रोमी 3
3
परमेश्वरक विश्वासयोग्यता
1ओसिन हो कलसे, यहूदी हुइलकम का फाइदा हुइल् त? का खतना कर्टिम कुछ फाइदा बा? 2हरेक प्रकारले फाइदा बा। सबसे पैल्ह बात त परमेश्वर आपन वचन यहूदीहुँकन सुम्पलह। 3तर कत्रा जन विश्वास नैकर्ल त, का हुइल् त? हुँक्र विश्वास नैकर्ल कटिम, का परमेश्वर फे विश्वासयोग्य नैहुइट त? 4ओसिन कहाँ हुइ? सब मनै झूट रलसे फे परमेश्वर त सत्य जो बाट। जसिन कि धर्मशास्त्रम परमेश्वरक बारेम लिखल बा,
“बोलीवचनम अप्न ठीक ठहर्ठी,
ओ फैसला हुइबेर अप्नक जित हुइठा।”#भज ५१:४
5तर हमार करल खराब कामले परमेश्वरह झन् ठीक देखैठा कलसे हम्र का कही त? का परमेश्वर हमनसे रिसैना अन्याय हो? कत्रा मनै अस्तह विचार कर्ठ। 6ओसिन कहाँ हुइ? यदि परमेश्वर न्यायी नैहुइट कलसे, उहाँ मनैन्हक न्याय करक लाग कसिक योग्य हुइहीँ? 7कुई कहसेकी, “म्वार झूटले परमेश्वरक सत्यताह स्पष्ट देखाक उहाँक झन् महिमा हुइठा कलसे, काजे महीह पापी ठह्रैना?” 8असल चिज ह्वाए कैक हम्र पाप करी कली हुँ! कुई-कुई यिह बातक निन्दापूर्ण दोष हमन लगैठ। असिन मनै ठीक सजाय पउइयाबाट।
धर्मी कुई फे नैहो
9ओसिन हो कलसे, का हम्र यहूदीहुँक्र औरजहनसे असल बाटी त? अवस्य फे नैहुइटी। यहूदी ओ गैरयहूदी फे सब समान रूपले पापक पन्जम बाट कैक मै आघहेँ देखासेक्नु। 10धर्मशास्त्रम फे अस्तह बात लिखल बा,
“धर्मी कुई फे नैहो, एकठो फे नैहो।
11परमेश्वरक बात बुझ्ना मनै कुई फे नैहो,
परमेश्वरक खोजी कर्ना मनै कुई फे नैहो।
12सबजन बहेँट्टर होरल,
ओ काम लगुइया कुई फे नैहो,
असल काम करुइया एकठो फे नैहो।”#भज १४:१-३; ५३:१-३
13“हुँकन्हक बोली त खुल्ला गर्यमसे
अइना दुर्गन्धअस बाटन,
हुँक्र छली बात बटोइठ।”
“हुँकन्हक बोली साँपक विषअस बाटन।”#भज ५:९; १४०:३
14“हुँक्र सरप्टीरठ ओ मनक तीत बातक फुर्का मर्ठ।”#भज १०:७
15“हुँक्र हत्या कर्नाम महाझट्कार बाट।
16हुँकन्हक न्याङ्गल डगरिम विनाश
ओ दुर्दशा केल रठन।
17शान्तिसे जिना बात हुँक्र जन्ल नैहुइट।”#यशै ५९:७-८
18“हुँक्र परमेश्वरक डर नैडरैट।”#भज ३६:१
19व्यवस्थक बात त व्यवस्था पाइल मनैन लागू हुइठा कना बात हमन थाहाँ बा। उहओर्से दोषमुक्त हुइक लाग कुई फे कुछु कहसेकुइया नैहो, ओ सारा संसार परमेश्वरक आघ जवाफ देहपरहिँस। 20व्यवस्था पालन कैक परमेश्वरक नजरम कुई फे धर्मी ठह्राजउइया नैहो काकरकि मनै पापी रहल बात त व्यवस्था मनैन देखैठा।#भज १४३:२; गला २:१६
परमेश्वर मनैन धर्मी ठह्रैलक
21तर आब व्यवस्थाबिना परमेश्वर मनैन धर्मी ठह्रैठ कना बात उहाँ देखारख्ल। यिह बात व्यवस्था ओ अगमवक्तन्हक किताबम फे लिखल बा। 22येशू ख्रीष्टम विश्वास कर्ना सबजहन परमेश्वर धर्मी ठह्रैठ। मनै-मनैन्हक बीचम कुछु भिन्नता नैहो,#गला २:१६ 23काकरकि सबजन पाप कैरख्ल ओ परमेश्वरक महिमासम पुग नैसेक्लहुइट। 24तर परमेश्वर हमन दानक रूपम अनुग्रह कैक धर्मी ठह्रैठ। उहाँ यी काम ख्रीष्ट येशूद्वारा पापक दण्डसे हमन छुट्कारा देक कर्ठ। 25हमार पापक मूल्य चुकैना बलिदान हुइक लाग ख्रीष्ट येशूह परमेश्वर संसारम पठैल। म्वार लाग येशू आपन रगत बहाक बलिदान हुइल कना बात विश्वास कर्ना मनै धर्मी ठह्राजैठ। परमेश्वर पापक सजाय ख्रीष्टम देक अपन्हेह न्यायी देखैल, काकरकि ख्रीष्ट अइनासे आघ परमेश्वर आपन रिस थाम्क मनैन्हक करल पापक सजाय हुँकन नैदेल। 26असिक येशूह बलिदान हुइक लाग पठाक परमेश्वर अपन्हे धर्मी रलक बात ओ येशूम विश्वास कर्ना मनैन धर्मी ठहरैना बात उहाँ वर्तमान समयम प्रमाणित कर्ल।
27ओसिन हो कलसे केँह्का लाग घमण्ड कर्ना? घमण्ड कर्ना त बातऽ नैहो। धर्मकर्मले मनैन घमण्डी बनैठा, तर ख्रीष्टम विश्वास कर्लसे आपन धर्मकर्मम घमण्ड कर्ना बातऽ नैआइट। 28असिक हम्र जन्ठी, कि व्यवस्थक धर्मकर्म कैक नाहीँ तर ख्रीष्टम विश्वास कैक केल परमेश्वरक आघ हम्र धर्मी ठह्राजैठी। 29का परमेश्वर यहूदीन्हक केल परमेश्वर हुइट? का गैरयहूदी मनैन्हक परमेश्वर नैहुइट? अवस्य उहाँ सबजन्हक परमेश्वर हुइट। 30परमेश्वर एक्कठो बाट। उहाँ, खतना कर्ना मनैन वा खतना नैकर्ना मनैन, सबजहन हुँकन्हक विश्वासद्वारा जो धर्मी ठह्रैठ।#व्य ६:४; गला ३:२० 31आब उह विश्वासद्वारा परमेश्वरक व्यवस्थह रद्द कर्ना त? ओसिन हुइ नैसेकी। हम्र त उहाँक व्यवस्थह समर्थन पो कर्ठी।
Currently Selected:
रोमी 3: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
रोमी 3
3
परमेश्वरक विश्वासयोग्यता
1ओसिन हो कलसे, यहूदी हुइलकम का फाइदा हुइल् त? का खतना कर्टिम कुछ फाइदा बा? 2हरेक प्रकारले फाइदा बा। सबसे पैल्ह बात त परमेश्वर आपन वचन यहूदीहुँकन सुम्पलह। 3तर कत्रा जन विश्वास नैकर्ल त, का हुइल् त? हुँक्र विश्वास नैकर्ल कटिम, का परमेश्वर फे विश्वासयोग्य नैहुइट त? 4ओसिन कहाँ हुइ? सब मनै झूट रलसे फे परमेश्वर त सत्य जो बाट। जसिन कि धर्मशास्त्रम परमेश्वरक बारेम लिखल बा,
“बोलीवचनम अप्न ठीक ठहर्ठी,
ओ फैसला हुइबेर अप्नक जित हुइठा।”#भज ५१:४
5तर हमार करल खराब कामले परमेश्वरह झन् ठीक देखैठा कलसे हम्र का कही त? का परमेश्वर हमनसे रिसैना अन्याय हो? कत्रा मनै अस्तह विचार कर्ठ। 6ओसिन कहाँ हुइ? यदि परमेश्वर न्यायी नैहुइट कलसे, उहाँ मनैन्हक न्याय करक लाग कसिक योग्य हुइहीँ? 7कुई कहसेकी, “म्वार झूटले परमेश्वरक सत्यताह स्पष्ट देखाक उहाँक झन् महिमा हुइठा कलसे, काजे महीह पापी ठह्रैना?” 8असल चिज ह्वाए कैक हम्र पाप करी कली हुँ! कुई-कुई यिह बातक निन्दापूर्ण दोष हमन लगैठ। असिन मनै ठीक सजाय पउइयाबाट।
धर्मी कुई फे नैहो
9ओसिन हो कलसे, का हम्र यहूदीहुँक्र औरजहनसे असल बाटी त? अवस्य फे नैहुइटी। यहूदी ओ गैरयहूदी फे सब समान रूपले पापक पन्जम बाट कैक मै आघहेँ देखासेक्नु। 10धर्मशास्त्रम फे अस्तह बात लिखल बा,
“धर्मी कुई फे नैहो, एकठो फे नैहो।
11परमेश्वरक बात बुझ्ना मनै कुई फे नैहो,
परमेश्वरक खोजी कर्ना मनै कुई फे नैहो।
12सबजन बहेँट्टर होरल,
ओ काम लगुइया कुई फे नैहो,
असल काम करुइया एकठो फे नैहो।”#भज १४:१-३; ५३:१-३
13“हुँकन्हक बोली त खुल्ला गर्यमसे
अइना दुर्गन्धअस बाटन,
हुँक्र छली बात बटोइठ।”
“हुँकन्हक बोली साँपक विषअस बाटन।”#भज ५:९; १४०:३
14“हुँक्र सरप्टीरठ ओ मनक तीत बातक फुर्का मर्ठ।”#भज १०:७
15“हुँक्र हत्या कर्नाम महाझट्कार बाट।
16हुँकन्हक न्याङ्गल डगरिम विनाश
ओ दुर्दशा केल रठन।
17शान्तिसे जिना बात हुँक्र जन्ल नैहुइट।”#यशै ५९:७-८
18“हुँक्र परमेश्वरक डर नैडरैट।”#भज ३६:१
19व्यवस्थक बात त व्यवस्था पाइल मनैन लागू हुइठा कना बात हमन थाहाँ बा। उहओर्से दोषमुक्त हुइक लाग कुई फे कुछु कहसेकुइया नैहो, ओ सारा संसार परमेश्वरक आघ जवाफ देहपरहिँस। 20व्यवस्था पालन कैक परमेश्वरक नजरम कुई फे धर्मी ठह्राजउइया नैहो काकरकि मनै पापी रहल बात त व्यवस्था मनैन देखैठा।#भज १४३:२; गला २:१६
परमेश्वर मनैन धर्मी ठह्रैलक
21तर आब व्यवस्थाबिना परमेश्वर मनैन धर्मी ठह्रैठ कना बात उहाँ देखारख्ल। यिह बात व्यवस्था ओ अगमवक्तन्हक किताबम फे लिखल बा। 22येशू ख्रीष्टम विश्वास कर्ना सबजहन परमेश्वर धर्मी ठह्रैठ। मनै-मनैन्हक बीचम कुछु भिन्नता नैहो,#गला २:१६ 23काकरकि सबजन पाप कैरख्ल ओ परमेश्वरक महिमासम पुग नैसेक्लहुइट। 24तर परमेश्वर हमन दानक रूपम अनुग्रह कैक धर्मी ठह्रैठ। उहाँ यी काम ख्रीष्ट येशूद्वारा पापक दण्डसे हमन छुट्कारा देक कर्ठ। 25हमार पापक मूल्य चुकैना बलिदान हुइक लाग ख्रीष्ट येशूह परमेश्वर संसारम पठैल। म्वार लाग येशू आपन रगत बहाक बलिदान हुइल कना बात विश्वास कर्ना मनै धर्मी ठह्राजैठ। परमेश्वर पापक सजाय ख्रीष्टम देक अपन्हेह न्यायी देखैल, काकरकि ख्रीष्ट अइनासे आघ परमेश्वर आपन रिस थाम्क मनैन्हक करल पापक सजाय हुँकन नैदेल। 26असिक येशूह बलिदान हुइक लाग पठाक परमेश्वर अपन्हे धर्मी रलक बात ओ येशूम विश्वास कर्ना मनैन धर्मी ठहरैना बात उहाँ वर्तमान समयम प्रमाणित कर्ल।
27ओसिन हो कलसे केँह्का लाग घमण्ड कर्ना? घमण्ड कर्ना त बातऽ नैहो। धर्मकर्मले मनैन घमण्डी बनैठा, तर ख्रीष्टम विश्वास कर्लसे आपन धर्मकर्मम घमण्ड कर्ना बातऽ नैआइट। 28असिक हम्र जन्ठी, कि व्यवस्थक धर्मकर्म कैक नाहीँ तर ख्रीष्टम विश्वास कैक केल परमेश्वरक आघ हम्र धर्मी ठह्राजैठी। 29का परमेश्वर यहूदीन्हक केल परमेश्वर हुइट? का गैरयहूदी मनैन्हक परमेश्वर नैहुइट? अवस्य उहाँ सबजन्हक परमेश्वर हुइट। 30परमेश्वर एक्कठो बाट। उहाँ, खतना कर्ना मनैन वा खतना नैकर्ना मनैन, सबजहन हुँकन्हक विश्वासद्वारा जो धर्मी ठह्रैठ।#व्य ६:४; गला ३:२० 31आब उह विश्वासद्वारा परमेश्वरक व्यवस्थह रद्द कर्ना त? ओसिन हुइ नैसेकी। हम्र त उहाँक व्यवस्थह समर्थन पो कर्ठी।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.