रोमी 15
15
एक मनक हुइना
1हम्र विश्वासम बलगर मनै कमजोर विश्वास रहल मनैन धीरजसाथ सहायता करपर्ठा। हम्र आपन खुशी केल नैह्यारपरट्, तर औरजन्हक फे वास्ता करपर्ठा। 2हम्र हरेक जन हमार छिमेकीन्हक आत्मिक उन्नति ह्वाए कैक हुँकन्हक भलाइक लाग हुँकन खुशी पारपर्ठा। 3काकरकि ख्रीष्ट येशू फे आपन खुशीक ध्यान नैढर्ल। जसहँक धर्मशास्त्रम लिखल बा, “अप्नह अपमान करुइयन्हक अपमान म्वारम परल बा।”#भज ६९:९ 4धर्मशास्त्रम अघट्टे लिखल बात हमन शिक्षा देहक लाग लिख्गैल् हो। हमार आशह बह्रैना धर्मशास्त्रम रहल बातले हमन सहना शक्ति ओ उत्साह देठा।
5सहना शक्ति ओ उत्साह देना परमेश्वर जो टुँहन येशू ख्रीष्टक चाल अनुसार चलबेर एक्क मनक हुइना शक्ति देहीँ। 6असिक टुह्र सबजन एक्क मनक होक एक्क सोरम हमार प्रभु येशू ख्रीष्टक परमेश्वर ओ बाबक महिमा कर सेक्बो।
7परमेश्वरह महिमा देहक लाग ख्रीष्ट येशू हमन स्वीकार करअस टुह्र फे एक-औरजहन स्वीकार करो। 8मै टुँहन कहटुँ, हमार पुर्खाहुँकन देहल प्रतिज्ञा पूरा करक लाग ओ परमेश्वरक सत्यता प्रकट करक लाग येशू ख्रीष्ट यहूदीन्हक#१५:८ यहूदीन्हक: ग्रीक भाषमसे शाब्दिक रूपले अनुवाद कर्लसे यी ठाउँम “खतना हुइल्” हुइठा। दास बन्ल, 9यी कारणले कि और जातिक मनै परमेश्वरक दयक लाग उहाँक महिमा करहीँ। जसहँक धर्मशास्त्रम लिखल बा,
“और जातिक मनैन्हक बीचम
मै अप्नक प्रशंसा कर्नेबाटुँ,
ओ अप्नक नाउँक स्तुति गैनेबाटुँ।”#२ शमू २२:५०; भज १८:४९
10धर्मशास्त्रम और ठाउँम असिक लिखल बा,
“ऐ और जातिक मनै,
परमेश्वरक छानल मनैनसे आनन्द मनाओ।”#व्य ३२:४३
11ओ और ठाउँम यी फे लिखल बा,
“ऐ और जातिक मनै,
परमेश्वरक प्रशंसा करो,
ओ सब जातिक मनै प्रभुक प्रशंसा करो।”#भज ११७:१
12ओ यशैया फेदोस्र कठ,
“यिशैक वंशमसे एक जन अउइयाबाट,
उहाँ अन्यजातिन्हकम शासन करुइयाबाट,
उहाँकम और जातिहुँक्र आशा करुइयाबाट।”#यशै ११:१०
13आशा देना परमेश्वरम टुह्र विश्वास कर्लकओर्से उहाँ टुँहन पूरा आनन्द ओ शान्तिले भरदेहीँ। असहँक पवित्र आत्मक शक्तिले टुन्हक आशा बहर्टी जाए।
और जातिक बीचम पावलक सेवा
14म्वार दादुभैयहुँक्र, टुह्र सज्जन बाटो, सक्कु प्रकारक ज्ञानले भरिभराउ बाटो ओ एक-औरजहन शिक्षा देनाम सिपार बाटो कना बारेम मै ढुक्क बाटुँ। 15उहफे यी चिठीम टुँहन कत्रा बातक सम्झना कराइक लाग खुलस्त लिखटुँ। कारण परमेश्वर महीह अनुग्रह देरख्ल, 16ओ और जातिक मनैन्हक बीचम महीह ख्रीष्ट येशूक सेवक बनारख्ल। परमेश्वरक आघ मनपर्ना भेटी पूजारी आनअस मै फे पूजारीक सेवा पूरा कर्ठुं। और जातिक मनैन परमेश्वरकठे आनक लाग ओ हुँक्र पवित्र आत्मले शुद्ध होक परमेश्वरह मनपर्ना भेटी हुहीँ कैक परमेश्वरक खुशीक खबर सुनैठुँ।
17उहओर्से येशू ख्रीष्टक कारण परमेश्वरक लाग करपर्ना म्वार कामम मै गर्व कर्ठुं। 18ख्रीष्ट म्वार जीवनसे करल कामक बारेम केल मै बोल्ना आँट कर्ठुं। उहाँ म्वार काम ओ प्रचारद्वारा और जातिक मनैन परमेश्वरह मानक लाग सिखारख्ल। 19उहाँ यी काम शक्तिशाली चिन्ह, अचम्मक काम, ओ पवित्र आत्मक शक्तिद्वारा कर्ल। यी क्रमम यरूशलेमसे इल्लुरिकन कना देशसम यात्रा कैक मै ख्रीष्टक बारेम पूर्ण रूपले प्रचार कैरख्नु। 20औरजन्हक बैठाइल जगम घर नैबनाइअस मै औरजन्हक प्रचार करल ठाउँम नाहीँ, तर येशू ख्रीष्टक नाउँ सुन्बोसुन्बोनैकरल ठाउँ ओ और जन प्रचार नैकरल ठाउँम केल प्रचार कर्ना म्वार लक्ष्य रह। 21जस्तहँक धर्मशास्त्रम लिखल बा,
“उहाँक बारेम जेहीह कुछु नैकैगिल् हो,
हुँक्र उहाँह देख्नेबाट,
ओ उहाँक बारेम जे कबु फे नैसुन्ल हो
हुँक्र उहाँक बात बुझ्नेबाट।”#यशै ५२:१५
रोम जैना पावलक योजना
22टुन्हकठे अइना मै धेर फ्यारा विचार कर्लसे फे लौव-लौव ठाउँम प्रचार करपर्लकओर्से आइ नैसेक्नु।#रोम १:१३ 23तर यी क्षेत्रम मै प्रचारक काम ओरारख्नु। धेर वर्षसे टुँहन भेँट्ना भारी इच्छालागलरह। 24उहओर्से मै उह डगर हुइटी स्पेन देशम जाइबेर टुँहन भेँट्ना आशा बा। टुँहनसे आनन्दसाथ कुछ समय बिताक स्पेनसम जाइक लाग टुँहनसे कुछु मद्दत फे पैना आशा बा। 25तर आब परमेश्वरक मनैन्हक लाग आर्थिक सहायता लेक यरूशलेमम जाइटुँ। 26काकरकि अखैया ओ माकेडोनियम रहल मण्डलीहुँक्र यरूशलेमम रहल मण्डलीक गरीब विश्वासीन्हक लाग पैँसा पठैना निश्चय कैरख्ल,#१ कोर १६:१-४ 27जौन पैँसा हुँक्र आपन खुशीले जम्मा कर्लक हुइट। वास्तवम उ गरीब यहूदी विश्वासीहुँकन सहायता करपर्ना फे हो, काकरकि यहूदीहुँकनसे और जातिक मनै आत्मिक आशिष पैल। ओसहेँक यी और जातिक विश्वासीहुँक्र फे यहूदीन्हक खाँचोम आर्थिक सहायता करपर्ठा।#१ कोर ९:११ 28उहओर्से यरूशलेमक मण्डलीक लाग पठागैल् पैँसा हुँकन बुझाक स्पेन जैम ओ उहब्याला टुन्हकठे फे पैँठ्नेबाटुँ। 29जब मै टुन्हकठे जैम, तब येशू ख्रीष्टक देहल आशिषले भरिभराउ होक जैम।
30दादुभैयहुँक्र, हमार प्रभु येशू ख्रीष्टम एक हुइलक कारण ओ पवित्र आत्मले देहल प्रेमक कारणले म्वार लाग परमेश्वरसे प्रार्थना कैक म्वार सङ्घर्षम महीह सहायता देहो कैक मै बिन्ती करटुँ। 31मै यहूदियम रहल अविश्वासीहुँकनसे सुरक्षित रह सेकू, ओ यरूशलेमम रहल परमेश्वरक मनै म्वार आनल सहायता स्वीकार करहीँ कैक प्रार्थना कैदेओ। 32तब परमेश्वरक इच्छा हुइ कलसे मै खुशीसे टुन्हकठे अइनेबाटुँ ओ टुँहनसे सङ्गति कैक फेदोस्र ताजा हुइम। 33शान्ति देना परमेश्वर टुह्र सक्कुजन्हकसँग रह्हीँ। आमेन।
Currently Selected:
रोमी 15: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
रोमी 15
15
एक मनक हुइना
1हम्र विश्वासम बलगर मनै कमजोर विश्वास रहल मनैन धीरजसाथ सहायता करपर्ठा। हम्र आपन खुशी केल नैह्यारपरट्, तर औरजन्हक फे वास्ता करपर्ठा। 2हम्र हरेक जन हमार छिमेकीन्हक आत्मिक उन्नति ह्वाए कैक हुँकन्हक भलाइक लाग हुँकन खुशी पारपर्ठा। 3काकरकि ख्रीष्ट येशू फे आपन खुशीक ध्यान नैढर्ल। जसहँक धर्मशास्त्रम लिखल बा, “अप्नह अपमान करुइयन्हक अपमान म्वारम परल बा।”#भज ६९:९ 4धर्मशास्त्रम अघट्टे लिखल बात हमन शिक्षा देहक लाग लिख्गैल् हो। हमार आशह बह्रैना धर्मशास्त्रम रहल बातले हमन सहना शक्ति ओ उत्साह देठा।
5सहना शक्ति ओ उत्साह देना परमेश्वर जो टुँहन येशू ख्रीष्टक चाल अनुसार चलबेर एक्क मनक हुइना शक्ति देहीँ। 6असिक टुह्र सबजन एक्क मनक होक एक्क सोरम हमार प्रभु येशू ख्रीष्टक परमेश्वर ओ बाबक महिमा कर सेक्बो।
7परमेश्वरह महिमा देहक लाग ख्रीष्ट येशू हमन स्वीकार करअस टुह्र फे एक-औरजहन स्वीकार करो। 8मै टुँहन कहटुँ, हमार पुर्खाहुँकन देहल प्रतिज्ञा पूरा करक लाग ओ परमेश्वरक सत्यता प्रकट करक लाग येशू ख्रीष्ट यहूदीन्हक#१५:८ यहूदीन्हक: ग्रीक भाषमसे शाब्दिक रूपले अनुवाद कर्लसे यी ठाउँम “खतना हुइल्” हुइठा। दास बन्ल, 9यी कारणले कि और जातिक मनै परमेश्वरक दयक लाग उहाँक महिमा करहीँ। जसहँक धर्मशास्त्रम लिखल बा,
“और जातिक मनैन्हक बीचम
मै अप्नक प्रशंसा कर्नेबाटुँ,
ओ अप्नक नाउँक स्तुति गैनेबाटुँ।”#२ शमू २२:५०; भज १८:४९
10धर्मशास्त्रम और ठाउँम असिक लिखल बा,
“ऐ और जातिक मनै,
परमेश्वरक छानल मनैनसे आनन्द मनाओ।”#व्य ३२:४३
11ओ और ठाउँम यी फे लिखल बा,
“ऐ और जातिक मनै,
परमेश्वरक प्रशंसा करो,
ओ सब जातिक मनै प्रभुक प्रशंसा करो।”#भज ११७:१
12ओ यशैया फेदोस्र कठ,
“यिशैक वंशमसे एक जन अउइयाबाट,
उहाँ अन्यजातिन्हकम शासन करुइयाबाट,
उहाँकम और जातिहुँक्र आशा करुइयाबाट।”#यशै ११:१०
13आशा देना परमेश्वरम टुह्र विश्वास कर्लकओर्से उहाँ टुँहन पूरा आनन्द ओ शान्तिले भरदेहीँ। असहँक पवित्र आत्मक शक्तिले टुन्हक आशा बहर्टी जाए।
और जातिक बीचम पावलक सेवा
14म्वार दादुभैयहुँक्र, टुह्र सज्जन बाटो, सक्कु प्रकारक ज्ञानले भरिभराउ बाटो ओ एक-औरजहन शिक्षा देनाम सिपार बाटो कना बारेम मै ढुक्क बाटुँ। 15उहफे यी चिठीम टुँहन कत्रा बातक सम्झना कराइक लाग खुलस्त लिखटुँ। कारण परमेश्वर महीह अनुग्रह देरख्ल, 16ओ और जातिक मनैन्हक बीचम महीह ख्रीष्ट येशूक सेवक बनारख्ल। परमेश्वरक आघ मनपर्ना भेटी पूजारी आनअस मै फे पूजारीक सेवा पूरा कर्ठुं। और जातिक मनैन परमेश्वरकठे आनक लाग ओ हुँक्र पवित्र आत्मले शुद्ध होक परमेश्वरह मनपर्ना भेटी हुहीँ कैक परमेश्वरक खुशीक खबर सुनैठुँ।
17उहओर्से येशू ख्रीष्टक कारण परमेश्वरक लाग करपर्ना म्वार कामम मै गर्व कर्ठुं। 18ख्रीष्ट म्वार जीवनसे करल कामक बारेम केल मै बोल्ना आँट कर्ठुं। उहाँ म्वार काम ओ प्रचारद्वारा और जातिक मनैन परमेश्वरह मानक लाग सिखारख्ल। 19उहाँ यी काम शक्तिशाली चिन्ह, अचम्मक काम, ओ पवित्र आत्मक शक्तिद्वारा कर्ल। यी क्रमम यरूशलेमसे इल्लुरिकन कना देशसम यात्रा कैक मै ख्रीष्टक बारेम पूर्ण रूपले प्रचार कैरख्नु। 20औरजन्हक बैठाइल जगम घर नैबनाइअस मै औरजन्हक प्रचार करल ठाउँम नाहीँ, तर येशू ख्रीष्टक नाउँ सुन्बोसुन्बोनैकरल ठाउँ ओ और जन प्रचार नैकरल ठाउँम केल प्रचार कर्ना म्वार लक्ष्य रह। 21जस्तहँक धर्मशास्त्रम लिखल बा,
“उहाँक बारेम जेहीह कुछु नैकैगिल् हो,
हुँक्र उहाँह देख्नेबाट,
ओ उहाँक बारेम जे कबु फे नैसुन्ल हो
हुँक्र उहाँक बात बुझ्नेबाट।”#यशै ५२:१५
रोम जैना पावलक योजना
22टुन्हकठे अइना मै धेर फ्यारा विचार कर्लसे फे लौव-लौव ठाउँम प्रचार करपर्लकओर्से आइ नैसेक्नु।#रोम १:१३ 23तर यी क्षेत्रम मै प्रचारक काम ओरारख्नु। धेर वर्षसे टुँहन भेँट्ना भारी इच्छालागलरह। 24उहओर्से मै उह डगर हुइटी स्पेन देशम जाइबेर टुँहन भेँट्ना आशा बा। टुँहनसे आनन्दसाथ कुछ समय बिताक स्पेनसम जाइक लाग टुँहनसे कुछु मद्दत फे पैना आशा बा। 25तर आब परमेश्वरक मनैन्हक लाग आर्थिक सहायता लेक यरूशलेमम जाइटुँ। 26काकरकि अखैया ओ माकेडोनियम रहल मण्डलीहुँक्र यरूशलेमम रहल मण्डलीक गरीब विश्वासीन्हक लाग पैँसा पठैना निश्चय कैरख्ल,#१ कोर १६:१-४ 27जौन पैँसा हुँक्र आपन खुशीले जम्मा कर्लक हुइट। वास्तवम उ गरीब यहूदी विश्वासीहुँकन सहायता करपर्ना फे हो, काकरकि यहूदीहुँकनसे और जातिक मनै आत्मिक आशिष पैल। ओसहेँक यी और जातिक विश्वासीहुँक्र फे यहूदीन्हक खाँचोम आर्थिक सहायता करपर्ठा।#१ कोर ९:११ 28उहओर्से यरूशलेमक मण्डलीक लाग पठागैल् पैँसा हुँकन बुझाक स्पेन जैम ओ उहब्याला टुन्हकठे फे पैँठ्नेबाटुँ। 29जब मै टुन्हकठे जैम, तब येशू ख्रीष्टक देहल आशिषले भरिभराउ होक जैम।
30दादुभैयहुँक्र, हमार प्रभु येशू ख्रीष्टम एक हुइलक कारण ओ पवित्र आत्मले देहल प्रेमक कारणले म्वार लाग परमेश्वरसे प्रार्थना कैक म्वार सङ्घर्षम महीह सहायता देहो कैक मै बिन्ती करटुँ। 31मै यहूदियम रहल अविश्वासीहुँकनसे सुरक्षित रह सेकू, ओ यरूशलेमम रहल परमेश्वरक मनै म्वार आनल सहायता स्वीकार करहीँ कैक प्रार्थना कैदेओ। 32तब परमेश्वरक इच्छा हुइ कलसे मै खुशीसे टुन्हकठे अइनेबाटुँ ओ टुँहनसे सङ्गति कैक फेदोस्र ताजा हुइम। 33शान्ति देना परमेश्वर टुह्र सक्कुजन्हकसँग रह्हीँ। आमेन।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.