याकूब 2
2
पक्षपात पाप हो
1म्वार भैयौ, यदि टुह्र हमार महिमामय प्रभु येशू ख्रीष्टक्म जाट्टीसे विश्वास कर्ठो कलसे, कबु फे पक्षपात जिन करो। 2मानिले, टुन्हक सङ्गतिम स्वानक मजामजा मुन्द्री ओ धेर महङ लुगा लगैल एकठो धनी मनैया आइल, ओ फाटल-फाटल लुगा लगैल और गरीब मनैया फे आइल। 3यदि टुह्र, धनी मनैयह आदर कर्टी, “अप्न यिहिँम बैठी” कठो, तर गरीब मनैयह “टैँ उहँरे ठह्र्यैल रोह्” या “भूइँयम म्वार ग्वारटर बैठ्” कठो कलसे, 4उ त सरासर आपनऽ समाजम पक्षपात करल होगैल् नि। ओसिन त खराब विचार रहल न्यायाधीश कर्ठ।
5म्वार प्रिय भैयौ, विश्वासम धनी हुहीँ कैक परमेश्वर संसारक गरीब मनैन रोज्ल। परमेश्वरक राज्यम अधिकार कर पैना मनै हुँक्रहे हुइट, काकरकि परमेश्वर उहाँह प्रेम कर्ना मनैन उ अधिकार देना प्रतिज्ञा कैरख्ल। 6तर टुह्र त गरीबन्हक अपमान कर्ठो। वास्तवम अत्याचार कैक धनीय मनै टुँहन बलजब्री अदालतम नैलैजैट का? 7येशूक बदनाम करुइयन हुँक्रहे नैहुइट का? टुह्र त उहाँकऽ मनै हुइटो ओ उहाँकऽ उच्च नाउँले परिचित बाटो।
8यदि टुह्र धर्मशास्त्रम उहाँक देहल नियम अनुसार चल्ठो कलसे, टुह्र एकदम ठीक कर्टिबाटो। हमार राजा परमेश्वरक नियम यिह हो, “आपन छिमेकीह अपन्हेहअस प्रेम करो।”#लेवी १९:१८ 9तर यदि टुह्र पक्षपात कर्ठो कलसे, टुह्र पाप कर्टिबाटो, ओ परमेश्वरक नियम अनुसार नैचल्लक प्रमाण त उह हो। 10काकरकि यदि कौनो मनैया परमेश्वरक सक्कु नियम पालन कर्टीकर्टी, एक्कठो नियमम चुकल कलसे फे, उ सक्कु नियम पालन नैकरल बराबर दोषी हुइठा। 11वास्तवम “व्यभिचार जिन करो” कहुइया परमेश्वर जो “हत्या जिन करो” कलह। उहओर्से, यदि टुह्र व्यभिचार नैकर्लसे फे, हत्या कर्लो कलसे, टुह्र व्यवस्था भङ्ग करुइयन हुइठो।#प्रस २०:१३-१४; व्य ५:१७-१८
12परमेश्वर मनैन पापमसे छुट्कारा देना वचनक आधारम टुन्हक न्याय कर्ठ। उहओर्से टुन्हक बोली ओ व्यवहार मजा हुइपर्ठा। 13ओ दया नैदेखैना मनैयक न्याय बिना दयक हुइनेबाटस। दया त न्यायह जित्ठा।
विश्वास ओ काम
14म्वार भैयौ, यदि कौनो मनैया “मै परमेश्वरम विश्वास कर्ठुं” त कठा, तर उहाँक् इच्छा अनुसार काम नैकरट् कलसे, का फाइदा? ओसिन मनैन परमेश्वर बचैहीँ का? 15मानिले कौनो भैया या बहिनेकठे आवश्यक लुगाफाटा नैहुइटस, ओ ओहीह दिन-दिनऽ खाइ फे नैपुग्टस। 16यदि टुह्रमध्ये कुई ओहीह “मज-मज रहहो, टुँहीन खैना, लगैना प्रशस्त पुग” केल कठा, तर ओहीह आवश्यक परल चिज कुछु फे नैदेहट् कलसे, का फाइदा? 17ओसहेँक यदि टुह्रमध्ये कुई विश्वास अनुसारक काम नैकरट् कलसे, वाकर त मुवल विश्वास हुइटस।
18तर कुई महीह पुछी, “का टुँ परमेश्वरम विश्वास कर्ठो?” मै कहम, “मै त उहाँक आज्ञा अनुसार काम कर्ठुं। उहाँक आज्ञापालन बिना कर्ल आपन विश्वास देखाओ जे? मै त कामले आपन विश्वास देखैठुँ।” 19परमेश्वर एक्कठो बाट कना बात टुँ विश्वास कर्ठो। उ मजा हो। ओसिक त भूत फे विश्वास कर्ठ ओ दण्ड पैना डरकमार लग्लगैठ।
20का टुँहार अक्किल नैहो? उहाँक आज्ञापालन नैकर्ना विश्वास बेकार हो कना बात टुँ नैबुझ्टो का? 21हमार पुर्खा अब्राहामक बारेम विचार करो ना। काजे परमेश्वर हुँकहीन धर्मी ठह्रैलह? ऊ आपन छावा इसहाकह वेदीम बलि चह्रैलक कारणले नैहो का?#उत २२:१-१४ 22काम ओ विश्वास सँगसँग रठा कना बात देख्लो? हुँकहार आज्ञापालनले हुँकहार विश्वासह प्रमाणित करल। 23“अब्राहाम परमेश्वरम विश्वास कर्ल, ओ परमेश्वर हुँकहीन धर्मी ठह्रैल” कैक धर्मशास्त्रम लिखल बात हुँकहार करल कामले पक्का साबित कर्ठा। उहओर्से हुँकहीन परमेश्वरक संघारी कैगिल् बा।#उत १५:६; २ इति २०:७; यशै ४१:८; रोम ४:३ 24विश्वास कैक केल नैहुइट्, तर विश्वास अनुसार काम करुइयह परमेश्वर धर्मी ठह्रैठ कना बात देख्लो।
25राहाब बेश्यक#२:२५ परमेश्वरम विश्वास कर्नासे आघ बेश्या काम कर्लकओर्से, ऊ राहाब बेश्यक रूपम चिह्न्गैली। बारेम फे विचार करो ना। ऊ सुराकी कर गैल् इस्राएलीन नुकैलही ओ और डगरओर्से भागक लाग हुँकन मद्दत कर्लही।#यहो २:१-२१ असिक हुँकहार करल कामकमार जो परमेश्वर हुँकहीन धर्मी ठह्रैलह। 26जसहेँक प्राण नैरहल शरीर मुवल शरीर हो, ओसहेँक कामसे अलग रहल विश्वास फे मुवल विश्वास हो।
Currently Selected:
याकूब 2: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
याकूब 2
2
पक्षपात पाप हो
1म्वार भैयौ, यदि टुह्र हमार महिमामय प्रभु येशू ख्रीष्टक्म जाट्टीसे विश्वास कर्ठो कलसे, कबु फे पक्षपात जिन करो। 2मानिले, टुन्हक सङ्गतिम स्वानक मजामजा मुन्द्री ओ धेर महङ लुगा लगैल एकठो धनी मनैया आइल, ओ फाटल-फाटल लुगा लगैल और गरीब मनैया फे आइल। 3यदि टुह्र, धनी मनैयह आदर कर्टी, “अप्न यिहिँम बैठी” कठो, तर गरीब मनैयह “टैँ उहँरे ठह्र्यैल रोह्” या “भूइँयम म्वार ग्वारटर बैठ्” कठो कलसे, 4उ त सरासर आपनऽ समाजम पक्षपात करल होगैल् नि। ओसिन त खराब विचार रहल न्यायाधीश कर्ठ।
5म्वार प्रिय भैयौ, विश्वासम धनी हुहीँ कैक परमेश्वर संसारक गरीब मनैन रोज्ल। परमेश्वरक राज्यम अधिकार कर पैना मनै हुँक्रहे हुइट, काकरकि परमेश्वर उहाँह प्रेम कर्ना मनैन उ अधिकार देना प्रतिज्ञा कैरख्ल। 6तर टुह्र त गरीबन्हक अपमान कर्ठो। वास्तवम अत्याचार कैक धनीय मनै टुँहन बलजब्री अदालतम नैलैजैट का? 7येशूक बदनाम करुइयन हुँक्रहे नैहुइट का? टुह्र त उहाँकऽ मनै हुइटो ओ उहाँकऽ उच्च नाउँले परिचित बाटो।
8यदि टुह्र धर्मशास्त्रम उहाँक देहल नियम अनुसार चल्ठो कलसे, टुह्र एकदम ठीक कर्टिबाटो। हमार राजा परमेश्वरक नियम यिह हो, “आपन छिमेकीह अपन्हेहअस प्रेम करो।”#लेवी १९:१८ 9तर यदि टुह्र पक्षपात कर्ठो कलसे, टुह्र पाप कर्टिबाटो, ओ परमेश्वरक नियम अनुसार नैचल्लक प्रमाण त उह हो। 10काकरकि यदि कौनो मनैया परमेश्वरक सक्कु नियम पालन कर्टीकर्टी, एक्कठो नियमम चुकल कलसे फे, उ सक्कु नियम पालन नैकरल बराबर दोषी हुइठा। 11वास्तवम “व्यभिचार जिन करो” कहुइया परमेश्वर जो “हत्या जिन करो” कलह। उहओर्से, यदि टुह्र व्यभिचार नैकर्लसे फे, हत्या कर्लो कलसे, टुह्र व्यवस्था भङ्ग करुइयन हुइठो।#प्रस २०:१३-१४; व्य ५:१७-१८
12परमेश्वर मनैन पापमसे छुट्कारा देना वचनक आधारम टुन्हक न्याय कर्ठ। उहओर्से टुन्हक बोली ओ व्यवहार मजा हुइपर्ठा। 13ओ दया नैदेखैना मनैयक न्याय बिना दयक हुइनेबाटस। दया त न्यायह जित्ठा।
विश्वास ओ काम
14म्वार भैयौ, यदि कौनो मनैया “मै परमेश्वरम विश्वास कर्ठुं” त कठा, तर उहाँक् इच्छा अनुसार काम नैकरट् कलसे, का फाइदा? ओसिन मनैन परमेश्वर बचैहीँ का? 15मानिले कौनो भैया या बहिनेकठे आवश्यक लुगाफाटा नैहुइटस, ओ ओहीह दिन-दिनऽ खाइ फे नैपुग्टस। 16यदि टुह्रमध्ये कुई ओहीह “मज-मज रहहो, टुँहीन खैना, लगैना प्रशस्त पुग” केल कठा, तर ओहीह आवश्यक परल चिज कुछु फे नैदेहट् कलसे, का फाइदा? 17ओसहेँक यदि टुह्रमध्ये कुई विश्वास अनुसारक काम नैकरट् कलसे, वाकर त मुवल विश्वास हुइटस।
18तर कुई महीह पुछी, “का टुँ परमेश्वरम विश्वास कर्ठो?” मै कहम, “मै त उहाँक आज्ञा अनुसार काम कर्ठुं। उहाँक आज्ञापालन बिना कर्ल आपन विश्वास देखाओ जे? मै त कामले आपन विश्वास देखैठुँ।” 19परमेश्वर एक्कठो बाट कना बात टुँ विश्वास कर्ठो। उ मजा हो। ओसिक त भूत फे विश्वास कर्ठ ओ दण्ड पैना डरकमार लग्लगैठ।
20का टुँहार अक्किल नैहो? उहाँक आज्ञापालन नैकर्ना विश्वास बेकार हो कना बात टुँ नैबुझ्टो का? 21हमार पुर्खा अब्राहामक बारेम विचार करो ना। काजे परमेश्वर हुँकहीन धर्मी ठह्रैलह? ऊ आपन छावा इसहाकह वेदीम बलि चह्रैलक कारणले नैहो का?#उत २२:१-१४ 22काम ओ विश्वास सँगसँग रठा कना बात देख्लो? हुँकहार आज्ञापालनले हुँकहार विश्वासह प्रमाणित करल। 23“अब्राहाम परमेश्वरम विश्वास कर्ल, ओ परमेश्वर हुँकहीन धर्मी ठह्रैल” कैक धर्मशास्त्रम लिखल बात हुँकहार करल कामले पक्का साबित कर्ठा। उहओर्से हुँकहीन परमेश्वरक संघारी कैगिल् बा।#उत १५:६; २ इति २०:७; यशै ४१:८; रोम ४:३ 24विश्वास कैक केल नैहुइट्, तर विश्वास अनुसार काम करुइयह परमेश्वर धर्मी ठह्रैठ कना बात देख्लो।
25राहाब बेश्यक#२:२५ परमेश्वरम विश्वास कर्नासे आघ बेश्या काम कर्लकओर्से, ऊ राहाब बेश्यक रूपम चिह्न्गैली। बारेम फे विचार करो ना। ऊ सुराकी कर गैल् इस्राएलीन नुकैलही ओ और डगरओर्से भागक लाग हुँकन मद्दत कर्लही।#यहो २:१-२१ असिक हुँकहार करल कामकमार जो परमेश्वर हुँकहीन धर्मी ठह्रैलह। 26जसहेँक प्राण नैरहल शरीर मुवल शरीर हो, ओसहेँक कामसे अलग रहल विश्वास फे मुवल विश्वास हो।
© 2020, Wycliffe Bible Translators, Inc. All rights reserved.