१ यूहन्ना 3
3
1हेरो, परमेश्वर बाबा हमन कत्रा धेर प्रेम कैरख्ल, यहाँसम कि उहाँ हमन आपन सन्तान कठ! ओ हम्र जाट्टीसे उहाँक सन्तान हुइटी। संसारक मनै परमेश्वरह नैचिन्ह्लकओर्से हमन फे नैचिन्ट।#यूह १:१२ 2प्रियहुँक्र, आब हम्र परमेश्वरक सन्तान जो हुइटी। पाछ हम्र कसिन हुइबी कना बात आम्हीसम प्रकट कैगिल् नैहो। तर उहाँ अइहीँ त हम्र उहाँकअस हुइबी कना बातभर हमन थाहाँ बा काकरकि उहाँ जसिन बाट हम्र उहाँह ओस्तहँ देख्बी। 3उहाँकम यी आशा करुइयन सबजन अपन्हेह उहाँकअस पवित्र बनैठ।
4पाप करुइया हरेक व्यक्ति परमेश्वरक नीतिनियम उल्लङ्घन कर्ठा। वास्तवम सारा पाप परमेश्वरक नीतिनियम उल्लङ्घन कर्ना हो। 5हमार सारा पाप हटाइक लाग ख्रीष्ट अइलह ओ उहाँकम पाप नैहुइटन कना बात टुँहन थाहाँ बा।#यूह १:२९ 6उहाँकम रहुइया कुई फे पाप कर्टी नैरहट्। पाप कर्टी रहुइया ना त उहाँह देख्लहो ना त चिह्न्लहो।
7हेरो लर्काओँ, यी बातम कुई टुँहन जिन भर्माए। ठीक काम कर्ना मनैया ख्रीष्टकअस धर्मी हो। 8पाप कर्टिरना मनैया शैतानक सन्तान हो। काकरकि शैतान त सुरुसे पाप कर्टी आइल बा। शैतानक काम नाश करक लाग जो परमेश्वरक छावा यी संसारम अइलह। 9परमेश्वरक सन्तान हुइल् मनै पाप कर्टी नैरट, काकरकि हुँकन्हकम परमेश्वरक स्वभाव रठन। हुँक्र परमेश्वरक सन्तान हुइलकओर्से पाप कर नैसेक्ट। 10असिक परमेश्वरक सन्तान के हो ओ शैतानक सन्तान के हो कना बात स्पष्ट रूपले चिन्ह सेक्जैठा। ठीक काम नैकर्ना ओ आपन दादुभैयन प्रेम नैकर्ना मनैया परमेश्वरक सन्तान नैहो।
एक-औरजहन प्रेम करपर्ठा
11टुह्र सुरुम येशू ख्रीष्टम विश्वास करल समयसे सुन्टीआइल सन्देश यिह हो: “हम्र एक-औरजहन प्रेम करपर्ठा।”#यूह १३:३४ 12कयिनअस जिन होओ। ऊ त शैतानक मनैया रह, उहओर्से आपन भैयक हत्या करल। ऊ आपन भैयक हत्या काजे करल? काकरकि वाकर काम खराब रलहस ओ वाकर भैयक काम असल रलहस।#उत ४:८ 13हेरो भैयौ, यदि संसारक मनै टुँहन हेल्हा करहीँ कलसे, अचम्म जिन मानो। 14एक-औरजहन कर्लक प्रेमले हम्र मृत्युमसे जीवनम सररली कना बात देखैठा। तर प्रेम नैकर्ना मनै आम्हीसम मृत्युक अधीनम पलबाट।#यूह ५:२४ 15औरजहन हेल्हा करुइया त हत्यारऽ हो, ओ कौनो हत्यारकसँग अनन्त जीवन नैरहट् कना बात टुह्र जन्ल जो बाटो।
16प्रेम का हो कना बात हम्र असिक बुझरख्ली, येशू ख्रीष्ट हमार लाग आपन प्राण देल। उहओर्से हम्र फे औरजन्हक लाग आपन प्राण देहपर्ठा। 17यदि केक्रोठे संसारम जियक लाग प्रशस्त धनसम्पत्ति बा, ओ ऊ और मनैयक खाँचो देखराखल, तर फे ऊ वाकरपर आपन मन कठोर पर्ठा कलसे, परमेश्वरह प्रेम कर्ठुं कैक कसिक कहसेकी? 18हेरो लर्काओँ, हम्र बातले या मुहले केल प्रेम नैकरी, तर हमार प्रेम सत्य हुइपर्ठा। असिन प्रेम व्यवहारद्वारा देखपर्ठा। 19यी हिसाबले प्रेम कर्ली कलसे, हम्र सत्य अनुसार चलटी कना बातम निश्चित हुइसेक्ठी ओ परमेश्वरक आघ निर्धक्कसे ठह्र्याइसेक्ठी। 20हम्र दोषी रलक महसुस कर्लसे फे, परमेश्वर हमार करल महसुससे धेर महान बाट, ओ उहाँ सब बात जन्ठ।
21प्रियहुँक्र, यदि हम्र दोषी रलक महसुस नैकर्ली कलसे, हम्र परमेश्वरक आघ निर्धक्कसे आइसेक्ठी। 22हम्र आपन माङ्गल चिज उहाँसे पैठी, काकरकि हम्र उहाँक आज्ञापालन कर्ठी ओ उहाँह खुशी लग्ना जीवन जिठी। 23उहाँक आज्ञा यिह हो: हम्र उहाँक छावा येशू ख्रीष्टम विश्वास करपर्ठा, ओ उहाँ हमन देहल आज्ञा अनुसार एक-औरजहन प्रेम करपर्ठा।#यूह १३:३४; १५:१२,१७ 24उहाँक आज्ञापालन करुइयन उहाँकम रठ, ओ उहाँ हुँकन्हकम रठ। उहाँ हमारम जिठ कैक हम्र जन्ठी, काकरकि उहाँक देहल पवित्र आत्मा हमार जीवनम बाट।
Currently Selected:
१ यूहन्ना 3: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
