याकूब 5
5
धनी मनैन चेताउनी
1धनी मनै सुन पर्ना म्वारठे एक बात बा। हुँक्र विलाप कै-कै रुइपर्ठा, काकरकि हुँकन्हक जीवनम धेर दुःखकष्ट अइटीबाटन। 2हुँकन्हक धनसम्पत्ति कुह्रलन, लुगाफाटा कीरा खारख्लन, 3ओ स्वानचाँदीम फे कस लागरलन। उह कस जो हुँकन्हक दोष देखैने बा, ओ आगीअस हुँकन्हक जीउ जरैने बा। हुँकन्हक कुह्र्याइल धनसम्पत्ति त न्याय कर्ना दिनम हुँकन्हक्के विरोधम प्रमाण हुउइया बा। 4हेरो! हुँकन्हक खेत्वक बालीनाली सहेरदेना मनैन हुँक्र ज्याला नैदेलहुइट। ज्याला नैपैलकओर्से हुँक्र परमेश्वरसे जोरसे प्रार्थना कर्टिबाट। सर्वशक्तिमान् परमप्रभु हुँकन्हक प्रार्थना सुनरख्ल। 5पृथ्वीम धनी मनै मोजमजा ओ सुखविलासम आपन जीवन बितैती आइट। कट्वापैना दिनिक लाग हुँक्र अपन्हेह ठुल्हारख्ल। 6हुँकन्हक विरोध फे नैकर्ना निर्दोष मनैन हुँक्र दोषी ठह्राक मुवाइ लगारख्ल।
धैर्यधारण कर्ना
7उहओर्से हेरो भैयौ, प्रभु येशू फेदोस्र नैआइट्सम धैर्य करो। खेतीकिसान करुइयन आघक ओ पाछक वर्षा नैहुइट्सम धैर्य कैक बहुमूल्य बालीनाली उब्जाइक लाग अश्या लग्लरठ। 8ओसहेँक, टुह्र फे धैर्य करो ओ साहस करो, काकरकि प्रभुक अइना दिन पुगलग्लन। 9एक-औरजन्हक विरोधम गनगन जिन करो, भैयौ, नकि टुह्र फे दोषी ठह्राजैबो। हेरो, ठीक न्याय करुइया ड्वारीटर पुगरल।
10हेरो भैयौ, बराबरा दुःखकष्ट फे धैर्य कैक सहना ओ प्रभुक नाउँम वचन बोल्ना अगमवक्तन विचार करो। 11धैर्य कर्ना मनै आशिष पैठ कना बात हम्र मन्लबाटी। अय्यूब धैर्य कर्लक, ओ प्रभु हुँकहीन धेर दया ओ कृपा देखैलक बात हुँकहार जीवनम स्पष्ट देखपर्लन।
12म्वार भैयौ, सबसे महत्वपूर्ण बात का हो कलसे, स्वर्गम या पृथ्वीम रना केक्रो नाउँम किर्या जिन खैहो, या कौनो और तरिकाले फे किर्या जिन खैहो। बेनसे टुह्र “हो” कलसे “हो”, ओ “नैहो” कलसे “नैहो” कैदेहो, नकि टुह्र परमेश्वरक न्यायम पर्बो।
प्रार्थनक शक्ति
13टुह्रमध्येम यदि कुई दुःखकष्ट भ्वागटा कलसे, ऊ परमेश्वरसे सहायता माङ्गक लाग प्रार्थना करपर्ठा। टुह्रमध्येम यदि कुई आनन्दित बा कलसे, ऊ भजन गैटी परमेश्वरक आराधना करपर्ठा। 14टुह्रमध्येम यदि कुई बेराम बा कलसे, ऊ मण्डलीक एल्डरहुँकन बलाइपर्ठा, ओ हुँक्र आक प्रभुक कृपा हुइल् संकेतक रूपम वाकरम त्याल लगादेटी वाकर लाग परमेश्वरसे प्रार्थना कैदेहपर्ठा। 15यदि “यी बेरम्हेह प्रभु चोखैहीँ” कना विश्वासले प्रार्थना कर्ना हो कलसे, प्रभु ओहीह चोखैहीँ। उ मनैया पाप कैराखल कलसे फे, ऊ क्षमा पैनेबा। 16उहओर्से यदि टुह्र चोखाइ चहठो कलसे, टुह्र एक-औरजन्हक आघ आपन-आपन पाप स्वीकार करो,#५:१६ काजेकलसे पापक कारण मनै बेराम परसेक्ठ। ओ एक-औरजन्हक लाग प्रार्थना करो। धर्मी मनै प्रार्थना कर्ल कलसे, परमेश्वर शक्तिशाली ओ प्रभावशाली तरिकाले काम कर्ठ।
17एलिया फे हमारअस मनै त रलह। पानी जिन आए कैक ऊ जोड्दार प्रार्थना कर्ल त, तीन वर्ष छ मैन्हासम एक बुन्डा पानी नैआइल।#१ राज १७:१; १८:१ 18पाछ पानी आए कैक ऊ प्रार्थना कर्ल त, पानी आइल ओ बालीनाली फरल।
टेँर्ह्कल विश्वासीह सम्झैना
19म्वार भैयौ, टुह्रमध्येम यदि कुई सत्य बातसे दूर गैरहल, ओ टुह्र ओहीह फेदोस्र घुमाक आन सेक्लो कलसे, 20टुह्र यी बात महसुस करपर्ठा: टुह्र एकठो मनैयह मृत्युमसे बाँचक लाग ओ सब पाप क्षमा पाइक लाग सहायता कैरख्लो।
Currently Selected:
याकूब 5: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
याकूब 5
5
धनी मनैन चेताउनी
1धनी मनै सुन पर्ना म्वारठे एक बात बा। हुँक्र विलाप कै-कै रुइपर्ठा, काकरकि हुँकन्हक जीवनम धेर दुःखकष्ट अइटीबाटन। 2हुँकन्हक धनसम्पत्ति कुह्रलन, लुगाफाटा कीरा खारख्लन, 3ओ स्वानचाँदीम फे कस लागरलन। उह कस जो हुँकन्हक दोष देखैने बा, ओ आगीअस हुँकन्हक जीउ जरैने बा। हुँकन्हक कुह्र्याइल धनसम्पत्ति त न्याय कर्ना दिनम हुँकन्हक्के विरोधम प्रमाण हुउइया बा। 4हेरो! हुँकन्हक खेत्वक बालीनाली सहेरदेना मनैन हुँक्र ज्याला नैदेलहुइट। ज्याला नैपैलकओर्से हुँक्र परमेश्वरसे जोरसे प्रार्थना कर्टिबाट। सर्वशक्तिमान् परमप्रभु हुँकन्हक प्रार्थना सुनरख्ल। 5पृथ्वीम धनी मनै मोजमजा ओ सुखविलासम आपन जीवन बितैती आइट। कट्वापैना दिनिक लाग हुँक्र अपन्हेह ठुल्हारख्ल। 6हुँकन्हक विरोध फे नैकर्ना निर्दोष मनैन हुँक्र दोषी ठह्राक मुवाइ लगारख्ल।
धैर्यधारण कर्ना
7उहओर्से हेरो भैयौ, प्रभु येशू फेदोस्र नैआइट्सम धैर्य करो। खेतीकिसान करुइयन आघक ओ पाछक वर्षा नैहुइट्सम धैर्य कैक बहुमूल्य बालीनाली उब्जाइक लाग अश्या लग्लरठ। 8ओसहेँक, टुह्र फे धैर्य करो ओ साहस करो, काकरकि प्रभुक अइना दिन पुगलग्लन। 9एक-औरजन्हक विरोधम गनगन जिन करो, भैयौ, नकि टुह्र फे दोषी ठह्राजैबो। हेरो, ठीक न्याय करुइया ड्वारीटर पुगरल।
10हेरो भैयौ, बराबरा दुःखकष्ट फे धैर्य कैक सहना ओ प्रभुक नाउँम वचन बोल्ना अगमवक्तन विचार करो। 11धैर्य कर्ना मनै आशिष पैठ कना बात हम्र मन्लबाटी। अय्यूब धैर्य कर्लक, ओ प्रभु हुँकहीन धेर दया ओ कृपा देखैलक बात हुँकहार जीवनम स्पष्ट देखपर्लन।
12म्वार भैयौ, सबसे महत्वपूर्ण बात का हो कलसे, स्वर्गम या पृथ्वीम रना केक्रो नाउँम किर्या जिन खैहो, या कौनो और तरिकाले फे किर्या जिन खैहो। बेनसे टुह्र “हो” कलसे “हो”, ओ “नैहो” कलसे “नैहो” कैदेहो, नकि टुह्र परमेश्वरक न्यायम पर्बो।
प्रार्थनक शक्ति
13टुह्रमध्येम यदि कुई दुःखकष्ट भ्वागटा कलसे, ऊ परमेश्वरसे सहायता माङ्गक लाग प्रार्थना करपर्ठा। टुह्रमध्येम यदि कुई आनन्दित बा कलसे, ऊ भजन गैटी परमेश्वरक आराधना करपर्ठा। 14टुह्रमध्येम यदि कुई बेराम बा कलसे, ऊ मण्डलीक एल्डरहुँकन बलाइपर्ठा, ओ हुँक्र आक प्रभुक कृपा हुइल् संकेतक रूपम वाकरम त्याल लगादेटी वाकर लाग परमेश्वरसे प्रार्थना कैदेहपर्ठा। 15यदि “यी बेरम्हेह प्रभु चोखैहीँ” कना विश्वासले प्रार्थना कर्ना हो कलसे, प्रभु ओहीह चोखैहीँ। उ मनैया पाप कैराखल कलसे फे, ऊ क्षमा पैनेबा। 16उहओर्से यदि टुह्र चोखाइ चहठो कलसे, टुह्र एक-औरजन्हक आघ आपन-आपन पाप स्वीकार करो,#५:१६ काजेकलसे पापक कारण मनै बेराम परसेक्ठ। ओ एक-औरजन्हक लाग प्रार्थना करो। धर्मी मनै प्रार्थना कर्ल कलसे, परमेश्वर शक्तिशाली ओ प्रभावशाली तरिकाले काम कर्ठ।
17एलिया फे हमारअस मनै त रलह। पानी जिन आए कैक ऊ जोड्दार प्रार्थना कर्ल त, तीन वर्ष छ मैन्हासम एक बुन्डा पानी नैआइल।#१ राज १७:१; १८:१ 18पाछ पानी आए कैक ऊ प्रार्थना कर्ल त, पानी आइल ओ बालीनाली फरल।
टेँर्ह्कल विश्वासीह सम्झैना
19म्वार भैयौ, टुह्रमध्येम यदि कुई सत्य बातसे दूर गैरहल, ओ टुह्र ओहीह फेदोस्र घुमाक आन सेक्लो कलसे, 20टुह्र यी बात महसुस करपर्ठा: टुह्र एकठो मनैयह मृत्युमसे बाँचक लाग ओ सब पाप क्षमा पाइक लाग सहायता कैरख्लो।
© 2020, Wycliffe Bible Translators, Inc. All rights reserved.