Suu 20
20
1Duvɛ̃ nə min diɛ
ǹ miãn yii puusə kɔ ganaa.
Yɔ kaka n min diɛ sɛ̀ pɛ ganaa.
Min mɛn bɛ́ mii á la a yii ni,
bɛa sii-dɔ̃li biɛ wa.
2Bɛ̀ kii foo yoo,
a n ka yàra bɛ́ lɔn wɔɔsiɛ̃.
Bɛ̀ min mɛn màn da bɛa
foo-yoo kɛ li,
a nə n din nyin boe.
3Min mɛn bɛ́ n piɛ̃ ka zia nɛ,
a din tɔ bɔ ǹ sii ni.
Sɛnɛ, baãnaan sɛn foo n yui.
4Yoonaa a buu kɔsɛ
a biikoo li wa.
Bɛ̀ kaa-piɛ dɔ,
a bɛ́ giɛ màn mɛn li a bɛ yii wa.
5Muinbuiin nɛ a taasiɛn man
ka tán giulun mu bɛ́ lɔn durii ni.
Yiridɛnaa nə ǹ wɔlɔ yii.
6Min gigiã n pii
mà ǹsɛn man yiridɛnan lɛa,
sɛnɛ, die n boe la
a min bɔlɔgoondɛnaa yɛ a nyaa.
7Min mɛnɛn bɛ́ sii bǐɛ̃ zɛnɛɛ,
ǹ yiikoonaabaa n pepere.
Nɛnyaanan mɛnɛn bɛ́ ǹ kio,
bɛn foo á re kɔɔ̃n koe.
8Bɛ̀ kii giã tán kiri wɔ ǹ bǎã nɛ,
a n sii sonbore laanka
sii baraa tumaa bɔkɔnlɛ doɛ̃.
9Die n boe la a pɛ:
«Má n gɔ́ɔ̃ baa fu.
Maa sii baraan nə́ n pii
ǹ nə́ n bɔ ma ganaa.»
10Koɛɛ̃n wɔ ka màn zɔɔ̃ ǹ mànan nɛ n Dɛnaa Lawa soɛ̃ lɛa.
11Haalɛ nɛ ten,
a zɛnaa ǹ siin man
a sonborebaa laanka
a peperebaa nyɛɛ.
12Toon man boo miɛ,
yiin man wɔlɔ yii,
Dɛnaa Lawa na á ǹ zɛnaa.
13Bɛ̀ n nyuù narɛ,
n tá re doobaa biɛ.
N yii toa koo,
n tá re màn bii n kã.
14Màn-piili n pii:
«A giɔ̀mɔ á kaka á la yii ni!»
Sɛnɛ, bɛ̀ á n moɛ̃,
a foo n kɔɔ̃nɛ
ka màn kɛ lɛ nɛ á pii.
15Sana wɛɛ bie wa,
gii giɔ̀mɔ kakaa dɔ á mɔnaa nɛ.
Sɛnɛ, doroo ǹ boo
sonbore bɛ́ soe lɛ mɛn nɛ,
bɛ giɔ̀mɔ á kaka á la ǹ tumaa nɛ.
16N bɛ́ n ba min mɛn doɛ̃ wa,
bɛ̀ min kɔsɔ daa n mìi paraa
n ganaa,
mà n wɔrɔ dɔnbii la,
a dɔnkɛ si n koa n li siére lɛa.
Bɛa siérebaa ǹ màn kɛ lɛ koa taãnɛ,
a giala
mà bɛa min kɛ lɛ na á n mìi paraa n ganaa
min kɔsɔ a lɛa,
n nə́ n ba ǹ dɛnaa doɛ̃ wa.
17Màn-bii koã n kɔɔ̃n lɛ-n,
bɛ̀ n tá a koã giala koe.
Sɛnɛ, bɛ̀ n lɛ daa á pã,
a n ka kɔlɔ bɛ́ lɔn.
18Bɛ̀ n tá sii lɛ boe,
nɔ̀n da doroo li.
N yɔrɔ bɔ n tɔn wo zia la.
19Min mɛn bɛ́ n miãn tɔ
baraa pii bǎã tumaa nɛ,
a nə ǹ boo duriin dɔn pii.
N parabaa ka boo da
a la yii-n wole ne.
20Bɛ̀ min liɛ baraa wɔ
ǹ di laanka ǹ dan nɛ,
a yiikoonaabaa n die nimi
ka bolon bɛ́ lɔn tèlò-n.
21Naforo mɛn bɛ́ yii fufuu
a giala kɔ waáraa,
bɛa laadoo bǐɛ̃ koe biɛ̃ wa.
22N nyan pɛ:
«Man die baraa sarɛɛ
ka baraa nɛ.»
Sɛnɛ, n foo doa
Dɛnaa Lawa ganaa,
á re n kirisibiɛ.
23Màn zɔɔ̃ yɔrɔ paa la
a kɔɔ̃n Dɛnaa Lawa ganaa wa.
Koɛɛ̃n wɔ ka kilo ne á siĩn wa.
24Minbuiin nyin nə
Dɛnaa Lawa gɔn.
A n siɛ lɔn a na a woo ǹ bǎã dɔ̃.
25Min mɛn bɛ́ pii ka baãnaabaa nɛ
mà «Dɛnaa Lawa wɔ n ka kɛ nɛ»,
a n lɛ kɔ we a ná a ba n taasɛ wa,
a n kan koe a din ni.
26Kii sii-dɔ̃li n sii baraa-zɛnaalin
lui ǹ wo sɔsɔɔ,
a tɔn dɔlɔ bɔ ǹ ganaa.
27Minbuiin nɛ yiri kɛ n ká
bolon bɛ́ lɔn Dɛnaa Lawa kɔ la,
a n wɔlɔ fúli yǎa a gɔ́ɔ̃ nɛ.
28Sonborebaa laanka
bɔlɔgoondɛnaabaa n kii tamɛɛ.
Sonborebaa na a kiibaa
gòã we tán.
29Pàã n nɛ tenən nyaǹ màn lɛa.
Mìi ka fulii n min zizin tɔ boe
30Busulɛ n min baraa a dagòã lɛa.
Mandɛ dɔ n boe la
a min gɔ́ɔ̃ *yoreen kɔ.
Currently Selected:
Suu 20: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Suu 20
20
1Duvɛ̃ nə min diɛ
ǹ miãn yii puusə kɔ ganaa.
Yɔ kaka n min diɛ sɛ̀ pɛ ganaa.
Min mɛn bɛ́ mii á la a yii ni,
bɛa sii-dɔ̃li biɛ wa.
2Bɛ̀ kii foo yoo,
a n ka yàra bɛ́ lɔn wɔɔsiɛ̃.
Bɛ̀ min mɛn màn da bɛa
foo-yoo kɛ li,
a nə n din nyin boe.
3Min mɛn bɛ́ n piɛ̃ ka zia nɛ,
a din tɔ bɔ ǹ sii ni.
Sɛnɛ, baãnaan sɛn foo n yui.
4Yoonaa a buu kɔsɛ
a biikoo li wa.
Bɛ̀ kaa-piɛ dɔ,
a bɛ́ giɛ màn mɛn li a bɛ yii wa.
5Muinbuiin nɛ a taasiɛn man
ka tán giulun mu bɛ́ lɔn durii ni.
Yiridɛnaa nə ǹ wɔlɔ yii.
6Min gigiã n pii
mà ǹsɛn man yiridɛnan lɛa,
sɛnɛ, die n boe la
a min bɔlɔgoondɛnaa yɛ a nyaa.
7Min mɛnɛn bɛ́ sii bǐɛ̃ zɛnɛɛ,
ǹ yiikoonaabaa n pepere.
Nɛnyaanan mɛnɛn bɛ́ ǹ kio,
bɛn foo á re kɔɔ̃n koe.
8Bɛ̀ kii giã tán kiri wɔ ǹ bǎã nɛ,
a n sii sonbore laanka
sii baraa tumaa bɔkɔnlɛ doɛ̃.
9Die n boe la a pɛ:
«Má n gɔ́ɔ̃ baa fu.
Maa sii baraan nə́ n pii
ǹ nə́ n bɔ ma ganaa.»
10Koɛɛ̃n wɔ ka màn zɔɔ̃ ǹ mànan nɛ n Dɛnaa Lawa soɛ̃ lɛa.
11Haalɛ nɛ ten,
a zɛnaa ǹ siin man
a sonborebaa laanka
a peperebaa nyɛɛ.
12Toon man boo miɛ,
yiin man wɔlɔ yii,
Dɛnaa Lawa na á ǹ zɛnaa.
13Bɛ̀ n nyuù narɛ,
n tá re doobaa biɛ.
N yii toa koo,
n tá re màn bii n kã.
14Màn-piili n pii:
«A giɔ̀mɔ á kaka á la yii ni!»
Sɛnɛ, bɛ̀ á n moɛ̃,
a foo n kɔɔ̃nɛ
ka màn kɛ lɛ nɛ á pii.
15Sana wɛɛ bie wa,
gii giɔ̀mɔ kakaa dɔ á mɔnaa nɛ.
Sɛnɛ, doroo ǹ boo
sonbore bɛ́ soe lɛ mɛn nɛ,
bɛ giɔ̀mɔ á kaka á la ǹ tumaa nɛ.
16N bɛ́ n ba min mɛn doɛ̃ wa,
bɛ̀ min kɔsɔ daa n mìi paraa
n ganaa,
mà n wɔrɔ dɔnbii la,
a dɔnkɛ si n koa n li siére lɛa.
Bɛa siérebaa ǹ màn kɛ lɛ koa taãnɛ,
a giala
mà bɛa min kɛ lɛ na á n mìi paraa n ganaa
min kɔsɔ a lɛa,
n nə́ n ba ǹ dɛnaa doɛ̃ wa.
17Màn-bii koã n kɔɔ̃n lɛ-n,
bɛ̀ n tá a koã giala koe.
Sɛnɛ, bɛ̀ n lɛ daa á pã,
a n ka kɔlɔ bɛ́ lɔn.
18Bɛ̀ n tá sii lɛ boe,
nɔ̀n da doroo li.
N yɔrɔ bɔ n tɔn wo zia la.
19Min mɛn bɛ́ n miãn tɔ
baraa pii bǎã tumaa nɛ,
a nə ǹ boo duriin dɔn pii.
N parabaa ka boo da
a la yii-n wole ne.
20Bɛ̀ min liɛ baraa wɔ
ǹ di laanka ǹ dan nɛ,
a yiikoonaabaa n die nimi
ka bolon bɛ́ lɔn tèlò-n.
21Naforo mɛn bɛ́ yii fufuu
a giala kɔ waáraa,
bɛa laadoo bǐɛ̃ koe biɛ̃ wa.
22N nyan pɛ:
«Man die baraa sarɛɛ
ka baraa nɛ.»
Sɛnɛ, n foo doa
Dɛnaa Lawa ganaa,
á re n kirisibiɛ.
23Màn zɔɔ̃ yɔrɔ paa la
a kɔɔ̃n Dɛnaa Lawa ganaa wa.
Koɛɛ̃n wɔ ka kilo ne á siĩn wa.
24Minbuiin nyin nə
Dɛnaa Lawa gɔn.
A n siɛ lɔn a na a woo ǹ bǎã dɔ̃.
25Min mɛn bɛ́ pii ka baãnaabaa nɛ
mà «Dɛnaa Lawa wɔ n ka kɛ nɛ»,
a n lɛ kɔ we a ná a ba n taasɛ wa,
a n kan koe a din ni.
26Kii sii-dɔ̃li n sii baraa-zɛnaalin
lui ǹ wo sɔsɔɔ,
a tɔn dɔlɔ bɔ ǹ ganaa.
27Minbuiin nɛ yiri kɛ n ká
bolon bɛ́ lɔn Dɛnaa Lawa kɔ la,
a n wɔlɔ fúli yǎa a gɔ́ɔ̃ nɛ.
28Sonborebaa laanka
bɔlɔgoondɛnaabaa n kii tamɛɛ.
Sonborebaa na a kiibaa
gòã we tán.
29Pàã n nɛ tenən nyaǹ màn lɛa.
Mìi ka fulii n min zizin tɔ boe
30Busulɛ n min baraa a dagòã lɛa.
Mandɛ dɔ n boe la
a min gɔ́ɔ̃ *yoreen kɔ.
San Bible Protestant Edition © Bible Society of Burkina Faso, 2011.