प्रेरित 28
28
पावल माल्टा टापुम
1हम्र सकुशल किनारम पुग्ली त, उ टापुक नाउँ माल्टा हो कैक थाहाँ पैली। 2उ ठाउँक मनै हमन एकदम धेर दया देखैल। झरी वर्षटह ओ ठण्डी बाह्रल रह, उहओर्से हुँक्र आगी दम्कैल ओ हमन ताप बलैल। 3पावल एक ब्वाझा झँख्रा बिटोर्क आगीम डर्ल, त आगीक रापले एकठो सँप्वा निक्रल ओ हुँकहार हाँठम खपकदेलिन। 4पावलक हाँठम सँप्वा झुलल् देख्क उ ठाउँक मनै अप्न-अप्न कहलग्ल, “यी मनैया पक्क फे ज्यानमारा हो। यी समुद्रमसे त बाँचगैल्, तर न्यायमसे बाँच नैस्याकल।” 5तर पावल उ सप्वह आगीम झिट्कारदेल, ओ हुँकहीन कुछु नैहुइलन। 6उ ठाउँक मनै “आब पावलक जीउ सुवैहीस या ऊ एक्कासी ढल्क मुउइया बा” कैक ह्यारलग्ल। तर धेर समयसम रहबेर फे हुँकहीन कुछु नैहुइल् देख्क हुँकन्हक विचार बदलगैलन, ओ कहलग्ल, “यी त डिउँटा हुइट!”
7उ टापुम पब्लियस नाउँक एकठो शासक रलह। हुँकहार जग्गाजमिन ओठेसे लग्घहेँ रलहन। ऊ हमन पौन्हा मान्क तीन दिनसम आपन घरम भारी मानमर्जाट् कैक ढर्ल। 8उ समयम पब्लियसक बाबा जरकमार बेराम रलह ओ हुँकाहारम आउँ फे परलरलहन। पावल हुँकाहारठे गैल, ओ हुँकाहारम हाँठ ढैक प्रार्थना कैदेल त, ऊ चोखागैल। 9असिक चोखैलक थाहाँ पैल त, उ टापुम रहल सब बेरम्हेन अइल ओ चोखागैल। 10उ ठाउँक मनै धेर उपहार देक हमन आदर कर्ल। हम्र पानीजहाजम चिउह्रलग्ली त, हमन आवश्यक पर्ना चिजबिज फे हुँक्र जहाजम पुगादेल।
पावल रोमम
11जहाज टुक्रिटुक्रा हुइलक तीन मैन्हापाछ, हम्र और जहाजम चिहुर्ली। उ जहाज अलेक्जेन्ड्रियासे आक हिउँदभर माल्टा टापुम रह। उ जहाजक आघक भागम जुम्ल्याहा डिउँटन्हक मूर्ति बनाइल रह। 12हम्र सुराकुसाई सहरम पुग्ली ओ उहाँ तीन दिन रली। 13उहाँसे हम्र पानीजहाजम रेगियन सहरम पुग्ली। द्वासर दिन दखिनओरसे बयाल बह लागल, ओ तीसर दिन हम्र पटिओली सहरम पुग्गैली। 14उ सहरम हम्र कुछ विश्वासीहुँकन भेँटैली। हुँक्र हमन सात दिनसम उहँ रह्जाओ कैक कल। सात दिन पाछ हम्र रोम सहर जाइक लाग उहाँसे नेङ्ग्ली। 15हम्र अइटीबाटी कैक रोमक विश्वासीहुँक्र सुनरख्लह। हुँक्रमध्ये कत्रा जन हमन भेँटाए अप्पियस बजारसम आरलह, ओ कत्रा जनजुन तीन-पाटी कना ठाउँसम आरलह। हुँकन देख्क पावल परमेश्वरह धन्यवाद देल ओ हौसला पैल। 16हम्र रोमम पुग्ली त, पावल एकठो सिपैहेक रेखदेखम अल्ग ड्यारा लेक बैस्ना अनुमति पैल।
रोमम पावलक प्रचार
17पावल रोमम अइलक तीन दिन पाछ यहूदीन्हक स्थानीय अगुवन बलापठैल। हुँक्र जम्मा हुइल त पावल हुँकन कल, “हेरो भैयौ, मै हमार जाति, या हमार पितापुर्खासे चल्तीआइल रीतिथितिक विरोधम कुछु नैकर्लरनहुँ, तर फे मै यरूशलेमम पक्राउ पर्नु ओ रोमी सरकारक हाँठम सुम्प्वापैनु। 18रोमीहुँक्र महीह छानबिन कर्ल ओ मृत्युदण्ड देहपर्ना किसिमक कुछु दोष नैभेटैलक कारण महीह छोरदेना विचार कैरख्लह। 19तर यरूशलेमक यहूदी अगुवन विरोध कर्ल। तबदोस्र, आपन यहूदी जातिन्हक विरोधम दोष लगैना म्वार कुछु इच्छा नैरलसे फे, महीह ‘रोमी शासक कैसर म्वार न्याय कैदेहीँ’ कैक बिन्ती कर्ना करऽ लागल।#प्रे २५:११ 20उहओर्से अप्नहुँकनसे भेटघाट कैक बातचित करक लाग आज मै अप्नहुँकन यिहाँ बलैनहुँ। हम्र इस्राएलीहुँकन्हक आशा करल ख्रीष्टम विश्वास कर्लकओर्से मै यिहाँ एकठो कैदी होरनु।”
21हुँक्र कल, “हम्र अप्नक बारेम यहूदियासे ना त एकठो चिठी पारख्ली, ना त कुई उहाँसे आक अप्नक विरोधम कुछु नैमजा बात सुनरख्ली। 22तर हम्र अप्नक विचार सुन चाहटी, काकरकि हम्र जहोँरतहोँर मनैन यी दलक विरोधम ब्वालल् केल थाहाँ पारख्ली।”
23तब हुँक्र पावलक बात सुनक लाग एकठो दिन तोक्ल। उ दिन धेर मनै पावलक ड्यारम अइल। पावल बिहानसे लेक सन्झ्यासम परमेश्वरक राज्यक बारेम हुँकन शिक्षा देल। ऊ मोशक व्यवस्था ओ अगमवक्तन्हक किताबमसे येशूक बारेम लिखल बात बुझैटी हुँकन मनैना कोसिस कर्ल। 24हुँकहार कहल बात सुन्क कत्रा जन त मानडर्ल, तर कत्रा जनजुन विश्वास नैकर्ल। 25हुँकन्हक बात नैमिल्लन, हुँक्र ओत्रहम जाजाइक लाग रलह। तर जैनासे आघ पावल हुँकन कल, “पवित्र आत्मा यशैया अगमवक्ताद्वारा टुन्हक पितापुर्खन कहल वचन ठीक रह,
26‘उ मनैन्हकठे जा ओ कोह्,
“टुह्र सुन्ना त सुन्ठो,
तर बुझ्बो-बुझ्बो नैकर्टो।
टुह्र हेर्ना त हेर्ठो,
तर देख्बो-देख्बो नैकर्टो।”#यशै ६:९-१०
27काकरकि हिँकन्हक मन भुठ्या होरलन,
हिँकन्हक कान बहिर होरलन,
हिँकन्हक आँख आन्धर होरलन,
नकि त हिँक्र आपन आँखिले देख्नेरलह,
आपन कानले सुन्नेरलह,
मनले बात बुझ्नेरलह,
ओ आपन-आपन पापमसे घुम्नेरलह,
ओ मै हुँकन मुक्ति देनेरनहुँ।’”
28पावल अन्तम कल, “आब मै अप्नहुँकन का कह चाहटुँ कलसे, परमेश्वर हमन यी मुक्तिक बारेम वचन प्रचार कर गैरयहूदीन्हकठे फे पठारख्ल, ओ हुँक्र वचन सुनुइयाबाट।” 29[ऊ अत्रा बात बट्वाक सेक्ल त, यहूदीहुँक्र अप्न-अप्न बाझाबाझ कर्टी उहाँसे गैल।]
30पावल पूरा दुइ वर्षसम रोमम आपन लेहल ड्यारम रल, ओ हुँकाहारठे अउइया सबजन्हक ऊ स्वागत करँट्। 31ऊ साहसी होक परमेश्वरक राज्यक बारेम प्रचार करँट्, ओ प्रभु येशू ख्रीष्टक बारेम सिखाइट्। ओ हुँकहीन कुई फे रोकटोक नैलगाए।
Currently Selected:
प्रेरित 28: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
प्रेरित 28
28
पावल माल्टा टापुम
1हम्र सकुशल किनारम पुग्ली त, उ टापुक नाउँ माल्टा हो कैक थाहाँ पैली। 2उ ठाउँक मनै हमन एकदम धेर दया देखैल। झरी वर्षटह ओ ठण्डी बाह्रल रह, उहओर्से हुँक्र आगी दम्कैल ओ हमन ताप बलैल। 3पावल एक ब्वाझा झँख्रा बिटोर्क आगीम डर्ल, त आगीक रापले एकठो सँप्वा निक्रल ओ हुँकहार हाँठम खपकदेलिन। 4पावलक हाँठम सँप्वा झुलल् देख्क उ ठाउँक मनै अप्न-अप्न कहलग्ल, “यी मनैया पक्क फे ज्यानमारा हो। यी समुद्रमसे त बाँचगैल्, तर न्यायमसे बाँच नैस्याकल।” 5तर पावल उ सप्वह आगीम झिट्कारदेल, ओ हुँकहीन कुछु नैहुइलन। 6उ ठाउँक मनै “आब पावलक जीउ सुवैहीस या ऊ एक्कासी ढल्क मुउइया बा” कैक ह्यारलग्ल। तर धेर समयसम रहबेर फे हुँकहीन कुछु नैहुइल् देख्क हुँकन्हक विचार बदलगैलन, ओ कहलग्ल, “यी त डिउँटा हुइट!”
7उ टापुम पब्लियस नाउँक एकठो शासक रलह। हुँकहार जग्गाजमिन ओठेसे लग्घहेँ रलहन। ऊ हमन पौन्हा मान्क तीन दिनसम आपन घरम भारी मानमर्जाट् कैक ढर्ल। 8उ समयम पब्लियसक बाबा जरकमार बेराम रलह ओ हुँकाहारम आउँ फे परलरलहन। पावल हुँकाहारठे गैल, ओ हुँकाहारम हाँठ ढैक प्रार्थना कैदेल त, ऊ चोखागैल। 9असिक चोखैलक थाहाँ पैल त, उ टापुम रहल सब बेरम्हेन अइल ओ चोखागैल। 10उ ठाउँक मनै धेर उपहार देक हमन आदर कर्ल। हम्र पानीजहाजम चिउह्रलग्ली त, हमन आवश्यक पर्ना चिजबिज फे हुँक्र जहाजम पुगादेल।
पावल रोमम
11जहाज टुक्रिटुक्रा हुइलक तीन मैन्हापाछ, हम्र और जहाजम चिहुर्ली। उ जहाज अलेक्जेन्ड्रियासे आक हिउँदभर माल्टा टापुम रह। उ जहाजक आघक भागम जुम्ल्याहा डिउँटन्हक मूर्ति बनाइल रह। 12हम्र सुराकुसाई सहरम पुग्ली ओ उहाँ तीन दिन रली। 13उहाँसे हम्र पानीजहाजम रेगियन सहरम पुग्ली। द्वासर दिन दखिनओरसे बयाल बह लागल, ओ तीसर दिन हम्र पटिओली सहरम पुग्गैली। 14उ सहरम हम्र कुछ विश्वासीहुँकन भेँटैली। हुँक्र हमन सात दिनसम उहँ रह्जाओ कैक कल। सात दिन पाछ हम्र रोम सहर जाइक लाग उहाँसे नेङ्ग्ली। 15हम्र अइटीबाटी कैक रोमक विश्वासीहुँक्र सुनरख्लह। हुँक्रमध्ये कत्रा जन हमन भेँटाए अप्पियस बजारसम आरलह, ओ कत्रा जनजुन तीन-पाटी कना ठाउँसम आरलह। हुँकन देख्क पावल परमेश्वरह धन्यवाद देल ओ हौसला पैल। 16हम्र रोमम पुग्ली त, पावल एकठो सिपैहेक रेखदेखम अल्ग ड्यारा लेक बैस्ना अनुमति पैल।
रोमम पावलक प्रचार
17पावल रोमम अइलक तीन दिन पाछ यहूदीन्हक स्थानीय अगुवन बलापठैल। हुँक्र जम्मा हुइल त पावल हुँकन कल, “हेरो भैयौ, मै हमार जाति, या हमार पितापुर्खासे चल्तीआइल रीतिथितिक विरोधम कुछु नैकर्लरनहुँ, तर फे मै यरूशलेमम पक्राउ पर्नु ओ रोमी सरकारक हाँठम सुम्प्वापैनु। 18रोमीहुँक्र महीह छानबिन कर्ल ओ मृत्युदण्ड देहपर्ना किसिमक कुछु दोष नैभेटैलक कारण महीह छोरदेना विचार कैरख्लह। 19तर यरूशलेमक यहूदी अगुवन विरोध कर्ल। तबदोस्र, आपन यहूदी जातिन्हक विरोधम दोष लगैना म्वार कुछु इच्छा नैरलसे फे, महीह ‘रोमी शासक कैसर म्वार न्याय कैदेहीँ’ कैक बिन्ती कर्ना करऽ लागल।#प्रे २५:११ 20उहओर्से अप्नहुँकनसे भेटघाट कैक बातचित करक लाग आज मै अप्नहुँकन यिहाँ बलैनहुँ। हम्र इस्राएलीहुँकन्हक आशा करल ख्रीष्टम विश्वास कर्लकओर्से मै यिहाँ एकठो कैदी होरनु।”
21हुँक्र कल, “हम्र अप्नक बारेम यहूदियासे ना त एकठो चिठी पारख्ली, ना त कुई उहाँसे आक अप्नक विरोधम कुछु नैमजा बात सुनरख्ली। 22तर हम्र अप्नक विचार सुन चाहटी, काकरकि हम्र जहोँरतहोँर मनैन यी दलक विरोधम ब्वालल् केल थाहाँ पारख्ली।”
23तब हुँक्र पावलक बात सुनक लाग एकठो दिन तोक्ल। उ दिन धेर मनै पावलक ड्यारम अइल। पावल बिहानसे लेक सन्झ्यासम परमेश्वरक राज्यक बारेम हुँकन शिक्षा देल। ऊ मोशक व्यवस्था ओ अगमवक्तन्हक किताबमसे येशूक बारेम लिखल बात बुझैटी हुँकन मनैना कोसिस कर्ल। 24हुँकहार कहल बात सुन्क कत्रा जन त मानडर्ल, तर कत्रा जनजुन विश्वास नैकर्ल। 25हुँकन्हक बात नैमिल्लन, हुँक्र ओत्रहम जाजाइक लाग रलह। तर जैनासे आघ पावल हुँकन कल, “पवित्र आत्मा यशैया अगमवक्ताद्वारा टुन्हक पितापुर्खन कहल वचन ठीक रह,
26‘उ मनैन्हकठे जा ओ कोह्,
“टुह्र सुन्ना त सुन्ठो,
तर बुझ्बो-बुझ्बो नैकर्टो।
टुह्र हेर्ना त हेर्ठो,
तर देख्बो-देख्बो नैकर्टो।”#यशै ६:९-१०
27काकरकि हिँकन्हक मन भुठ्या होरलन,
हिँकन्हक कान बहिर होरलन,
हिँकन्हक आँख आन्धर होरलन,
नकि त हिँक्र आपन आँखिले देख्नेरलह,
आपन कानले सुन्नेरलह,
मनले बात बुझ्नेरलह,
ओ आपन-आपन पापमसे घुम्नेरलह,
ओ मै हुँकन मुक्ति देनेरनहुँ।’”
28पावल अन्तम कल, “आब मै अप्नहुँकन का कह चाहटुँ कलसे, परमेश्वर हमन यी मुक्तिक बारेम वचन प्रचार कर गैरयहूदीन्हकठे फे पठारख्ल, ओ हुँक्र वचन सुनुइयाबाट।” 29[ऊ अत्रा बात बट्वाक सेक्ल त, यहूदीहुँक्र अप्न-अप्न बाझाबाझ कर्टी उहाँसे गैल।]
30पावल पूरा दुइ वर्षसम रोमम आपन लेहल ड्यारम रल, ओ हुँकाहारठे अउइया सबजन्हक ऊ स्वागत करँट्। 31ऊ साहसी होक परमेश्वरक राज्यक बारेम प्रचार करँट्, ओ प्रभु येशू ख्रीष्टक बारेम सिखाइट्। ओ हुँकहीन कुई फे रोकटोक नैलगाए।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.