Romanɛ 7
7
Kɛdɔkɛkasɛ Nɛ Aglɔgbɛgbanɔ Shu
1Badzya mɔ, no ti nyi— alasɛ ɛɖɔ kaɖɔ tsre banɔ nɛ gɛ be nyi ɔshã—sɛ ɔshã nɛɛ lɔ ŋa Anɔdzyrame abha nɛ yɛ kɛ lɛ nɛ gɛ anya lɛ nɛ ɛkpã ko? 2Ansɛ, nɛ ɔshã nɛ nu adzɛ gɛ bagbanɔ alɛ plɛnɔ yɛenyine nɛ kɛ lɛ nɛ gɛ anyɛ nɛ anya lɛ nɛ ɛkpã ko, pɔ onu gɛ yɛenyine nɛ etsi, eboli nɛ aglɔgbɛgbanɔ ɔshãm. 3So onu gɛ, aza da zanɔ anyɛ bhlatɔ nɛ kibelɛ gɛ yɛenyine nɛ aka lɛ nɛ ɛkpã, be be klua sɛ adzɛ gɛ adɛ ɔma mɛ. Pɔ onu gɛ yɛenyine eetsi, ɔshã ɔdɔɔ nya yɛ klɛ edi nu ɔmamɛ adɛdɛ, kii dzi sɛ aza da zanɔ anyɛ bhlatɔ tsyɛ.
4So, madzyalɛ mɔ, wɔnɔ tsyɛ no tsi kɔ ɔshã ganɔ Kristo ishuidzya mɛ, sɛ tɛ no bo dzi anɔbhlatɔa yɛ, gɛ yɛ la nyɛmɛ ebu nɛ bekpum, sɛ tɛ bu ba yu eyuyu kɔ Kpaya. 5Alasɛ nɛ kibe lɛ nɛ gɛ buzizi tɛzɛzam ŋa bulɔa bha, buzizi mɛ ɛdzyɛ nɛ gɛ ɔshã nɛ obuyinɔ nɛ wa kɛxwɛ nɛ bulɔ ishuidzyam, gɛ kɛkɔ sɛ bu yu eyuyu kɔ butsi. 6Pɔ ɔtsɔ̃ nɛɛ, gɛ bu ti tsi ɔkpɛ kɛgɛ nya lɔ nɛ so, be ti bule lɔ nɛ ɔshã nɛ mɛ sɛ tɛ bu da wa kɛxwɛ nɛ Ɔfufɔɛ Dzyɔgo nɛ kidzo vuvɔa bha, klɛ ganɛ nɛ kidzo kuku nɛa bha gɛ ɔshã nɛ ɔŋlɔmɛ olu.
Tɛwũwlãnkɛ Nɛ Buzizi
7Kide lɔ ba ɖɔ ɔtsɔ̃? Buzizi ɔshã nɛ onu? Nɛ kɛgbɛagba mɛ kɛma na! Kɛgbɛagba ɛgɛ ta ti kɛdɔnɔ nɛ gɛ buzizi nu gɛ odi nu sɛ ganɔ ɔshã nɛm. Alasɛ ɛgɛ ta ti kɛdɔnɔ nɛ gɛ kawɔ̃kpɛ ke nu otɔsɛ ɔshã nɛ ɔdɛ ɖɔ sɛ, “Tɛ kpɛ awɔ̃.” 8Pɔ buzizi, bu nyɛna kidzo nɛ gɛ ɔshã nɛ ɔkɔ lɛ nɛm ovunɔ, bu bhɛtɛ kpɛ mɛmɛ kawɔ̃kpɛ tɛpɛpɛɛ kanyakɛdi. Alasɛ nɛ ɔshã nɛede, buzizi nu kɛdɔtsitsi. 9Ɛza nɛ ɛkpã nɛ ɔshã nɛ mazamazam, pɔ gɛ ɔshã nɛ obo koeyi, buzizi ba koeyi ba ɛkpãm klɛ mɛ tsi. 10Ɛba mɔ sɛ ɔshã nɛ gɛ ɔba sɛ tɛ ɔmɛna ɛkpã ɔlɛ ɔbuyɔ mɛna butsi.
11Alasɛ buzizi, bu mɔ kidzo ganɔ ɔshã nɛa bha, bu wɛɛm, klɛ ganɔ ɔshã nɛ mɛ klɛ bu yim. 12Klɛso, ɛshã nɛ shu ibhui, klɛ tɛtutrɔkɔ nɛ shu obhui, kɛna klɛ kɛbɔ. 13Kɛdɔnɔ nɛ gɛ bɔ, klɛ zɛ ba dzi butsi kɔ mɛ? Kɛma na nɛ kidzo nyɛdzoa bha! Pɔ sɛ tɛ ba kpɛ buzizi kɛxawũ sɛ bu nu buzizi, bu bhɛtɛ butsi nɛ mɛmɛ ganɔ kɛdɔnɔ nɛ gɛ bɔ nɛ mɛ, sɛ tɛ ganɔ tɛtutrɔkɔ nɛa bha buzizi zɛ ba tsɔmɔ trɔ.
14Bu nyi sɛ ɔshã nɛ onu ɔfufɔɛ; pɔ mɛ ɛma ɔfufɔɛ mɛ, ba dɛ mɛ ansɛ anɔdzidzi kɔ buzizi. 15Ɛtɛ nu kɛgɛ ɛbhɛtɛ nɛesi. Alasɛ kɛgɛ ɛpɛɛ sɛ tɛ ɛbhɛtɛ ɛtɛɛ bhɛtɛ, pɔ kɛgɛ edɛ pɛɛ kɛlɛ mɛ ɛbhɛtɛ. 16Klɛ onu gɛ ɛbhɛtɛ kɛgɛ ɛtɛɛ pɛɛ sɛ tɛ ɛbhɛtɛ, ɛdɛmɛ sɛ ɔshã nɛ ɔbɔ. 17Anasɛ gɛ kɛ lɛɛ, kɛ dɛ kanu sɛ mɛnahwɛ mɛ bhɛtɛ lɛ, pɔ buzizi nɛ gɛ kpasɛ mɛmɛ. 18Ɛnyi sɛ kɛdzyɔgo kanyaka ma mɛ́mɛ, kɛlɛ nu sɛ, nɛ mɛ buzizi tɛzɛza nɛ mɛ. Alasɛ tɛpɛpɛɛ sɛ tɛ ɛbhɛtɛ kɛdzyɔgo nɛ kpasɛ mɛ́mɛ, pɔ ɛtɛ na kɛlɛ bubhɛtɛ. 19Alasɛ kɛgɛ ɛbhɛtɛ ganɛ kɛlɛ nu kɛdzyɔgo nɛ gɛ ɛpɛɛ sɛ tɛ ɛbhɛtɛ, ao, kɛtsutsɔmɔ nɛ gɛ ɛtɛɛ pɛɛ sɛ tɛ ɛbhɛtɛ, kɛlɛ tɛbhɛbhɛtɛa bha ko itsri ɛbhɛtɛ. 20Ɔtsɔ̃ nɛɛ, onu gɛ ɛbhɛtɛ kɛgɛ ɛdɛ pɛɛ sɛ tɛ ɛbhɛtɛ, ganɛ mɛ kaa bhɛtɛ lɛ, pɔ buzizi nɛ gɛ lɛ mɛ́mɛ bulɛ bhɛtɛ lɛ.
21So ɛmɔ ɔshã nɛ lɔ wa kɛxwɛ: Kibe nɔɔ gɛ ɛsɛ bhɛtɛ kɛdzyɔgo, butsutsɔmɔ li ɔkɛlɛ plɛnɔ mɛ. 22Alasɛ nɛ mɛ ishu mɛ ɛmɔ same nɛ Kpaya ɔshã nɛ mɛ, 23pɔ ɛɛmɔ ɔshã bhlatɔ gɛ odzi ɔwa kɛxwɛ nɛ mɛ ishu mɛ dɔ nɛ mɛ, gɛ ɔɔta keyu nɛ ɔshã nɛ gɛ ɔlɛ mɛ tɔkpu mɛ, klɛ lɔɔ bhɛtɛ mɛ evuza kɔ buzizi ɔshã nɛ gɛ odzi ɔwa kɛxwɛ nɛ mɛ ishu mɛ. 24Anyɛ gɛ ama kibuinyɛbuim ɖueɖuidi mɛ ɛba dzi ana! Anee gɛ ebe bu mɛ edenɔ ishuidzya butsi nɛ mɛ? 25Ahwɛhuhu kɔ Kpaya ganɔ Yesu Kristo bulɔ Apalete nɛa bha!
Kɛlɛso, mɛ nahwɛ nɛ mɛ kɛtɔkpu mɛ inu anɔdzidzi kɔ Kpaya ɔshã, pɔ nɛ buzizi tɛzɛza mɛ inu anɔdzidzi kɔ buzizi ɔshã.
Currently Selected:
Romanɛ 7: tcd
Highlight
Copy
Compare
Share
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation
Romanɛ 7
7
Kɛdɔkɛkasɛ Nɛ Aglɔgbɛgbanɔ Shu
1Badzya mɔ, no ti nyi— alasɛ ɛɖɔ kaɖɔ tsre banɔ nɛ gɛ be nyi ɔshã—sɛ ɔshã nɛɛ lɔ ŋa Anɔdzyrame abha nɛ yɛ kɛ lɛ nɛ gɛ anya lɛ nɛ ɛkpã ko? 2Ansɛ, nɛ ɔshã nɛ nu adzɛ gɛ bagbanɔ alɛ plɛnɔ yɛenyine nɛ kɛ lɛ nɛ gɛ anyɛ nɛ anya lɛ nɛ ɛkpã ko, pɔ onu gɛ yɛenyine nɛ etsi, eboli nɛ aglɔgbɛgbanɔ ɔshãm. 3So onu gɛ, aza da zanɔ anyɛ bhlatɔ nɛ kibelɛ gɛ yɛenyine nɛ aka lɛ nɛ ɛkpã, be be klua sɛ adzɛ gɛ adɛ ɔma mɛ. Pɔ onu gɛ yɛenyine eetsi, ɔshã ɔdɔɔ nya yɛ klɛ edi nu ɔmamɛ adɛdɛ, kii dzi sɛ aza da zanɔ anyɛ bhlatɔ tsyɛ.
4So, madzyalɛ mɔ, wɔnɔ tsyɛ no tsi kɔ ɔshã ganɔ Kristo ishuidzya mɛ, sɛ tɛ no bo dzi anɔbhlatɔa yɛ, gɛ yɛ la nyɛmɛ ebu nɛ bekpum, sɛ tɛ bu ba yu eyuyu kɔ Kpaya. 5Alasɛ nɛ kibe lɛ nɛ gɛ buzizi tɛzɛzam ŋa bulɔa bha, buzizi mɛ ɛdzyɛ nɛ gɛ ɔshã nɛ obuyinɔ nɛ wa kɛxwɛ nɛ bulɔ ishuidzyam, gɛ kɛkɔ sɛ bu yu eyuyu kɔ butsi. 6Pɔ ɔtsɔ̃ nɛɛ, gɛ bu ti tsi ɔkpɛ kɛgɛ nya lɔ nɛ so, be ti bule lɔ nɛ ɔshã nɛ mɛ sɛ tɛ bu da wa kɛxwɛ nɛ Ɔfufɔɛ Dzyɔgo nɛ kidzo vuvɔa bha, klɛ ganɛ nɛ kidzo kuku nɛa bha gɛ ɔshã nɛ ɔŋlɔmɛ olu.
Tɛwũwlãnkɛ Nɛ Buzizi
7Kide lɔ ba ɖɔ ɔtsɔ̃? Buzizi ɔshã nɛ onu? Nɛ kɛgbɛagba mɛ kɛma na! Kɛgbɛagba ɛgɛ ta ti kɛdɔnɔ nɛ gɛ buzizi nu gɛ odi nu sɛ ganɔ ɔshã nɛm. Alasɛ ɛgɛ ta ti kɛdɔnɔ nɛ gɛ kawɔ̃kpɛ ke nu otɔsɛ ɔshã nɛ ɔdɛ ɖɔ sɛ, “Tɛ kpɛ awɔ̃.” 8Pɔ buzizi, bu nyɛna kidzo nɛ gɛ ɔshã nɛ ɔkɔ lɛ nɛm ovunɔ, bu bhɛtɛ kpɛ mɛmɛ kawɔ̃kpɛ tɛpɛpɛɛ kanyakɛdi. Alasɛ nɛ ɔshã nɛede, buzizi nu kɛdɔtsitsi. 9Ɛza nɛ ɛkpã nɛ ɔshã nɛ mazamazam, pɔ gɛ ɔshã nɛ obo koeyi, buzizi ba koeyi ba ɛkpãm klɛ mɛ tsi. 10Ɛba mɔ sɛ ɔshã nɛ gɛ ɔba sɛ tɛ ɔmɛna ɛkpã ɔlɛ ɔbuyɔ mɛna butsi.
11Alasɛ buzizi, bu mɔ kidzo ganɔ ɔshã nɛa bha, bu wɛɛm, klɛ ganɔ ɔshã nɛ mɛ klɛ bu yim. 12Klɛso, ɛshã nɛ shu ibhui, klɛ tɛtutrɔkɔ nɛ shu obhui, kɛna klɛ kɛbɔ. 13Kɛdɔnɔ nɛ gɛ bɔ, klɛ zɛ ba dzi butsi kɔ mɛ? Kɛma na nɛ kidzo nyɛdzoa bha! Pɔ sɛ tɛ ba kpɛ buzizi kɛxawũ sɛ bu nu buzizi, bu bhɛtɛ butsi nɛ mɛmɛ ganɔ kɛdɔnɔ nɛ gɛ bɔ nɛ mɛ, sɛ tɛ ganɔ tɛtutrɔkɔ nɛa bha buzizi zɛ ba tsɔmɔ trɔ.
14Bu nyi sɛ ɔshã nɛ onu ɔfufɔɛ; pɔ mɛ ɛma ɔfufɔɛ mɛ, ba dɛ mɛ ansɛ anɔdzidzi kɔ buzizi. 15Ɛtɛ nu kɛgɛ ɛbhɛtɛ nɛesi. Alasɛ kɛgɛ ɛpɛɛ sɛ tɛ ɛbhɛtɛ ɛtɛɛ bhɛtɛ, pɔ kɛgɛ edɛ pɛɛ kɛlɛ mɛ ɛbhɛtɛ. 16Klɛ onu gɛ ɛbhɛtɛ kɛgɛ ɛtɛɛ pɛɛ sɛ tɛ ɛbhɛtɛ, ɛdɛmɛ sɛ ɔshã nɛ ɔbɔ. 17Anasɛ gɛ kɛ lɛɛ, kɛ dɛ kanu sɛ mɛnahwɛ mɛ bhɛtɛ lɛ, pɔ buzizi nɛ gɛ kpasɛ mɛmɛ. 18Ɛnyi sɛ kɛdzyɔgo kanyaka ma mɛ́mɛ, kɛlɛ nu sɛ, nɛ mɛ buzizi tɛzɛza nɛ mɛ. Alasɛ tɛpɛpɛɛ sɛ tɛ ɛbhɛtɛ kɛdzyɔgo nɛ kpasɛ mɛ́mɛ, pɔ ɛtɛ na kɛlɛ bubhɛtɛ. 19Alasɛ kɛgɛ ɛbhɛtɛ ganɛ kɛlɛ nu kɛdzyɔgo nɛ gɛ ɛpɛɛ sɛ tɛ ɛbhɛtɛ, ao, kɛtsutsɔmɔ nɛ gɛ ɛtɛɛ pɛɛ sɛ tɛ ɛbhɛtɛ, kɛlɛ tɛbhɛbhɛtɛa bha ko itsri ɛbhɛtɛ. 20Ɔtsɔ̃ nɛɛ, onu gɛ ɛbhɛtɛ kɛgɛ ɛdɛ pɛɛ sɛ tɛ ɛbhɛtɛ, ganɛ mɛ kaa bhɛtɛ lɛ, pɔ buzizi nɛ gɛ lɛ mɛ́mɛ bulɛ bhɛtɛ lɛ.
21So ɛmɔ ɔshã nɛ lɔ wa kɛxwɛ: Kibe nɔɔ gɛ ɛsɛ bhɛtɛ kɛdzyɔgo, butsutsɔmɔ li ɔkɛlɛ plɛnɔ mɛ. 22Alasɛ nɛ mɛ ishu mɛ ɛmɔ same nɛ Kpaya ɔshã nɛ mɛ, 23pɔ ɛɛmɔ ɔshã bhlatɔ gɛ odzi ɔwa kɛxwɛ nɛ mɛ ishu mɛ dɔ nɛ mɛ, gɛ ɔɔta keyu nɛ ɔshã nɛ gɛ ɔlɛ mɛ tɔkpu mɛ, klɛ lɔɔ bhɛtɛ mɛ evuza kɔ buzizi ɔshã nɛ gɛ odzi ɔwa kɛxwɛ nɛ mɛ ishu mɛ. 24Anyɛ gɛ ama kibuinyɛbuim ɖueɖuidi mɛ ɛba dzi ana! Anee gɛ ebe bu mɛ edenɔ ishuidzya butsi nɛ mɛ? 25Ahwɛhuhu kɔ Kpaya ganɔ Yesu Kristo bulɔ Apalete nɛa bha!
Kɛlɛso, mɛ nahwɛ nɛ mɛ kɛtɔkpu mɛ inu anɔdzidzi kɔ Kpaya ɔshã, pɔ nɛ buzizi tɛzɛza mɛ inu anɔdzidzi kɔ buzizi ɔshã.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation