Suu 30
30
Aguuru a suusun
1Yaake a nɛgiĩ Aguuru a parsii boon. Bɛa giĩ lɛ da ǹ boon mɛnɛn da Itiyeli laanka Ukaali ni, ǹ nə́ ke:
2Ma din ni baãnaa lɛa
minbuiinin bii.
Minbuiin nɛbaa ǹ yiri
nyaabaa ma ganaa.
3Man daraa sii-doɛ̃ ganaa wa,
bɛ lɛ taman yii ni,
ma ba Lawa doɛ̃ wa.
4Die na á dii lon á wusoo á gisĩ?
Die na á piɛ̃ kũ ka a gɔn nɛ?
Die na á mɔnaa pɛnɛ mu ganaa?
Die na á n yiin doa
tán gèlè tumaa la?
Ǹ dɛnaa tɔ n die?
A nɛgiĩ tɔ n die?
N tá bɛ doɛ̃?
5Dɛnaa Lawa a boo tumaa na
á kɔnbɔ ka foo doa ma-a nɛ,
min mɛnɛn bɛ́ ǹ nə́ baa ǹ foo
doa ǹ bǎã lɛa,
a n goóro lɛa ǹ tamɛɛ.
6N nyan màn kɔn da a boo li wa,
bɛ bie wa,
á re puri n ni,
á re pii n ni mà ma n soɛ boe.
7Maa Lawa,
man màn màn paa dinsɔɔ̃
nyankoe n la,
ǹ kɔ ma la ma laan mà man giɛ̃.
8Kɔkɔrɔbaa laanka soɛ wɔlɔ
lui ma ganaa.
N nyan doobaabaa laanka pàãmabaa kɔ ma la wa.
Màn mɛn bɛ́ re toɛ ma la,
bɛ dinsɔɔ̃ kɔ ma la.
9Taãn nɛ,
bɛ̀ má pàãma baa á la yii ni,
ma á boe la man piã n nɛ ma pɛ:
«Die n ka Dɛnaa Lawa nɛ?»
Bɛ̀ má doobaa baa á la yii ni,
ma á boe la ma wurumu baa,
ma maa Lawa tɔ ziziɛ̃.
10N nyan dí-nyali tɔ baraa pɛ
a mìilandɛnaa yii-n wa.
Bɛ bie wa, á re Lawa bíi n li,
n tá re a nɔmaa we.
11Min tɛnɛn man Lawa bíi ǹ di li,
ǹ ba barka diɛ ǹ dan ganaa wa.
12«Min tɛnɛn man taasɛ mà sɔ̀n
ba ǹsɛn ganaa wa,
a da yaa ǹ gɔ̀ pii ǹ nə́ bɔ
ǹ dinin ganaa wa.
13Din gole kɔ la min tɛnɛn yii ni.
Maǹ giɛ ǹ miãn ganaa
ka yii baraa nɛ.
14Min tɛnɛn sɔn man ka gɔya
san bɛ́ lɔn.
Ǹ paǹ gɔn we n ka gɔya bɛ́ lɔn.
Maǹ kanaa lɛ a nɔmaa-wɔlen soɛ̃,
maǹ doobaan papaɛ̃ ǹ tá
ǹ boe minbuiinin bii.»
15Tìntìn a nɛlɔ n paa:
Maǹ pii: «A kɔ! A kɔ!»
Màn sɔɔ na a tan sii ba
ǹ yii kiɛ̃ duduu wa,
a siibaa ǹ wɔ tan a ba pii
ǹ kɔn pinaa "ka toa miɛ̃" wa:
16Geren piɛ nɛ,
lɔ mɛn bɛ́ a nɛ yii wa,
tán mɛn bɛ́ mu ba a-n wa.
Tɛ nɛ, a pii ǹ kɔn pinaa
"ka toa miɛ" wa.
17Min mɛn bɛ́ yaa we
ǹ di ganaa,
a na a ba ǹ dan bɔlɔ sii wa,
zankoon tá re a yii nànan fɔfoɛ̃,
zèwon nə muĩ.
18Sii sɔɔ na a tan ma ba
ǹ doɛ̃ wa,
a siibaa ǹ wɔ tan ma ba
a giala miɛ wa:
19Sia a yoo a wo lon ne,
miɛ̃ a kiɛ̃ ǹ zii gɛ̀fu la,
mu la ǹ goo á zii yìsi mu lalan.
A siibaa ǹ wɔ tan:
Bɛ n ka zii mɛn bɛ́ giĩ á koe lɛ
a wo lɔ li.
20Lɔ mɛn bɛ́ ǹ zuũ siɛ̃,
a zɛnaa ǹ sii á ke:
A n màn bii, a n lɛ turuu a pɛ:
«Ma sii kɔn zɛnaa baraa wa.»
21Sii sɔɔ n kanaa diɛ
bìn diɛ ganaa,
a siibaa ǹ wɔ tan min ba boe la
a si a ganaa wa:
22Bɛ̀rɛ a kiibaa yɛ nɛ,
yiriwɛɛnaa mɛn bɛ́ màn bii
á la yii ni.
23Lɔ sɔ̀n baraa dɛnaa a wɔ giĩ li.
Lɔ a dí nya a giulun wole nə
n bɔyaa a na a bǎã saa.
24Tɔɔ bisin tɔrɔ sii na a tan
tán la yiridɛnan lɛa:
25Bonboonən manɛ.
Ǹ pàã banban
sɛnɛ manə ǹ màn-bii goɛ
kaa-piɛ waáraa.
26Damanan manɛ.
Ǹ pàã banban
sɛnɛ manə ǹ kion doe gɛ̀fu la.
27Bisinin ni:
Ǹ kii banban,
sɛnɛ maǹ yui kuru lɛa
ǹ kɔn kun tɛmɛtɛmɛ.
28Bìãn manɛ.
Ń tá boe la nə ǹ kũ n gɔn nɛ
sɛnɛ a n we yǎa kii a kion.
29Màn yiikoonaa sɔɔ na a tan
ǹ tɔ wɔ ǹ gɔn nə́ siĩni,
a siibaa ǹ wɔ a ga ma-a
dɔ n kɔɔ̃nɛ:
30Yàra nɛ,
foo tãnaa nɛ don mànan
tumaa bii,
a baa sii màn kɔn nyɛɛ-n wa.
31Koo sa mɛn bɛ́ golee ne
a gòãn la hinlaa butumu,
kii mɛn bɛ́ tɔ we a sɔraasin
tumaa nyɛɛnɛ.
32Bɛ̀ n baãnaabaa
n nə́ n din laakalaa,
bɛ̀ n nə́ n taasɛ bɛ kio,
n nyɛnaa boo diɛ nɛ.
33Bɛ̀ n bɔ̀nyaa fu dɛ,
a n nàari biɛ.
Bɛ̀ màn nə́ n nyin dɛ,
a n mà boe.
Bɛ̀ n min foo da yoo ganaa,
bɛ n die ka zia nɛ.
Currently Selected:
Suu 30: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Suu 30
30
Aguuru a suusun
1Yaake a nɛgiĩ Aguuru a parsii boon. Bɛa giĩ lɛ da ǹ boon mɛnɛn da Itiyeli laanka Ukaali ni, ǹ nə́ ke:
2Ma din ni baãnaa lɛa
minbuiinin bii.
Minbuiin nɛbaa ǹ yiri
nyaabaa ma ganaa.
3Man daraa sii-doɛ̃ ganaa wa,
bɛ lɛ taman yii ni,
ma ba Lawa doɛ̃ wa.
4Die na á dii lon á wusoo á gisĩ?
Die na á piɛ̃ kũ ka a gɔn nɛ?
Die na á mɔnaa pɛnɛ mu ganaa?
Die na á n yiin doa
tán gèlè tumaa la?
Ǹ dɛnaa tɔ n die?
A nɛgiĩ tɔ n die?
N tá bɛ doɛ̃?
5Dɛnaa Lawa a boo tumaa na
á kɔnbɔ ka foo doa ma-a nɛ,
min mɛnɛn bɛ́ ǹ nə́ baa ǹ foo
doa ǹ bǎã lɛa,
a n goóro lɛa ǹ tamɛɛ.
6N nyan màn kɔn da a boo li wa,
bɛ bie wa,
á re puri n ni,
á re pii n ni mà ma n soɛ boe.
7Maa Lawa,
man màn màn paa dinsɔɔ̃
nyankoe n la,
ǹ kɔ ma la ma laan mà man giɛ̃.
8Kɔkɔrɔbaa laanka soɛ wɔlɔ
lui ma ganaa.
N nyan doobaabaa laanka pàãmabaa kɔ ma la wa.
Màn mɛn bɛ́ re toɛ ma la,
bɛ dinsɔɔ̃ kɔ ma la.
9Taãn nɛ,
bɛ̀ má pàãma baa á la yii ni,
ma á boe la man piã n nɛ ma pɛ:
«Die n ka Dɛnaa Lawa nɛ?»
Bɛ̀ má doobaa baa á la yii ni,
ma á boe la ma wurumu baa,
ma maa Lawa tɔ ziziɛ̃.
10N nyan dí-nyali tɔ baraa pɛ
a mìilandɛnaa yii-n wa.
Bɛ bie wa, á re Lawa bíi n li,
n tá re a nɔmaa we.
11Min tɛnɛn man Lawa bíi ǹ di li,
ǹ ba barka diɛ ǹ dan ganaa wa.
12«Min tɛnɛn man taasɛ mà sɔ̀n
ba ǹsɛn ganaa wa,
a da yaa ǹ gɔ̀ pii ǹ nə́ bɔ
ǹ dinin ganaa wa.
13Din gole kɔ la min tɛnɛn yii ni.
Maǹ giɛ ǹ miãn ganaa
ka yii baraa nɛ.
14Min tɛnɛn sɔn man ka gɔya
san bɛ́ lɔn.
Ǹ paǹ gɔn we n ka gɔya bɛ́ lɔn.
Maǹ kanaa lɛ a nɔmaa-wɔlen soɛ̃,
maǹ doobaan papaɛ̃ ǹ tá
ǹ boe minbuiinin bii.»
15Tìntìn a nɛlɔ n paa:
Maǹ pii: «A kɔ! A kɔ!»
Màn sɔɔ na a tan sii ba
ǹ yii kiɛ̃ duduu wa,
a siibaa ǹ wɔ tan a ba pii
ǹ kɔn pinaa "ka toa miɛ̃" wa:
16Geren piɛ nɛ,
lɔ mɛn bɛ́ a nɛ yii wa,
tán mɛn bɛ́ mu ba a-n wa.
Tɛ nɛ, a pii ǹ kɔn pinaa
"ka toa miɛ" wa.
17Min mɛn bɛ́ yaa we
ǹ di ganaa,
a na a ba ǹ dan bɔlɔ sii wa,
zankoon tá re a yii nànan fɔfoɛ̃,
zèwon nə muĩ.
18Sii sɔɔ na a tan ma ba
ǹ doɛ̃ wa,
a siibaa ǹ wɔ tan ma ba
a giala miɛ wa:
19Sia a yoo a wo lon ne,
miɛ̃ a kiɛ̃ ǹ zii gɛ̀fu la,
mu la ǹ goo á zii yìsi mu lalan.
A siibaa ǹ wɔ tan:
Bɛ n ka zii mɛn bɛ́ giĩ á koe lɛ
a wo lɔ li.
20Lɔ mɛn bɛ́ ǹ zuũ siɛ̃,
a zɛnaa ǹ sii á ke:
A n màn bii, a n lɛ turuu a pɛ:
«Ma sii kɔn zɛnaa baraa wa.»
21Sii sɔɔ n kanaa diɛ
bìn diɛ ganaa,
a siibaa ǹ wɔ tan min ba boe la
a si a ganaa wa:
22Bɛ̀rɛ a kiibaa yɛ nɛ,
yiriwɛɛnaa mɛn bɛ́ màn bii
á la yii ni.
23Lɔ sɔ̀n baraa dɛnaa a wɔ giĩ li.
Lɔ a dí nya a giulun wole nə
n bɔyaa a na a bǎã saa.
24Tɔɔ bisin tɔrɔ sii na a tan
tán la yiridɛnan lɛa:
25Bonboonən manɛ.
Ǹ pàã banban
sɛnɛ manə ǹ màn-bii goɛ
kaa-piɛ waáraa.
26Damanan manɛ.
Ǹ pàã banban
sɛnɛ manə ǹ kion doe gɛ̀fu la.
27Bisinin ni:
Ǹ kii banban,
sɛnɛ maǹ yui kuru lɛa
ǹ kɔn kun tɛmɛtɛmɛ.
28Bìãn manɛ.
Ń tá boe la nə ǹ kũ n gɔn nɛ
sɛnɛ a n we yǎa kii a kion.
29Màn yiikoonaa sɔɔ na a tan
ǹ tɔ wɔ ǹ gɔn nə́ siĩni,
a siibaa ǹ wɔ a ga ma-a
dɔ n kɔɔ̃nɛ:
30Yàra nɛ,
foo tãnaa nɛ don mànan
tumaa bii,
a baa sii màn kɔn nyɛɛ-n wa.
31Koo sa mɛn bɛ́ golee ne
a gòãn la hinlaa butumu,
kii mɛn bɛ́ tɔ we a sɔraasin
tumaa nyɛɛnɛ.
32Bɛ̀ n baãnaabaa
n nə́ n din laakalaa,
bɛ̀ n nə́ n taasɛ bɛ kio,
n nyɛnaa boo diɛ nɛ.
33Bɛ̀ n bɔ̀nyaa fu dɛ,
a n nàari biɛ.
Bɛ̀ màn nə́ n nyin dɛ,
a n mà boe.
Bɛ̀ n min foo da yoo ganaa,
bɛ n die ka zia nɛ.
San Bible Protestant Edition © Bible Society of Burkina Faso, 2011.