1 PETRUS 2
2
Batu Luk Mulun Idi Pupu Luk Meligan
1Ngaceku ineh do' nala' amung-amung luk dat, amung-amung balih, siayu, temaruh, idi buri' luk dat. 2Do' muyuh mepad kudeng anak luk baruh-baruh tinganak, idi do' muyuh melili ku rata luk ratnan roh, luk na pinuer, idi denganneh ineh muyuh miak mungar macing inan ulun. 3#Nani 34.8 Maya' kudeng luk inayud, “Muyuh pangeh nekali' idi Tuhan ineh mekatu.”
4Do' muyuh amé' matun Tuhan, ieh ineh Batu luk Mulun, sagan pana' tila' lemulun, iamo' pa kiung Allah pinili' idi meraga. 5Do' muyuh amé' Neneh, mepad kudeng batu luk mulun, uen mudut mangun ku aceh ruma' luk ratnan Roh, idi mangun ku imam-imam luk meligan, idi maré luk ratnan Roh idi luk petulu dengan pian Allah, ngaceku ratnan Yésus Keristus. 6#Yes 28.16 Ngaceku pangeh inayud bang Surat Allah,
“Ui miak nganau' aceh Batu luk meraga
ku Batu Lidung bang bawang Sion;
idi lemulun luk manu Neneh na miak migu'.”
7 #
Nani 118.22
Batu ineh inan ulek luk rayeh kuan muyuh luk manu, iamo' kuan lemulun luk na manu:
“Batu luk pangeh tila' lun luk mudut ruma' ineh,
pangeh mangun ku Batu Lidung.”
8 #
Yes 8.14–15
Idi teh, pangeh inayud,
“Ieh ineh aceh Batu luk inan lun metebaceng,
idi aceh Batu luk nganau' nedeh mebpeh.”
Ideh metebaceng ngaceku na maya' bala Allah. Kudeng ineh teh luk pian Allah kuandeh.
9 #
Pur 19.5–6; Yes 43.20; Pur 19.5; Bad 4.20; 7.6; 14.2; Tit 2.14; Yes 43.21; Yes 9.2 Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa. 10#Hos 2.23 Atun muyuh baken pupu Allah, iamo' nekini muyuh mangun ku pupu Allah. Atun muyuh na kali' éi' Allah, iamo' nekini muyuh pangeh nengalap éi'Neh.
Demulun Allah
11O luk inanku mawa, ui mutuh nemuyuh mepad kudeng lun sakai idi lemulun luk tudo segageh bang tana' ini! Do' muyuh ngado burur muyuh ratnan amung-amung lili tana' ini luk pebunu' dengan ulun muyuh. 12Do' kekamen muyuh arang lun pupu baken mesiri sirendeh, pad kareb ideh ngadu' nemuyuh, idi neten nemuyuh lemulun luk dat, na miak na ideh ngiti kekamen muyuh luk do', idi ngerayeh Allah kareb Aco Tuhan macing.
13Ngaceku ratnan Tuhan, do' muyuh mebeneh pa liang amung-amung ukum luk inau' lutep kuan lemulun, do' kuan raca' ngaceku ieh luk pa luun, 14do' kuan amung-amung lun luk ngimet, ngaceku ideh luk icuk raca' maré ua' kuan amung-amung lemulun luk nganau' luk dat, idi maré ubur kuan lemulun luk nganau' luk do'. 15Ngaceku kudeng ini luk pian Allah: Ieh pian nemuyuh niep tang lemulun luk mebacé ku kekamen muyuh luk do'. 16Do' muyuh mulun mepad kudeng lemulun luk pinuit dengan na makai puit ineh mangun ku luk ngakeb luk dat, iamo' mepad kudeng demulun Allah. 17Maré dita' kuan amung-amung lemulun idi mawa kuan amung-amung kinanak. Matot inan Allah, idi maré dita' kuan raca'.
Dereh Keristus Mangun Ku Pinginud
18Do' muyuh demulun mebeneh ratnan tuan muyuh dengan amung-amung tot, baken kuan lemulun luk do' idi mawa mo', iamo' kuan lemulun luk megateh pana'. 19Allah miak ngeperuan nemuyuh, ngaceku kekamen luk kudeng ineh, kudeng muyuh tuman ku dereh luk na petulu ineh, ngaceku muyuh kali' luk pianNeh. 20Miakké muyuh buren, kudeng muyuh medereh ngaceku nganau' sala'? Iamo' kudeng muyuh nganau' luk do' idi medereh ku ineh dengan mulai niat, ini luk petulu pa kiung Allah. 21Ngaceku muyuh pangeh tinawar kuan luk kudeng ini, ngaceku Keristus pangeh nemabeh dereh teh ngaceku muyuh, idi Ieh nenecan dalan kuan muyuh pad muyuh miak maya lawéNeh. 22#Yes 53.9 Ieh na nenganau' sala'. Seburur lemulun pana' na neninger balih remuat rat bang tangNeh. 23#Yes 53.7 Kareb Ieh pidat na Ieh nengua' dengan dat, idi kareb Ieh pidereh na Ieh nengatot nedeh, iamo' Ieh nemaré bururNeh kuan Allah luk ngukum dengan matu. 24#Yes 53.5 Keristus nemabeh amung-amung sala' tau bang bururNeh luun kayuh tepalang, pad tau pinaté kuan sala', idi mulun kuan luk matu. Idi ratnan uratNeh muyuh pangeh dino'. 25#Yes 53.6 Atun muyuh neraruh mepad kudeng dumba, iamo' nekini muyuh pangeh lemubed inan Lun Matar, ieh ineh Luk Ngimet ulun muyuh.
Currently Selected:
1 PETRUS 2: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
1 PETRUS 2
2
Batu Luk Mulun Idi Pupu Luk Meligan
1Ngaceku ineh do' nala' amung-amung luk dat, amung-amung balih, siayu, temaruh, idi buri' luk dat. 2Do' muyuh mepad kudeng anak luk baruh-baruh tinganak, idi do' muyuh melili ku rata luk ratnan roh, luk na pinuer, idi denganneh ineh muyuh miak mungar macing inan ulun. 3#Nani 34.8 Maya' kudeng luk inayud, “Muyuh pangeh nekali' idi Tuhan ineh mekatu.”
4Do' muyuh amé' matun Tuhan, ieh ineh Batu luk Mulun, sagan pana' tila' lemulun, iamo' pa kiung Allah pinili' idi meraga. 5Do' muyuh amé' Neneh, mepad kudeng batu luk mulun, uen mudut mangun ku aceh ruma' luk ratnan Roh, idi mangun ku imam-imam luk meligan, idi maré luk ratnan Roh idi luk petulu dengan pian Allah, ngaceku ratnan Yésus Keristus. 6#Yes 28.16 Ngaceku pangeh inayud bang Surat Allah,
“Ui miak nganau' aceh Batu luk meraga
ku Batu Lidung bang bawang Sion;
idi lemulun luk manu Neneh na miak migu'.”
7 #
Nani 118.22
Batu ineh inan ulek luk rayeh kuan muyuh luk manu, iamo' kuan lemulun luk na manu:
“Batu luk pangeh tila' lun luk mudut ruma' ineh,
pangeh mangun ku Batu Lidung.”
8 #
Yes 8.14–15
Idi teh, pangeh inayud,
“Ieh ineh aceh Batu luk inan lun metebaceng,
idi aceh Batu luk nganau' nedeh mebpeh.”
Ideh metebaceng ngaceku na maya' bala Allah. Kudeng ineh teh luk pian Allah kuandeh.
9 #
Pur 19.5–6; Yes 43.20; Pur 19.5; Bad 4.20; 7.6; 14.2; Tit 2.14; Yes 43.21; Yes 9.2 Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa. 10#Hos 2.23 Atun muyuh baken pupu Allah, iamo' nekini muyuh mangun ku pupu Allah. Atun muyuh na kali' éi' Allah, iamo' nekini muyuh pangeh nengalap éi'Neh.
Demulun Allah
11O luk inanku mawa, ui mutuh nemuyuh mepad kudeng lun sakai idi lemulun luk tudo segageh bang tana' ini! Do' muyuh ngado burur muyuh ratnan amung-amung lili tana' ini luk pebunu' dengan ulun muyuh. 12Do' kekamen muyuh arang lun pupu baken mesiri sirendeh, pad kareb ideh ngadu' nemuyuh, idi neten nemuyuh lemulun luk dat, na miak na ideh ngiti kekamen muyuh luk do', idi ngerayeh Allah kareb Aco Tuhan macing.
13Ngaceku ratnan Tuhan, do' muyuh mebeneh pa liang amung-amung ukum luk inau' lutep kuan lemulun, do' kuan raca' ngaceku ieh luk pa luun, 14do' kuan amung-amung lun luk ngimet, ngaceku ideh luk icuk raca' maré ua' kuan amung-amung lemulun luk nganau' luk dat, idi maré ubur kuan lemulun luk nganau' luk do'. 15Ngaceku kudeng ini luk pian Allah: Ieh pian nemuyuh niep tang lemulun luk mebacé ku kekamen muyuh luk do'. 16Do' muyuh mulun mepad kudeng lemulun luk pinuit dengan na makai puit ineh mangun ku luk ngakeb luk dat, iamo' mepad kudeng demulun Allah. 17Maré dita' kuan amung-amung lemulun idi mawa kuan amung-amung kinanak. Matot inan Allah, idi maré dita' kuan raca'.
Dereh Keristus Mangun Ku Pinginud
18Do' muyuh demulun mebeneh ratnan tuan muyuh dengan amung-amung tot, baken kuan lemulun luk do' idi mawa mo', iamo' kuan lemulun luk megateh pana'. 19Allah miak ngeperuan nemuyuh, ngaceku kekamen luk kudeng ineh, kudeng muyuh tuman ku dereh luk na petulu ineh, ngaceku muyuh kali' luk pianNeh. 20Miakké muyuh buren, kudeng muyuh medereh ngaceku nganau' sala'? Iamo' kudeng muyuh nganau' luk do' idi medereh ku ineh dengan mulai niat, ini luk petulu pa kiung Allah. 21Ngaceku muyuh pangeh tinawar kuan luk kudeng ini, ngaceku Keristus pangeh nemabeh dereh teh ngaceku muyuh, idi Ieh nenecan dalan kuan muyuh pad muyuh miak maya lawéNeh. 22#Yes 53.9 Ieh na nenganau' sala'. Seburur lemulun pana' na neninger balih remuat rat bang tangNeh. 23#Yes 53.7 Kareb Ieh pidat na Ieh nengua' dengan dat, idi kareb Ieh pidereh na Ieh nengatot nedeh, iamo' Ieh nemaré bururNeh kuan Allah luk ngukum dengan matu. 24#Yes 53.5 Keristus nemabeh amung-amung sala' tau bang bururNeh luun kayuh tepalang, pad tau pinaté kuan sala', idi mulun kuan luk matu. Idi ratnan uratNeh muyuh pangeh dino'. 25#Yes 53.6 Atun muyuh neraruh mepad kudeng dumba, iamo' nekini muyuh pangeh lemubed inan Lun Matar, ieh ineh Luk Ngimet ulun muyuh.
BALA LUK DO' Lun Bawang Bible © The Bible Society of Malaysia 1982, Second Edition 1998.