2 KORINTUS 3
3
Demulun-Demulun Pejani' Luk Mebaruh
1Inanké kai ini ngimun ngubur burur kai sebuleng teh? Petuluké kai ngalap surat rat nemuyuh, kian kuan muyuh lek, luk ngubur burur kai, mepad kudeng tuda'-tuda' lun baken? 2Muyuh sebuleng aceh surat luk iten kai, ieh ineh surat luk inayud bang niat kai, idi luk uen lun mula' ngiti idi maca'. 3#Pur 24.12; Yer 31.33; Yeh 11.19; 36.26 Idi megala' muyuh mangun ku surat Keristus luk inayud kai, inayud baken dengan dawat, iamo' dengan Roh Allah luk mulun, baken luun batu luk tebalad, iamo' bang niat lemulun.
4Kai mala kudeng ini ngaceku kai merapet inan Allah ngaceku Keristus. 5Baken kai ini sebuleng mileh nganau' anun-anun dengan ileh kai sebuleng, iamo' ileh kai ineh macing ratnan Allah. 6#Yer 31.31 Ieh luk pangeh nenganau' nekai mileh mangun ku lun luk mada' pejani' luk mebaruh, baken maya' urup mo', iamo' maya' Roh. Ngaceku urup ineh ngaté, iamo' Roh ineh ngulun.
7 #
Pur 34.29
Iamo' kudeng kekamen luk nenguit até dengan surat luk inayud luun batu luk tebalad ineh pangeh nacing dengan rayehneh, pad lun pupu Israil na miak nutong kiung Musa ngaceku rayeh rasat kiungneh, sagan pana' rasat ineh miak buro, 8naké kekamen Roh ineh meluun rayeh rasatneh? 9Kudeng kekamen luk ngacing ukum kuan lemulun ineh rayeh rasatneh, meluun teh kekamen luk ngacing luk matu ineh pana' inan rayeh uburneh. 10Setuneh ayuneh luk rinayeh atun ineh baken rinayeh nekini, kudeng uen maad dengan rasat luk meluun rayeh ineh. 11Ngaceku kudeng luk miak buro ineh mangun dengan rayehneh, idi meluun teh luk meruked ineh mangun dengan rayeh teh.
12Ngaceku kai inan rapet luk kudeng ineh, idi kai mekuu' pebala. 13#Pur 34.33 Baken kai mepad kudeng Musa, luk ngebpu kiung pad lun pupu Israil na miak nutong kekiped rasat ineh luk miak buro. 14Iamo' terawédeh pangeh mengadel, pad macing aco sini kareb ideh maca' Pejani' Mon, idi ebpu kiung ineh nateh linakab, ngaceku ebpu kiung ineh miak talan ngaceku Keristus mo'. 15Iamo' macing aco sini, kareb Ukum Musa uen maca', idi ebpu ineh ngakeb niatdeh. 16Iamo' kareb lemulun lumi inan Tuhan, idi ebpu ineh miak talan. 17Idi Tuhan ineh Roh, idi su apeh inan Roh Tuhan, su ineh teh inan puit. 18Iamo' tau amung-amung dengan kiung luk na ibpu, ngelubed rasat Allah mepad kudeng sayun, idi misu' kuan ayu ineh teh ratnan rasat macing amé' inan rasat ineh teh, mepad kudeng luk ratnan Tuhan, ieh ineh Roh.
Currently Selected:
2 KORINTUS 3: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
2 KORINTUS 3
3
Demulun-Demulun Pejani' Luk Mebaruh
1Inanké kai ini ngimun ngubur burur kai sebuleng teh? Petuluké kai ngalap surat rat nemuyuh, kian kuan muyuh lek, luk ngubur burur kai, mepad kudeng tuda'-tuda' lun baken? 2Muyuh sebuleng aceh surat luk iten kai, ieh ineh surat luk inayud bang niat kai, idi luk uen lun mula' ngiti idi maca'. 3#Pur 24.12; Yer 31.33; Yeh 11.19; 36.26 Idi megala' muyuh mangun ku surat Keristus luk inayud kai, inayud baken dengan dawat, iamo' dengan Roh Allah luk mulun, baken luun batu luk tebalad, iamo' bang niat lemulun.
4Kai mala kudeng ini ngaceku kai merapet inan Allah ngaceku Keristus. 5Baken kai ini sebuleng mileh nganau' anun-anun dengan ileh kai sebuleng, iamo' ileh kai ineh macing ratnan Allah. 6#Yer 31.31 Ieh luk pangeh nenganau' nekai mileh mangun ku lun luk mada' pejani' luk mebaruh, baken maya' urup mo', iamo' maya' Roh. Ngaceku urup ineh ngaté, iamo' Roh ineh ngulun.
7 #
Pur 34.29
Iamo' kudeng kekamen luk nenguit até dengan surat luk inayud luun batu luk tebalad ineh pangeh nacing dengan rayehneh, pad lun pupu Israil na miak nutong kiung Musa ngaceku rayeh rasat kiungneh, sagan pana' rasat ineh miak buro, 8naké kekamen Roh ineh meluun rayeh rasatneh? 9Kudeng kekamen luk ngacing ukum kuan lemulun ineh rayeh rasatneh, meluun teh kekamen luk ngacing luk matu ineh pana' inan rayeh uburneh. 10Setuneh ayuneh luk rinayeh atun ineh baken rinayeh nekini, kudeng uen maad dengan rasat luk meluun rayeh ineh. 11Ngaceku kudeng luk miak buro ineh mangun dengan rayehneh, idi meluun teh luk meruked ineh mangun dengan rayeh teh.
12Ngaceku kai inan rapet luk kudeng ineh, idi kai mekuu' pebala. 13#Pur 34.33 Baken kai mepad kudeng Musa, luk ngebpu kiung pad lun pupu Israil na miak nutong kekiped rasat ineh luk miak buro. 14Iamo' terawédeh pangeh mengadel, pad macing aco sini kareb ideh maca' Pejani' Mon, idi ebpu kiung ineh nateh linakab, ngaceku ebpu kiung ineh miak talan ngaceku Keristus mo'. 15Iamo' macing aco sini, kareb Ukum Musa uen maca', idi ebpu ineh ngakeb niatdeh. 16Iamo' kareb lemulun lumi inan Tuhan, idi ebpu ineh miak talan. 17Idi Tuhan ineh Roh, idi su apeh inan Roh Tuhan, su ineh teh inan puit. 18Iamo' tau amung-amung dengan kiung luk na ibpu, ngelubed rasat Allah mepad kudeng sayun, idi misu' kuan ayu ineh teh ratnan rasat macing amé' inan rasat ineh teh, mepad kudeng luk ratnan Tuhan, ieh ineh Roh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.