Suu 26
26
Baãnaan sii
1Nyan ba woe kun ka tɛ̀fuu n wa.
Min kɔn ba giɛ la li
kaa-piɛ waáraa wa.
A din yii goon ne,
baãnaa kɔnbɔ ka guguubaa-n wa.
2Leere bàan bɛ́ kiɛ̃ lon lɔn,
bàan bɛ́ yui tán lɔn,
liɛ mali mɛn bɛ́ mìi ba la wa,
bɛa min kuĩ wa.
3Sɛ̌n nə sùi wɔ lɛa,
lɛ ganaa ǹ biɛ n dundun wɔ lɛa,
bàlà n baãnaa wɔ lɛa.
4N nyan nə n saa
baãnaa a gaãnaabaa li n na a lɛ si wa.
Bɛ bie wa,
n dɔ n die a kɔnboe biɛ.
5Baãnaa lɛ si a kɔnpɛ
a baãnaabaa nɛ.
Bɛ bie wa,
a n taasɛ mà asɛ n sii-dɔ̃li lɛa.
6Min mɛn bɛ́ baãnaa biɛ
a dia dí-a wole lɛa,
a goon ka min mɛn nə́ ke
a din gòãn kuri.
A n giɛ sii li koe a din la.
7Baãnaa lɛ gɔ́ɔ̃ ǹ suusu puusə
ka bɔlɔka gòãn bɛ́ lɔn.
8Bɛ̀ n baãnaa kalaa,
a n goon ka ma nə n gii yii
baragii ganaa.
9Baãnaa lɛ gɔ́ɔ̃ ǹ suusu n ka
kiɛ bɛ́ lɔn yɔ a kuĩ wole gɔn.
10Min mɛn bɛ́ baãnaa
hinlaa kiɛ̃ wole siɛ dí ni,
a n ka sa-zũli bɛ́ lɔn
kiɛ zuĩ min tumaa nɛ.
11 #
Piɛ2 2.22
Gin bɛ́ wusii woe
a pisii ganaa lɔn,
baãnaa dɔ n wusii woe
a sãn ganaa miɛ̃.
12Bɛ̀ min tá n din biɛ
yiridɛnaa lɛa,
a dɔ̃ mà baãnaa á soɛ
bɛa dɛnaa nɛ.
Yoonaa a giã ǹ gɔn
13Yoonaa n pii:
«Gòon màn tá zii mìi ni!
Yàra tá zii la!»
14Kiɛnlɛ-a ǹ goo bɛ́
n bɔyɛɛ goaran la lɔn,
yoonaa nə n bɔyɛɛ a piì la miɛ̃.
15Yoonaa nə n gɔn we kunun n ni,
sɛnɛ a wo ne a lɛ-a kɛ n
nɔmaa lɛa a ganaa.
16Yoonaa n taasɛ mà asɛ a sii-doɛ̃
la yiridɛnaa sɔbaa wɔ nɛ.
Suusu kɔsɔn
17Kiɛ̃ wole mɛn bɛ́ ń lɛ we zia nɛ,
a na á kɔnbɔ ka min mɛn bɛ́ zoɛ̃ li
mà a gin kũ a toon ganaa.
18-19Min mɛn bɛ́ ǹ miãn siɛ̃,
á n wusii pii mà asɛ n sàn koe,
bɛ na á kɔnbɔ ka gaãnaa nɛ
tɛngɔnlɛ zuĩ n lɛnpɛnɛ nɛ,
ka kiɛn nɛ, ǹ mɛnɛn bɛ́ gɛ̀ dii.
20Bɛ̀ gɔn banban, tɛ n nimi.
Bɛ̀ tenten banban, zia n nyɛɛ.
21Nyɔɔ bɛ́ tɛ nàn biɛ lɔn,
gɔn bɛ́ toɛ tɛ á kuĩ lɔn,
zia-dali n tɛ zoɛ̃ zia ganaa miɛ̃.
22Tenten a boo n ka
màn-bii kɔɔ̃n bɛ́ lɔn.
Bɛ̀ n tá n too koe a ganaa
a n gisĩ yǎa n gɔ́ɔ̃ nɛ.
23Lɛ gɔ́ɔ̃ ǹ boo paparɛ
laanka gɔ́ɔ̃ tì,
bɛ n goon ka wɔrɔ gɔgɔrɛ nɛ,
ǹ nə́ kaa tàan la.
24Min mɛn bɛ́ ǹ miãn
tìĩ n boe n ne,
a nə n duri a da ǹ boon kio,
a n sii baraa taasɛ a gɔ́ɔ̃ nɛ.
25Ta á boo kɔɔ̃n da lɔn,
n nyan nə n foo doa a ganaa wa.
A giala, a gɔ́ɔ̃ piɛ̃maa-n ka
taasiɛ baraan nɛ.
26Foo-yoo duru ǹ yiri tá a lon,
sɛnɛ min tumaa á re
a baraabaa kɛ doɛ̃.
27Min mɛn bɛ́ yala foɛ̃,
a din nə die n doe a nɛ.
Min mɛn bɛ́ kɔlɔ birikəĩ,
kɔlɔ á re n birikəĩ la.
28Soɛ-bɔle bɛ́ soɛ diɛ min mɛn la,
n dɛnaa lɔɔ n boe n ne.
Min mɛn bɛ́ minin kalɛɛ,
a nə ǹ boe ǹ kiɛ.
Currently Selected:
Suu 26: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Suu 26
26
Baãnaan sii
1Nyan ba woe kun ka tɛ̀fuu n wa.
Min kɔn ba giɛ la li
kaa-piɛ waáraa wa.
A din yii goon ne,
baãnaa kɔnbɔ ka guguubaa-n wa.
2Leere bàan bɛ́ kiɛ̃ lon lɔn,
bàan bɛ́ yui tán lɔn,
liɛ mali mɛn bɛ́ mìi ba la wa,
bɛa min kuĩ wa.
3Sɛ̌n nə sùi wɔ lɛa,
lɛ ganaa ǹ biɛ n dundun wɔ lɛa,
bàlà n baãnaa wɔ lɛa.
4N nyan nə n saa
baãnaa a gaãnaabaa li n na a lɛ si wa.
Bɛ bie wa,
n dɔ n die a kɔnboe biɛ.
5Baãnaa lɛ si a kɔnpɛ
a baãnaabaa nɛ.
Bɛ bie wa,
a n taasɛ mà asɛ n sii-dɔ̃li lɛa.
6Min mɛn bɛ́ baãnaa biɛ
a dia dí-a wole lɛa,
a goon ka min mɛn nə́ ke
a din gòãn kuri.
A n giɛ sii li koe a din la.
7Baãnaa lɛ gɔ́ɔ̃ ǹ suusu puusə
ka bɔlɔka gòãn bɛ́ lɔn.
8Bɛ̀ n baãnaa kalaa,
a n goon ka ma nə n gii yii
baragii ganaa.
9Baãnaa lɛ gɔ́ɔ̃ ǹ suusu n ka
kiɛ bɛ́ lɔn yɔ a kuĩ wole gɔn.
10Min mɛn bɛ́ baãnaa
hinlaa kiɛ̃ wole siɛ dí ni,
a n ka sa-zũli bɛ́ lɔn
kiɛ zuĩ min tumaa nɛ.
11 #
Piɛ2 2.22
Gin bɛ́ wusii woe
a pisii ganaa lɔn,
baãnaa dɔ n wusii woe
a sãn ganaa miɛ̃.
12Bɛ̀ min tá n din biɛ
yiridɛnaa lɛa,
a dɔ̃ mà baãnaa á soɛ
bɛa dɛnaa nɛ.
Yoonaa a giã ǹ gɔn
13Yoonaa n pii:
«Gòon màn tá zii mìi ni!
Yàra tá zii la!»
14Kiɛnlɛ-a ǹ goo bɛ́
n bɔyɛɛ goaran la lɔn,
yoonaa nə n bɔyɛɛ a piì la miɛ̃.
15Yoonaa nə n gɔn we kunun n ni,
sɛnɛ a wo ne a lɛ-a kɛ n
nɔmaa lɛa a ganaa.
16Yoonaa n taasɛ mà asɛ a sii-doɛ̃
la yiridɛnaa sɔbaa wɔ nɛ.
Suusu kɔsɔn
17Kiɛ̃ wole mɛn bɛ́ ń lɛ we zia nɛ,
a na á kɔnbɔ ka min mɛn bɛ́ zoɛ̃ li
mà a gin kũ a toon ganaa.
18-19Min mɛn bɛ́ ǹ miãn siɛ̃,
á n wusii pii mà asɛ n sàn koe,
bɛ na á kɔnbɔ ka gaãnaa nɛ
tɛngɔnlɛ zuĩ n lɛnpɛnɛ nɛ,
ka kiɛn nɛ, ǹ mɛnɛn bɛ́ gɛ̀ dii.
20Bɛ̀ gɔn banban, tɛ n nimi.
Bɛ̀ tenten banban, zia n nyɛɛ.
21Nyɔɔ bɛ́ tɛ nàn biɛ lɔn,
gɔn bɛ́ toɛ tɛ á kuĩ lɔn,
zia-dali n tɛ zoɛ̃ zia ganaa miɛ̃.
22Tenten a boo n ka
màn-bii kɔɔ̃n bɛ́ lɔn.
Bɛ̀ n tá n too koe a ganaa
a n gisĩ yǎa n gɔ́ɔ̃ nɛ.
23Lɛ gɔ́ɔ̃ ǹ boo paparɛ
laanka gɔ́ɔ̃ tì,
bɛ n goon ka wɔrɔ gɔgɔrɛ nɛ,
ǹ nə́ kaa tàan la.
24Min mɛn bɛ́ ǹ miãn
tìĩ n boe n ne,
a nə n duri a da ǹ boon kio,
a n sii baraa taasɛ a gɔ́ɔ̃ nɛ.
25Ta á boo kɔɔ̃n da lɔn,
n nyan nə n foo doa a ganaa wa.
A giala, a gɔ́ɔ̃ piɛ̃maa-n ka
taasiɛ baraan nɛ.
26Foo-yoo duru ǹ yiri tá a lon,
sɛnɛ min tumaa á re
a baraabaa kɛ doɛ̃.
27Min mɛn bɛ́ yala foɛ̃,
a din nə die n doe a nɛ.
Min mɛn bɛ́ kɔlɔ birikəĩ,
kɔlɔ á re n birikəĩ la.
28Soɛ-bɔle bɛ́ soɛ diɛ min mɛn la,
n dɛnaa lɔɔ n boe n ne.
Min mɛn bɛ́ minin kalɛɛ,
a nə ǹ boe ǹ kiɛ.
San Bible Protestant Edition © Bible Society of Burkina Faso, 2011.