, idi dengan mawang niat ui miak ngor balamu. 11Kudeng iko ngitun, miak iko kali', idi na meluun ratnan pulu' dueh aco atun, ui iné' sembayang déi' Yerusalim. 12Lun Yahudi na nekali' negku pekedaluh dengan seburur pana' bang Ruma' Allah ineh, idi na ideh nekali' negku nengamung nelun mula' sikal nganau' kedaluh, idi na ideh nekali' negku nganau' ria' bang ruma'-ruma' sembayang idi bang bawang iapeh-iapeh pana'. 13Idi nateh lemulun ineh miak ngegala ratnan adu'deh negku nekini. 14Iamo' ini ui ngamo kuanmu: Ui sembayang inan Allah tepun tau maya' Dalan Tuhan ineh, luk titendeh na matu. Iamo' ui manu ku amung-amung luk inayud bang Ukum Musa idi surat nabi-nabi. 15Ui merapet inan Allah mepad kudeng lemulun ineh teh, ratnan tui amung lemulun, do' kuan lun luk matu, idi kuan lun luk na matu pana'. 16Ngaceku ineh ui megéi' ngekél bururku sebuleng pad teruayen niatku na mesala' pa kiung Allah idi pa kiung lemulun pana'.
17“Idi pangeh tuda'-tuda' lak muci ratnan ui nenecan Yerusalim idi ui iné' sikal nguit luk barén mo' kuan pupuku, idi teh luk barén kuan Tuhan. 18Idi laba' ui nganau' kudeng ini, ideh nepapu' negku kareb ui pangeh biru' bang Ruma' Allah. Iamo' na luk idi ria', idi na ui nengamung nelun mula'. 19Iamo' inan tuda'-tuda' lun Yahudi mo' rat tana' Asia. Setuneh ideh amé' papu' namu pad ngadu' negku, kudeng inan adu'deh negku. 20Kudeng na luk idi, nima' lemulun ineh ngegala' sala'ku luk nekali'deh kareb ui tuped pa kiung tebubpun besara' ineh, 21#Kek 23.6 sebuleng balaku mo' luk miak uendeh ngadu', ieh ineh kareb ui nepebala pa kiungdeh, ‘Ui ini tunutun aco sini, ngaceku ui manu ku tui lun naté.’ ”
22Iamo Pilik luk meluun kali' ratnan Dalan Tuhan, nemangeh besara' ineh, keburi'neh, “Kareb Lisias, lun rayeh baweh ineh macing tungé', idi ui sikal mutut gayam ini.” 23Idi ieh nengecuk lun rayeh lun pebunu' ineh ngimet ni Paulus bang tutup, iamo' dengan ukum luk meran, idi lun rurum Paulus simén ngasa' neneh.
Paulus Pa Kiung Pilik Idi Drusila
24Tuda'-tuda' aco idi Pilik nacing dengan awanneh Drusila, ieh ineh seburur lun Yahudi. Pilik neneteng ni Paulus, idi ieh neninger bala Paulus ratnan manu inan Keristus Yésus. 25Iamo' kareb Paulus nemada' ratnan luk matu, idi ratnan ngimet burur sebuleng, idi ukum luk macing muci, idi Pilik matot idi nepebala, “Nekini do' iko buro, kudeng inan kareb muci, ui nawar namu teh.” 26Idi teh ieh merapet ni Paulus maré usin kuanneh. Ngaceku ineh ieh nengecuk neneh megéi' amé' matun neneh, pad ieh pegayam denganneh.
27Dueh lak muci ratnan ineh, idi Porkius Péstus nengelibal ni Pilik, idi ngaceku Pilik sikal ngawang niat lun Yahudi idi ieh nenecan ni Paulus bang tutup.
Currently Selected:
KEKAMEN RASUL-RASUL 24: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
KEKAMEN RASUL-RASUL 24
24
Paulus Inadu' Lun Yahudi
1Pangeh limeh aco muci ratnan ineh, idi Imam Rayeh Ananias iné' Kaisaria dengan tuda'-tuda' lun rayeh idi seburur lun luk mileh pebala, ngadanneh Tertulus. Ideh iné' matun Pilik, idi nengadu' ni Paulus. 2Kareb Tertulus tinawar, idi ieh nengimun ngadu' ni Paulus, kebalaneh:
“O tuanku Pilik luk pelaba buren, ratnan tuan kai kali' awang niat, idi ratnan ileh tuanku tuda'-tuda' luk do' pangeh inau' kuan pupu ini. 3Idi idan-idan pana' idi iapeh-iapeh pana' kai mawang niat ku ini, pad kai ngubur namu. 4Iamo' pad ui na ngimet namu idi ui mutuh namu méi' nekai idi ninger bala kai luk sesuut ini. 5Kai pangeh nekali' idi lun ini lemulun luk dat. Ieh nengimun ria' kuan lun Yahudi aput tana' ini, idi ieh mangun ku lun rayeh babpat Nasarét. 6Ieh nenutun ngelutak Ruma' Allah; iamo' kai nengakem neneh. [Kai sikal ngukum neneh maya' Ukum kai. 7Iamo' Lisias lun rayeh baweh ineh, nengaro neneh rat bang palad kai, 8idi nengecuk nelun luk nengadu' ni Paulus amé' matun namu.] Kudeng iko ngelio kekamenneh, idi iko sebuleng miak kali' rat neneh matu amung-amung adu' kai neneh.” 9Lun Yahudi luk idi déi' nengadu' neneh, idi nengamo ratnan amung bala Tertulus ineh matu.
Paulus Maré Or Pa Kiung Pilik
10Idi Pilik, Lun luk Ngimet Ukum ineh nengayep ni Paulus ngecuk neneh pebala, idi Paulus pana' nepebala kudeng ini
“Ui kali', iko mangun ku lun luk ngimet pupu ini tuda'-tuda' lak kinioneh, idi dengan mawang niat ui miak ngor balamu. 11Kudeng iko ngitun, miak iko kali', idi na meluun ratnan pulu' dueh aco atun, ui iné' sembayang déi' Yerusalim. 12Lun Yahudi na nekali' negku pekedaluh dengan seburur pana' bang Ruma' Allah ineh, idi na ideh nekali' negku nengamung nelun mula' sikal nganau' kedaluh, idi na ideh nekali' negku nganau' ria' bang ruma'-ruma' sembayang idi bang bawang iapeh-iapeh pana'. 13Idi nateh lemulun ineh miak ngegala ratnan adu'deh negku nekini. 14Iamo' ini ui ngamo kuanmu: Ui sembayang inan Allah tepun tau maya' Dalan Tuhan ineh, luk titendeh na matu. Iamo' ui manu ku amung-amung luk inayud bang Ukum Musa idi surat nabi-nabi. 15Ui merapet inan Allah mepad kudeng lemulun ineh teh, ratnan tui amung lemulun, do' kuan lun luk matu, idi kuan lun luk na matu pana'. 16Ngaceku ineh ui megéi' ngekél bururku sebuleng pad teruayen niatku na mesala' pa kiung Allah idi pa kiung lemulun pana'.
17“Idi pangeh tuda'-tuda' lak muci ratnan ui nenecan Yerusalim idi ui iné' sikal nguit luk barén mo' kuan pupuku, idi teh luk barén kuan Tuhan. 18Idi laba' ui nganau' kudeng ini, ideh nepapu' negku kareb ui pangeh biru' bang Ruma' Allah. Iamo' na luk idi ria', idi na ui nengamung nelun mula'. 19Iamo' inan tuda'-tuda' lun Yahudi mo' rat tana' Asia. Setuneh ideh amé' papu' namu pad ngadu' negku, kudeng inan adu'deh negku. 20Kudeng na luk idi, nima' lemulun ineh ngegala' sala'ku luk nekali'deh kareb ui tuped pa kiung tebubpun besara' ineh, 21#Kek 23.6 sebuleng balaku mo' luk miak uendeh ngadu', ieh ineh kareb ui nepebala pa kiungdeh, ‘Ui ini tunutun aco sini, ngaceku ui manu ku tui lun naté.’ ”
22Iamo Pilik luk meluun kali' ratnan Dalan Tuhan, nemangeh besara' ineh, keburi'neh, “Kareb Lisias, lun rayeh baweh ineh macing tungé', idi ui sikal mutut gayam ini.” 23Idi ieh nengecuk lun rayeh lun pebunu' ineh ngimet ni Paulus bang tutup, iamo' dengan ukum luk meran, idi lun rurum Paulus simén ngasa' neneh.
Paulus Pa Kiung Pilik Idi Drusila
24Tuda'-tuda' aco idi Pilik nacing dengan awanneh Drusila, ieh ineh seburur lun Yahudi. Pilik neneteng ni Paulus, idi ieh neninger bala Paulus ratnan manu inan Keristus Yésus. 25Iamo' kareb Paulus nemada' ratnan luk matu, idi ratnan ngimet burur sebuleng, idi ukum luk macing muci, idi Pilik matot idi nepebala, “Nekini do' iko buro, kudeng inan kareb muci, ui nawar namu teh.” 26Idi teh ieh merapet ni Paulus maré usin kuanneh. Ngaceku ineh ieh nengecuk neneh megéi' amé' matun neneh, pad ieh pegayam denganneh.
27Dueh lak muci ratnan ineh, idi Porkius Péstus nengelibal ni Pilik, idi ngaceku Pilik sikal ngawang niat lun Yahudi idi ieh nenecan ni Paulus bang tutup.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.