१ थेसलोनिकी 1
1
1परमेश्वर बाबा ओ प्रभु येशू ख्रीष्टक थेसलोनिकम रहल मण्डलीह हम्र पावल, सिलास ओ तिमोथी यी चिठी लिखटी।#१:१ हुइना त, पैल्ह वाक्य पह्रबेर यी चिठी तीन जन पावल, सिलास ओ तिमोथी मिल्क संयुक्त रूपम लिख्ल जसिन देखपर्ठा, तर वास्तवम यी चिठी लिखुइया व्यक्ति पावल हुइट, ओ काजे यिहाँ सिलास ओ तिमोथीक नाउँ फे उल्लेख हुइल् बा कलसे, सम्भवत: पावल थेसलोनिकम रहल समयम हुँक्र पावलकसँग रलह, ओ पावल यी चिठी लिखबेर फे हुँक्र पावलकसँग रलह। परमेश्वर टुँहन अनुग्रह ओ शान्ति देहीँ।#प्रे १७:१
थेसलोनिकीहुँक्र विश्वासी जीवन जिलक
2हम्र प्रार्थना करबेर सड्ड टुह्र सबजहन सम्झठी ओ परमेश्वरह धन्यवाद देठी। 3विश्वाससे करल टुन्हक काम, प्रेमसे करल टुन्हक परिश्रम, ओ प्रभु येशू ख्रीष्टम रहल टुन्हक सहनशील आशा हमार परमेश्वर ओ बाबक सामुन्ने हम्र सम्झटीरठी।
4हेरो भैयौ, परमेश्वर जो टुँहन प्रेम कैक रोज्लह कना बात हमन थाहाँ बा। 5काकरकि टुँहन प्रचार कैगिल् खुशीक खबर गफ केल नैरह, तर पवित्र आत्मक शक्तिले पक्का होक प्रचार कैगिल् सत्य वचन रह। ओ टुन्हकसँग रहलम टुन्हक्के हितक लाग हमार जीवन कसिन रह कना बात टुह्र अपन्हे जन्लबाटो। 6हो, टुन्हकम आपत्विपत् परिआइल, तर फे टुह्र पवित्र आत्मक देहल आनन्दम वचनह ग्रहण कर्लरलो। यी हिसाबले टुह्र हमार ओ प्रभुक देखासिकी कर्लो।#प्रे १७:५-९ 7असिक टुह्र माकेडोनिया ओ अखैया क्षेत्रम रहल सब विश्वासीन्हक आघ एकठो नमुना बनरलो।
8टुन्हक कारणले परमेश्वरक वचन माकेडोनिया ओ अखैयम केल नैफैलल्, तर परमेश्वरम रहल टुन्हक विश्वासक बात सक्कुओर फैलल् बा। याकर बारेम हमार कहपर्ना बात कुछु नैहो। 9हम्र टुन्हकठे अइली त, टुह्र हमन कसिन स्वागत कर्लो, ओ जीवित ओ सत्य परमेश्वरक सेवा करक लाग मूर्तिपूजमसे कसिक घुम्लो कना बात हुँक्र अपन्हे बटोइठ। 10टुह्र त परमेश्वरक छावा स्वर्गसे अउइयाबाट कैक बट्या हेर्ठो हुँ। उहाँ मुवलमसे फेदोस्र परमेश्वरक जियाइल येशू हुइट। परमेश्वरसे अइना डरलग्टिक दण्डमसे हमन बँचुइया फे उहाँ जो हुइट।
Currently Selected:
१ थेसलोनिकी 1: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
