Suu 4
4
Sii-doɛ̃ n sii sonbore lɛa
1Nɛnyaanan, ka n too kɔ díi a doroo li. Ka yiri bɔ ka dinin li, ka á re yiridɛnan biɛ. 2Sonbore, man doroo sonboren koe ka la. Ka nyan nə n piã ka maa daraan nɛ wa. 3Masɛ dɔ nɛ sonbore baa maa díi gɔn. Maa náa ma narɛ parsiini nɛ goondɛnaabaa wɔ nɛ. 4Maa díi na á goã ma doree á n pii ma nɛ: «N yiri koa maa boon kɛn li parsiini, n yii tá re goɛ̃ koo. 5Toa n sii-dɔ̃li baa, n yiridɛnaa baa. Ń yiri nyan bɔ ka maa boon kɛn nɛ wa, n nyan nə n wɔlɔ lui ǹ ganaa wa. 6N nyan nə n wɔlɔ lui sii-doɛ̃ ganaa wa, á re n lɛduĩ. A narɛ, á re n tamɛɛ. 7Sii-doɛ̃ lɛ a giala kɔ n ka kɛ nɛ: Sii tumaa zɛnaa n sii-doɛ̃ yɛ. N gɔn màn tumaa wɔ yiridɛnaabaa nɛ. 8Sii-doɛ̃ saa n kolo-n, á re n siɛ lon. Bɛ̀ ń nə́ n sɔɔ a nɛ, á re gugurubaa koe n la. 9A n die goɛ̃ ka nyaǹ màn bɛ́ lɔn, ka kii bafolo siĩn bɛ́ lɔn.»
Sii-doɛ̃ n yiikoobaa lɛa
10Maa nɛ, n too kɔ ma lon. Maa boo kɛn si, n tá re nyin sasa yii. 11Ma nə n diɛ sii-doɛ̃ zii la, n yiikoonaabaa goã peperabaa gɔ́ɔ̃ nɛ. 12Ka bɛ dɔ nɛ, n wo nyɛɛ-n tá re naanaa koe. Bɛ̀ n tá baasi, n ba re talɛɛ wa. 13N doroo mɛn yɛ, kũ sɔnbɔraanɛ, n nyan nə n la a ganaa wa. A kũ doɛ̃, a nə yii toɛ koo. 14N nyan min bɔnɛɛn giã ǹ gɔn lɛn zɔɔ̃ wa. N nyan kɔ sii baraa-zɛnaalin zii lɛ wa. 15N nyɛnaa nɛ, n nyan bɔ a nɛ wa! Zii da nɛ, n wo sɔsɔɔ. 16Bɛa minin kɛn lɛn ba nyuù we bɛ̀ ǹ nə́ ǹ sii baraa zɛnaa wa. Ǹ ba nyuù naɛ̃ ǹ yii-a bɛ̀ ǹ sii baraa zɛnaa min ni wa. 17Hiĩ! Maǹ nə n dinin toe ka sii baraa kɛ nɛ ǹ tá zɛnɛɛ. Kakaarɛbaa la ǹ yii ni. 18Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe. 19Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.
Giã ǹ gɔn sonbore
20Maa nɛ, n too kɔ maa boon li. N yiri kɔ maa doroon li. 21N nyan toa n yiri bɔ ǹ nɛ duduu wa. Toa ǹ goã n foo ne. 22Min mɛnɛn tumaa bɛ́ maa boon sii, a n yiikoonaabaa koe ǹ la ka kakabaa nɛ. 23Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ. 24Ń lɛ kurəə soɛ bɔ ganaa, n nyan nə n miãn pɔpɔsɛ wa. 25Ń yiin doa n yɔrɔ-a sɔnsɔn, n ga n nyɛɛnɛ pepere. 26#Ebr 12.13 Ń bɛ́ re koe zii mɛn lɛ, ń taasɛ n tɔn saa. Foo bɛ́ doa-n ziin mɛnɛn ganaa, kɔ bɛn lɛ. 27N nyan wo n gusin hinlaa n gɔsɛ wa. N wɔlɔ lui sii baraa ganaa.
Currently Selected:
Suu 4: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Suu 4
4
Sii-doɛ̃ n sii sonbore lɛa
1Nɛnyaanan, ka n too kɔ díi a doroo li. Ka yiri bɔ ka dinin li, ka á re yiridɛnan biɛ. 2Sonbore, man doroo sonboren koe ka la. Ka nyan nə n piã ka maa daraan nɛ wa. 3Masɛ dɔ nɛ sonbore baa maa díi gɔn. Maa náa ma narɛ parsiini nɛ goondɛnaabaa wɔ nɛ. 4Maa díi na á goã ma doree á n pii ma nɛ: «N yiri koa maa boon kɛn li parsiini, n yii tá re goɛ̃ koo. 5Toa n sii-dɔ̃li baa, n yiridɛnaa baa. Ń yiri nyan bɔ ka maa boon kɛn nɛ wa, n nyan nə n wɔlɔ lui ǹ ganaa wa. 6N nyan nə n wɔlɔ lui sii-doɛ̃ ganaa wa, á re n lɛduĩ. A narɛ, á re n tamɛɛ. 7Sii-doɛ̃ lɛ a giala kɔ n ka kɛ nɛ: Sii tumaa zɛnaa n sii-doɛ̃ yɛ. N gɔn màn tumaa wɔ yiridɛnaabaa nɛ. 8Sii-doɛ̃ saa n kolo-n, á re n siɛ lon. Bɛ̀ ń nə́ n sɔɔ a nɛ, á re gugurubaa koe n la. 9A n die goɛ̃ ka nyaǹ màn bɛ́ lɔn, ka kii bafolo siĩn bɛ́ lɔn.»
Sii-doɛ̃ n yiikoobaa lɛa
10Maa nɛ, n too kɔ ma lon. Maa boo kɛn si, n tá re nyin sasa yii. 11Ma nə n diɛ sii-doɛ̃ zii la, n yiikoonaabaa goã peperabaa gɔ́ɔ̃ nɛ. 12Ka bɛ dɔ nɛ, n wo nyɛɛ-n tá re naanaa koe. Bɛ̀ n tá baasi, n ba re talɛɛ wa. 13N doroo mɛn yɛ, kũ sɔnbɔraanɛ, n nyan nə n la a ganaa wa. A kũ doɛ̃, a nə yii toɛ koo. 14N nyan min bɔnɛɛn giã ǹ gɔn lɛn zɔɔ̃ wa. N nyan kɔ sii baraa-zɛnaalin zii lɛ wa. 15N nyɛnaa nɛ, n nyan bɔ a nɛ wa! Zii da nɛ, n wo sɔsɔɔ. 16Bɛa minin kɛn lɛn ba nyuù we bɛ̀ ǹ nə́ ǹ sii baraa zɛnaa wa. Ǹ ba nyuù naɛ̃ ǹ yii-a bɛ̀ ǹ sii baraa zɛnaa min ni wa. 17Hiĩ! Maǹ nə n dinin toe ka sii baraa kɛ nɛ ǹ tá zɛnɛɛ. Kakaarɛbaa la ǹ yii ni. 18Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe. 19Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.
Giã ǹ gɔn sonbore
20Maa nɛ, n too kɔ maa boon li. N yiri kɔ maa doroon li. 21N nyan toa n yiri bɔ ǹ nɛ duduu wa. Toa ǹ goã n foo ne. 22Min mɛnɛn tumaa bɛ́ maa boon sii, a n yiikoonaabaa koe ǹ la ka kakabaa nɛ. 23Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ. 24Ń lɛ kurəə soɛ bɔ ganaa, n nyan nə n miãn pɔpɔsɛ wa. 25Ń yiin doa n yɔrɔ-a sɔnsɔn, n ga n nyɛɛnɛ pepere. 26#Ebr 12.13 Ń bɛ́ re koe zii mɛn lɛ, ń taasɛ n tɔn saa. Foo bɛ́ doa-n ziin mɛnɛn ganaa, kɔ bɛn lɛ. 27N nyan wo n gusin hinlaa n gɔsɛ wa. N wɔlɔ lui sii baraa ganaa.
San Bible Protestant Edition © Bible Society of Burkina Faso, 2011.