प्रेरित 13
13
पावलक पैल्ह प्रचार यात्रा
1एन्टिओखियम रहल मण्डलीम अगमवक्ताहुँक्र ओ परमेश्वरक वचन सिखुइयन रलह। हुँक्र बारनाबास, कालु कैजिना शिमियोन, कुरेनी सहरक लुकियस, शासक हेरोदकसँग हुर्कलक मनेन ओ शाऊल रलह। 2एक दिन हुँक्र ब्रत रह्क परमप्रभुक आराधना कर्टिरहल समयम पवित्र आत्मा हुँकन कलन, “मै बारनाबास ओ शाऊलह जौन कामक लाग बलारख्नु, उह कामक लाग हुँकन नियुक्त करो।” 3तब हुँक्र आकुर ब्रत रल ओ प्रार्थना कर्ल। तब हुँकन्हकम हाँठ ढैक हुँकन परमप्रभुक बलाइल काम करक लाग पठैल।
4पवित्र आत्माद्वारा पठागैल त, बारनाबास ओ शाऊल सिलुकिया सहरम गैल, ओ उहाँसे जहाजम चिहुर्क साइप्रस टापुम गैल। 5हुँक्र उ टापुक सलामिस सहरम पुग्ल त, यहूदीन्हक सभाघरम जाक परमेश्वरक वचन प्रचार कर्ल। हुँकन सहायता करक लाग मर्कूस कैजिना यूहन्ना फे हुँकन्हकसँग गैरलह।
6हुँक्र सारा टापुम यात्रा कर्टी पाफोस सहरम आपुग्ल। हुँक्र उहाँ बारयेशू नाउँ रहल एकठो यहूदी जातक झूटा अगमवक्तह भेँटैल। ऊ एकठो जादूगर फे रह। 7उ जादूगर साइप्रस टापुक शासक सर्गियस पौलुसक सङ्घारी रह। उ शासक बुद्धिमान् व्यक्ति रलह। हुँकहीन परमेश्वरक वचन सुन्नास लग्लन त, ऊ बारनाबास ओ शाऊलह बलापठैल। 8तर उ जादूगर, ज्याकर नाउँ ग्रीक भाषम एलुमास रलहस, बारनाबास ओ शाऊलक विरोध करल। उ शासकह येशूम विश्वास कर नैदेहक लाग घरीघरी र्वाक ख्वाजल। 9तबदोस्र शाऊल, ज्याकर और नाउँ पावल रलहन, पवित्र आत्मले भरपूर होक एलुमासह एकटक लगाक हेर्ल, ओ कल, 10“टैँ शैतानक सन्तान, सब असल चिजिक शत्रु, सारा छलकपट ओ दुष्ट चालले भरल बाट्या। का टैँ परमप्रभुक स्वाझ डगर बङ्ग्याइ नैछोर्ब्या? 11आब हेर्, परमप्रभुक दण्ड ट्वारम पररहल। टैँ कुछ समयसम आन्धर होजैब्या ओ घामक अजरार फे नैदेख्नेहुइट्या।”
तबहेँ वाकर आँखिम कर्या बद्री आइअस हुइलस, ओ ऊ जातसे आन्धर होगैल्। कुई वाकर हाँठ पकर्क डोर्यादि कैक ऊ यिहँरउहँर सहारा ख्वाज लागल। 12यी सब घटना देख्क उ शासक प्रभु येशूम विश्वास कर्ल, काकरकि प्रभुक बारेम हुँकहीन सिखाइल शिक्षा सुन्क ऊ छक्क पररलह।
पिसिदिया क्षेत्रक एन्टिओखिया सहरम
13पावल ओ हुँकहार सङ्घरेन पाफोस सहरसे पानीजहाजम चिहुर्क पामफिलिया क्षेत्रक पर्गा सहरम पुग्ल। मर्कूस कैजिना यूहन्नाजुन हुँकनसे अल्गाक यरूशलेम घुम्ल। 14तर हुँक्र पर्गासे पिसिदिया क्षेत्रक एन्टिओखिया सहरम गैल, ओ बिसैना दिनम सभाघरम जाक बैस्ल। 15मोशक व्यवस्था ओ अगमवक्तन्हक लिखल किताब पहर्ल त पाछ, सभाघरक अगुवाहुँक्र पावल ओ बारनाबासकठे असिन बात कह पठैल, “हेरो भैयौ, टुन्हकठे मनैन उत्साह देना वचन बा कलसे, कहो।”
16यी सुन्क पावल उठ्ल, ओ हाँठले इशारा कर्टी कल, “इस्राएलीहुँक्र ओ परमेश्वरक डर मनुइयन और सब मनै, म्वार बात सुनी। 17हम्र इस्राएली जातिन्हक परमेश्वर हमार पुर्खन रोज्ल, ओ हुँक्र मिश्रदेशम रहल समयम हुँकन महान जाति बनैल। परमेश्वर आपन शक्ति देखाक हुँकन उ देशमसे निक्राक अन्ल।#प्रस १:७; १२:५१ 18हुँक्र लगभग चालीस वर्षसम उजार ठाउँम रहबेर परमेश्वर हुँकन्हक व्यवहार सहल।#गन्ती १४:३४; व्य १:३१ 19उहाँ कनान देशम रहल सातठो जातिन नाश कैक हुँकन्हक देश इस्राएलीहुँकन अधिकार करक लाग देल।#व्य ७:१; यहो १४:१ 20यी सब हुइट्सम लगभग चार सय पचास वर्ष लागल।
“तबदोस्र परमेश्वर हुँकन शासन करक लाग न्यायकर्ता नियुक्त कर्ल। हुँक्र एक पाछ और कर्टी अगमवक्ता शमूएलक पालासम काम कर्ल।#न्याय २:१६; १ शमू ३:२० 21तबदोस्र हमार पुर्खाओँ परमेश्वरसे राजा मङ्ल। परमेश्वर बेन्यामीन कुलक कीश कना मनैयक छावा शाऊलह राजा बनादेल। ऊ चालीस वर्षसम राज्य कर्ल।#१ शमू ८:५; १०:२१ 22परमेश्वर हुँकहीन राजा पदमसे हटाक दाऊदह राजा बनैल। उहाँ दाऊदक बारेम असिक कैरख्ल, ‘मै यिशैक छावा दाऊदह आपन ख्वाजलअस भेटारख्नु। ऊ म्वार इच्छा अनुसार सब काम करुइयाबाट।’#१ शमू १३:१४; १६:१२; भज ८९:२०
23“परमेश्वर इस्राएलीन आपन प्रतिज्ञा करल अनुसार उह दाऊद राजक कुलमसे मुक्ति देहुइया येशूह पठैल। 24येशू अइनासे आघ यूहन्ना सब इस्राएलीहुँकन मनै आपन पापी मन परिवर्तन कर्लक प्रमाणक रूपम बप्तिस्मा लेहपर्ना वचन प्रचार कर्ल।#मर्क १:४; लूक ३:३ 25यूहन्ना आपन सेवक अन्त्यओर कल, ‘का टुह्र महीह मुक्ति देहुइया समझरख्लो? मै ऊ नैहुइटुँ। तर महीसे पाछ एक जन अइटीबाट। मै त उहाँक गैलगुज्रल कमारा हुइना लायक फे नैहुइटुँ।’#मत्ती ३:११; मर्क १:७; लूक ३:१६; यूह १:२०,२७
26“हेरो भैयौ, हम्र चाहा अब्राहामक सन्तान रही, चाहा परमेश्वरक डर मन्ना गैरयहूदी मनै रही, मुक्तिक यी सन्देश परमेश्वर हम्र सबजन्हक लाग पठादेरख्ल। 27यरूशलेमम मनै ओ हुँकन्हक शासकहुँक्र हरेक बिसैना दिन अगमवक्तन्हक लिखल बात पहर्क फे येशूह मुक्ति देहुइया हुइट कैक नैचिह्न्ल। बेनसे हुँक्र उहाँह मृत्युदण्ड देक उहाँक बारेम अगमवक्तन्हक लिखल वचन पूरा कर्ल। 28हुँकन्हकठे उहाँह मृत्युदण्ड देना कुछु कारण नैरलहन, तर फे हुँक्र उहाँह मुवैहीपर्ठा कैक शासक पिलातससे बिन्ती कर्ल।#मत्ती २७:२२-२३; मर्क १५:१३-१४; लूक २३:२१-२३; यूह १९:१५ 29असिक हुँक्र उहाँक बारेम लिखल अगमवाणी अनुसार सब काम कर्ल। उहाँ मुल त, हुँक्र उहाँह क्रूसमसे उतार्क गर्यम ढर्ल।#मत्ती २७:५७-६१; मर्क १५:४२-४७; लूक २३:५०-५६; यूह १९:३८-४२ 30तर परमेश्वर उहाँह मुवलमसे फेदोस्र जियादेल। 31गालील क्षेत्रसे उहाँकसँग यरूशलेमम आइल मनैन्हकठे उहाँ धेर दिनसम देखपर्टीरल। आजकाल हुँक्र इस्राएलीन्हक लाग यी बातक साक्षी हुइट।#प्रे १:३
32“आब हम्र खुशीक खबर टुन्हकठे प्रचार कर्टिबाटी। परमेश्वर हमार पुर्खनसे करल प्रतिज्ञा 33हुँकन्हक सन्तानन्हक लाग पूरा कैदेरख्ल। उहाँ येशूह मुवलमसे जियाक उ प्रतिज्ञा पूरा कर्लह। याकर बारेम भजनसंग्रहक द्वासर भजनम असिक लिखल बा,#भज २:७
‘टुँ म्वार छावा हुइटो,
आज मै टुँहार बाबा हुइनु।’#१३:३३ यिहाँ उल्लेख हुइल पद भजनसंग्रह २:७ मसे लेगैल् हो। यी भजनम दाऊद परमेश्वर आपन छावा येशूसे बट्वाइबेरिक अवस्थह झल्कारख्ल। वास्तवम, परमेश्वर सड्डभर येशूक बाबा पलबाट, तर यी पद उहाँ जाट्टीसे येशूक बाबा हुइट कैक परमेश्वरक देखाइल बातह विशेष तरिकाले जोड देहटा। यी पदक सन्दर्भले संकेत करटा कि यिहाँ “आज” कलक उ समयह जनैठा जौन समयम परमेश्वर येशूह मुवलमसे फेदोस्र जियादेल। यी काम कैक परमेश्वर मनैन्हक सामु येशू जाट्टीसे आपन छावा रलक बात प्रमाणित कर्ल।
34उहाँ ख्रीष्टह फेदोस्र कबु फे नैमुना हिसाबले जियैना बारेमजुन असिक कैरख्ल,
‘दाऊदह प्रतिज्ञा कैगिल् पवित्र
ओ पक्का आशिष मै टुँहन देहम।’#यशै ५५:३
35भजनसंग्रह किताबक और ठाउँम असिक लिखल बा,
‘अप्न आपन पवित्र जनक शरीरह कुह नैदेनेहुइटी।’#भज १६:१०
36“याद करो, दाऊद, आपन पुस्तम परमेश्वरक इच्छा अनुसार काम कर्ल त, मुल। ऊ आपन पुर्खन्हकसँग गारगैल ओ हुँकहार शरीर कुह्गैलन। 37तर जेहीह परमेश्वर मुवलमसे जियैल, उहाँक शरीर नैकुह्लीन।
38“उहओर्से, हेरो भैयौ, येशूम विश्वास कर्लसे पाप क्षमा हुइठा कैक हम्र टुँहन कहटी। 39उहाँकम विश्वास कर्ना हरेक व्यक्ति सब पापमसे छुट्कारा पैठ ओ परमेश्वरक नजरम धर्मी ठह्राजैठ। यी बात मोशक व्यवस्था पालन कैक सम्भव नैरह। 40उहओर्से होसियार रही, नै त अगमवक्तन्हक ब्वालल् वचन अप्नहुँकन्हकम परिआई। काकरकि हुँक्र कैरख्ल,
41‘हेरो, टुह्र गिल्ला करुइयन,
अचम्म मानो ओ मुजाओ!#१३:४१ यी बात बाइबलक पुरान नियमक खण्डमसे (हबकूक १:५) लेगैल् हो, अगमवक्ता इस्राएलीहुँकन चेताउनी देहट कि परमेश्वर विदेशी सेनन्हक आक्रमणद्वारा हुँकन दण्ड देहक लाग बाट। यिहाँ पावल यी पद येशूक बारेम खुशीक खबरम विश्वास नैकर्ना मनै पैना दण्डम लाग करट।
काकरकि टुन्हक समयम मै
एकठो अस्सिन काम करक लाग बाटुँ,
कि वाकर बारेम कुई टुँहन बयान कैदेलसे फे
टुह्र विश्वास करुइया नैहुइटो।’”#हब १:५
42पावल ओ बारनाबास सभाघरमसे जाइलग्ल त, मनै और बिसैना दिन फेदोस्र आक यी बात हमन सुनैहो कैक हुँकनसे बिन्ती कर्ल। 43सभा ओराइल त, यहूदीहुँक्र ओ यहूदी धर्म मन्ना गैरयहूदीहुँक्र पावल ओ बारनाबासक पाछ लग्ल। पावल ओ बारनाबास हुँकनसे बट्वैटी परमेश्वरक अनुग्रहम विश्वास कर्लरहपर्ना बातम जोड देटीरल।
44और बिसैना दिन लगभग सारा सहरक मनै परमेश्वरक वचन सुनक लाग उलट्क अइल। 45मनैन्हक भीड देख्क, यहूदीहुँक्र बिह्रमुल ओ पावलक विरोध कर्टी अपमान कर्ल।
46तर पावल ओ बारनाबास साहस कैक कल, “परमेश्वरक वचन सबसे पैल्ह टुँहनऽ सुनाइपर्ना रह, तर टुह्र वचनह इन्कार कैदेलो। यी बातले टुह्र अनन्त जीवन पैनायोग्यक नैहुइटो कना बात देखपरल। उहओर्से, आब हम्र गैरयहूदीन्हकठे जउइयाबाटी। 47काकरकि प्रभु हमन असिन आज्ञा देरख्ल,
‘संसारक कोनो-कोनोमक मनै
मुक्ति पैहीँ कैक मै गैरयहूदीहुँकन
अजरार देखाइक लाग टुँहन नियुक्त कैरख्नु।’”#यशै ४२:६; ४९:६
48गैरयहूदीहुँक्र यी बात सुन्क खुशी हुइल, ओ परमेश्वरक वचनक प्रशंसा कर्ल। अनन्त जीवन पाइक लाग आघहेँ रोजगैलक मनै येशू ख्रीष्टम विश्वास कर्ल।
49परमेश्वरक वचन उ क्षेत्रम चारिओर फैलल्। 50तर यहूदीहुँक्र परमेश्वरक डर मन्ना उच्च वर्गक जन्नीमनैन ओ सहरक मुख्य-मुख्य मनैन पावल ओ बारनाबासक विरोधम उक्सैल। हुँक्र पावल ओ बारनाबासह सँतैल ओ हुँकन आपन साँधसीमाना कटादेल। 51#मत्ती १०:१४; मर्क ६:११; लूक ९:५; १०:११तर पावल ओ बारनाबास आपन ग्वारक धूर हुँकन्हक विरोधम झराक आइकोनियन सहरम गैल।#१३:५१ यदि यहूदीहुँक्र गैरयहूदीन्हक गाउँम यात्रा कर्ल कलसे, हुँक्र आपन झुल्वा ओ चप्पल मजासे झराइँट्। याकर अर्थ हुँक्र आपन ग्वारम गैरयहूदीन्हक जग्गमक धूर समेत लाग नैदेहठुइट कना रह। काकरकि हुँक्र गैरयहूदीहुँकन ओ हुँकन्हक जग्गा समेत अशुद्ध मानँट्। पावल ओ बारनाबास परमेश्वरक वचन इन्कार करल यहूदीन्हक सामुन्ने उह काम कर्ल। हुँक्र आब परमेश्वर हुँकन अशुद्ध मनहीँ, ओ यदि हुँकन्हकम परमेश्वरक दण्ड परिअइलसे, हुँक्र अपन्हे जिम्मेवार बाट कना बात देखाइक लाग उ काम कर्ल। 52तर विश्वासीहुँक्रजुन आनन्दले ओ पवित्र आत्मले भरिपूर्ण हुइल।
Currently Selected:
प्रेरित 13: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
प्रेरित 13
13
पावलक पैल्ह प्रचार यात्रा
1एन्टिओखियम रहल मण्डलीम अगमवक्ताहुँक्र ओ परमेश्वरक वचन सिखुइयन रलह। हुँक्र बारनाबास, कालु कैजिना शिमियोन, कुरेनी सहरक लुकियस, शासक हेरोदकसँग हुर्कलक मनेन ओ शाऊल रलह। 2एक दिन हुँक्र ब्रत रह्क परमप्रभुक आराधना कर्टिरहल समयम पवित्र आत्मा हुँकन कलन, “मै बारनाबास ओ शाऊलह जौन कामक लाग बलारख्नु, उह कामक लाग हुँकन नियुक्त करो।” 3तब हुँक्र आकुर ब्रत रल ओ प्रार्थना कर्ल। तब हुँकन्हकम हाँठ ढैक हुँकन परमप्रभुक बलाइल काम करक लाग पठैल।
4पवित्र आत्माद्वारा पठागैल त, बारनाबास ओ शाऊल सिलुकिया सहरम गैल, ओ उहाँसे जहाजम चिहुर्क साइप्रस टापुम गैल। 5हुँक्र उ टापुक सलामिस सहरम पुग्ल त, यहूदीन्हक सभाघरम जाक परमेश्वरक वचन प्रचार कर्ल। हुँकन सहायता करक लाग मर्कूस कैजिना यूहन्ना फे हुँकन्हकसँग गैरलह।
6हुँक्र सारा टापुम यात्रा कर्टी पाफोस सहरम आपुग्ल। हुँक्र उहाँ बारयेशू नाउँ रहल एकठो यहूदी जातक झूटा अगमवक्तह भेँटैल। ऊ एकठो जादूगर फे रह। 7उ जादूगर साइप्रस टापुक शासक सर्गियस पौलुसक सङ्घारी रह। उ शासक बुद्धिमान् व्यक्ति रलह। हुँकहीन परमेश्वरक वचन सुन्नास लग्लन त, ऊ बारनाबास ओ शाऊलह बलापठैल। 8तर उ जादूगर, ज्याकर नाउँ ग्रीक भाषम एलुमास रलहस, बारनाबास ओ शाऊलक विरोध करल। उ शासकह येशूम विश्वास कर नैदेहक लाग घरीघरी र्वाक ख्वाजल। 9तबदोस्र शाऊल, ज्याकर और नाउँ पावल रलहन, पवित्र आत्मले भरपूर होक एलुमासह एकटक लगाक हेर्ल, ओ कल, 10“टैँ शैतानक सन्तान, सब असल चिजिक शत्रु, सारा छलकपट ओ दुष्ट चालले भरल बाट्या। का टैँ परमप्रभुक स्वाझ डगर बङ्ग्याइ नैछोर्ब्या? 11आब हेर्, परमप्रभुक दण्ड ट्वारम पररहल। टैँ कुछ समयसम आन्धर होजैब्या ओ घामक अजरार फे नैदेख्नेहुइट्या।”
तबहेँ वाकर आँखिम कर्या बद्री आइअस हुइलस, ओ ऊ जातसे आन्धर होगैल्। कुई वाकर हाँठ पकर्क डोर्यादि कैक ऊ यिहँरउहँर सहारा ख्वाज लागल। 12यी सब घटना देख्क उ शासक प्रभु येशूम विश्वास कर्ल, काकरकि प्रभुक बारेम हुँकहीन सिखाइल शिक्षा सुन्क ऊ छक्क पररलह।
पिसिदिया क्षेत्रक एन्टिओखिया सहरम
13पावल ओ हुँकहार सङ्घरेन पाफोस सहरसे पानीजहाजम चिहुर्क पामफिलिया क्षेत्रक पर्गा सहरम पुग्ल। मर्कूस कैजिना यूहन्नाजुन हुँकनसे अल्गाक यरूशलेम घुम्ल। 14तर हुँक्र पर्गासे पिसिदिया क्षेत्रक एन्टिओखिया सहरम गैल, ओ बिसैना दिनम सभाघरम जाक बैस्ल। 15मोशक व्यवस्था ओ अगमवक्तन्हक लिखल किताब पहर्ल त पाछ, सभाघरक अगुवाहुँक्र पावल ओ बारनाबासकठे असिन बात कह पठैल, “हेरो भैयौ, टुन्हकठे मनैन उत्साह देना वचन बा कलसे, कहो।”
16यी सुन्क पावल उठ्ल, ओ हाँठले इशारा कर्टी कल, “इस्राएलीहुँक्र ओ परमेश्वरक डर मनुइयन और सब मनै, म्वार बात सुनी। 17हम्र इस्राएली जातिन्हक परमेश्वर हमार पुर्खन रोज्ल, ओ हुँक्र मिश्रदेशम रहल समयम हुँकन महान जाति बनैल। परमेश्वर आपन शक्ति देखाक हुँकन उ देशमसे निक्राक अन्ल।#प्रस १:७; १२:५१ 18हुँक्र लगभग चालीस वर्षसम उजार ठाउँम रहबेर परमेश्वर हुँकन्हक व्यवहार सहल।#गन्ती १४:३४; व्य १:३१ 19उहाँ कनान देशम रहल सातठो जातिन नाश कैक हुँकन्हक देश इस्राएलीहुँकन अधिकार करक लाग देल।#व्य ७:१; यहो १४:१ 20यी सब हुइट्सम लगभग चार सय पचास वर्ष लागल।
“तबदोस्र परमेश्वर हुँकन शासन करक लाग न्यायकर्ता नियुक्त कर्ल। हुँक्र एक पाछ और कर्टी अगमवक्ता शमूएलक पालासम काम कर्ल।#न्याय २:१६; १ शमू ३:२० 21तबदोस्र हमार पुर्खाओँ परमेश्वरसे राजा मङ्ल। परमेश्वर बेन्यामीन कुलक कीश कना मनैयक छावा शाऊलह राजा बनादेल। ऊ चालीस वर्षसम राज्य कर्ल।#१ शमू ८:५; १०:२१ 22परमेश्वर हुँकहीन राजा पदमसे हटाक दाऊदह राजा बनैल। उहाँ दाऊदक बारेम असिक कैरख्ल, ‘मै यिशैक छावा दाऊदह आपन ख्वाजलअस भेटारख्नु। ऊ म्वार इच्छा अनुसार सब काम करुइयाबाट।’#१ शमू १३:१४; १६:१२; भज ८९:२०
23“परमेश्वर इस्राएलीन आपन प्रतिज्ञा करल अनुसार उह दाऊद राजक कुलमसे मुक्ति देहुइया येशूह पठैल। 24येशू अइनासे आघ यूहन्ना सब इस्राएलीहुँकन मनै आपन पापी मन परिवर्तन कर्लक प्रमाणक रूपम बप्तिस्मा लेहपर्ना वचन प्रचार कर्ल।#मर्क १:४; लूक ३:३ 25यूहन्ना आपन सेवक अन्त्यओर कल, ‘का टुह्र महीह मुक्ति देहुइया समझरख्लो? मै ऊ नैहुइटुँ। तर महीसे पाछ एक जन अइटीबाट। मै त उहाँक गैलगुज्रल कमारा हुइना लायक फे नैहुइटुँ।’#मत्ती ३:११; मर्क १:७; लूक ३:१६; यूह १:२०,२७
26“हेरो भैयौ, हम्र चाहा अब्राहामक सन्तान रही, चाहा परमेश्वरक डर मन्ना गैरयहूदी मनै रही, मुक्तिक यी सन्देश परमेश्वर हम्र सबजन्हक लाग पठादेरख्ल। 27यरूशलेमम मनै ओ हुँकन्हक शासकहुँक्र हरेक बिसैना दिन अगमवक्तन्हक लिखल बात पहर्क फे येशूह मुक्ति देहुइया हुइट कैक नैचिह्न्ल। बेनसे हुँक्र उहाँह मृत्युदण्ड देक उहाँक बारेम अगमवक्तन्हक लिखल वचन पूरा कर्ल। 28हुँकन्हकठे उहाँह मृत्युदण्ड देना कुछु कारण नैरलहन, तर फे हुँक्र उहाँह मुवैहीपर्ठा कैक शासक पिलातससे बिन्ती कर्ल।#मत्ती २७:२२-२३; मर्क १५:१३-१४; लूक २३:२१-२३; यूह १९:१५ 29असिक हुँक्र उहाँक बारेम लिखल अगमवाणी अनुसार सब काम कर्ल। उहाँ मुल त, हुँक्र उहाँह क्रूसमसे उतार्क गर्यम ढर्ल।#मत्ती २७:५७-६१; मर्क १५:४२-४७; लूक २३:५०-५६; यूह १९:३८-४२ 30तर परमेश्वर उहाँह मुवलमसे फेदोस्र जियादेल। 31गालील क्षेत्रसे उहाँकसँग यरूशलेमम आइल मनैन्हकठे उहाँ धेर दिनसम देखपर्टीरल। आजकाल हुँक्र इस्राएलीन्हक लाग यी बातक साक्षी हुइट।#प्रे १:३
32“आब हम्र खुशीक खबर टुन्हकठे प्रचार कर्टिबाटी। परमेश्वर हमार पुर्खनसे करल प्रतिज्ञा 33हुँकन्हक सन्तानन्हक लाग पूरा कैदेरख्ल। उहाँ येशूह मुवलमसे जियाक उ प्रतिज्ञा पूरा कर्लह। याकर बारेम भजनसंग्रहक द्वासर भजनम असिक लिखल बा,#भज २:७
‘टुँ म्वार छावा हुइटो,
आज मै टुँहार बाबा हुइनु।’#१३:३३ यिहाँ उल्लेख हुइल पद भजनसंग्रह २:७ मसे लेगैल् हो। यी भजनम दाऊद परमेश्वर आपन छावा येशूसे बट्वाइबेरिक अवस्थह झल्कारख्ल। वास्तवम, परमेश्वर सड्डभर येशूक बाबा पलबाट, तर यी पद उहाँ जाट्टीसे येशूक बाबा हुइट कैक परमेश्वरक देखाइल बातह विशेष तरिकाले जोड देहटा। यी पदक सन्दर्भले संकेत करटा कि यिहाँ “आज” कलक उ समयह जनैठा जौन समयम परमेश्वर येशूह मुवलमसे फेदोस्र जियादेल। यी काम कैक परमेश्वर मनैन्हक सामु येशू जाट्टीसे आपन छावा रलक बात प्रमाणित कर्ल।
34उहाँ ख्रीष्टह फेदोस्र कबु फे नैमुना हिसाबले जियैना बारेमजुन असिक कैरख्ल,
‘दाऊदह प्रतिज्ञा कैगिल् पवित्र
ओ पक्का आशिष मै टुँहन देहम।’#यशै ५५:३
35भजनसंग्रह किताबक और ठाउँम असिक लिखल बा,
‘अप्न आपन पवित्र जनक शरीरह कुह नैदेनेहुइटी।’#भज १६:१०
36“याद करो, दाऊद, आपन पुस्तम परमेश्वरक इच्छा अनुसार काम कर्ल त, मुल। ऊ आपन पुर्खन्हकसँग गारगैल ओ हुँकहार शरीर कुह्गैलन। 37तर जेहीह परमेश्वर मुवलमसे जियैल, उहाँक शरीर नैकुह्लीन।
38“उहओर्से, हेरो भैयौ, येशूम विश्वास कर्लसे पाप क्षमा हुइठा कैक हम्र टुँहन कहटी। 39उहाँकम विश्वास कर्ना हरेक व्यक्ति सब पापमसे छुट्कारा पैठ ओ परमेश्वरक नजरम धर्मी ठह्राजैठ। यी बात मोशक व्यवस्था पालन कैक सम्भव नैरह। 40उहओर्से होसियार रही, नै त अगमवक्तन्हक ब्वालल् वचन अप्नहुँकन्हकम परिआई। काकरकि हुँक्र कैरख्ल,
41‘हेरो, टुह्र गिल्ला करुइयन,
अचम्म मानो ओ मुजाओ!#१३:४१ यी बात बाइबलक पुरान नियमक खण्डमसे (हबकूक १:५) लेगैल् हो, अगमवक्ता इस्राएलीहुँकन चेताउनी देहट कि परमेश्वर विदेशी सेनन्हक आक्रमणद्वारा हुँकन दण्ड देहक लाग बाट। यिहाँ पावल यी पद येशूक बारेम खुशीक खबरम विश्वास नैकर्ना मनै पैना दण्डम लाग करट।
काकरकि टुन्हक समयम मै
एकठो अस्सिन काम करक लाग बाटुँ,
कि वाकर बारेम कुई टुँहन बयान कैदेलसे फे
टुह्र विश्वास करुइया नैहुइटो।’”#हब १:५
42पावल ओ बारनाबास सभाघरमसे जाइलग्ल त, मनै और बिसैना दिन फेदोस्र आक यी बात हमन सुनैहो कैक हुँकनसे बिन्ती कर्ल। 43सभा ओराइल त, यहूदीहुँक्र ओ यहूदी धर्म मन्ना गैरयहूदीहुँक्र पावल ओ बारनाबासक पाछ लग्ल। पावल ओ बारनाबास हुँकनसे बट्वैटी परमेश्वरक अनुग्रहम विश्वास कर्लरहपर्ना बातम जोड देटीरल।
44और बिसैना दिन लगभग सारा सहरक मनै परमेश्वरक वचन सुनक लाग उलट्क अइल। 45मनैन्हक भीड देख्क, यहूदीहुँक्र बिह्रमुल ओ पावलक विरोध कर्टी अपमान कर्ल।
46तर पावल ओ बारनाबास साहस कैक कल, “परमेश्वरक वचन सबसे पैल्ह टुँहनऽ सुनाइपर्ना रह, तर टुह्र वचनह इन्कार कैदेलो। यी बातले टुह्र अनन्त जीवन पैनायोग्यक नैहुइटो कना बात देखपरल। उहओर्से, आब हम्र गैरयहूदीन्हकठे जउइयाबाटी। 47काकरकि प्रभु हमन असिन आज्ञा देरख्ल,
‘संसारक कोनो-कोनोमक मनै
मुक्ति पैहीँ कैक मै गैरयहूदीहुँकन
अजरार देखाइक लाग टुँहन नियुक्त कैरख्नु।’”#यशै ४२:६; ४९:६
48गैरयहूदीहुँक्र यी बात सुन्क खुशी हुइल, ओ परमेश्वरक वचनक प्रशंसा कर्ल। अनन्त जीवन पाइक लाग आघहेँ रोजगैलक मनै येशू ख्रीष्टम विश्वास कर्ल।
49परमेश्वरक वचन उ क्षेत्रम चारिओर फैलल्। 50तर यहूदीहुँक्र परमेश्वरक डर मन्ना उच्च वर्गक जन्नीमनैन ओ सहरक मुख्य-मुख्य मनैन पावल ओ बारनाबासक विरोधम उक्सैल। हुँक्र पावल ओ बारनाबासह सँतैल ओ हुँकन आपन साँधसीमाना कटादेल। 51#मत्ती १०:१४; मर्क ६:११; लूक ९:५; १०:११तर पावल ओ बारनाबास आपन ग्वारक धूर हुँकन्हक विरोधम झराक आइकोनियन सहरम गैल।#१३:५१ यदि यहूदीहुँक्र गैरयहूदीन्हक गाउँम यात्रा कर्ल कलसे, हुँक्र आपन झुल्वा ओ चप्पल मजासे झराइँट्। याकर अर्थ हुँक्र आपन ग्वारम गैरयहूदीन्हक जग्गमक धूर समेत लाग नैदेहठुइट कना रह। काकरकि हुँक्र गैरयहूदीहुँकन ओ हुँकन्हक जग्गा समेत अशुद्ध मानँट्। पावल ओ बारनाबास परमेश्वरक वचन इन्कार करल यहूदीन्हक सामुन्ने उह काम कर्ल। हुँक्र आब परमेश्वर हुँकन अशुद्ध मनहीँ, ओ यदि हुँकन्हकम परमेश्वरक दण्ड परिअइलसे, हुँक्र अपन्हे जिम्मेवार बाट कना बात देखाइक लाग उ काम कर्ल। 52तर विश्वासीहुँक्रजुन आनन्दले ओ पवित्र आत्मले भरिपूर्ण हुइल।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.