२ थेसलोनिकी 3
3
प्रार्थनक लाग अनुरोध
1आखिरम, हेरो भैयौ, हमार लाग फे प्रार्थना कैदेहो, ताकि प्रभुक वचन, टुन्हक बीचम फैलल्अस, चारिओर झट्ट फैल स्याक ओ याकर धेर आदर ह्वाए। 2ओ हम्र खराब ओ दुष्ट मनैनसे छुट्कारा पाइसेकी, काकरकि सबजन त विश्वास नैकर्ट। 3तर प्रभु विश्वासयोग्य रलकओर्से उहाँ टुँहन बलगर बनुइयाबाट ओ दुष्टसे#३:३ दुष्टसे: याकर और अर्थ “शैतानसे” फे हुइसेक्ठा। रक्षा करुइयाबाट। 4ओ प्रभुक कारणले टुह्र हमार कहल बात मन्टीबाटो ओ मन्टीरहुइयाबाटो कना हमार विश्वास बा। 5प्रभु जो टुँहन परमेश्वरक प्रेम बुझ्ना ओ ख्रीष्टकअस धैर्यधारण कर्ना शक्ति देहीँ।
सबजन काम करपर्ठा
6हेरो भैयौ, प्रभु येशू ख्रीष्टक नाउँम हम्र टुँहन आज्ञा देहटी, कि अल्छी विश्वासीनसे ओ हमार सिखाइल वचन अनुसार नैचलुइयनसे अलग रहो। 7काकरकि कसिक हमार देखासिकी करपर्ठा कना बात त टुह्र जन्लबाटो। हम्र टुन्हकसँग रहलम अल्छी नैरलही, 8पैँसा बिना तिर्ल हम्र केक्रो घर फे नैखैली। बेनसे, टुह्र किहुह फे भार जिन पर कैक हम्र रातदिन खट्क काम कर्ली। 9सहायता पैना हमार हक नैहोक नैहो, तर टुन्हक बीचम एकठो उदाहरण बनक लाग हम्र ओसिक कर्लही। 10“यदि कुई काम नैकरट् कलसे, ऊ खैना फे जिन खाए” कैक त हम्र टुन्हक्केसँग रहलम कलही।
11टुह्रमध्ये कुई-कुई त अल्छी बाटो कैक सुन्मिल्ठा। हुँक्र कामक नाउँम एकठो सीँका फे नैउठैट, तर आनक कामम भर लबलब-लबलब हाँठ करैठ। 12हम्र असिन मनैन प्रभु येशू ख्रीष्टक नाउँम आज्ञा ओ अर्ती देहटी, कि हुँक्र आपन खाइक लाग अपन्हे खुरुखुरु काम करहीँ। 13हेरो भैयौ, भलाइ कर्ना कामम पाछ जिन हटो।
14यी चिठीम हमार लिखल वचन जे पालन नैकरट्, ओहीह चिन्ह्लरहो, ओ ओहीसे सङ्गतऽ जिन करो, त ऊ अपन्हे शरमम परी। 15तर फे ओहीह शत्रुऽ जिन मनहो, बेनसे भैया मान्क चेताउनी देहो।
बिदाइ
16शान्ति देहुइया प्रभु अपन्हे हर समयम हर किसिमले टुँहन शान्ति देटीरह्हीँ। प्रभु टुह्र सबजन्हकसँग रह्हीँ।
17मै पावल आपनऽ हाँठले अभिवादन लिख्क पठाइटुँ। म्वार सक्कु चिठीक चिनारी यिह हो। मै असहेँक लिख्ठुँ।
18हमार प्रभु येशू ख्रीष्टक अनुग्रह टुह्र सबजन्हकसँग पलरह।
Currently Selected:
२ थेसलोनिकी 3: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
२ थेसलोनिकी 3
3
प्रार्थनक लाग अनुरोध
1आखिरम, हेरो भैयौ, हमार लाग फे प्रार्थना कैदेहो, ताकि प्रभुक वचन, टुन्हक बीचम फैलल्अस, चारिओर झट्ट फैल स्याक ओ याकर धेर आदर ह्वाए। 2ओ हम्र खराब ओ दुष्ट मनैनसे छुट्कारा पाइसेकी, काकरकि सबजन त विश्वास नैकर्ट। 3तर प्रभु विश्वासयोग्य रलकओर्से उहाँ टुँहन बलगर बनुइयाबाट ओ दुष्टसे#३:३ दुष्टसे: याकर और अर्थ “शैतानसे” फे हुइसेक्ठा। रक्षा करुइयाबाट। 4ओ प्रभुक कारणले टुह्र हमार कहल बात मन्टीबाटो ओ मन्टीरहुइयाबाटो कना हमार विश्वास बा। 5प्रभु जो टुँहन परमेश्वरक प्रेम बुझ्ना ओ ख्रीष्टकअस धैर्यधारण कर्ना शक्ति देहीँ।
सबजन काम करपर्ठा
6हेरो भैयौ, प्रभु येशू ख्रीष्टक नाउँम हम्र टुँहन आज्ञा देहटी, कि अल्छी विश्वासीनसे ओ हमार सिखाइल वचन अनुसार नैचलुइयनसे अलग रहो। 7काकरकि कसिक हमार देखासिकी करपर्ठा कना बात त टुह्र जन्लबाटो। हम्र टुन्हकसँग रहलम अल्छी नैरलही, 8पैँसा बिना तिर्ल हम्र केक्रो घर फे नैखैली। बेनसे, टुह्र किहुह फे भार जिन पर कैक हम्र रातदिन खट्क काम कर्ली। 9सहायता पैना हमार हक नैहोक नैहो, तर टुन्हक बीचम एकठो उदाहरण बनक लाग हम्र ओसिक कर्लही। 10“यदि कुई काम नैकरट् कलसे, ऊ खैना फे जिन खाए” कैक त हम्र टुन्हक्केसँग रहलम कलही।
11टुह्रमध्ये कुई-कुई त अल्छी बाटो कैक सुन्मिल्ठा। हुँक्र कामक नाउँम एकठो सीँका फे नैउठैट, तर आनक कामम भर लबलब-लबलब हाँठ करैठ। 12हम्र असिन मनैन प्रभु येशू ख्रीष्टक नाउँम आज्ञा ओ अर्ती देहटी, कि हुँक्र आपन खाइक लाग अपन्हे खुरुखुरु काम करहीँ। 13हेरो भैयौ, भलाइ कर्ना कामम पाछ जिन हटो।
14यी चिठीम हमार लिखल वचन जे पालन नैकरट्, ओहीह चिन्ह्लरहो, ओ ओहीसे सङ्गतऽ जिन करो, त ऊ अपन्हे शरमम परी। 15तर फे ओहीह शत्रुऽ जिन मनहो, बेनसे भैया मान्क चेताउनी देहो।
बिदाइ
16शान्ति देहुइया प्रभु अपन्हे हर समयम हर किसिमले टुँहन शान्ति देटीरह्हीँ। प्रभु टुह्र सबजन्हकसँग रह्हीँ।
17मै पावल आपनऽ हाँठले अभिवादन लिख्क पठाइटुँ। म्वार सक्कु चिठीक चिनारी यिह हो। मै असहेँक लिख्ठुँ।
18हमार प्रभु येशू ख्रीष्टक अनुग्रह टुह्र सबजन्हकसँग पलरह।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.