याकूब 1
1
1परमेश्वर ओ प्रभु येशू ख्रीष्टक कमारा मै याकूब यी चिठी संसारभर फैलल् यहूदी ख्रीष्टियनहुँकन लिखटुँ। सबजहन म्वार अभिवादन बा।#मत्ती १३:५५; मर्क ६:३; प्रे १५:१३; गला १:१९
आपत्विपत् सहपर्ठा
2म्वार भैयौ, टुन्हक्म आपत्विपत् परिआजाइ कलसे फे, बरा आनन्दित होओ। 3आपत्विपत् त टुन्हक विश्वासक जाँच कर्ठा, ओ उ जाँचले टुन्हक सहना क्षमता बह्रैना मौका देठा।
4उहओर्से आपत्विपत् सहटीजाओ, त टुह्र परिपक्व हुइटीजैबो, ओ टुन्हक गुणम कमी नैरही।#रोम ५:३-४; १ पत्र १:६-७ 5तर यदि असिन अवस्थम का कर्ना कना बात टुह्र नैजन्टो कलसे, खुशी मनले देहुइया परमेश्वरसे बुद्धि माङ्गो। उहाँ बिना अन्कनैल टुँहन बुद्धि देहुइयाबाट। 6तर माङ्गबेर विश्वाससे माङगपर्ठा, शङ्का नैकरपरट्। शङ्का करुइया बयालले उठाजैना ओ झटकजैना समुद्रक छल्काअस हो। 7ओसिन मनै, परमेश्वरसे कुछु पैबी कैक नैचितैलसे फे हुइठा। 8हुँक्र त दुइ मन रहल मनै हुइट, ओ हुँकन्हक सब चालचलन अस्थिर रठन।
9टुह्र गरीब भैयहुँक्र गर्व करपर्ठा, काकरकि परमेश्वर टुँहन उठारख्ल। 10ओसहेँक, धनी भैयहुँक्र नम्र हुइपर्लक्म गर्व करपर्ठा, ओ धनी मनै हुँकन्हक धनसम्पत्ति समेत फूलाअस सुख्जैठ। 11जब चरचरावा घाम लग्ठा, तब फूला ऐल्याजैठा। असिक ल्वाभलग्टिक फूला फे झर्जैठा, ओ वाकर स्वाभा हेराजैठस। ओसहेँक आपन कामकाजम दौरधूप कर्टीकर्टी, धनी मनैन्हक जुनी ओराजैठन।#यशै ४०:६-८; भज ४९:१६-१७
12आपत्विपत् परिअइलसे फे, परमेश्वरम विश्वास कर्लरना मनै उहाँसे आशिष पैठ। आपत्विपत्म स्थिर रहुइयन जीवनक मुकुट पैठ, जौन बात परमेश्वर उहाँह प्रेम कर्ना मनैन देना प्रतिज्ञा कैरख्ल। 13परीक्षा हुइबेर, कुई “परमेश्वर म्वार परीक्षा करट” कैक जिन स्वाँच, काकरकि परमेश्वरह पाप काम कर्नास लग्बोलग्बोनैकर्टन, ओ उहाँ किहुह पापम फँसाइ फे नैखोज्ट। 14मनै आपनऽ खराब चाहनम लोभ्याक परीक्षम पर्ठ। 15उह चाहनले मनैन पाप कामम लैजैठा, ओ पाप बहर्टीगैल् कलसे मनैन् मृत्युम लैजैठा#१:१५ मनैन् मृत्युम लैजैठा: अर्थात् परमेश्वरसे सम्बन्ध नैरहल अवस्था।
16म्वार प्रिय भैयौ, अपन्हेह ध्वाखा जिन देओ। 17हरेक असल ओ सिद्ध वरदान परमेश्वरसे केल अइठा, जे आकाशम चम्कना ज्योति बनैल। फेरबदल हुइटीरना छैह्याँअसक गुण परमेश्वरक नैहुइटन। 18उहाँ आपन इच्छा अनुसार सत्य वचनले हमन लौव जन्म देल। उहाँक करल सृष्टिमध्येम हम्र सबसे मूल्यवान हुइसेकी कैक उहाँ यी काम कर्ल।
वचन पालन कर्ना
19म्वार प्रिय भैयौ, यी बात सम्झलरहो: बात ध्यान देक सुनक लाग सड्डभर तयार रहपर्ठा, होस कैक ब्वालपर्ठा, ओ झनक्क रिसाइ नैपरट्, 20काकरकि मनैन्हक जीवनम रहल पापी रिसह#१:२० रिसाइल मनैन्हक जीवनम शैतान सजिलोसे काम कर्ना मौका पाइसेक्ठा। परमेश्वर ठीक नैठह्रैट। 21उहओर्से सब खराब विचार ओ खराब काम आपन जीवनमसे हटादेओ। नम्र होक टुन्हक मनम बोगैल् परमेश्वरक वचनक#यर ३१:३३ अधीनम रहो, काकरकि उ वचनम टुँहन मुक्ति देना शक्ति बा।
22असिक उहाँक वचन पालन करुइया होओ, सुनुइया केल नाहीँ। सुन केल सुनुइयन त अपन्हेह ध्वाखा देठ। 23यदि टुह्र वचन सुन केल सुन्ठो, तर पालन नैकर्टो कलसे, टुह्र त ऐनम आपन मुह् हेर्ना मनैयाअस हुइटो। 24टुह्र ऐनम अपन्हेह हेर्लसे फे, ह्यार छोर्टीकि, मै कसिन रनहुँ कना बात जातसे बिस्राडर्ठो। 25तर यदि परमेश्वर मनैन पापक दण्डमसे छुट्कारा देहक लाग प्रयोग कर्ना उहाँक वचनम ध्यान लगैलो ओ पालन कर्लो कलसे, टुन्हक कामकाजम परमेश्वर आशिष देहीँ।
26यदि टुह्र अपन्हेह धर्मी सम्झठो, तर जथाभाबी बोल्टीरठो कलसे, टुह्र अपन्हेह ध्वाखा देठो। टुन्हक धर्म बेकार हो। 27टुह्र विधवन ओ टुवर लर्कन हुँकन्हक आपत्विपत्म सहायता कर्ठो ओ आपनम संसारक पापक दाग लाग नैदेटो कलसे, टुह्र जाट्टिसे धर्मी हुइटो। परमेश्वर बाबक नजरम उह हो सक्कली धर्म।
Currently Selected:
याकूब 1: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
