गलाती 2
2
पावल ओ और प्रेरितहुँक्र
1चौध वर्ष पाछ तीतसह लेक बारनाबासक सँग मै फेदोस्र यरूशलेमम गैनु।#प्रे ११:३०; १५:२ 2परमेश्वर जाइ कलकओर्से मै उहाँ गैनु। मै मण्डलीक ठूलाबडाहुँकन एकान्तम भेँट्नु ओ और जातिक मनैन सुनाइल खुशीक खबर हुँकन सुनैनु। म्वार करल कामम उहाँहुँक्र समर्थन जनादेहीँ ओ म्वार आब कर्टिरहल काम खर्बास जिन जाए कना म्वार आशा रह। 3म्वारसँग रहल तीतस गैरयहूदी#२:३ अर्थात् ग्रीक रलसे फे उ गन्यमान्य मनै तीतसह यहूदीन्हक खतना कर्ना विधि पालन करक लाग कर नैलगैल। 4उह फे कत्रा झूट विश्वासीहुँक्र हमार विश्वासीन्हक बगालिम आक हम्र ख्रीष्टसे पाइल छुट्कारक चिमालग्टि हमन व्यवस्थक कमारा बनाइ खोज्ल। 5तर टुन्हक पाइल खुशीक खबरक सत्य सन्देश परिवर्तन नैह्वाए कैक हम्र हुँकनसे एक घरिक लाग फे नैझुक्ली।
6तर हुँक्र मण्डलीक जत्रा भलाद्मी अगुवा रलसे फे महीह कुछु फरक नैपरट्। परमेश्वर कौनो मनैन पक्षपात नैकर्ट। उ भलाद्मीहुँक्र महीह कुछ लौव सल्लाह नैदेल।#व्य १०:१७ 7बेनसे परमेश्वर पत्रुसह खतना करुइयन्हकठे पठाइलअस महीह फे परमेश्वर खतना नैकरुइयन्हकठे खुशीक खबर प्रचार करक लाग पठाइल बात हुँक्र थाहाँ पैल। 8पत्रुसह इस्राएलीहुँकन खुशीक खबर प्रचार कर्ना प्रेरित बनुइया परमेश्वर जो महीह फे और जातिन्हक बीचम काम कर्ना प्रेरित बनैलह। 9यी म्वार लाग परमेश्वरक भारी अनुग्रह हो। यी बातह याकूब, पत्रुस ओ यूहन्नाजसिन मण्डलीक खुँटाहुँक्र फे मानरख्ल। उहओर्से हुँक्र बारनाबास ओ महीसे हाँठ मिलाक हम्र फे हुँकन्हकअस सेवा कर्ठी कना बातम सहमति जनैल। हम्र और जातिन्हक बीचम काम करुइयन हुइली ओ हुँक्रजुन इस्राएलीन्हक बीचम काम करुइयन हुइल। 10एकठो बात हुँक्र सबजन कल, गरीबहुँकन हम्र सम्झपर्ठा। उह काम कर्ना मै फे उत्सुक रनहुँ।
पावल ओ पत्रुसक मतभेद
11पत्रुस एन्टिओखियम आइल ब्याला मै खुल्लमखुल्ला हुँकहार दोष देखादेनु। काकरकि ऊ दोषी रलह। 12याकूबक पठाइल मनै अइनासे आघ पत्रुस और जातिक विश्वासीनसे बैठ्क सँगसँग खाना खाइँट्। जब हुँक्र अइल तब ऊ और जातिक विश्वासीनसे छुट्याक बैठ्ल, काकरकि और जातिक मनै फे खतना करपर्ठा कना मनैनसे ऊ डराइँट्। 13और बाँकी यहूदीहुँक्र फे ओस्तहेँ कपटी काम कर्ल। यिहाँसम कि हुँकन्हक कपटी व्यवहारले करबेर बारनाबास फे भटक्गैल।
14तर जब मै खुशीक खबरक सत्य अनुसार हुँकन नैचलट् देख्नु, तब सबजन्हक सामनेम मै केफासह कनु, “अप्न यहूदी मनै होक फे और जातिक मनैन्हकअस चल्ठी कलसे, और जातिक मनैन यहूदीअस चलक लाग कसिक कर लगाइसेक्ठी?”
15हम्र जन्मटीहिक यहूदी रलकओर्से धर्मी बाटी, ओ परमेश्वरक व्यवस्था पालन नैकर्ना और जातिक मनैअस पापी नैहुइटी कैक विचार कर्ठी। 16तब फे हम्र जन्ठी, यहूदी व्यवस्थक धर्मकर्म कैक मनै धर्मी नैठहर्ट, बेनसे येशू ख्रीष्टम विश्वास कैक धर्मी ठहर्ठ। उहोओर्से हम्र फे ख्रीष्ट येशूम विश्वास कैरख्ली, ताकि हम्र व्यवस्थक धर्मकर्मले नाही तर ख्रीष्टम विश्वासद्वारा धर्मी ठह्रसेकी, काकरकि व्यवस्थक धर्मकर्मसे कौनो मनै फे धर्मी नैठह्राजैट।#भज १४३:२; रोम ३:२०,२२
17हम्र ख्रीष्टम विश्वासद्वारा धर्मी ठहर्ना कोसिस कर्ठी। यहूदीहुँक्रजुन हमन व्यवस्था पालन नैकर्ट कैक पापी मन्ठ। ओसिन हो कलसे, का ख्रीष्ट पाप कामह उत्साह देल तो? अहँ, नैहो। 18तर यदि मै पैल्हहेँ इन्कार कैगैल् व्यवस्था फेदोस्र पालन कर्ठुं कलसे, मै अपन्हे अपन्हेह अपराधी हुइटुँ कैक साबित कर्ठुं।
19उहओर्से जहाँसम व्यवस्थक बात बा, मै परमेश्वरक लाग जिय सेकूँ कैक व्यवस्थक लाग मुवल बाटुँ। 20मै ख्रीष्टकसँग क्रूसम टङ्गागैल् बाटुँ, आब म्वारम जिना मै नैहुइटुँ, तर ख्रीष्ट म्वारम रह्क जिठ। जौन जीवन मै आब जिठुँ, उ परमेश्वरक छावकम विश्वास कैक जिठुँ, जे महीह प्रेम कर्ल ओ म्वार लाग आपन जीवन देल। 21मै परमेश्वरक अनुग्रहह इन्कार कर नैसेक्टुँ। यदि मनै व्यवस्थले धर्मी ठहर्ना रट कलसे येशू ख्रीष्ट बलिदान हुइना बेकार रह।
Currently Selected:
गलाती 2: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
गलाती 2
2
पावल ओ और प्रेरितहुँक्र
1चौध वर्ष पाछ तीतसह लेक बारनाबासक सँग मै फेदोस्र यरूशलेमम गैनु।#प्रे ११:३०; १५:२ 2परमेश्वर जाइ कलकओर्से मै उहाँ गैनु। मै मण्डलीक ठूलाबडाहुँकन एकान्तम भेँट्नु ओ और जातिक मनैन सुनाइल खुशीक खबर हुँकन सुनैनु। म्वार करल कामम उहाँहुँक्र समर्थन जनादेहीँ ओ म्वार आब कर्टिरहल काम खर्बास जिन जाए कना म्वार आशा रह। 3म्वारसँग रहल तीतस गैरयहूदी#२:३ अर्थात् ग्रीक रलसे फे उ गन्यमान्य मनै तीतसह यहूदीन्हक खतना कर्ना विधि पालन करक लाग कर नैलगैल। 4उह फे कत्रा झूट विश्वासीहुँक्र हमार विश्वासीन्हक बगालिम आक हम्र ख्रीष्टसे पाइल छुट्कारक चिमालग्टि हमन व्यवस्थक कमारा बनाइ खोज्ल। 5तर टुन्हक पाइल खुशीक खबरक सत्य सन्देश परिवर्तन नैह्वाए कैक हम्र हुँकनसे एक घरिक लाग फे नैझुक्ली।
6तर हुँक्र मण्डलीक जत्रा भलाद्मी अगुवा रलसे फे महीह कुछु फरक नैपरट्। परमेश्वर कौनो मनैन पक्षपात नैकर्ट। उ भलाद्मीहुँक्र महीह कुछ लौव सल्लाह नैदेल।#व्य १०:१७ 7बेनसे परमेश्वर पत्रुसह खतना करुइयन्हकठे पठाइलअस महीह फे परमेश्वर खतना नैकरुइयन्हकठे खुशीक खबर प्रचार करक लाग पठाइल बात हुँक्र थाहाँ पैल। 8पत्रुसह इस्राएलीहुँकन खुशीक खबर प्रचार कर्ना प्रेरित बनुइया परमेश्वर जो महीह फे और जातिन्हक बीचम काम कर्ना प्रेरित बनैलह। 9यी म्वार लाग परमेश्वरक भारी अनुग्रह हो। यी बातह याकूब, पत्रुस ओ यूहन्नाजसिन मण्डलीक खुँटाहुँक्र फे मानरख्ल। उहओर्से हुँक्र बारनाबास ओ महीसे हाँठ मिलाक हम्र फे हुँकन्हकअस सेवा कर्ठी कना बातम सहमति जनैल। हम्र और जातिन्हक बीचम काम करुइयन हुइली ओ हुँक्रजुन इस्राएलीन्हक बीचम काम करुइयन हुइल। 10एकठो बात हुँक्र सबजन कल, गरीबहुँकन हम्र सम्झपर्ठा। उह काम कर्ना मै फे उत्सुक रनहुँ।
पावल ओ पत्रुसक मतभेद
11पत्रुस एन्टिओखियम आइल ब्याला मै खुल्लमखुल्ला हुँकहार दोष देखादेनु। काकरकि ऊ दोषी रलह। 12याकूबक पठाइल मनै अइनासे आघ पत्रुस और जातिक विश्वासीनसे बैठ्क सँगसँग खाना खाइँट्। जब हुँक्र अइल तब ऊ और जातिक विश्वासीनसे छुट्याक बैठ्ल, काकरकि और जातिक मनै फे खतना करपर्ठा कना मनैनसे ऊ डराइँट्। 13और बाँकी यहूदीहुँक्र फे ओस्तहेँ कपटी काम कर्ल। यिहाँसम कि हुँकन्हक कपटी व्यवहारले करबेर बारनाबास फे भटक्गैल।
14तर जब मै खुशीक खबरक सत्य अनुसार हुँकन नैचलट् देख्नु, तब सबजन्हक सामनेम मै केफासह कनु, “अप्न यहूदी मनै होक फे और जातिक मनैन्हकअस चल्ठी कलसे, और जातिक मनैन यहूदीअस चलक लाग कसिक कर लगाइसेक्ठी?”
15हम्र जन्मटीहिक यहूदी रलकओर्से धर्मी बाटी, ओ परमेश्वरक व्यवस्था पालन नैकर्ना और जातिक मनैअस पापी नैहुइटी कैक विचार कर्ठी। 16तब फे हम्र जन्ठी, यहूदी व्यवस्थक धर्मकर्म कैक मनै धर्मी नैठहर्ट, बेनसे येशू ख्रीष्टम विश्वास कैक धर्मी ठहर्ठ। उहोओर्से हम्र फे ख्रीष्ट येशूम विश्वास कैरख्ली, ताकि हम्र व्यवस्थक धर्मकर्मले नाही तर ख्रीष्टम विश्वासद्वारा धर्मी ठह्रसेकी, काकरकि व्यवस्थक धर्मकर्मसे कौनो मनै फे धर्मी नैठह्राजैट।#भज १४३:२; रोम ३:२०,२२
17हम्र ख्रीष्टम विश्वासद्वारा धर्मी ठहर्ना कोसिस कर्ठी। यहूदीहुँक्रजुन हमन व्यवस्था पालन नैकर्ट कैक पापी मन्ठ। ओसिन हो कलसे, का ख्रीष्ट पाप कामह उत्साह देल तो? अहँ, नैहो। 18तर यदि मै पैल्हहेँ इन्कार कैगैल् व्यवस्था फेदोस्र पालन कर्ठुं कलसे, मै अपन्हे अपन्हेह अपराधी हुइटुँ कैक साबित कर्ठुं।
19उहओर्से जहाँसम व्यवस्थक बात बा, मै परमेश्वरक लाग जिय सेकूँ कैक व्यवस्थक लाग मुवल बाटुँ। 20मै ख्रीष्टकसँग क्रूसम टङ्गागैल् बाटुँ, आब म्वारम जिना मै नैहुइटुँ, तर ख्रीष्ट म्वारम रह्क जिठ। जौन जीवन मै आब जिठुँ, उ परमेश्वरक छावकम विश्वास कैक जिठुँ, जे महीह प्रेम कर्ल ओ म्वार लाग आपन जीवन देल। 21मै परमेश्वरक अनुग्रहह इन्कार कर नैसेक्टुँ। यदि मनै व्यवस्थले धर्मी ठहर्ना रट कलसे येशू ख्रीष्ट बलिदान हुइना बेकार रह।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.