Romanɛ 4
4
Ba Danɛ Abraham Shu Nɛ Yɛ Tɛyɛyɛkɛŋa Shu
1Kɛlɛ kide lɔ ba ɖɔ sɛ Abraham, bulɔ akashishe, nɛ shu sɛ, emunɔ nɛ kibui nɛ mɛ? 2Onu, nɛ kɛgba mɛ, ba danɛ Abraham shu nɛ yɛ axwɛwɛwa mɛ, kɛdɔ tili za yɛahwɛ gɛ ebe feke shu akɔ— pɔ ganɛ nɛ Kpaya amɛ. 3Kide Kpayɛbui nɛ ɖɔ? “Abraham ayɛkɛ Kpaya abha ŋa, klɛ kɛ kɔ sɛ be kulu yɛ asɛ anɔnɛna.”
4Ɔtsɔ̃ onu gɛ anɔ awa kɛxwɛ, ba tɛ yɛkɔ yɛ kɛbhɛbubuya nɛ akɔ yɛ anasa kɛdɔkukɔ, pɔ ayɛkɛ kɛlɛ ansɛ kɛdɔ gɛ kɛ lɛ sɛ tɛ ba kɔ yɛ. 5Pɔ nɛɛ, anɔ nɛ gɛ atɛ wa kɛxwɛ pɔ ayɛkɛ Kpaya nɛ gɛ aadanɛ kɛtɔkpum gɛganɛelete shua bha ŋa, yɛ tɛyɛyɛkɛŋa ba yɛkɔɛ lɛ akɔɛ ansɛ tɛnɛna. 6Kibui nɛ ko Daviti tsyɛ aaɖɔ nɛ kibelɛ gɛ aaɖɔaɖɔ nɛ anɔ yuyula nɔɔ nɛ gɛ Kpaya akɔ tɛnɛna nɛ kɛxwɛwɛwae de,
7“Ba yula bagɛ
ba yɛkɔ balɛ buzizi nɛ etsye,
bagɛ balɛ buzizi nɛ la da kɛdɔ.
8Ba yula anɔ
nɛ gɛ yɛ buzizi Apalete nɛ atɛa ba kla nɛ yɛ shu edi.”
9Tɛyuyula nɛɛ bagɛ bebhui bunyɛnyɛ nɛ ko kɛ lɛ kɔ, pɛnɔɔ kɔ bagɛ bedi bhui nɛ tsyɛ? Bu ganɛ ɖɔ sɛ Abraham tɛyɛyɛkɛŋa ba yɛkɔɛ lɛ akɔ yɛ ansɛ tɛnɛna. 10Tɛzɛzam ɖueɖue si la yɛkɔ tɛnɛna nɛ akɔ yɛ? Nɛ yɛ bunyɛnyɛ bhubhuie de pɛnɔɔ, flogo pɛ ebe bhui bunyɛnyɛ? Ganɛ bulɛ tɛbhubhuie de, pɔ ebhui bulɛ flogo! 11Klɛ ayɛkɛ kɛdɔmumɔ bunyɛnyɛ bhubhui shu, tɛnɛna adɛda gɛ ayɛkɛ ganɔ tɛyɛyɛkɛŋam nɛ kibe lɛ gɛ eke bhui bunyɛnyɛ. So nɛɛ, yɛ enu aka kɔ bagɛ ba yɛkɛ aŋa nɛ petee pɔ pɛ be ke bhui bunyɛnyɛ, sɛ tɛ ba ba yɛkɔ tɛnɛna kɔa lɛ. 12Klɛ yɛ eke nu aka akɔ bagɛ be bhui bunyɛnyɛ, gɛ ganɛ sɛ be bhui bunyɛnyɛ ko pɔ baa ga tsyɛ nɛ tɛyɛyɛkɛŋa katsrukpɔ idzukɔ nɛ nu gɛ za bulɔ aka Abraham ahwɛ flogo pɛ ebe bhui bunyɛnyɛ.
13Ganɛ sɛ ɔshã abha Abraham anɛ yɛeyialɛ nɛ ba ga pɛ ba yɛkɛ tɛtutrɔ denɔ Kpaya ɔkɔ sɛ aba ŋa kanɔ, pɔ ganɔ tɛnɛna nɛ gɛ ba denɔ tɛyɛyɛkɛŋa mɛ. 14Kɛlɛso onu gɛ bagɛ ba lɛ nɛ ɔshã nɛ nu nɛ enu banɔ gɛ ba ŋa kanɔ nɛɛ, klɛ tɛyɛyɛkɛŋa ma kedzi klɛ tɛtutrɔ nɛ ma kibuinyɛbuim, 15alasɛ ɔshã lɔɔ mɛna obulo. Klɛ ɔkɛlɛ gɛ ɔshã ɔɔma ɔshɛ̀abha dɛda ɔma.
16Kɛlɛso, tɛtutrɔ kɛɛ ba denɔ tɛyɛyɛkɛŋam, sɛ tɛ kɛ ba dzi ganɔ eshutukubui didi nɛ ganɔ kidekpɛkpɛ kɔ Abraham yɛeyialɛ nɛ petee— ganɛ sɛ bagɛ ba lɛ nɛ ɔshã nɛ ko, pɔ kɔ bagɛ ba lɛ nɛ Abraham tɛyɛyɛkɛŋa nɛ mɛ tsyɛ. Yɛ enu aka kɔ bulɔ petee. 17Anasɛ gɛ ba ŋlɔmɛ elu sɛ: “Ɛbhɛtɛ wɔ aka kɔ amadi gelee.” Yɛ enu bulɔ aka nɛ Kpaya amɛ, gɛ yɛa bha ayɛkɛaŋa— Kpaya nɛ gɛ aakɔ betsitsi nɛ ɛkpã klɛ eeklu kɛdɔ nɛ gɛ ma nɛ asɛ kɛ lɛ.
18Nɛ kidzoenudidi maza mɛ tsyɛ, Abraham nɛ kidzoenu didi mɛ ayɛkɛaŋa, kɛlɛso ebe dzi aka kɔ amadi gelee, anasɛ gɛ baɖɔ etsre yɛ asɛ, “Kana wɔ ɛyam beyimumɔ nɛ be kpe.” 19Nɛ kesi mazhimazhi anɛ yɛ tɛyɛyɛkɛŋa mɛ, edzu amɛ nɛ kɛgba nɛ asɛ yɛ ishuidzya nɛ ɛti she kɔ tɛtsitsi— nɛ kibe lɛm gɛ atɛ ŋa ansɛ agɔ kɛfɔɛfɔ— klɛ Sara ɔmumɔhui nɛ tsyɛ oti tsi. 20Tsyɛ adɛ hwa ganɔ kabha mayɛkɛ mayɛkɛŋa mɛ nɛ Kpaya tɛtutrɔ nɛ shu, pɔ aza gɛganɛ atrɔ nɛ yɛ tɛyɛyɛkɛŋa nɛm klɛ akpɛ Kpaya nɛa bha, 21nɛ tɛyɛyɛkɛŋa sɛ Kpaya kemi ka lɛ yɛahwɛ sɛ aba bhɛtɛ kɛgɛ aɖɔ. 22Kɛɛ nɛɛ nɛ so pɛɛ “ba yɛkɔ akɔɛ asɛ tɛnɛna.” 23Ebuiɖuɖɔ nɛ yɛ shu sɛ, “ba yɛkɔ akɔɛ” nɛɛ ganɛ yɛ tite shu la ŋlɔmɛ alɛ, 24pɔ kɔ bulɔ tsyɛ, kɔ bagɛ Kpaya aba kɔ tɛnɛna nɛ tsyɛ— kɔ bulɔa gɛ bu yɛkɛ yɛa bha ŋa gɛ bu feke Yesu bulɔ Apalete nɛ ebu denɔ bekpu mɛ. 25Ba yɛkɔ yɛ akpɛ ahwɛ kɔ butsi nɛ bulɔ buzizi nɛ tɔkpu klɛ be feke yɛ amɛna ɛkpãm kɔ bulɔ tɛdɛdanɛ.
Currently Selected:
Romanɛ 4: tcd
Highlight
Copy
Compare
Share
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation
Romanɛ 4
4
Ba Danɛ Abraham Shu Nɛ Yɛ Tɛyɛyɛkɛŋa Shu
1Kɛlɛ kide lɔ ba ɖɔ sɛ Abraham, bulɔ akashishe, nɛ shu sɛ, emunɔ nɛ kibui nɛ mɛ? 2Onu, nɛ kɛgba mɛ, ba danɛ Abraham shu nɛ yɛ axwɛwɛwa mɛ, kɛdɔ tili za yɛahwɛ gɛ ebe feke shu akɔ— pɔ ganɛ nɛ Kpaya amɛ. 3Kide Kpayɛbui nɛ ɖɔ? “Abraham ayɛkɛ Kpaya abha ŋa, klɛ kɛ kɔ sɛ be kulu yɛ asɛ anɔnɛna.”
4Ɔtsɔ̃ onu gɛ anɔ awa kɛxwɛ, ba tɛ yɛkɔ yɛ kɛbhɛbubuya nɛ akɔ yɛ anasa kɛdɔkukɔ, pɔ ayɛkɛ kɛlɛ ansɛ kɛdɔ gɛ kɛ lɛ sɛ tɛ ba kɔ yɛ. 5Pɔ nɛɛ, anɔ nɛ gɛ atɛ wa kɛxwɛ pɔ ayɛkɛ Kpaya nɛ gɛ aadanɛ kɛtɔkpum gɛganɛelete shua bha ŋa, yɛ tɛyɛyɛkɛŋa ba yɛkɔɛ lɛ akɔɛ ansɛ tɛnɛna. 6Kibui nɛ ko Daviti tsyɛ aaɖɔ nɛ kibelɛ gɛ aaɖɔaɖɔ nɛ anɔ yuyula nɔɔ nɛ gɛ Kpaya akɔ tɛnɛna nɛ kɛxwɛwɛwae de,
7“Ba yula bagɛ
ba yɛkɔ balɛ buzizi nɛ etsye,
bagɛ balɛ buzizi nɛ la da kɛdɔ.
8Ba yula anɔ
nɛ gɛ yɛ buzizi Apalete nɛ atɛa ba kla nɛ yɛ shu edi.”
9Tɛyuyula nɛɛ bagɛ bebhui bunyɛnyɛ nɛ ko kɛ lɛ kɔ, pɛnɔɔ kɔ bagɛ bedi bhui nɛ tsyɛ? Bu ganɛ ɖɔ sɛ Abraham tɛyɛyɛkɛŋa ba yɛkɔɛ lɛ akɔ yɛ ansɛ tɛnɛna. 10Tɛzɛzam ɖueɖue si la yɛkɔ tɛnɛna nɛ akɔ yɛ? Nɛ yɛ bunyɛnyɛ bhubhuie de pɛnɔɔ, flogo pɛ ebe bhui bunyɛnyɛ? Ganɛ bulɛ tɛbhubhuie de, pɔ ebhui bulɛ flogo! 11Klɛ ayɛkɛ kɛdɔmumɔ bunyɛnyɛ bhubhui shu, tɛnɛna adɛda gɛ ayɛkɛ ganɔ tɛyɛyɛkɛŋam nɛ kibe lɛ gɛ eke bhui bunyɛnyɛ. So nɛɛ, yɛ enu aka kɔ bagɛ ba yɛkɛ aŋa nɛ petee pɔ pɛ be ke bhui bunyɛnyɛ, sɛ tɛ ba ba yɛkɔ tɛnɛna kɔa lɛ. 12Klɛ yɛ eke nu aka akɔ bagɛ be bhui bunyɛnyɛ, gɛ ganɛ sɛ be bhui bunyɛnyɛ ko pɔ baa ga tsyɛ nɛ tɛyɛyɛkɛŋa katsrukpɔ idzukɔ nɛ nu gɛ za bulɔ aka Abraham ahwɛ flogo pɛ ebe bhui bunyɛnyɛ.
13Ganɛ sɛ ɔshã abha Abraham anɛ yɛeyialɛ nɛ ba ga pɛ ba yɛkɛ tɛtutrɔ denɔ Kpaya ɔkɔ sɛ aba ŋa kanɔ, pɔ ganɔ tɛnɛna nɛ gɛ ba denɔ tɛyɛyɛkɛŋa mɛ. 14Kɛlɛso onu gɛ bagɛ ba lɛ nɛ ɔshã nɛ nu nɛ enu banɔ gɛ ba ŋa kanɔ nɛɛ, klɛ tɛyɛyɛkɛŋa ma kedzi klɛ tɛtutrɔ nɛ ma kibuinyɛbuim, 15alasɛ ɔshã lɔɔ mɛna obulo. Klɛ ɔkɛlɛ gɛ ɔshã ɔɔma ɔshɛ̀abha dɛda ɔma.
16Kɛlɛso, tɛtutrɔ kɛɛ ba denɔ tɛyɛyɛkɛŋam, sɛ tɛ kɛ ba dzi ganɔ eshutukubui didi nɛ ganɔ kidekpɛkpɛ kɔ Abraham yɛeyialɛ nɛ petee— ganɛ sɛ bagɛ ba lɛ nɛ ɔshã nɛ ko, pɔ kɔ bagɛ ba lɛ nɛ Abraham tɛyɛyɛkɛŋa nɛ mɛ tsyɛ. Yɛ enu aka kɔ bulɔ petee. 17Anasɛ gɛ ba ŋlɔmɛ elu sɛ: “Ɛbhɛtɛ wɔ aka kɔ amadi gelee.” Yɛ enu bulɔ aka nɛ Kpaya amɛ, gɛ yɛa bha ayɛkɛaŋa— Kpaya nɛ gɛ aakɔ betsitsi nɛ ɛkpã klɛ eeklu kɛdɔ nɛ gɛ ma nɛ asɛ kɛ lɛ.
18Nɛ kidzoenudidi maza mɛ tsyɛ, Abraham nɛ kidzoenu didi mɛ ayɛkɛaŋa, kɛlɛso ebe dzi aka kɔ amadi gelee, anasɛ gɛ baɖɔ etsre yɛ asɛ, “Kana wɔ ɛyam beyimumɔ nɛ be kpe.” 19Nɛ kesi mazhimazhi anɛ yɛ tɛyɛyɛkɛŋa mɛ, edzu amɛ nɛ kɛgba nɛ asɛ yɛ ishuidzya nɛ ɛti she kɔ tɛtsitsi— nɛ kibe lɛm gɛ atɛ ŋa ansɛ agɔ kɛfɔɛfɔ— klɛ Sara ɔmumɔhui nɛ tsyɛ oti tsi. 20Tsyɛ adɛ hwa ganɔ kabha mayɛkɛ mayɛkɛŋa mɛ nɛ Kpaya tɛtutrɔ nɛ shu, pɔ aza gɛganɛ atrɔ nɛ yɛ tɛyɛyɛkɛŋa nɛm klɛ akpɛ Kpaya nɛa bha, 21nɛ tɛyɛyɛkɛŋa sɛ Kpaya kemi ka lɛ yɛahwɛ sɛ aba bhɛtɛ kɛgɛ aɖɔ. 22Kɛɛ nɛɛ nɛ so pɛɛ “ba yɛkɔ akɔɛ asɛ tɛnɛna.” 23Ebuiɖuɖɔ nɛ yɛ shu sɛ, “ba yɛkɔ akɔɛ” nɛɛ ganɛ yɛ tite shu la ŋlɔmɛ alɛ, 24pɔ kɔ bulɔ tsyɛ, kɔ bagɛ Kpaya aba kɔ tɛnɛna nɛ tsyɛ— kɔ bulɔa gɛ bu yɛkɛ yɛa bha ŋa gɛ bu feke Yesu bulɔ Apalete nɛ ebu denɔ bekpu mɛ. 25Ba yɛkɔ yɛ akpɛ ahwɛ kɔ butsi nɛ bulɔ buzizi nɛ tɔkpu klɛ be feke yɛ amɛna ɛkpãm kɔ bulɔ tɛdɛdanɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation